🧕 КЕЛИН ЭРИНИНГ АКА-УКАЛАРИДАН ТЎСИНАДИМИ
#аврат

❓CАВОЛ: Ассалому алайкум! Мени 2 нафар қайним бор. Улар уйланишган ва бирга яшаймиз. Аввалдан савол жавобларни ўқиб келаман. Улар ичида қайнларни олдида рўмолни орқадан ўраш мумкин эмаслиги айтилганди. Биз овсинларим ҳам базида бошаланг ҳам юрамизку. Наҳотки гуноҳкор бўпқолдикми? Уйда ҳам рўмолни олдидан ўраб кўкракни ёпиб юриш шартми? Узур сўрайман лекин кўп китоб ўқиган бўсамам бунақа жойга аҳамият бермапман ёки учратмаганман.


💬 ЖАВОБ: Ва алайкум ассалом! Беркитишингиз шарт.

عَنْ عُقْبَةَ بْنِ عَامِرٍ رَضِي اللهُ عَنْهُ، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: إِيَّاكُمْ وَالدُّخُولَ عَلَى النِّسَاءِ. فَقَالَ رَجُلٌ: يَا رَسُولَ اللهِ، أَفَرَأَيْتَ الْحَمْوَ؟ قَالَ: الْحَمْوُ الْمَوْتُ. رَوَاهُ الشَّيْخَانِ وَالتِّرْمِذِيُّ

Уқба ибн Омир розияллоҳу анҳудан ривоят қилинади:
📗 «Набий соллаллоҳу алайҳи васаллам:
«Аёлларнинг олдига киришдан эҳтиёт бўлинг!» дедилар.
Шунда бир одам:
«Эй Аллоҳнинг Расули, эрнинг қариндошига нима дейсиз?» деди.
«Эрнинг қариндоши ўлимдир!» дедилар у зот».
✍️ Икки шайх ва Термизий ривоят қилганлар.

📜 Шарҳ: Бу ҳадиси шарифда Пайғамбаримиз соллаллоҳу алайҳи васаллам номаҳрам эркакларни аёллар олдига киришдан ман қилмоқдалар. Чунки бу жуда ҳам хатарли ишдир. Ҳеч ким йўқ жойда бир аёл билан бир эркакнинг холи қолишига олиб келади.
Бу эса ўз навбатида ношаръий, ҳаром ишга, ҳеч бўлмаганда шубҳага, ёмон фикр туғилишига сабаб бўлади. Фараз қилайлик, бир аёл ўз уйида ёлғиз ўтирибди. Эшикдан бир номаҳрам эркак чақириб келди. Ичкарига кирди. Уйда мазкур аёлдан бошқа ҳеч ким йўқлигини билди. Шу пайт иккисини ҳам шайтон васваса қилиши, зинога бошлаши ҳеч гап эмас. Бундай ҳолатлар тез-тез бўлиб туришини ҳамма яхши билади. Зинонинг кўпчилик ҳолатлари айни бегона эркак ва аёлнинг бир жойда холи қолишларидан бошланиши ҳеч кимга сир эмас.

Баъзи бирлар даъво қилганларидек, холи қолган эркак ва аёл очиқ кўнгиллик билан, «дўстона» гаплашиб ўтиришди ҳам дейлик. Нимани гаплашишади? Шу пайт хотиннинг эри ёхуд эркакнинг хотини келиб қолса, улар дўстона гаплашиб ўтиришибди, деб ўйлайдими? Умуман, бошқа бир одам, қўни-қўшни кўриб қолса-чи?

Баъзи бир кишилар «Уйга эрнинг қариндошлари келиб-кетиб туришади. Зарурат юзасидан ҳеч ким йўғида хотиннинг олдига кирса нима бўлди?» дейишади.
Саҳобаи киромлар ҳам худди шу саволни Пайғамбар соллаллоҳу алайҳи васалламдан сўрашган экан. У зот бу иш ўлим билан баробар эканлиги ҳақида хабар берибдилар. Яъни, бу ниҳоятда хатарли иш, дебдилар. Чунки бу нарса бепарволикка сабаб бўлади. Мазкур эътиборсизлик оқибатида эса ҳаром иш содир бўлиши ҳеч гап эмас.

Акасининг хотини билан зинода қўлга тушган укалар оз эмас. Шунга ўхшаш, бошқа номаҳрам қариндошлар ҳам. Шунинг учун зинҳор ва зинҳор ушбу ҳадиси шарифга хилоф қилмаслик керак. Бунинг учун кимдир бу шаръий амрни тарк этгани туфайли зино қилиб қўйган ёки шубҳага қолиб, бир оила бузилган бўлиши шарт эмас. Шариатда бир ҳукм жорий бўлганми, мўмин-мусулмон киши унга қатъий амал қилавериши лозим. (“Ҳадис ва Ҳаёт” китобидан). Валлоҳу аълам!

(https://savollar.islom.uz/s/149851)

«Зикр аҳлидан сўранг» ҳайъати

•┈┈┈┈•❈••✾••❈•┈┈┈┈•
🔸 Ибодат Масалалари 🔸

#Тошкент_намоз_вақти

🕌 Жамоат вақтлари учун бу каналга киринг-> @oqtepamasjid

••┄┄┄┄❅┄┄┄┄•••
📿 Дўст томонга | @nurli_yol

👳🏼‍♂️ ИМОМДАН ОЛДИН САЛОМ
#жамоат

❓CАВОЛ: Ассалому алайкум! Жамоат намозида имомдан олдин салом берилса намоз бузилади деб биламан. Лекин жамоат намозларида эътибор қилсам имом саломни чўзиб айтади. Лекин муқтадийлар имом саломни бошлаб ҳали айтиб тугатмасдан салом бериб қўйишади. (Чўзмасдан тез айтганлиги учун имом саломни бошлаганда бошлаб имом тугатмасдан олдин тугатишади). Ушбу ҳолатда муқтадийнинг намози бузилмайдими?


💬 ЖАВОБ: Ваалайкум ассалом! Намози бузилмайди, лекин гуноҳкор бўлади. Шу ўринда муҳим бир масалани яъни такбири таҳрима ҳақида қуйида келтириб ўтамиз.

Иқтидо қилувчининг таҳримаси имомнинг таҳримасидан аввал бўлмаслиги. Икки имом: “Имом “Аллоҳу акбар”нинг “р”сини айтганида, иқтидо қилувчи такбир айтишни бошлайди” деганлар. Иқтидо қилувчи “Аллоҳ” лафзини имомдан кейин, лекин “акбар” лафзини имом акбар дейишидан аввал тугатса, имомга иқтидо қилган бўлмайди. Яъни имомга иқтидо қила туриб, имомдан аввал намозга кирган бўлади. Бундай бўлиши муқтадийнинг намозини дуруст бўлишидан тўсади.

Аксар ҳолатларда иқтидо қилувчилар қўлларини кўтариб, такбир айтишга шай турадилар. Имом эса овозини чўзиб “Аллооҳу акбар” дегунича муқтадий тездан “Аллоҳу акбар”ни айтиб, имомдан олдин қўлини боғлаб, намозга кириб олган бўлади. Чунки у имом каби такбирни чўзиб айтмайди. Бундай ҳолатда унинг иқтидоси жоиз эмас ва намозини қайта ўқиши вожиб бўлади. Валлоҳу аълам!

(https://savollar.islom.uz/s/60169)

«Зикр аҳлидан сўранг» ҳайъати

•┈┈┈┈•❈••✾••❈•┈┈┈┈•
🔸 Ибодат Масалалари 🔸

МАЙЙИТНИ ЮВГАННИ РОЗИ ҚИЛИШ
#жамият

❓CАВОЛ: Ассалому алайкум! Мени яқинда дадам қазо қилдилар. Маййитни ювган кишини рози қилиш учун майка, трусик, трико, совун, бритва, пичоқ ва маййитни ювган челак, чўмич, жомларни яна бир нималарни бериш керак деб аммамлар менга рўйхатини беришди. Бу қанчалик тўғри?


💬 ЖАВОБ: Ва алайкум ассалом! Аслида ҳар бир мўмин ва мўмина ўзининг эн яқин инсонини охирги қилинадиган хизматини қилишни шараф деб билиши керак ва аввалда бу нарсани ўз яқинларидан ташқари кишилар қилиши ор саналган. Хусусан мерос тақсим қилинмасдан туриб маййитнинг нарсаларини бериш мутлоқ жоиз эмас.

📌 Улардан ғассол ва гўрков олиши ҳам жоиз эмас.

📗 Ҳадис: https://www.tg-me.com/nurli_yol_hadis/908


(https://savollar.islom.uz/s/239425)

«Зикр аҳлидан сўранг» ҳайъати

•┈┈┈┈•❈••✾••❈•┈┈┈┈•
🔸 Ибодат Масалалари 🔸

#Тошкент_намоз_вақти

🕌 Жамоат вақтлари учун бу каналга киринг-> @oqtepamasjid

••┄┄┄┄❅┄┄┄┄•••
📿 Дўст томонга | @nurli_yol

Бомдод учун чироғи ёнган хонадонларни Аллоҳ раҳмати ва мағфиратига тўлдирсин!
Аҳли оилаларига тинчлик хотиржамлик насиб қилсин! Чироғи ёнмаганлар ҳам тез орада шулар қаторига қўшилсин!

📿 Дўст томонга | @nurli_yol

#Тошкент_намоз_вақти

🕌 Жамоат вақтлари учун бу каналга киринг-> @oqtepamasjid

••┄┄┄┄❅┄┄┄┄•••
📿 Дўст томонга | @nurli_yol

Роббим!

Танангизни сиҳатли,
Кўнгилларингизни шафқатли,
Ҳаётингизни хайрли,
Ахлоқингизни иффатли,
Ризқингизни баракотли айласин!

Ассалому алайкум!

Кунингиз мазмунли ўтсин!

📿 Дўст томонга | @nurli_yol

#эслатма

Аллоҳ сенга ёзган тақдирга рози бўл, энг бахтли инсон бўласан.


📿 Дўст томонга | @nurli_yol

ТОРТИШУВ

Бир подшоҳ масжид олдидан ўтаётиб азон айтилаётганини эшитиб тўхтабди. Қараса азондан сўнг намозга ҳеч ким келмабди. Шунда подшоҳ азонни қайтариб айтишни буюрибди. Муаззин иккинчи марта азон айтганда одамлар масжид олдига тўпланишиб, «Нега икки марта азон айтдинг», деб муаззинни «урушиб беришибди». «Бир вақт намозга бир марта азон айтилади», деб муаззин билан баҳслаша бошлашибди.


Бугун биз мусулмонлар шу кўйга тушдик. Худди ўз ишларимизни қойилмақом қилиб қўйгандек имомлар ва муаззинларимизга ақл ўргатишга киришиб кетдик. Аҳли илмларимиз билан талашиб-тортишишга соатлаб вақт топамиз. Дин ишини ўз аҳлига топширмаймиз. Аксинча ҳар бир диний масъалага бурнимизни суқмасак кўнглимиз жойига тушмайди..


📿 Дўст томонга | @nurli_yol

#Тошкент_намоз_вақти

🕌 Жамоат вақтлари учун бу каналга киринг-> @oqtepamasjid

••┄┄┄┄❅┄┄┄┄•••
📿 Дўст томонга | @nurli_yol

МАНТИҚСИЗЛИК ЁХУД ШАЙТОННИНГ ҲИЙЛАСИ

‒ Мен ҳам олдин рўмол ўрардим, бир‑иккита рўмол ўраганларнинг қилган ишларини кўриб, ўрамай қўйдим.
‒ Жуда ориятли экансизда‑а?
‒ Ҳа, мен бунақа ишларни ҳеч қабул қила олмайман‑да, шундай қоним қайнаб кетади..
‒ Ғайратингизга қойил! Лекин бир ҳақли савол туғилади, оғир ботмаса..
‒ Хўш?
‒ Рўмол ўраб ножўя иш қилган бир‑иккитасини кўриб, уларга ўчакишиб рўмолни ёмон кўриб қолибсиз, ҳатто ечиб юборибсиз, тўғрими?
‒ Ҳа, шундай.
‒ Бироқ, бир‑иккита эмас, юзлаб, минглаб рўмолсиз, очиқ‑сочиқ аёллар нималар қилиб юришмайди, сиз назарда тутган нотўғри ишлардан миллионтасини қилишади, нега уларга ўчакишиб рўмол ўраб юбормаяпсиз? Қанчадан‑қанча фоҳишалар ҳаммаси сиздек очиқ‑сочиқ кийинишади, уларга ўхшамаслик учун ҳам бўлса жўртага рўмол ўраш керак эмасмкин сизнинг мантиғингизга кўра?
‒ Ҳа, энди...
Инсон ана шундай, ўзини роса ақлли деб билгани ҳолда оддий ҳақиқатларни қабул қила олмайди, агар қалбида касал бўлса. Чунки инсон 30% қарорни ақли билан, 70% қарорни қалби билан қабул қилади.
Аслида, рўмол ўраш алоҳида амал, алоҳида ибодат. Уни бажарган одам бирорта айб иш қилса, бу билан рўмол ўраш ёмон иш бўлиб қолмайди, ахир. Қўпол қилиб айтгада, у бир тарафда айб иш қилган бўлса‑да, иккинчи тарафда бир яхшилик ҳам қилибди, Аллоҳ таолонинг бир буйруғини бажарибди. Бироқ, бу билан рўмол ўраб туриб ёмон иш қилса бўлаверади, демоқчи эмасмиз, чунки сатри авратдек улуғ амални бажарган аёл ушбу мақомга яраша бўлиши ҳам керак. Лекин беш бармоқ баробар эмас, баъзан кимдир айбини ёпиш учун ҳам рўмол ўраши ёки рўмол ўраб туриб инсонгарчиликдан хато қилиб қўйиши мумкин. Бу билан ибо‑ҳаёни ёмон отлиқ қилиш шайтоннинг ҳийласи, холос. Шайтон инсонларни бевосита нафс қутқуси билан адаштира олмаса, мана шундай ҳийла‑найрангларни топади, бунга ҳушёр бўлиш керак.
Энди намоз бошлай десангиз, «Қўй, ана фалончи, намоз ўқигани билан қилган ишини қара, сен ундан яхшисан‑ку... Сен оз‑моз ичганинг билан бировга азият бермайсан‑ку, нимаси ёмон?» деб васваса қилади. Ёки «Намоз бошласанг, бу‑бу ишларни қилмаслигинг керак, вақти соати келиб бир бошлайсан, ана ўшанда кўради ҳаммаси», деб алдайди. Шунинг учун мусулмон одам хаёлпараст бўлмай, дини кўрстаган ишни қилишга ўрганиши керак.

©Ҳасанхон Яхё Абдулмажид

📿 Дўст томонга | @nurli_yol

#Тошкент_намоз_вақти

🕌 Жамоат вақтлари учун бу каналга киринг-> @oqtepamasjid

••┄┄┄┄❅┄┄┄┄•••
📿 Дўст томонга | @nurli_yol

🧎‍♂️ Бомдод намози ҳар тонгда топшириладиган имтиҳондир. Тўшагидан сакраб туриб, намозни ўқиган одам имтиҳондан муваффақиятли ўтган бўлади. Тўшагига ўраниб, намозга дангасалик қилганлар эса ҳасрату надоматда қолади.

📿 Дўст томонга | @nurli_yol

Ассалому алайкум!

Аллоҳ хонадонингиздан ҳузур, оилангиздан тотувлик, ризқингиздан баракот, тилларингиздан зикру-дуо, қалбингиздан меҳр-оқибатни аритмасин!

Кунингиз мазмунли бўлсин!

📿 Дўст томонга | @nurli_yol

"Динор" сўзининг маъноси

Молик ибни Дийнор роҳимаҳуллоҳ айтадилар;

"Дийнор деб номланишига сабаб, "Дийн" ва "нор" (яъни дин, ва жаҳаннам) дан олингандур.
Кимки ўз ҳаққини олса, ўша унинг дийнидур, кимки бировнинг ҳаққини олса, унга нор (жаҳаннам)дур".

Ибн Касир тафсиридан.

📿 Дўст томонга | @nurli_yol

#Ҳадис_797

КИМДАН УЗР СЎРАЛСА-Ю, ҚАБУЛ ҚИЛМАСА


عَن جابر رَضِي اللهُ عَنْهُ قال : قال رسول الله صَلَّى اللهُ عَلَيْهِ وَسَلَّمَ بروا آباءكم تبركم أبنائكم وعفوا عن نساء الناس تعف نساؤكم ومن تنصل إليه فلم يقبل لم يرد علي الحوض. رَوَاهُ الحَاكِمُ

Жобир розияллоҳу анҳудан ривоят қилинади:

📗“Расулуллоҳ соллаллоҳу алайҳи васаллам: “Оталарингизга яхшилик қилинг, фарзандларигиз ҳам сизга яхшилик қилади. Одамларнинг аёлларининг иффатини сақланглар, аёлларингизнинг иффати сақланиб қолади. Кимдан узр сўралса-ю, қабул қилмаса, Ҳавз (Кавсар)имга келмайди (маҳрум бўлади)”.

✍️ Ҳоким ривоят қилган.

📌 Аллоҳ таоло кечирим сўраганларни кечирмаганларни хуш кўрмайди.

Хулоса шуки, ҳар бир инсон вафот этишидан олдин Аллоҳнинг ҳузурида ҳам, махлуқотларининг ҳузурида ҳам қалбини соф-покиза қилиб олиши иймонинг тақозосидир.
Узрни қабул қилган кишилар хато қилганларни дўст тутиши, борди-келди қилиш даражасида бўлиши шарт эмас. Гоҳида у даражага ўтиб кетиш кечирилган кишини бу каби ўзгаларнинг ҳақига енгил муносабатда бўлишига сабаб бўлиб қолиши ҳам мумкин. Кечирувчининг мақсади кечирилган киши жавобгарликдан халос бўлишигина кифоя қилади.

•┄┄┄┄┄❅┄┄┄┄┄•
📚 KУНЛИК ҲАДИС

#Тошкент_намоз_вақти

🕌 Жамоат вақтлари учун бу каналга киринг-> @oqtepamasjid

••┄┄┄┄❅┄┄┄┄•••
📿 Дўст томонга | @nurli_yol