በጸሎት ኃይል የሚያምን አንድ ጽኑዕ ክርስቲያን ነበር፡፡ ይህም ክርስቲያን ጥሪት የሌለው ደሃ፣ የሚበላ የሚቸግረው ረሃብተኛ፣ ልብሱ በላዩ ላይ አልቆ የታረዘ ምስኪን ነው፡፡ ከእለታት አንድ ቀን በጸሎት ሕይወቱ የነበረውን ትጋት በቅርበት ያውቅ የነበረው አንድ ወዳጁ እየተቆጣ 'ቢያንስ ለረሃብህ ማስታገሻ ቁራሽ ዳቦ እንኳን ማሰጠት ካልቻለ የአንተ ጸሎት ፋይዳው ምንድር ነው? ይቅርብህ በቃ! ፈጣሪህ አይሰማህም ማለት ነው' ሲል ተስፋ በሚያስቆርጥ ቃል ተናገረው፡፡ ያም ምስኪን ክርስቲያን እንዲህ ሲል መለሰለት፦ 'እግዚአብሔርማ አልረሳኝም። ለአንዱ ሰው ከዕለት እንጀራው የበለጠ አትርፎ በመስጠት ለእኔ እንዲያካፍለኝ መልእክተኛ አድርጎት ነበር፡፡ ነገር ግን ይህን አደራ የተቀበለው ሰው ዘነጋኝ፡፡ ስለዚህ እግዚአብሔር ሳይሆን አድራሹ ሰው ረስቶኛል!'

መጻሕፍት እንደሚያስተምሩን "የዕለት እንጀራችንን ስጠን" የሚለው ጸሎት ለመነኮሳት ሲሆን "ለዕለት"፣ በዓለም ለሚኖሩ ሰዎች ሲሆን ደግሞ "ለዓመት" የሚሆን እንጀራ ስጠን ማለት ነው። ታዲያ ለምን አንዳንዶች ከዓመት የሚተርፍ ብዙ እንጀራ ሲያገኙ፣ ሌሎች ደግሞ ለዕለት እንኳን የሚሆን ቁራሽ ያጣሉ ? መቼም 'ለሰው ፊት የማያዳላ' እግዚአብሔር "አድልዎ ቢኖርበት ነው" ብለን የድፍረት ቃል በእርሱ ላይ አንናገርም። (ሐዋ 10፥34) ይህ የሆነው እንደ ቅዱስ ዮሐንስ አፈወርቅ ትምህርት አትርፈው ያገኙ ሰዎች ምንም የሌላቸውን እንዲረዱ እና መግቦት የባሕርይው የሆነውን አምላካቸውን በጸጋ እንዲመስሉት ነው። በዚሁም ላይ በፈጠራቸው ሰዎች መካከል ያለውን የመተዛዘንና የፍቅር ትስስር የበለጠ ለማጠናከር ነው፡፡

'የዕለት እንጀራችንን ስጠን ለዛሬ' ብለን የለመንነው አምላክ ከዓመት እንጀራችን በላይ አትርፎ የሚሰጠን፣ የሚበቃንን ያህል ተመግበን በቀረው ለሌሎች አድራሽ መልእክተኞች እንድንሆን ነው። ስለዚህ ይህን የተጣለብንን አምላካዊ አደራ ባለመወጣት ድሆችን አንበድል፤ ተማርረው ከፈጣሪያቸውም ጋር እንዲጣሉ አናድርጋቸው።

(Deacon Abel Kassahun Mekuria)

"የቂመኛ ሰው ጸሎት፣ በእሾህ መካከል እንደ ወደቀ ዘር ነው"

#ማር_ይስሐቅ

ለደሴዎች አድርሱልን

#ምጽዋት በአበው አንደበት

"አንተ ልትበላው ያልፈለግኸው እንጀራ የተራቡት ሰዎች እንጀራ ነው። በቁም ሳጥንህ ውስጥ ሰቅለህ የተውከው ልብስ ዕርቃኑን የሆነው ሰው ልብስ ነው። የማታደርጋቸው ጫማዎችህ ባዶ እግሩን የሚሔድ ሰው ጫማዎች ናቸው። የቆለፍክበት ገንዘብ የደሃው ገንዘብ ነው። የማትፈጽማቸው የቸርነት ሥራዎች ሁሉ ኢፍትሐዊ ድርጊቶችህ ናቸው።"
#ቅዱስ_ባስልዮስ

"አንድ ነዳይ አጥብቆ እየለመነህ በቸልታ ትተኸው ስትሔድ እግዚአብሔርን አጥብቀህ በምትለምን ጊዜ ቢተውህ የሚሰማህን አስብ።"
#ቅዱስ_ዮሐንስ_አፈወርቅ

"ክርስቶስን በቤተ ክርስቲያን ደጃፍ ወድቆ በሚለምነው ነዳይ ውስጥ ካላገኘኸው ውስጥ ገብተህ በመንበሩ ላይ ባለው ጽዋ ላይ አታገኘውም።"
#ቅዱስ_ዮሐንስ_አፈወርቅ

"ወንድምህ ዕርቃኑን ወድቆ እያለቀሰ ነው ፣ አንተ ግን የሚያምር የወለል ንጣፍ ለመምረጥ ተቸግረህ ቆመሃል።"
#ቅዱስ_አምብሮስ

"አባት ሆይ ወጪውን ሳናሰላ እንድንመጸውት አስተምረን።"
#ቅዱስ_አግናጥዮስ

👉=>ውበትን ደስታ አታድርጉት
የረገፈና የቆሰለ ዕለት ታዝናላችኹ!

👉=>ሐብታችኹን ደስታ አታድርጉት
ሲቀሟችኹ ታዝናላችኹ!

👉=>ዘመድን የደስታ ምንጭ አታድርጉት
ሲታመም ሲሞት ትጎዳላችኹ!

👉=>ባልንጀራን የደስታ ምንጭ አታድርጉት
ሲለያችኹ ሲከዳችኹ ታዝናላችኹ!

👉=>ጉልበታችኹን የደስታ ምንጭ አታድርጉት
ስትታመሙ ስትደክሙ ኹሉም ይቀራል!

✝የደስታ ምንጭ ክርስቶስ ነው።✝
      ✝ደስታም ክርስቶስ ነው✝

ከየኔታ ስብከት የተወሰደ

+ የተሠጠህን ቁጠር +

ሔዋን ከዕባብ ጋር እየተነጋገረች ነው። የመጀመሪያ ጥፋትዋ ካለደረጃዋ ወርዳ ከዕባብ ጋር ወዳጅነት መጀመርዋ ሳይሆን አይቀርም። ዕባብ ደግሞ የስይጣን አንደበት ነበረ።

ሰይጣን እንዲህ አላት:- በውኑ እግዚአብሔር ከገነት ዛፍ ሁሉ እንዳትበሉ አዝዞአልን? አላት። ልብ አድርጉ እግዚአብሔር "ከገነት ዛፍ ሁሉ እንዳትበሉ" አላለም። የከለከለው አንዲት ዛፍ ነው:: ሰይጣን ግን ሁሉን ተከልክላችሁዋል? ብሎ እንዳላዋቂ ጠየቀ። ሰይጣን በመጽሐፍ ቅዱስ ንግግሩን የከፈተው በውሸት ነበረ።

ዓላማው ከሔዋን መረጃ ለማግኘት አልነበረም። ሔዋን እስከዛሬ ያላሰበችውን ማሳሰብ ነበር። ብሉ ተብሎ ከተሠጣቸው ብዙ ሺህ ዛፍ ይልቅ የተከለከሉትን አንዲት ዛፍ አሳይቷት ሔደ። ከዚያች ደቂቃ ጀምሮ ስላልተሠጣት ማሰብ ጀምራ ደስታዋን አጣች። የተከለከለችውን በልታ የተሠጣትን ብዙ ሥጦታ ከነሠጪው አጣች።

ወዳጄ የቀደመው እባብ ዛሬም መርዙን ይረጫል

በሕይወታችን ከተሠጠን ብዙ ነገር ይልቅ ያልተሠጠንን ጥቂት ነገር እናስባለን። ገንዘብ እንደሌለህ እያሰብክ ጤና እንዳለህ ትረሳለህ። ጫማ እንደሌለህ እያሰብክ እግር እንዳለህ ትረሳለህ። አልጋ እንደሌለህ እያሰብክ እንቅልፍ እንዳለህ ትረሳለህ። ስለዚህ ውስጥህ ያለውን የዕባቡን ድምፅ  አትስማ ከሌለህ ይልቅ ያለህ ይበልጣልና የተሠጠህን ቁጠር።

(ዲያቆን ሄኖክ ኃይሌ)

"አንተ ገሊላዊ አሸንፈሃል"

ቄሣር ዮልያኖስ (361 -- 363 ዓ.ም)

ቄሣር ዮልያኖስ በሮም ዘመነ መንግስቱን ላይ ተደላድሎ የነበረ ቄሣር ነው ። በስልጣን ላይ በተቀመጠባቸው ሁለት ዓመታት ውስጥ ክርስቲያኖችን ከሌሎቹ አረማውያን ቄሳሮች ለየት ባለመልኩ መከራን አድርሶባቸው ነበር ። ግን አሸንፋቸዋለሁ ብሎ በግፍ ደማቸው ሲያፈስ፣በዋሉበት ማሳደሪያ ባደሩበትም መዋያ አሳጥቶ  የነበረው  ይሄ ግፈኛ ዓረማዊ ቄሳር በመቅሰፍተ እግዚአብሔር ተቀጥቶ ነፍሱ ከስጋው  ልትለይ ባለችበት ሰዓት የተናገረው ንግግር ይሄ ነበር ""አንተ ገሊላዊ አሸንፈሃል"" ።

ገሊላዊ ብሎ የጠራው በስጋ ተገልጦ የድህነታችን ቤዛ የሆነው ቅዱሱ አምላካችን "ክርስቶስ ኢየሱስ" ነው ። ዮልያኖስ ትክክል ነው ። ገሊለዊ የናዝሬቱ ክርስቶስ ኢየሱስ ሳይታገል ያሸንፋል ። ስይደክም ይረታል ። ሳይወርድ ይሰብራል ። ሳይወጣ ያደቃል ።

አዎ " ገሊላዊው ያሸንፋል " ክብር ምስጋና አምልኮት እና ውዳሴ ከምድር እስከ አርያም ከፀሐይ መውጫ እስከመግቢያው ድረስ ለቅዱስ ስሙ ይሁን ።

                  🤲   አሜን🤲

@alatyon15

ብፁዕ አቡነ ፊልጶስ በዳሰነች ወረዳ ከ1200 በላይ አዳዲስ አማንያን አጠመቁ
__
ብፁዕ አቡነ ፊልጶስ የቅድስት ሥላሴ ዩኒቨርሲቲ እና የደቡብ ኦሞና አሪ ዞኖች ሀገረ ስብከት ሊቀ ጳጳስ 1200 በላይ አዳዲስ አመንያንን ዛሬ ሐምሌ 06 ቀን 2016 ዓ.ም በዳሰነች ወረዳ አጥምቀው ወደ እናት ኦርቶዶክሳዊት ተዋሕዶ ቤተክርስቲያን አምጥተዋል። ተጠማቂዎቹ በሀገረ ስብከቱ፣ በወረዳ ቤተክህነቱ፣ በማኅበረ ቅዱሳን ትብብር በአካባቢው በተሰማሩ የቋንቋ ሰባክያን ጥረት ለጥምቀት የሚያበቃቸውን መሠረታዊ የነገረ ሃይማኖት ትምህርት ሲማሩ ቆይተው በዛሬው ዕለት ወደ ኦርቶዶክስ ተዋሕዶ ቤተክርስቲያን ልጅነት ተቀላቅለዋል።

ብፁዕነታቸው ለአካባቢው አዳዲስ አማኞች የሚገለገሉበት አዲስ ቤተክርስቲያን ለመገንባት ትናንት ሐምሌ 06 ቀን 2016 ዓ.ም በዳሰነች ወረዳ የመርመርቴ ቅድስት ሥላሴ ቤተክርስቲያን የመሠረት ድንጋይ አስቀምጠዋል።

ከዚህ በፊት በሀገረ ስብከቱ ከ185,000 በላይ አዳዲስ አማንያን መጠመቃቸው የሚታወስ ነው።

እህ 😎

"የተራበውን ማብላት፥ የተጠማውንም ሰው ማጠጣት የሞተ ሰውን ከማስነሣት ይበልጣል፡፡"

ቅዱስ ዮሐንስ አፈወርቅ