Ассалому алайкум дилга яқин, азиз Диндошим!

Умрингизнинг яна бир қайтарилмас тонги муборак ва хайрли бўлсин!


📿 Дўст томонга | @nurli_yol

🥶 СОВУҚДА ҒУСЛ ЎРНИГА ТАЯММУМ ҚИЛИШ ЖОИЗМИ?
#ғусл #таяммум

❓CАВОЛ: Совуқда касалланишдан қўрқиб таяммум қилган жунуб одам кетидан таҳорат оладими ё шарт эмасми?

💬 ЖАВОБ: Бисмиллаҳир роҳманир роҳим. Совуқ сабабли ғусл қилиш узрли бўлса, покланиш учун таяммум қилинади ва таяммумдан кейин таҳорат олиш шарт эмас. Агар таяммумдан кейин таҳоратни бузувчи ҳолатлар бўлса, намозларни таҳорат қилиб ўқийверади. Ғуслга шароит бўлиши билан ғусл қилиб олиш керак бўлади.

Совуқ кунда ғусл ўрнига таяммум қилиш тўғрисида Алоуддин Косоний раҳимаҳуллоҳ шундай дейдилар:

أجنب في ليلة باردة يخاف على نفسه الهلاك لو اغتسل ولم يقدر على تسخين الماء ولا على اجرة الحمام في المصر اجزأه التيمم في قول أبى حنيفة وقال أبو يوسف ومحمد ان كان في المصر لا يجزئه

яъни: “Киши совуқ кечада жунуб бўлиб, ғусл қилса ҳалокатига сабаб бўлишидан хавф қилса ва сувни иситиш имкони бўлмаса, шунингдек, шаҳар ҳаммомининг тўловига ҳам қодир бўлмаса, Имом Абу Ҳанифа роҳимаҳуллоҳнинг қавлига биноан мазкур киши таяммум қилиши жоиз бўлади. Имом Абу Юсуф ва Имом Муҳаммадлар эса: “Агар шаҳар ҳудудида бўлса, таяммум қилиши жоиз бўлмайди”, деганлар...” (📚 “Бадоиъус саноеъ” китоби).

☝️ Совуқ кунда жунуб киши таяммум қилиш жоиз бўлиши учун совуқлик даражаси юқори бўлиб, инсон ҳаётига ёки саломатлигига хавф туғдирадиган даражада бўлиши ва иссиқ сув топиш имкони бўлмаслиги лозим. Валлоҳу аълам.


Ўзбекистон мусулмонлари идораси
Фатво маркази(Fatvo.uz).

•┈┈┈┈•❈••✾••❈•┈┈┈┈•
🔸 Ибодат Масалалари🔸

СAЛМОНИ ФОРСИЙНИНГ ЎГИТЛAРИ

"Мўмин киши худди шифокори ёнида юрган беморга ўхшайди. Беморнинг ёнида юрган табиб унинг дориларини билиб, кўнгли бир нарсани тусаганида: “Зинҳор буни ея кўрма! Мабодо есанг, сени ўлимга олиб боради!” дея огоҳлантириб турганидек, мўмин кишининг кўнгли ҳам кўп нарсаларни истаб қолганида Aллоҳ таоло уни зарарлиларидан қайтаради ва жонини олиб, жаннатга боргунига қадар назорат остида тутиб туради".

☝️Дўстларингизга ҳам улашинг!

📿 Дўст томонга | @nurli_yol

#Эслатма #суннат_рўза

ЭРТАГА САҲАРЛИК

☝️Агар қодир бўлсангиз рўзани ният қилинг. Агар қодир бўла олмасангиз - бошқа диндошларимизга эслатинг ...
Бу хабарни эшитганлар ўзлари рўзани ният қилиб, яқинларига ҳам эслатиб қӯйишса, икки карра кӯпроқ савобга эга бӯладилар, ин шаа Аллоҳ.

Расулуллоҳ соллаллоҳу алайҳи васаллам душанба ва пайшанба кунлари рўза тутганлар ва бошқаларни ҳам бу кунларда рўза тутишга ундаганлар.

📌 Ният: Ният қилдим холис Аллоҳ учун нафл рўзасини тутмоқликни. (қазо бўлган фарз рўзалар нияти ҳам жоиз).
📌 Саҳарликка ухлаб қолса нима қилиш керак?

📚 KУНЛИК ҲАДИС

#Тошкент_намоз_вақти

🕌 Масжиддаги жамоат вақтлари учун: @oqtepamasjid

••┄┄┄┄❅┄┄┄┄•••
📿 Дўст томонга | @nurli_yol

Тонгда ўқиладиган дуо

اللهُمَّ بِكَ أَصْبَحْنَا وَبِكَ أَمْسَيْنَا وَبِكَ نَحْيَا وَبِكَ نَمُوتُ وَإِلَيْكَ النُّشُورُ

Ўқилиши: Аллоҳумма бика асбаҳнаа ва бика амсайнаа ва бика наҳйаа ва бика намууту ва илайкан нушуур.

Маъноси: Аллоҳим, Сенинг номинг ила тонг оттирдик, Сенинг номинг ила кеч киргиздик. Сенинг номинг ила тириламиз ва Сенинг номинг ила ўламиз. Ва Сенга қайтажакмиз.

#дуо
MUSLIM.UZ

📿 Дўст томонга | @nurli_yol

#Ҳадис

Оиша розияллоҳу анҳодан ривоят қилинади. Бир киши Расулуллоҳ соллаллоҳу алайҳи васалламга: «Онам тўсатдан вафот этиб қолди. Гумон этишимча, агар (ўлишидан олдин) гапира олганида, бирор садақа қилиб кетган бўлар эди. Энди мен унинг номидан садақа қилсам, онамга савоби борадими?» деганида Расулуллоҳ соллаллоҳу алайҳи васаллам: «Ҳа», деб жавоб қилдилар.

Имом Бухорий ва Муслим ривоятлари.

📿 Дўст томонга | @nurli_yol

ПУЛ БЕРИБ БАҲО ОЛИШ
#ҳалол_ҳаром

❓CАВОЛ: Мен ҳозир университетда ўқияпман. Фанларни ёпиш учун домлаларга пул берсак гуноҳ бўладими?

💬 ЖАВОБ: Бисмиллаҳир Роҳманир Роҳим.
Албатта гуноҳ бўлади. Ҳар қандай ўқув муассасасида ўқиётган талабалар фанлардан баҳо олиш учун ёхуд баллни (баҳони) кўтариш учун ўқитувчиларга пул ёки буюм таклиф қилиши ришва (пора) ҳисобланади. Динимизда ришва ҳаром эканига далолат қилувчи бир нечта ҳадислар бор. Жумладан, Ибн Умар разияллоҳу анҳудан ривоят қилинган ҳадисда Пайғамбаримиз алайҳиссалом айтадилар: “Ришва берувчи ва ришва олувчи дўзахдадир” (✍️ Табароний ривоятлари). Валлоҳу аълам.

Ўзбекистон мусулмонлари идораси
Фатво маркази(Fatvo.uz).

•┈┈┈┈•❈••✾••❈•┈┈┈┈•
🔸 Ибодат Масалалари 🔸

#Тошкент_намоз_вақти

🕌 Масжиддаги жамоат вақтлари учун: @oqtepamasjid

••┄┄┄┄❅┄┄┄┄•••
📿 Дўст томонга | @nurli_yol

#Жума_муборак

Ассалому алайкум ва роҳматуллоҳи ва барокатуҳ!!!

Жума айёми муборак бўлсин!!!


📿 Дўст томонга | @nurli_yol

18. Каҳф сураси

Устоз Раҳматуллоҳ қори Обидов

Расулуллоҳ соллаллоҳу алайҳи васаллам: «Ким «Каҳф» сурасини жума куни ўқиса, қиёмат куни унинг қадами остидан нур чиқиб, осмону фалакни ёритади ва унинг икки жума орасидаги хатолари кечирилади», деганлар.

@nurli_yol_quron

☪️ Навбатдаги “жума суҳбати” кўрсатувининг меҳмони Тошкент шаҳридаги “Имом Термизий” жоме масжиди имом-хатиби Яҳё домла Абдураҳмонов

🕌 Мавзу: Боқимандалик ва таъмагирлик – жамият заволи

Саиджамол домла МАСАЙИТОВ – Ўзбекистон мусулмонлари идораси фатво маркази бош мутахассиси, PhD

Яҳё домла АБДУРАҲМОНОВ – “Имом Термизий” жоме масжиди имом-хатиби

⏺1. Динимизда боқимандалик, дангасалик қораланган экан, мўминлар унинг муқобилида қандай ҳаёт кечиришлари кераклиги тўғрисидаги тавсиялар ҳақида сўзлаб берсангиз.

⏺2. Шариатимиз талаб қилган касб-кор йўли қандай бўлиши керак?

⏺3. Ҳозирги кунда ишламасдан таъмагирликнинг турли йўлларини ишлатиб кун кечираётганларни учратамиз. Улар ҳақида динимизнинг кўрсатмаси қандай?

#juma_suhbati #жума_суҳбати

O‘zbekiston musulmonlari idorasi
Matbuot xizmati

MUSLIM.UZ

📿 Дўст томонга | @nurli_yol

🧕 РЎМОЛ УСТИДАН МАСҲ
#таҳорат

❓CАВОЛ: Ассалому алайкум! Бир яқин инсоним намозхон, доим хижобда юради. Ўзи бировни уйида квартира туради. Тахорат вақтида бошқаларни яъни бегоналарни кўзи тушмасин деб хижобнинг устидан бошига масх тортади. Шу тўғрими?

💬 ЖАВОБ: Ва алайкум ассалом! Бу бошидаги нарсанинг юпқа бўлиб тагидаги сочига сув тегиши ёки тегмаслигига боғлиқ. Агар бошидаги рўмолдан бошининг тўртдан бирига ўтмаса бу тортган масҳи ўтмайди. Мабодо рўмолини ичидан қўлини тиқиб бошига масҳ тортса бўлади. Чунки Расулуллоҳ соллаллоҳу алайҳи васаллам саллаларини ечмай ичига қўлини киргизиб масҳ тортганлари ҳадисларда келади. Бундан саллани тепа қисмига масҳ тортишни тушунмаслик керак. Валлоҳу аълам!

(https://savollar.islom.uz/s/135879)

*** *** ***

❓CАВОЛ: Ассалому алайкум! Устозлар, салланинг ёки рўмолнинг устидан масх тортиш жоизми? Бир биродар айтдики аслида жоиз экан. Шариатимизда жоизми?

💬 ЖАВОБ: Ва алайкум ассалом! Жоиз эмас. Расулуллоҳ соллаллоҳу алайҳи васаллам масҳ тортганларида саллаларини ичига қўлларини тиқиб пешона сочларига масҳ тортганлар. Рўмолнинг устидан ҳам масҳ тортиш жоиз эмас. Валлоҳу аълам!

(https://savollar.islom.uz/s/80072)

«Зикр аҳлидан сўранг» ҳайъати

•┈┈┈┈•❈••✾••❈•┈┈┈┈•
🔸Ибодат Масалалари🔸

#Тошкент_намоз_вақти

🕌 Масжиддаги жамоат вақтлари учун: @oqtepamasjid

••┄┄┄┄❅┄┄┄┄•••
📿 Дўст томонга | @nurli_yol

#эслатма

ҲАММА НАРСАНИНГ ИСРОФИ БОР


Муҳаммад Тақий Усмоний ҳафизаҳуллоҳ дадасидан бир ҳикояни айтиб берадилар:

Дадамнинг Азғармиён деган устозлари бўлар эди. У киши катта валиюллоҳлардан эдилар. Дадам бир бор ҳузурларига бориб у киши билан таомланган эканлар. Таомланиб бўлишгач дадам дастурхон қоқмоқчи бўлганларида устозлари “Муҳаммад Шафиъ, дастурхон қоқиш илмини биласизми” дедилар. У киши “Буни ҳам илми борми” деганларида, “Албатта, сиз еб бўлганингиз билан сиздан қолганини ейдиган махлуқотлар ҳам бор. Суякни фалон жойга қўйинг кучу, мушуклар еб кетади. Нонни ошганларини фалон жойга қўйинг қушлар еб кетади. Нонни увоқларини фалон тешик ёнига қўйинг чумолилар еб кетади” дедилар. Таом сиз билан биз учун қанчалик қадрли бўлса биздан ошган нарсалар ҳам улар учун шунчалик қадрли. Бу ҳам Аллоҳнинг махлуқотларига эҳсон қилиш ҳисобланади дедилар.


📿 Дўст томонга | @nurli_yol

#Видео

Ижтимоий тармоқлардан фойдаланишда ният қандай бўлиши керак?

Ғуломиддин домла Холбоев

Ўзбекистон мусулмонлари идораси
Фатво маркази директор ўринбосари
Тошкент ислом институти ўқитувчиси

📿 Дўст томонга | @nurli_yol

#Тошкент_намоз_вақти

🕌 Масжиддаги жамоат вақтлари учун: @oqtepamasjid

••┄┄┄┄❅┄┄┄┄•••
📿 Дўст томонга | @nurli_yol

Роббим!

Танангизни сиҳатли,
Кўнгилларингизни шафқатли,
Ҳаётингизни хайрли,
Ахлоқингизни иффатли,
Ризқингизни баракотли айласин!

Ассалому алайкум!

Кунингиз мазмунли ўтсин!

📿 Дўст томонга | @nurli_yol