قصيده ثگيله الزينب والعباس عليهم السلام




ضاك الخلك يابو الفضل
                       يمك وجيت اتعنه
ماضن دريت بحالنه
                      ماواصلك شي منه


ماجاك عـــني اي خبر
من نايم انت عله نهر


يابو الفضل ياخويــــــــــــــه     2
━━━━━━━━━━━━━━━
ماواصلك عنه خبر جيت ودور الحومه
خربانه خويه لو بعدهي باقيات رسومه
تعنيتلك يابو الفضل زينب اجت مهمومه
اشكي الحوال الحظرتك يخوي ياجيدومه

بحوالي ماتدري شصار
شبو علينه هـــــــــل نار


       يابو الفضل ياخويـــــــــــــه. 2
━━━━━━━━━━━━━━━
شبو علينه النار اجو لمن طحت ياالوالي
فرن بناتي ياكفيل وشدن علي بذيالــــي
صاحن يعمه تلاحكي نار الجوتها طفالي
مشدوه بالي من بقه عاين تفرهد حالـي

ياخويه حيره حتاريت
بطفالي وحدي ضليــت

     يابو الفضل ياخويــــــــــــــه. 2
━━━━━━━━━━━━━━━
شحالي بقيت بهل وضع لمن علي صار اليل
لابيت يجمعنه ونضل عباس صحت انه دخيل
وين اليحشمكم هلي زينب بقت ماكو كفيل
يكفل اطفالي وهل حرم متروعه ودمها يسيل


دمها جره بركض الخيل
تتعثر ودمها يســـــــــيل


    يابو الفضل ياخويـــــــــــــه. 2
━━━━━━━━━━━━━━━
ادري بكلامي زيـدت همك والهم شــكبره
اعذرني يابعد النفس ماعدني غيرك جبره
اجبر الحال بشوفتك وبل صار بينه نخبره
يم النهر طايح كمر مكسور اخيي ضـــهره


ادري نكسر ضهرك حــيل
وحسين ضل وحده يميل

   يابو الفضل ياخويــــــــــــــه
━━━━━━━━━━━━━━━
ضل وحده يميل الاخو ماواحد يكوم وياا
وانت ياخويــــه اعله نهر والاكبر ابنه ينعاا
شفته وجيته منحني ضهره نكسر ياويلااا
مهدوم حيله ابو علي منهو اليجي ويتعناا


وحزام رادك للشــــــــــدد
اكعد وافيله الوعـــــــــــد


    يابو الفضل ياخويــــــــــــــه. 2
━━━━━━━━━━━━━━━

اڵـــشــاعـــره آلــــّ؏ــلّويِـــــه🔴
ام رقـيــه المـوسـويــه ال قطب

دعم مؤسسة منبريون الحسينية
#افضل قناة للنعي
https://www.tg-me.com/+P0VV4bLqtzuKdcQS
#للاشتراك بالدعم @ahmed_alziwar0

تحضيرات محرم 1446
لعمل هندسة صوتية عن طريق بصمة الواتساب
او التلجرام وانت كاعد بالبيت
تواصل معنى
@ahmed_alziwar0
واتساب
07732320742

تحضيرات محرم 1446
لعمل هندسة صوتية عن طريق بصمة الواتساب
او التلجرام وانت كاعد بالبيت
تواصل معنى
@ahmed_alziwar0
واتساب
07732320742

قصيدة للعباس

مامصدكه أنته ميت وأنه اجيك
ياكفيلي كربله شمسويه بيك
مو شهر خير بمحرم
ماسلم حته المخيم
ـــــــــــــــــــــــــــ
نومت الميت طويله ياكلب لاتنتضر
غمض عيونه كمرنه وبين اعليه الكسر
شوغة الخوان تكتل ماخذه نص العمر
مات أبو فاضل يزينب ونار كلبج تستعر
بعيني دمعه كون ابجيهه عليك
مامصدكه أنته ميت وأنه اجيك
ـــــــــــــــــــــــــــ
بعيني دمعه وكون اذبهه كبال ابن حامي الحمه
إنه أنطره يردني بيده مو عليه محزمه
كافي تعبتوها زينب من الزغر متئلمه
كوم صبرهه خطيه هاي وردة فاطمه
كوم ليهه احضنهه يلكافل بديك
مامصدكه أنته ميت وأنه اجيك
ـــــــــــــــــــــــــــ
مامصدكه عيوني خويه وكلت لا هذا حلم
هذا المدلل خواته وفارك خشوم الزلم
شلون يتركني وحيده وحيلي كلش منهدم
وأنه جاباني بكفاله وحلف يمي بلعلم
وين صارت رايتك وجفوف اديك
مامصدكه أنته ميت وأنه اجيك
ـــــــــــــــــــــــــــ
كربله شمسويه بيكم ياكفيلي احجي بعد
شنهو المطفيهه عينك وشنهو المطيح الزند
أنته مو كتلي بكفاله وين ياراعي الوعد
ترضه بأجر خويه وحدي للمدينه من ارد
وانته المعلمني يلكافل عليك
مامصدكه أنته ميت وأنه اجيك
ـــــــــــــــــــــــــــ
خويه هضمت كلبي هايه أنته ميت وأنه اضل
والتموت كلبي كلش نومت عيون الكفل
أنته متوسد الترابه والكطع راسك عدل
انوب ماكفاه راسك يفتر اعلينه النذل
حرك خيمه صيح وزامطني بيك
مامصدكه أنته ميت وأنه اجيك
ـــــــــــــــــــــــــــ
تمت

وللابداع قلم يبدع في حب الحسين ع
انه المبدع الشاعر ستار عذاب
لاتفوت فرصة الاشتراك في قناته
https://www.tg-me.com/AsTA7891DsattarHAGAMY

ياحيدر شسولفلك( السيده زينب ع )
————————————————
ياحيدر شسولفلك بينه شصار ياحيدر
مسيه وهم جريب اغروب صارت ركضت العسكر
**********
يوم العاشر ابعاشور..اسولف حيرت اعيالي
برماد الخيم والـنـار..گامت تركض اطفالي
وانه الوحدي ادير العين..ضرب السوط يبرالي
اشگف عن يتامه حسين..ما ظل حيل ما اگدر

ياحيدر شسولفلك بينه شصار ياحيدر
مسيه وهم جريب اغروب وصارت ركضت العسكر
**********
صيواني احترك والخيل..تفتر يالولي اعلينه
لا زلمه الفزع والجيش..سهام ونار والينه
يابـويه شكثر ناديت..بس نسوان ضلينه
وميدان الزلم صوبين..داير عالخيم يفتر

ياحيدر شسولفلك بينه شصار ياحيدر
مسيه وهم جريب اغروب وصارت ركضت العسكر
**********
اطفيها وتشب اردود..نار اخيامنه الكبره
چم خوفة طفل مرعوب..چم سوط بمتن حره
وحفاي اليتامه هناك..والدنيا الغدت حمره
من حر العطـش والظيم..زينب گلبي التفطر

ياحيدر شسولفلك بينه شصار ياحيدر
مسيه وهم جريب اغروب وصارت ركضت العسكر
**********
ألمها من البراري ايتام..يبويه الوحدي متعوبه
فرت من صهيل الخيل..والـنــيـران مرعوبه
هذا العالعقيله ايصير..وهالشوغات مكتوبه
اخوتي موسدين الگاع..وهذا يشيب المنظر

ياحيدر شسولفلك بينه شصار ياحيدر
مسيه وهم جريب اغروب وصارت ركضت العسكر
**********
يمضي اعله الجتاف السوط..بين اصفوف مشونه
گوه من التعب اليطيح..بويه اتزورگ أمتونه
هناك أچم يتيم هناك..صوبك داير اعيونه
بخدوده الدمع نهران..يمشي وجدمه يتعثر

ياحيدر شسولفلك بينه شصار ياحيدر
مسيه وهم جريب اغروب وصارت 🅰🅳🅴🅻

الحومه من طب عباس ميدانها
تحيرت وين تروح فرسانها
@@@@@@@@@
ضاكت الأرض الوسيعه بيوم حماي الشريعه
شال رايه حيدره

صاح رغما عل اليالي ما ارد والجود خالي
وانا سبع الكنطره

لزينب انطي اثنين اديه سامع امن امي وصيه
ولا تضل محيره

تشهد ارض الغاضريه راح اسوي لآل اميه
مكبره بصف مكبره

وتنترس منهم كون ودينها

الحومه من طب عباس ميدانها
تحيرت وين تروح فرسانها
@@@@@@@@
شلون واسمع عمت ابني تكول جرني وهذا سبني
وحال ما تتوقعه

وزلم مليانه المغاره وغاره اشوف تجيم غاره
والسيوف اموزعه

وينتشر بطف خبرها زيـــنــــب بعازه كمرها
وبحزنها مكبعه

وباجر امي شراح أكلها وبت علي طايح حملها
امي ام الاربعه

الا اكص ال زياد ضرعانها

الحومه من طب عباس ميدانها
اتحيرت وين تروح فرسانها
@@@@@@@@@@@
راح اكص الماي راسه واكطع هروشه امن أساسه
وافكس عيون النهر

واترس بدم السرايا العلكمي ومن الضحايا
تنتمي لسابع ضهر

وارد اكض الطف واشيله واقره عد راسه العديله
هوه وشبيه من بشر

محد اليكرب خدرها ولا عطش يوم اليمرها
لختي خل يوصل خبر

ضاكت الدنيا بعين عدوانها

الحومه من طب عباس ميدانها
تحيرت وين تروح فرسانها
@@@@@@@@@
يرجف يضل من خياله السامع بهاي الرساله
لخته كاتبها الكمر

كاتب اختي اول سوالي هذا اليدور بخيالي
اشلون بت فارس مضر

كون مره الشده بيها وكون عايل مر عليها
وكون خاطرها انكسر

يعني ما معنى كلامه راح اسوي الطف قيامه
وجنه موجوده وسقر

والسراط اخت حسين صيوانها

الحومه من طب عباس ميدانها
تحيرت وين تروح فرسانها
@@@@@@@@@@@
خادم اهل البيت (عبد الحسين كاطع الفريجي )

كوم ياعباس يانعم الكفيل
هاي زينب ياولي ودنيه ليل
****
كوم ياكمرة عصر ضويلها
ام عون هاي اتعثر ليش ابليلها
كوم لختك يالولي وتجيلها
حيل مابيهه بعد بالمستحيل
****
موش حيدر خله ايدك بيدها
وكال زينب هاي امانه يريدها
وانته كافلها صرت واوحيدها
هاي امنة الله ياحامي الدخيل
****
هاي زينب ياكمر ماعدها اخو
يمشي كام اوياهه بس ذاك العدو
ليش يحديها الغريب المو كفو
والدرب هذه الماشيته طويل
****
يلا كوم وشده حيلك يالعضيد
انت عباس الكوي التلوي الحديد
كوم لختك حاجهه منك تريد
هاي ساعات الترد بيها الجميل
****
لا تخلي ام عون محتاره ابمجان
تدري هاي الدنيه مابيها امان
عليها ماتقبل وحيده ابهل زمان
الهوه لو مرها تزعل انت حيل
****
دكله ياعباس انام انت ابرغد
اختك انه وابت علي مربي الاسد
لا يظل بالك عليه وبالوعد
الله هوه الحارس اوهوه الدخيل
****رضا محمد الركابي

عليك الله يجمال ريض وارحم الحال

دهري ما رحمني اخذني وياك اخذني

عليك الله يجمال
@@@@@@@@@

اصدصوب المحامل راحت عيوني
يربي شلون لوباجر يخلوني
يريت الموت اليه ولا يودعوني
اشو ولا اضل بوحشه ضنوني

اهيدن واصبر شلون لون اهلي يرحلون

مصايبهم عمني اخذني وياك اخذني

عليك الله يجمال

@@@@@@@@@@@@@@

عليك الله انتضر يلماخذ احبابي
مو هين بعدهم يكلف مصابي
كلف مسرى الضعون ويلجم اصوابي
الك مدري بزماني ابدي بعتابي

شيخمد نار الفراك من دمعي الخلك ضاك

بجى الطير اعلى وني اخذني وياك اخذني

عليك الله يجمال
@@@@@@@@@@@@@

اون وادري بعد ماتنفع الونه
انكطع حبل الوصل وي الاهل جنه
حدى حادي الرجايب وايست منه
حلم ذاك الوكت يرجع واشوفنه

يعود الماضي هيهات بعد ذاك الزمن فات

اموت بهذا حزني اخذني وياك اخذني

عليك الله يجمال
@@@@@@@@@@@@@@@

الشاعر جبار لعيبي المجراوي

ياگلبي هـيـم الوحـدك ضعن التحبه بالغرب
الذبحو حبيبه بكربله خل يعطش أحساس وگلب
اليتغرب يحس بالجرح ودم الدمع عينه تصب
ياگلبي أجزع ونكسر طايح حبيبك عالترب

للضامي...ياگلب حيل أجزع
ولخيامه.. أحترگ وتلوع
بالحسره..خلي روحك تطلع

آثـار الـحـب دمعك لا تـسـتـراح
حسينك حالو بينه وبين الرواح
حرگوهن خيماته وضاع الدلال
وضعن أخته المهيوبه للغربه راح


بس الغيور الينهظم ضيم السبي ماينحمل
مو حرمه عاديه ترى أخت الگمر فوگ الهزل
ياگلبي شمتاني بعد ألمن بعد باقي عدل
طلعت ألما شايفها أحد ومچتوفه أديها بالحبل

المكفوله.. الشام راح أتطبه
والحيره.. صعبه كلش صعبه
ياوسفه.. الضعن بيد الغربه

المكفوله شافوها وصار ألي صار
وللما يعرف أصله صار القرار
أهجر ناسك كلها وعيش المصاب
حسينك سلبو ثوبه عوف الوقار


العنده ضعن مسبي وخيم محترگه ميدور هنه
مو بس شهر عنده الحزن أينوح ويون طول السنه
أطهر جسد فوگ الترب وصار بحصيره مدفنه
وبات بخرابه أشرف ضعن اليفهمها يهجر مسكنه

والهظمه.. أميرات وخدر
ياويلي.. طلعوهن بالبر
حاديهن.. بالمدن ظل يفتر

حيهم يهل الغيره الدمهم يفور
أصعب چلمه برزن من الخدور
ضربوهن شتموهن شبعوهن ويل
علويات وطبن سوگ وقصور


ياگلبي لاتحچي بعد كل هذا ماميت آسف
وأنته سلوتك بس دمع شسوي اذا دمعك نشف
ماتلچم ألما بي جرح چلمه نحر ضامي ونزف
وماتجرح الگلبه حجر وكل الحچي هذا انكشف

ياگلبي.. بلوعتك ماميت
أتغرب.. والدمع خل أيكت
بجروحك.. هيم وحدك وسكت

ياجرحي أنزف غيره تبرد حرام
هاي أيام الغربه وصعبه ننام
للشام أطب زينب ياگلبي نوح
ياجرحي كون اتفز من طاري شام


ياجرحي وأيام السبي كون أسبي روحي بلا عذر
ماتكفي بس دمعه ولطم وأم الخدر تمشي بيسر
شلون الأميره يازمن  مچتوفه وتطب عالقصر
شافوها أسيره مادرو ،،،، لبوة علي ماتنكسر

معقوله.. وهاي مو بحلامهم
والهظمه.. زينب أتطب شامهم
ياويلي.. عيد هاي أيامهم

أصعب من هل كلمه بعد أشتريد
خدر الله ومچتوفه بمجلس يزيد
وين التطلع روحه الهذا الكلام
وين اليخمش خده والما 🅴🅻🅴🅶🆁🅰🅼.🅼🅴/🅼_🅰🅻🅰🆈🅳🆈

📜قصيدة : قلي يالميمون وين والينه
✒️للشاعر : شيخ كاظم منظور الكربلائي

گلي يالميمون .. وين والينه
راح أبو السجاد لو يرد لينه
🍂🍂🍂🍂🍂
آنه يالميمون بيدي جدمتك
وانخمش قلبي
من رحت بحسين بالله ودعتك
والباري حسبي
وبقت روحي تلوج وانتظر جيتك
وعيوني ترمي
جيتني خالي حسين چا وينه
راح من إدينه
🍂🍂🍂🍂🍂
بالله يالميمون رد عليّ جواب
وخفي ونيني
سرجك المقلوب صاب گلبي صواب
واثقل حنيني
هذا دم حسين لو حمر خضاب
ما تدليني
همهم الميمون وهملت عينه
راح من إدينه
🍂🍂🍂🍂🍂
دم يا هالميمون وجهك خضابه
والقلب عطب
من وريد حسين لومني صوابه
وجهك تخضب
قلها سهم البين بالقلب صابه
شمالج يزينب
دم أخوج حسين ما تعرفينه
راح من إدينه
🍂🍂🍂🍂🍂
ليش يالميمون مندهش حالك
مجبل عليه
تجر بلجامك تصهل شمالك
ونتك خفيه
جيتني خالي وين خيالك
عفته رميه
وين أخوي حسين عن صواوينه
راح من إدينه
🍂🍂🍂🍂🍂
بالله يالميمون لهفتي ردها
وهود عويلي
قلوب هالأيتام لا تمردها
هدمت حيلي
هاي سكنه تريد مني والدها
وفجعت دليلي
چن أخويه حسين يتم سكينه
راح من إدينه
🍂🍂🍂🍂🍂
ليش يالميمون سيـّـبت حالي
وهدمت داري
وقطعت بينا بطيحة الوالي
آه ينكساري
واقطعت قلبي بسرجك الخالي
وهيجت ناري
حرم ظلينه ومن يحامينه
راح من 🆃🅴🅻🅴🅶🆁🅰🅼.🅼🅴/🅼_🅰🅻🅰🆈🅳🆈