ﺍﻟﻤﺮﺓ ﺩﻱ ﻣﺎ ﻣﻌﺎﻫﺎ ﺯﻭﻝ ﻭﻗﺎﻋﺪﺓ ﺑﺮﺍﻫﺎ ﻭﻣﺘﻤﺤﻨﺔ ﻭﺍﻟﺒﺸﻮﻓﻬﺎ ﻳﻘﻮﻝ ﺷﺎﻳﻠﺔ ﻫﻤﻮﻡ ﺍﻟﺪﻧﻴﺎ ﻛﻠﻬﺎ ﻓﻲ ﺭﺃﺳﻬﺎ ..! ﻓﺎﺭﺱ ﺍﻭﻝ ﻣﺎ ﺷﺎﻓﻬﺎ ﺣﺴﻰ ﻛﺎﻧﻮ ﻗﻠﺒﻮ ﻳﺎﺩﻭﺏ ﺭﺟﻊ ﻳﻨﺒﺾ .. ﻭ ﻣﺸﺎﻋﺮﻭ ﺳﺎﻗﺘﻮ ﻟﻴﻬﺎ ﺑﺪﻭﻥ ﻣﺎ ﻳﺘﺮﺩﺩ ﻭﻣﺸﻰ ﻗﻌﺪ ﺟﻤﺒﻬﺎ .. " ﻣﺠﺎﻫﺪ ﻛﺎﻥ ﻣﺎﺷﻲ ﻋﻠﻰ ﻓﺎﺭﺱ ﻋﺸﺎﻥ ﻳﻘﻮﻣﻮ ﺑﺲ ﻧﻔﻴﺴﺔ ﻗﺎﻟﺖ ﻟﻴﻬﻮ .." ﻧﻔﻴﺴﺔ : ﺧﻠﻴﻬﻮ ﻳﺎ ﻣﺠﺎﻫﺪ ﺃﻣﻜﻦ ﻟﻮ ﺍﺗﻜﻠﻢ ﻣﻌﺎﻫﺎ ﺣﻴﺮﺗﺎﺡ ﻣﻦ ﺍﻟﺨﻨﻘﺔ ﺍﻟﻌﺎﻳﺶ ﻓﻴﻬﺎ ﺩﻱ .. ﻣﺠﺎﻫﺪ : ﺃﻧﺎ ﺧﺎﻳﻒ ﻳﺘﻀﺎﻳﻖ ﺯﻳﺎﺩﺓ .. ﻣﺠﺎﻫﺪ : ﺍﻧﺖ ﺣﺴﻲ ﻣﺘﻀﺎﻳﻖ ﻣﻦ ﻭﻗﻔﺘﻲ ﻣﻌﺎﻙ؟ .. ﻣﺠﺎﻫﺪ : ﻻﻻ ﻃﺒﻌﺎ .. ﺑﺎﻟﻌﻜﺲ .. ﻧﻔﻴﺴﺔ : ﻳﻼ ﻓﺎﺭﺱ ﺣﺎﻟﻴﺎ ﺣﺎﺳﻲ ﺑﻨﻔﺲ ﺍﺣﺴﺎﺳﻚ ﺩﺍ .. ﻣﺠﺎﻫﺪ : ﺍﻫﺎ ﻭﺍﻧﺘﻲ .. ﻧﻔﻴﺴﺔ ﺑﺨﺠﻞ : ﺃﻧﺎ ﻣﺎﻟﻲ .. ﻣﺠﺎﻫﺪ : ﺣﺎﺳﺔ ﺏ ﺷﻨﻮ ﻭﺍﻧﺎ ﻗﺪﺍﻣﻚ .. ﻧﻔﻴﺴﺔ : ﻧﻔﺲ ﺍﺣﺴﺎﺱ ﻓﺎﺭﺱ ..🙈 ﻣﺠﺎﻫﺪ ﻭﻫﻮ ﺑﻀﺤﻚ : ﺍﻟﺤﻤﺪ ﻟﻠﻪ .. ﺍﻥ ﺷﺎﺀ ﺍﻟﻠﻪ ﺇﺣﺴﺎﺱ ﺇﻳﻤﺎﻥ ﻳﻜﻮﻥ ﺯﻱ ﺍﺣﺴﺎﺳﻚ .. ﻧﻔﻴﺴﺔ : ﺇﻥ ﺷﺎﺀ ﺍﻟﻠﻪ ..

ﻳﺘﺒﻊ

#بك_غفراني21
ﻓﺎﺭﺱ : ﺇﻳﻤﺎﻥ ﻛﻴﻔﻚ .. " ﺇﻳﻤﺎﻥ ﺍﻧﺼﺪﻣﺖ ﻟﻤﻦ ﺷﺎﻓﺘﻮ ﻭﺭﺩﺕ ﻋﻠﻴﻬﻮ ﻭﺑﻌﺪ ﺷﻮﻳﺔ ﺍﻟﺪﻣﻮﻉ ﺍﺗﺠﻤﻌﺖ ﻓﻲ ﻋﻴﻮﻧﻬﺎ ﻭﻗﺎﻟﺖ ﻟﻴﻬﻮ .." ﺇﻳﻤﺎﻥ : ﺍﻟﺒﺮﻛﺔ ﻓﻴﻜﻢ .. ﻓﺎﺭﺱ : ﺍﻟﺒﺮﻛﺔ ﻓﻲ ﺍﻟﺠﻤﻴﻊ .. " ﺳﻜﺘﻮﺍ ﻣﺴﺎﻓﺔ ﻭ ﺇﻳﻤﺎﻥ ﺳﺮﺣﺎﻧﺔ ﻣﻊ ﻧﻬﺮ ﺍﻟﻨﻴﻞ ﺍﻟﻬﺎﺩﻱ .. ﻭﻓﺎﺭﺱ ﻣﺮﺍﻗﺐ ﻭﺷﻬﺎ ﺍﻟﺒﺮﻱﺀ ﻭﺍﻟﺒﻘﻮﻝ ﻟﻠﺪﻧﻴﺎ : ﺃﻧﺎ ﻣﻈﻠﻮﻣﺔ ..! ﻭﻓﻲ ﻟﺤﻈﺔ ﺟﻨﻮﻥ ﻓﺎﺭﺱ ﻗﺎﻝ ﻝ ﺇﻳﻤﺎﻥ .." ﻓﺎﺭﺱ : ﻳﺎ ﺃﻳﻤﺎﻥ "..! ﺇﻳﻤﺎﻥ ﻋﺎﻳﻨﺖ ﻟﻴﻬﻮ ﻭﺷﺎﻓﺖ ﻛﻼﻡ ﻛﺘﻴﻴﻴﺮ ﻓﻲ ﻋﻴﻮﻧﻮ ﺑﺲ ﻫﻮ ﺍﺧﺘﺼﺮ ﻛﻞ ﺍﻟﻜﻼﻡ ﺩﺍ ﻭﻗﺎﻝ ﻟﻴﻬﺎ .." ﻓﺎﺭﺱ : ﺇﻳﻤﺎﻥ .. ﺗﻘﺒﻠﻲ ﺗﺘﺰﻭﺟﻴﻨﻲ 💜 ؟ ..!! ﺇﻳﻤﺎﻥ ﺑﺘﺮﺩﺩ : ﺃ ﺃ ﺃﻧﺎ؟؟؟
ﻓﺎﺭﺱ : ﺍﺍﻱ ﺍﻧﺘﻲ ﻭﻣﺎﻓﻲ ﻏﻴﺮﻙ ﺩﺧﻞ ﻗﻠﺒﻲ ﻭﺣﺒﻴﺘﻮ .. ﺇﻳﻤﺎﻥ : ﺑﺲ .. ﻓﺎﺭﺱ : ﺑﺲ ﺷﻨﻮ ﻳﺎ ﺇﻳﻤﺎﻥ .. ﺍﻧﺘﻲ ﺍﻟﺒﺖ ﺍﻷﺧﺘﺮﺗﻬﺎ ﻋﺸﺎﻥ ﺃﻛﻤﻞ ﻣﻌﺎﻫﺎ ﺑﺎﻗﻲ ﻋﻤﺮﻱ ﺍﻟﺠﺎﻱ "..💜 ﺩﻧﻘﺮﺕ ﻭﺷﻬﺎ ﻭﻗﺎﻟﺖ ﻟﻴﻬﻮ ﻭﺍﻟﺪﻣﻮﻉ ﺟﺎﺭﻳﺔ ﻣﻦ ﻋﻴﻮﻧﻬﺎ .." ﺇﻳﻤﺎﻥ : ﺑﺲ ﺍﻧﺖ ﻣﺎ ﻋﺎﺭﻑ ﺣﻘﻴﻘﺘﻲ ﻳﺎ ﻓﺎﺭﺱ .. ﻓﺎﺭﺱ : ﺃﻧﺎ ﻋﺎﺭﻑ ﺣﻘﻴﻘﺘﻚ ﺃﻛﺘﺮ ﻣﻨﻚ ﻳﺎ ﺇﻳﻤﺎﻥ .. ﻭﺍﻧﺘﻲ ﺯﺍﺗﻚ ﻇﺎﻟﻤﺔ ﻧﻔﺴﻚ ﺯﻱ ﻣﺎ ﺑﺎﻗﻲ ﺍﻟﻨﺎﺱ ﻇﺎﻟﻤﻨﻚ .. ﺑﺲ ﺻﺪﻗﻴﻨﻲ ﺣﺒﻲ ﻟﻴﻚ ﺣﺐ ﻋﺎﺩﻝ ﻭﺣﻘﻴﻘﻲ ..💜 ﺇﻳﻤﺎﻥ : ﺑﺲ ﺍﻧﺎ ﻣﺎ ﺑﺴﺘﺤﻖ ﺍﻟﺤﺐ ﺩﺍ ..💔 ﺍﻧﺖ ﺑﺘﺴﺘﺤﻖ ﺍﻷﺣﺴﻦ ﻣﻨﻲ ﻳﺎ ﻓﺎﺭﺱ .. ﻓﺎﺭﺱ : ﻭﻟﻮ ﻗﻠﺖ ﻟﻴﻚ ﻋﺎﻳﺰﻙ ﺍﻧﺘﻲ ﻭﺑﺲ ﻭﻣﺎ ﻋﺎﻳﺰ ﺍﻷﺣﺴﻦ .. ﺩﺍ ﻟﻮ ﻓﻲ ﺃﺣﺴﻦ ﻣﻨﻚ .. ﺇﻳﻤﺎﻥ : ﺣﺄﻗﻮﻝ ﻟﻴﻚ ﺍﻧﺖ ﺍﻟﺤﻠﻢ ﺍﻟﻮﺣﻴﺪ ﺍﻻﺗﻤﻨﻴﺖ ﺍﻧﻮ ﻣﺎﺍﺍ ﻳﺘﺤﻘﻖ ﻧﻬﺎﺋﻲ .. ﻭﺍﺗﻤﻨﻴﺖ ﺗﻔﻀﻞ ﺣﻠﻢ ﺟﻤﻴﻞ .. ﻓﺎﺭﺱ : ﻭﺍﻧﺘﻲ ﺍﻟﺤﻠﻢ ﺍﻟﻮﺣﻴﺪ ﺍﻷﺗﻤﻨﻴﺘﻮ ﻣﻦ ﺃﻭﻝ ﻳﻮﻡ ﺷﻔﺘﻚ ﻓﻴﻬﻮ .. ﻭﻣﻨﺘﻈﺮ ﺗﻮﺍﻓﻘﻲ ﻋﺸﺎﻥ ﺍﻟﺤﻠﻢ ﻳﺒﻘﻰ ﺣﻘﻴﻘﺔ .. ﻭﺟﻮﺍﺑﻚ ﺣﻴﺜﺒﺖ ﻣﻨﻮ ﺍﻟﻔﻴﻨﺎ ﺇﺭﺍﺩﺗﻮ ﺃﻗﻮﻯ .. ﺣﻠﻤﻚ ﺍﻟﻤﺎ ﻋﺎﻳﺰﺍﻫﻮ ﻳﺘﺤﻘﻖ ﻭﻻ ﺣﻠﻤﻲ ﺍﻟﻤﺎ ﻋﺎﻳﺰ ﻏﻴﺮﻭ ﻳﺘﺤﻘﻖ ..💜 " ﺇﻳﻤﺎﻥ ﺟﻮﺍﻫﺎ ... ﺍﺍﺍﻱ ﺍﺍﺍﻱ ﺍﺍﺍﻱ ﺑﻘﺒﻞ ﺑﻘﺒﻞ ﺑﻘﺒﻞ ..😭 ﺳﺎﻋﺪﻧﻲ ﻳﺎ ﻓﺎﺭﺱ .. ﺳﺎﻋﺪﻧﻲ ﺍﺗﺨﻠﺺ ﻣﻦ ﻋﺬﺍﺏ ﺍﻟﻀﻤﻴﺮ ﺩﺍﺍﺍﺍ .."!!!! " ﺑﻌﺪ ﺷﻮﻳﺔ ﻓﺎﺭﺱ ﻗﺎﻝ ﻟﻴﻬﺎ .." ﻓﺎﺭﺱ : ﺃﻧﺎ ﻣﺎﺩﻱ ﻳﺪﻱ ﻟﻴﻚ ﻋﺸﺎﻥ ﺃﺳﺎﻋﺪﻙ ﺗﺘﺨﻠﺼﻲ ﻣﻦ ﻋﺬﺍﺏ ﺍﻟﻀﻤﻴﺮ ﺍﻟﺸﺎﻳﻔﻮ ﻓﻲ ﻋﻴﻮﻧﻚ ..! ﻭ ﺻﺪﻗﻴﻨﻲ ﻣﺎ ﺣﺄﺧﻠﻴﻚ ﺑﺮﺍﻙ ﻣﻬﻤﺎ ﻳﺤﺼﻞ .. ﺍﻧﺘﻲ ﺑﺲ ﺍﺛﻘﻲ ﻓﻴﻨﻲ ﻭﻟﻮ ﺫﺭﺓ ﺑﺲ ﻳﺎ ﺇﻳﻤﺎﻥ .. ﺇﻳﻤﺎﻥ : ﺍﻧﺖ ﻋﺎﺭﻑ .. ﺳﻤﻌﺖ ﻛﻼﻡ ﻛﺘﻴﺮ ﺑﺸﺒﻪ ﻛﻼﻣﻚ ﺑﺲ .. ﺑﺲ ﺩﻱ ﺍﻭﻝ ﺍﻗﺮﺍ ﺍﻟﻜﻼﻡ ﺩﺍ ﻣﻦ ﻋﻴﻮﻥ ﺯﻭﻝ ﻭﺃﻭﻝ ﻣﺮﺓ ﺍﺣﺲ ﻧﻔﺴﻲ ﻣﺘﻄﻤﻨﺔ ﻭﻭﺍﺛﻘﺔ ﻭﻣﺮﺗﺎﺣﺔ ﻭﺃﻭﻝ ﻣﺮﺓ ﻗﻠﺒﻲ ﻳﺪﻕ ﺑﺎﻟﺴﺮﻋﺔ ﺩﻱ ..!! ﻗﻠﺒﻲ ﺩﻕ ﻟﻴﻚ ﻳﺎ ﻓﺎﺭﺱ ﺑﺲ ﻭﺍﻟﻠﻪ ﺍﻟﺪﻗﺔ ﺩﻱ ﺣﺘﺨﺮﺏ ﺣﻴﺎﺗﻚ .. ﻓﺎﺭﺱ : ﻟﻲ ﺍﻟﺸﺮﻑ ﺍﻧﻮ ﺣﻴﺎﺗﻲ ﺗﺘﺨﺮﺏ ﺑﺴﺒﺐ ﺇﻳﻤﺎﻥ ﺍﻟﺴﻤﺤﺔ ..💜 ﻳﺎ ﺍﻳﻤﺎﻥ ﻭﺍﻟﻠﻪ ﺍﻧﺘﻲ ﺻﻮﺕ ﺍﻟﻔﺮﺡ ﺍﻟﻨﺎﺩﺍﻧﻲ ﻭﺍﻧﺎ ﻓﻲ ﺑﻴﺮ ﺍﻟﺤﺰﻥ .. ﺍﻧﺘﻲ ﺩﺭﺏ ﺍﻷﻣﻞ ﺍﻻﺗﺒﻨﻰ ﻗﺼﺎﺩ ﺳﻜﺔ ﺍﻷﻟﻢ .. ﺍﻧﺘﻲ ﺩﻧﻴﺘﻲ ﻭﺣﺄﺻﺒﺮ ﻋﻠﻴﻚ ﻵﺧﺮ ﻧﻔﺲ ..💜 ﺇﻳﻤﺎﻥ : ﺗﻮﻋﺪﻧﻲ ﺗﺒﻘﻰ ﻏﻔﺮﺍﻧﻲ ﻳﺎ ﻓﺎﺭﺱ؟ .. ﻓﺎﺭﺱ : ﺑﻮﻋﺪﻙ ﺍﻧﻮ ﻣﻌﺎﻱ ﺣﻴﻜﻮﻥ ﻏﻔﺮﺍﻧﻚ ﻳﺎ ﺍﻳﻤﺎﻥ .. ﺍﺛﻘﻲ ﻓﻴﻨﻲ ﻋﺸﺎﻥ ﺍﺭﺟﻊ ﻟﻴﻚ ﺛﻘﺘﻚ ﺑﻨﻔﺴﻚ .. ﺇﻳﻤﺎﻥ : ﻭﺍﺛﻘﺔ ﻓﻴﻚ ﻭﺍﻟﻠﻪ ..💜 ﻓﺎﺭﺱ : ﻓﻲ ﺳﺆﺍﻝ ﻓﻲ ﺭﺍﺳﻲ ﻭﻣﻦ ﺯﻣﺎﻥ ﺑﻔﺘﺶ ﻟﻺﺟﺎﺑﺔ .. ﺇﻳﻤﺎﻥ : ﺇﻥ ﻭﺟﺪﺕ ﺗﻠﻘﺎﻫﺎ ﻋﻨﺪﻱ .. ﺍﺗﻔﻀﻞ ﺍﺳﺄﻝ .. ﻓﺎﺭﺱ : ﺍﻟﺒﻨﺎﺕ ﺍﻟﻘﺎﺑﻠﺘﻬﻢ ﻧﻔﻴﺴﺔ ﻭﺑﻨﺎﺩﻭﺍ ﻟﻴﻚ ﻣﺎﻣﺎ ﺩﻳﻞ ﻣﻨﻮ؟ " ﺇﻳﻤﺎﻥ ﺍﺑﺘﺴﻤﺖ ﻭﻗﺎﻟﺖ .." ﺇﻳﻤﺎﻥ : ﺩﻳﻞ ﺍﻟﺴﺒﺐ ﺍﻟﻤﺨﻠﻴﻨﻲ ﻣﺴﺘﺤﻤﻠﺔ ﻧﻔﺴﻲ ﻭﺍﻟﺪﻧﻴﺎ .. ﺩﻳﻞ ﺃﺧﻮﺍﺗﻲ ﻳﺎ ﻓﺎﺭﺱ .. ﻫﻮﺍﻳﺎ ﺍﻟﺒﺘﻨﻔﺴﻮ .. ﻓﺎﺭﺱ : ﺍﻫﺎﺍ ﻣﺎ ﺷﺎﺀ ﺍﻟﻠﻪ ﺭﺑﻨﺎ ﻳﺤﻔﻈﻬﻢ .. ﺇﻳﻤﺎﻥ : ﺁﻣﻴﻴﻦ .. ﻣﺴﺘﻌﺪ ﺗﺴﻤﻊ ﺣﻜﺎﻳﺘﻲ؟ ..! ﻓﺎﺭﺱ : ﻣﺴﺘﻌﺪ ﻣﻦ ﺯﻣﺎﻥ .. ﺑﺲ ﺍﻧﺘﻲ ﻣﺴﺘﻌﺪﺓ ﺗﺤﻜﻲ ﻟﻲ؟؟ .. " ﺇﻳﻤﺎﻥ ﺑﺪﺕ ﺗﺒﻜﻲ ..." ﺇﻳﻤﺎﻥ : ﺧﺎﻳﻔﺔ ﺗﻜﺮﻫﻨﻲ ﻳﺎ ﻓﺎﺭﺱ .. ﻓﺎﺭﺱ : ﺍﺗﻄﻤﻨﻲ ﺍﻟﺒﺤﺒﻚ ﺑﺼﺪﻕ ﻋﻤﺮﻭ ﻣﺎ ﺑﻜﺮﻫﻚ .. ﺍﺣﻜﻲ ﻟﻲ ﻭﺍﻧﺎ ﺳﺎﻣﻌﺎﻙ ﻭﻓﺎﻫﻤﻚ ﻗﺒﻞ ﺗﺤﻜﻲ ".. ﺇﻳﻤﺎﻥ ﻫﺪﺕ ﺷﻮﻳﺔ ﻭﺑﺪﺕ ﺗﺤﻜﻲ .." ﺇﻳﻤﺎﻥ : ﻟﻤﻦ ﻛﻨﺖ ﻣﻤﺘﺤﻨﺔ ﺗﺎﻟﺘﺔ ﻛﺎﻧﺖ ﺍﺳﻮﺀ ﺳﻨﺔ ﻓﻲ ﺣﻴﺎﺗﻲ .. ﺍﺑﻮﻱ ﻛﺎﻥ ﺳﻜﺮﺟﻲ ﻭﻛﺎﻥ ﻛﻞ ﻳﻮﻡ ﺑﻀﺮﺏ ﺃﻣﻲ ﺑﺎﻟﻠﻴﻞ ﻭ ﻟﻤﻦ ﻳﺠﻲ ﺍﻟﻠﻴﻞ ﺃﻣﻲ ﺑﺘﺤﺒﺴﻨﺎ ﺍﻧﺎ ﻭﺍﺧﻮﺍﺗﻲ ﻓﻲ ﻏﺮﻓﺔ ﻭﺣﺪﺓ ﻭﺑﻨﺴﻤﻊ ﺃﺻﻮﺍﺕ ﺍﻟﻀﺮﺏ ﻭﺍﻟﺒﻜﺎ ﻭﺍﻟﻜﻮﺍﺭﻳﻚ ﺑﺲ ﻣﺎ ﺑﻨﻘﺪﺭ ﻧﻌﻤﻞ ﺷﻲ .. ﺑﻨﺮﻗﺪ ﻓﻲ ﺳﺮﺍﻳﺮﻧﺎ ﻭﻋﻴﻮﻧﻨﺎ ﺑﺘﻜﻮﻥ ﻋﻠﻰ ﺍﻟﺒﺎﺏ ﻭﻣﻨﺘﻈﺮﻳﻦ ﺃﻣﻲ ﺗﺠﻲ ﻭﺗﻘﻮﻝ ﻟﻴﻨﺎ ﻣﺎ ﺗﺨﺎﻓﻮﺍ ﻳﺎ ﺣﺒﺎﻳﺒﻲ ﺍﻧﺎ ﻛﻮﻳﺴﺔ ﻭﺗﺠﻲ ﺗﺒﻮﺳﻨﺎ ﻭﺗﻐﻨﻲ ﻟﻴﻨﺎ ﻋﺸﺎﻥ ﻧﻨﻮﻡ .. ﺻﺢ ﺍﻧﺎ ﻛﻨﺖ ﻛﺒﻴﺮﺓ ﺑﺲ ﻣﺎ ﻛﻨﺖ ﻗﺎﺩﺭﺓ ﺃﺳﺎﻋﺪ ﺃﻣﻲ ﻭﻛﻨﺖ ﺑﺴﺎﻋﺪ ﺍﺧﻮﺍﺗﻲ ﺑﺲ .. ﻟﺤﺪﻱ ﻣﺎ ﺟﺎ ﺍﻟﻴﻮﻡ ﺍﻷﺳﻮﺩ ﻭﺧﻠﻰ ﺍﻟﺴﻮﺍﺩ ﻳﺴﺘﻤﺮ ﻟﺤﺪﻱ ﺍﻟﻠﻴﻠﺔ ﺩﻱ .. ﻧﻔﺲ ﺍﻟﺮﻭﺗﻴﻦ ﺍﺗﻌﺎﺩ ﺑﺎﻟﻠﻴﻞ ﺑﺲ ﺍﻟﻤﺮﺓ ﺩﻱ ﺍﻟﺒﺎﺏ ﻣﺎ ﺍﺗﻔﺘﺢ .. ﻭﺃﻣﻲ ﻣﺎ ﻃﻤﻨﺘﻨﺎ ﻭﻣﺎ ﻏﻨﺖ ﻷﺧﻮﺍﺗﻲ .. ﺍﻟﻴﻮﻡ ﺩﺍﻙ ﻣﺎ ﻧﻤﺖ ﻭﺍﻧﺘﻈﺮﺕ ﺍﻟﺼﺒﺎﺡ ﻳﺠﻲ ﻭﻟﺴﺴﺔ ﻋﻨﺪﻱ ﺃﻣﻞ ﺍﻧﻮ ﺍﻟﺒﺎﺏ ﻳﻔﺘﺢ .. ﻭﺃﺧﻴﺮﺍ ﺍﻟﺒﺎﺏ ﻓﺘﺢ .. ﺑﺲ ﺍﻟﻤﺮﺓ ﺩﻱ ﻣﺎ ﻛﺎﻧﺖ ﺃﻣﻲ ﻛﺎﻧﺖ ﻣﺮﺓ ﺍﻟﺠﻴﺮﺍﻥ ﻭﻫﻲ ﺑﺘﻌﺎﻳﻦ ﻟﻲ ﺑﻨﻈﺮﺓ ﺷﻔﻘﺔ ﻏﺮﻳﺒﺔ ..!! ﻓﻬﻤﺖ ﺍﻟﻨﻈﺮﺓ ﺑﺲ ﻣﺎ ﺻﺪﻗﺘﻬﺎ .. ﺭﻓﻀﺖ ﺃﺻﺪﻗﻬﺎ .. ﺟﻄﺖ ﻭﺟﻨﻴﺖ ﻭﺑﻜﻴﺖ ﻭﻛﻮﺭﻛﺖ ..! ﺍﺑﻮﻱ ﻗﺘﻞ ﺃﻣﻲ ﻳﺎ ﻓﺎﺭﺱ .. ﻗﺘﻞ ﺃﻣﻠﻨﺎ ﻭﻗﺘﻞ ﺳﻨﺪﻧﺎ ﻭﻗﺘﻞ ﻋﺰﻭﺗﻨﺎ .. ﻭﻓﻲ ﻧﻔﺲ ﺍﻟﻴﻮﻡ ﺩﺍﻙ ﺇﻳﻤﺎﻥ ﻣﺎﺗﺖ ﻣﻊ ﺃﻣﻬﺎ .. ﻣﺮﺕ ﺍﻟﺸﻬﻮﺭ ﻭﺍﺑﻮﻱ ﺍﻋﺪﻣﻮﻫﻮ ﻭﻛﺪﺍ ﺑﻴﺘﻨﺎ ﺑﻘﻰ ﻓﺎﺿﻲ ﺑﺪﻭﻥ ﺍﺑﻮ ﻭﺑﺪﻭﻥ ﺃﻡ ﻭﺍﻧﺎ ﺑﻘﻴﺖ ﺍﻻﺗﻨﻴﻦ ﻷﺧﻮﺍﺗﻲ .. ﺃﻫﻠﻨﺎ ﻛﻠﻬﻢ ﻓﻲ ﺍﻟﺒﻠﺪ ﻭﺍﻧﺎ ﺭﻓﻀﺖ ﺍﺧﻠﻲ ﺑﻴﺘﻨﺎ ﻭﺫﻛﺮﻳﺎﺗﻨﺎ ﻛﻠﻬﺎ ﻭﺍﻣﺸﻲ ﺍﻟﺒﻠﺪ .. ﻭﻛﺪﺍ ﻗﻄﻌﺖ ﻋﻼﻗﺘﻲ ﻣﻊ ﺃﻫﻠﻨﺎ ﻭﻣﺎ ﻓﻀﻞ ﻟﻴﻨﺎ ﺯﻭﻝ ..! ﺍﺗﻔﺮﺿﺖ ﻋﻠﻲ ﺣﺎﺟﺎﺕ ﻛﺘﻴﺮﺓ ﺃﻛﺒﺮ ﻣﻨﻲ .. ﺑﻌﺖ ﺍﺍﻱ ﺣﺎﺟﺔ ﻣﻤﻜﻦ ﺗﺘﺒﺎﻉ ﻭﺩﺧﻠﺖ ﺍﻟﺠﺎﻣﻌﺔ ﺑﺎﻟﻐﺼﺐ ..! ﻭﻛﻞ ﺳﻨﺔ ﺗﻤﺮ ﺍﻟﻈﺮﻭﻑ ﺑﺘﺒﻘﻰ ﺃﺻﻌﺐ ﻟﺤﺪﻱ ﻣﺎ ﺧﻼﺹ ﻭﺻﻠﻨﺎ ﺍﻟﻬﺎﻭﻳﺔ .. ﻭﺍﻧﺎ ﻟﻸﺳﻒ ﺍﺧﺘﺮﺕ ﺃﺳﻬﻞ ﻃﺮﻳﻖ ﻭﺍﺯﻓﺖ ﻃﺮﻳﻖ ﻓﻲ ﻧﻔﺲ ﺍﻟﻮﻗﺖ ..

ﺑﻘﻴﺖ ﺑﻄﻠﻊ ﻣﻊ ﺩﺍ ﻭﺩﺍ ﻭ ﻛﻞ ﻣﺎ ﺗﺠﻴﻨﻲ ﻫﺪﻳﺔ ﺃﻭ ﻛﺪﺍ ﺑﺒﻴﻌﻬﺎ ﻭﻛﻞ ﻣﺎ ﺍﻣﺸﻲ ﻣﻄﻌﻢ ﺑﺸﻴﻞ ﺑﺎﻗﻲ ﺍﻻﻛﻞ ﺳﺎﻓﺮﻱ ﻭﺑﻮﺩﻳﻬﻮ ﻷﺧﻮﺍﺗﻲ ..💔 ﻛﻞ ﻳﻮﻡ ﺑﻜﺮﻩ ﻧﻔﺴﻲ ﺯﻳﺎﺩﺓ ﻭﺯﻳﺎﺩﺓ ﻭﺿﻤﻴﺮﻱ ﺍﻟﻤﺆﻧﺒﻨﻲ ﺭﺍﻓﺾ ﻳﺴﻜﺖ ..! ﻓﺎﺭﺱ ﻭﺍﻟﻌﺒﺮﺓ ﺧﺎﻧﻘﺎﻫﻮ : ﺧﻠﻴﻚ ﻋﺎﺭﻓﺔ ﺍﻧﻮ ﺍﻟﻌﻴﺐ ﻣﺎ ﻟﻤﻦ ﻧﻐﻠﻂ .. ﺍﻟﻌﻴﺐ ﺍﻧﻮ ﻟﻤﻦ ﻧﻐﻠﻂ ﺿﻤﻴﺮﻧﺎ ﻣﺎ ﻳﺄﻧﺒﻨﺎ ﻳﺎ ﺇﻳﻤﺎﻥ .. ﻣﺎﺩﺍﻡ ﻟﺴﺴﺔ ﺟﻮﺍﻙ ﺇﺣﺴﺎﺱ ﻭﺿﻤﻴﺮ ﺻﺎﺣﻲ ﺍﺗﺄﻛﺪﻱ ﻭﺍﺗﻄﻤﻨﻲ ﺍﻧﻚ ﺯﻭﻟﺔ ﻛﻮﻳﺴﺔ ﻭﻃﺎﻫﺮﺓ ﻣﻦ ﺟﻮﺍﻙ .. ﺇﻳﻤﺎﻥ : ﻳﻌﻨﻲ ﻓﻲ ﺃﻣﻞ ﺃﺭﺟﻊ ﺇﻳﻤﺎﻥ ﺍﻟﻘﺪﻳﻤﺔ؟ ..! ﻓﺎﺭﺱ : ﻣﺎﺩﺍﻡ ﺍﻹﺭﺍﺩﺓ ﻓﻲ .. ﺍﻷﻣﻞ ﻣﻮﺟﻮﺩ ..💜 ﺃﻭﻝ ﺧﻄﻮﺓ ﻫﻲ .. " ﻓﺎﺭﺱ ﻋﺎﻳﻦ ﻝ ﺷﻌﺮﻫﺎ ﻭﻗﺎﻝ ﻟﻴﻬﺎ .." ﻟﺒﺴﻚ ﻧﺎﻗﺼﻮ ﻃﺮﺣﺔ ﺑﺲ ﺗﺰﻳﻨﻮ .. " ﺇﻳﻤﺎﻥ ﺍﺑﺘﺴﻤﺖ ﻭﺍﻟﻮﺟﻨﺎﺕ ﻇﻬﺮﺕ .."😉 ﺇﻳﻤﺎﻥ : ﺣﺎﺿﺮ ﻳﺎ ﺍﻟﺤﺒﻴﺐ ..💜 " ﻓﺎﺭﺱ ﻣﺎ ﺻﺪﻕ ﺍﻟﺴﻤﻌﻮ ﻭﺣﺴﻰ ﺍﻷﺭﺽ ﻣﺎ ﺷﺎﻳﻼﻫﻮ ﺑﺎﻟﻔﺮﺣﺔ .."! ﻓﺎﺭﺱ : ﻳﻌﻨﻲ ﺣﻠﻤﻲ ﺍﺗﺤﻘﻖ؟ ..!! ﺃﻳﻤﺎﻥ : ﺣﻠﻤﻨﺎ ﺍﺗﺤﻘﻖ ﻻﻧﻮ ﺣﻠﻤﻲ ﺍﻟﺠﺪﻳﺪ ﺍﻛﻮﻥ ﺟﻤﺒﻚ ﻟﻠﻨﻬﺎﻳﺔ .. ﻓﺎﺭﺱ : ﻭﺍﻧﺎ ﺑﻮﻋﺪﻙ ﺣﺎﻗﻴﻒ ﻣﻌﺎﻙ ﻭﺣﺄﺻﺒﺮ ﻟﻠﻨﻬﺎﻳﺔ ..💜

ﻳﺘﺒﻊ

#بك_غفراني22_الأخيرة
ﺍﻟﻴﻮﻡ ﺍﻟﺘﺎﻧﻲ ﻓﺎﺭﺱ ﻣﺸﻰ ﺟﺎﻣﻌﺔ ﻧﻔﻴﺴﺔ ﻭﺍﻧﺘﻈﺮﻫﺎ ﻟﺤﺪﻱ ﻣﺎ ﺧﻠﺼﺖ ﻭﻃﻠﻌﺖ ﻫﻲ ﻭﺇﻳﻤﺎﻥ .. ﻟﻤﻦ ﻓﺎﺭﺱ ﺷﺎﻓﻬﻢ ﻭﻫﻢ ﺟﺎﻳﻴﻦ ﻋﻠﻴﻬﻮ ﻣﺎ ﻗﺪﺭ ﻳﺼﺪﻕ ﻋﻴﻮﻧﻮ ! .. ﺇﻳﻤﺎﻥ ﻛﺎﻧﺖ ﺯﻱ ﺍﻟﻤﻼﻙ ﻣﺘﺤﺠﺒﺔ ﺑﺎﻟﻄﺮﺣﺔ ..💜 ﻭﺑﻌﺪ ﻣﺎ ﺳﻠﻤﻮﺍ ﻋﻠﻰ ﻓﺎﺭﺱ ﻓﺎﺭﺱ ﻋﺎﻳﻦ ﻝ ﺇﻳﻤﺎﻥ ﻭﻗﺎﻝ ﺑﺪﻭﻥ ﻣﺎ ﻳﺸﻌﺮ .." ﻓﺎﺭﺱ : ﻣﺎ ﺷﺎﺀ ﺍﻟﻠﻪ ..💜 ﻧﻔﻴﺴﺔ ﻭﻫﻲ ﺑﺘﻌﺎﻳﻦ ﻝ ﻋﺼﺎﻓﻴﺮ ﺍﻟﺤﺐ ﺩﻳﻞ ﻭﺑﺘﻀﺤﻚ : ﺍﻟﻠﻪ ﻻ ﺿﺮﺍﻙ ﻱ ﺍﺧﻮﻱ ..😂 ﺇﻳﻤﺎﻥ ﺑﻬﺪﻭﺀ ﻭﺧﺠﻞ : ﺍﻟﻠﻪ ﻻ ﺿﺮﺍﻙ .. ﺍﻫﺎ ﺍﻟﺨﻄﻮﺓ ﺍﻟﺠﺎﻳﺔ ﺍﻟﻤﻔﺮﻭﺽ ﺍﻋﻤﻠﻬﺎ ﺷﻨﻮ ".. ﻧﻔﻴﺴﺔ ﻋﺎﻳﻨﺖ ﻟﻴﻬﻢ ﻭﺣﺴﺖ ﺍﻧﻮ ﻣﻔﺮﻭﺽ ﺗﺨﻠﻴﻬﻢ ﺑﺮﺍﺣﺘﻬﻢ ..😂 ﻭﻗﺎﻟﺖ " ﻧﻔﻴﺴﺔ : ﺃﻧﺎ ﺣﺎﻧﺘﻈﺮﻙ ﻑ ﺍﻟﻌﺮﺑﻴﺔ ﻱ ﻓﺎﺭﺱ ﻋﺸﺎﻥ ﺭﺟﻠﻲ ﻭﺍﺟﻌﺎﻧﻲ ..😉 ﻓﺎﺭﺱ : ﻛﻮﻳﺲ ..😂 " ﻧﻔﻴﺴﺔ ﻣﺸﺖ ﻭﺧﻠﺘﻬﻢ ﻭﺍﻗﻔﻴﻦ .." ﻓﺎﺭﺱ : ﺍﻟﺨﻄﻮﺓ ﺍﻟﺠﺎﻳﺔ ﻱ ﺳﺘﻲ ﺗﻐﻴﺮﻱ ﺭﻗﻤﻚ .. ﺃﻳﻤﺎﻥ ﻭﻫﻲ ﻣﺒﺘﺴﻤﺔ : ﻏﻴﺮﺗﻮ ﻣﻦ ﺍﻣﺲ .. ﺍﻫﺎ ﻭﺗﺎﻧﻲ .. ﻓﺎﺭﺱ : ﻓﻲ ﺯﻭﻝ ﺿﺎﻳﻘﻚ ﺑﺎﻟﺘﻌﻠﻴﻘﺎﺕ ﻋﻠﻰ ﺍﻟﺤﺠﺎﺏ ﺍﻟﻠﻴﻠﺔ؟ .. ﺇﻳﻤﺎﻥ : ﺍﺍﻱ .. ﺑﺲ ﻋﺎﺩﻱ ﺍﺗﻌﻮﺩﺕ ﻋﻠﻰ ﺍﻟﺘﻨﻤﺮ ﺩﺍ .. ﻓﺎﺭﺱ ﺑﺰﻋﻞ : ﻳﻌﻨﻲ ﺿﺎﻳﻘﻮﻙ؟ ..!! ﺇﻳﻤﺎﻥ : ﺍﺍﻱ ﺑﺲ ﻭﺍﻟﻠﻪ ﻣﺎ ﺍﺷﺘﻐﻠﺖ ﺑﻴﻬﻢ .. ﻓﺎﺭﺱ : ﻭﺭﻳﻨﻲ ﺩﻳﻞ ﻣﻨﻮ ﺩﻳﻞ ..!! ﺇﻳﻤﺎﻥ : ﺧﻼﺹ ﻱ ﻓﺎﺭﺱ ﺍﻧﺴﺎﻫﻢ ﺑﺲ ﺯﻱ ﻣﺎ ﻋﻤﻠﺖ ﺍﻧﺎ .. ﻓﺎﺭﺱ : ﺍﻧﺘﻲ ﺧﻂ ﺃﺣﻤﺮ ﻳﺎ ﺇﻳﻤﺎﻥ ﻭﺍﻟﺒﻌﺪﻱ ﺣﺪﻭﺩﻭ ﻣﻌﺎﻙ ﻭﺍﻟﻠﻪ ﻣﺎ ﺣﺄﺧﻠﻴﻬﻮ ..!! " ﺇﻳﻤﺎﻥ ﻋﺎﻳﻨﺖ ﻝ ﻓﺎﺭﺱ ﻣﺴﺎﻓﺔ ﻭﻏﻠﺒﻬﺎ ﺍﻟﺘﻌﺒﻴﺮ .. ﻗﺎﻟﺖ ﻟﻴﻬﻮ " ﺇﻳﻤﺎﻥ : ﻳﺎ ﻓﺎﺭﺱ .. ﻓﺎﺭﺱ : ﺟﻤﺒﻚ .. ﺇﻳﻤﺎﻥ : ﺍﻧﺖ ﻧﻌﻤﺔ ﻭﺍﻟﻠﻪ ..💜 ﻓﺎﺭﺱ ﻭﻫﻮ ﻣﺒﺘﺴﻢ : ﺍﻧﺘﻲ ﺍﻟﻨﻌﻤﺔ ﻭﺍﻟﻠﻪ ﻭﺑﺪﻋﻲ ﺭﺑﻨﺎ ﻳﺪﻳﻤﻚ ﻟﻲ 💜
ﺇﻳﻤﺎﻥ : ﺍﻣﺸﻲ ﻋﺸﺎﻥ ﻧﻔﻴﺴﺔ ﻣﺎ ﺗﻨﺘﻈﺮ ﺍﻛﺘﺮ ﻣﻦ ﻛﺪﺍ .. ﻓﺎﺭﺱ : ﻭﺍﻧﺘﻲ؟ .. ﺇﻳﻤﺎﻥ : ﺃﻧﺎ ﻣﺎﻟﻲ؟ .. ﻓﺎﺭﺱ : ﺣﺘﺮﺟﻌﻲ ﺍﻟﺒﻴﺖ ﺑﺮﺍﻙ؟ .. ﺇﻳﻤﺎﻥ ﻭﻫﻲ ﻣﺒﺘﺴﻤﺔ : ﺍﺍﻱ ﻃﺒﻌﺎ .. ﻓﺎﺭﺱ : ﻻﻻ ﺍﻧﺎ ﺣﺄﻭﺻﻠﻚ .. ﺇﻳﻤﺎﻥ : ﻟﻤﻦ ﺗﺒﻘﻰ ﺭﺍﺟﻠﻲ ﻭﺻﻠﻨﻲ .. ﺣﺴﻲ ﺑﻤﺶ ﺑﺮﺍﻱ ..😂 ﻓﺎﺭﺱ : ﺧﻠﻲ ﺑﺎﻟﻚ ﻣﻦ ﻧﻔﺴﻚ ﻃﻴﺐ ﻭﺃﻭﻝ ﻣﺎ ﺗﺼﻠﻲ ﺍﺗﺼﻠﻲ ﻋﻠﻲ .. ﺇﻳﻤﺎﻥ : ﺣﺎﺿﺮ .. ﺑﺘﺼﻞ ﻝ ﻧﻔﻴﺴﺔ ﻟﻤﻦ ﺍﺻﻞ .. ﻓﺎﺭﺱ ﻭﻫﻮ ﺑﻀﺤﻚ : ﻃﻴﺐ ﺗﻤﺎﻡ .. " ﻓﺎﺭﺱ ﻓﺠﺄﺓ ﻋﺎﻳﻦ ﻛﺪﺍ ﻟﻘﻰ ﻣﻼﺫ ﻭﺍﻗﻔﺔ ﻣﻊ ﻭﺍﺣﺪ ﻣﻦ ﺍﻷﻭﻻﺩ .. ﻣﺎ ﺍﺷﺘﻐﻞ ﺑﻴﻬﺎ ﺑﺲ ﺍﺳﺘﻐﺮﺏ ﺍﻟﺠﺎﺑﻬﺎ ﺍﻟﺠﺎﻣﻌﺔ ﺩﻱ ﺷﻨﻮ !! ﻭﺣﺴﻰ ﺍﻧﻬﺎ ﻧﺎﻭﻳﺔ ﻋﻠﻰ ﻣﺼﻴﺒﺔ ﺗﺎﻧﻴﺔ .."!
ﻣﻼﺫ : ﺑﺘﻌﺮﻑ ﺑﺖ ﺍﺳﻤﻬﺎ ﺇﻳﻤﺎﻥ ﺻﻼﺡ؟ .. ﺍﻟﻮﻟﺪ : ﻓﻲ ﺯﻭﻝ ﻓﻲ ﺍﻟﺠﺎﻣﻌﺔ ﺩﻱ ﻣﺎ ﺑﻌﺮﻑ ﺇﻳﻤﺎﻥ ﺻﻼﺡ .. ﻣﻼﺫ : ﺑﺲ ﺗﻤﺎﻡ .. ﺩﻱ ﺍﻟﺰﻭﻟﺔ ﺍﻟﺪﺍﻳﺮﺍﻙ ﺗﻨﻔﺬ ﻣﻌﺎﻫﺎ ﻣﻮﺿﻮﻋﻨﺎ .. ﺍﻟﻮﻟﺪ : ﻗﺪﺍﺍﻡ .. ﺑﺲ ﺍﻧﺎ ﻣﺎ ﺑﻌﻤﻞ ﺷﻲ ﺑﺪﻭﻥ ﻣﻘﺎﺑﻞ ﻱ ﻣﺰﺓ .. ﻣﻼﺫ : ﺑﻌﻤﻞ ﻟﻴﻚ ﺍﺍﻱ ﺷﻲ ﻋﺎﻳﺰﻭ ﺑﺲ ﺍﻧﺖ ﺗﻨﻔﺬ .. ﺍﻟﻮﻟﺪ : ﺍﺍﻱ ﺷﻲ ﺍﺍﻱ ﺷﻲ ﻋﺎﻳﺰﻭ؟ .. ﻣﻼﺫ : ﺍﺍﺍﻱ ﺍﻱ ﺷﻲ .. ﺍﻟﻮﻟﺪ : ﺍﻧﺖ ﻗﺪﺭ ﻛﻼﻣﻚ ﺩﺍ ..😉 ﻣﻼﺫ : ﻗﺪﺭﻭ ﻭﻧﺺ ﻛﻤﺎﻥ .. ﺍﻟﻮﻟﺪ : ﻧﺸﻮﻑ ﻱ ﻣﺰﺓ 😉
" ﺑﻌﺪ ﻛﻢ ﻳﻮﻡ ﻛﺪﺍ .. ﺇﻳﻤﺎﻥ ﻃﻠﻌﺖ ﻣﻦ ﺍﻟﺠﺎﻣﻌﺔ ﻭﺭﻛﺒﺖ ﺍﻟﻤﻮﺍﺻﻼﺕ ﻭﻻﺣﻈﺖ ﺍﻧﻮ ﻑ ﻭﻟﺪ ﺭﻛﺐ ﻣﻌﺎﻫﺎ ﻭﻻﺣﻘﻬﺎ .. ﺑﻌﺪ ﻧﺰﻟﺖ ﻭﺑﻘﺖ ﻣﺎﺷﺔ ﺏ ﺭﺟﻠﻴﻨﻬﺎ ﻻﺣﻈﺖ ﺍﻧﻮ ﻧﻔﺲ ﺍﻟﻮﻟﺪ ﻟﺴﺴﺔ ﻻﺣﻘﻬﺎ ﻗﺎﻣﺖ ﺍﺗﻠﻔﺘﺖ ﻋﻠﻴﻬﻮ ﻭﻗﺎﻟﺖ ﻟﻴﻬﻮ : ﻋﺎﻳﺰ ﺷﻨﻮ ﺍﻧﺖ؟؟ .. ﺍﻟﻮﻟﺪ ﻛﺎﻥ ﻻﺑﺲ ﺷﺎﻝ ﻭﻣﻐﻄﻲ ﻭﺷﻮ .. ﻣﺎ ﺭﺩ ﻋﻠﻴﻬﺎ ﻭﻭﻗﻒ ﻓﻲ ﻣﻜﺎﻧﻮ ﻭﺍﻧﺘﻈﺮﻫﺎ ﻟﺤﺪﻱ ﻣﺎ ﺩﺧﻠﺖ ﺑﻴﺘﻬﺎ .. ﺑﻌﺪ ﺇﻳﻤﺎﻥ ﻭﺻﻠﺖ ﺍﺗﺼﻠﺖ ﻋﻠﻰ ﻧﻔﻴﺴﺔ ﻭﺣﻜﺖ ﻟﻴﻬﺎ ﺍﻟﺤﺼﻞ ﻣﻌﺎﻫﺎ
" ﺍﻟﻴﻮﻡ ﺍﻟﺒﻌﻴﺪﻫﻮ ﻟﻤﻦ ﺇﻳﻤﺎﻥ ﺭﺟﻌﺖ ﺍﻟﺒﻴﺖ ﺍﺗﺼﺪﻣﺖ ﺷﺪﻳﺪ ﺑﺎﻟﺸﺎﻓﺘﻮ ..!!!!! ﻟﻘﺖ ﺍﻟﺪﻧﻴﺎ ﻣﻘﻠﻮﺑﺔ ﻭﺍﻟﻨﺎﺱ ﻛﻠﻬﺎ ﻣﺘﻠﻤﻴﺔ ﻭﺑﻴﺘﻬﻢ ﺍﺗﺤﺮﻕ ..!! ﻓﺘﺸﺖ ﺃﺧﻮﺍﺗﻬﺎ ﺑﺲ ﺍﻟﺤﻤﺪ ﻟﻠﻪ ﻟﻘﺘﻬﻢ ﻋﻨﺪ ﺍﻟﺠﻴﺮﺍﻥ ﻭﻣﺎﻑ ﻭﺣﺪﺓ ﺍﺗﺄﺫﺕ .. ﺑﺲ ﻗﺎﻋﺪﻳﻦ ﻳﺒﻜﻮﺍ ﻭﺣﺎﺿﻨﻴﻦ ﺇﻳﻤﺎﻥ .. ﺇﻳﻤﺎﻥ : ﺍﻟﺤﺼﻞ ﺷﻨﻮ ﻱ ﺇﻳﺜﺎﺭ؟ .. ﺇﻳﺜﺎﺭ ﻭﻫﻲ ﺑﺘﺒﻜﻲ : ﻭﺍﻟﻠﻪ ﻣﺎ ﻋﺎﺭﻓﻴﻦ ﺣﺎﺟﺔ ﻳﺎ ﻣﺎﻣﺎ .. ﻭﺍﻟﻠﻪ ﻣﺎ ﻧﺤﻦ ﺍﻟﺤﺮﻗﻨﺎ ﺑﻴﺘﻨﺎ ﻭﺍﻟﻠﻪ .. ﺇﻳﻤﺎﻥ : ﻋﺎﺭﻓﺔ ﻭﺍﻟﻠﻪ ﻱ ﺇﻳﺜﺎﺭ ﺑﺲ ﻣﺎ ﻗﺎﺩﺭﺓ ﺍﺳﺘﻮﻋﺐ ﺍﻟﺤﺼﻞ ﺩﺍ ..!! ﺇﺑﺘﻬﺎﻝ : ﻳﻌﻨﻲ ﻛﺪﺍ ﺑﻘﺎ ﻣﺎ ﻋﻨﺪﻧﺎ ﺑﻴﺖ ﻳﺎ ﻣﺎﻣﺎ .. ﺇﺑﺘﻬﺎﺝ : ﺣﻨﻌﻴﺶ ﻓﻲ ﺍﻟﺸﺎﺭﻉ ﻳﺎ ﻣﺎﻣﺎ؟؟ " ﺇﻳﺜﺎﺭ ﻭﺇﺑﺘﻬﺎﻝ ﻭﺇﺑﺘﻬﺎﺝ ﺩﻳﻞ ﺍﺧﻮﺍﺕ ﺇﻳﻤﺎﻥ .." ﺇﻳﻤﺎﻥ ﻣﺎ ﻋﺮﻓﺖ ﺗﺮﺩ ﻋﻠﻴﻬﻢ ﻭﻓﺠﺄﺓ ﻧﻔﻴﺴﺔ ﺍﺗﺼﻠﺖ ﻋﻠﻴﻬﺎ ﻭﺭﺩﺕ ﻭﺑﻘﺖ ﺑﺘﺒﻜﻲ ﻭﺣﻜﺖ ﻟﻴﻬﺎ ﺍﻟﺤﺎﺻﻞ .. ﻓﺎﺭﺱ ﻭﻧﻔﻴﺴﺔ ﻣﺸﻮﺍ ﻟﻴﻬﺎ .. ﻧﻔﻴﺴﺔ : ﺭﺑﻨﺎ ﻳﻌﻴﻨﻜﻢ ﺃﻥ ﺷﺎﺀ ﺍﻟﻠﻪ .. ﻣﻌﻠﻴﺶ ﺗﻌﺎﻟﻲ ﺑﺮﺍ ﺷﻮﻳﺔ ﻓﺎﺭﺱ ﻋﺎﻳﺰﻙ .. ﺇﻳﻤﺎﻥ : ﻃﻴﺐ .... ﻓﺎﺭﺱ : ﻛﻨﺖ ﻣﺘﺄﻛﺪ ﺍﻧﻮ ﺣﺘﺤﺼﻞ ﻣﻌﺎﻙ ﻣﺼﻴﺒﺔ ..!! ﺇﻳﻤﺎﻥ : ﻛﻴﻒ؟ !! ؟ .. ﻓﺎﺭﺱ : ﻣﺎﻑ ﺯﻭﻝ ﻏﻴﺮ ﻣﻼﺫ ﺣﻴﻜﻮﻥ ﻋﻤﻞ ﺍﻟﻌﻤﻠﺔ ﺩﻱ ..!! ﺇﻳﻤﺎﻥ : ﺍﺳﺘﻐﻔﺮ ﺍﻟﻠﻪ ﻳﺎ ﻓﺎﺭﺱ . ﻣﺎ ﺗﻈﻦ ﻓﻲ ﺍﻟﺒﺖ ﺑﺪﻭﻥ ﺩﻟﻴﻞ .. ﻓﺎﺭﺱ : ﻭﺍﻟﻠﻪ ﺍﻧﺘﻲ ﻃﻴﺒﺔ ﺑﺎﻟﺠﺪ .. ﺍﻟﻤﻬﻢ ﻟﻤﻠﻤﻮﺍ ﺣﺎﺟﺎﺗﻜﻢ ﻛﻠﻬﺎ ﻋﺸﺎﻥ ﺗﻤﺸﻮﺍ ﻣﻌﺎﻧﺎ .. ﺇﻳﻤﺎﻥ : ﻧﻤﺸﻲ ﻣﻌﺎﻛﻢ؟ ..!! ﻭﻳﻦ؟؟ .. ﻓﺎﺭﺱ : ﺑﻴﺘﻨﺎ .. ﺇﻳﻤﺎﻥ : ﻻﻻ ﻃﺒﻌﺎ .. ﻛﻴﻒ ﻳﻌﻨﻲ .. ﺃﻣﻮﺭﻧﺎ ﺑﺘﺘﺪﺑﺮ ﺃﻥ ﺷﺎﺀ ﺍﻟﻠﻪ .. ﻓﺎﺭﺱ : ﻳﺎ ﺍﻳﻤﺎﻥ ﺧﻠﻲ ﺍﻟﻌﻨﺎﺩ ﺣﻘﻚ ﺩﺍ . ﻣﺎﻑ ﺍﺍﻱ ﺣﻞ ﻏﻴﺮ ﺍﻟﺤﻞ ﺩﺍ .. ﻭﺍﻧﺎ ﺍﺻﻼ ﻣﺎ ﺣﺄﻗﻌﺪ ﻓﻲ ﺍﻟﺒﻴﺖ ﻭﺍﻧﺘﻲ ﻭﺍﺧﻮﺍﺗﻚ ﻭﻧﻔﻴﺴﺔ ﺑﺲ ﺍﻟﺤﺘﻜﻮﻧﻮ ﻑ ﺍﻟﺒﻴﺖ .. ﺇﻳﻤﺎﻥ : ﻻﻻ ﻣﺴﺘﺤﻴﻞ ﺃﻗﺒﻞ ﺑﺎﻟﺤﻞ ﺩﺍ .. ﺍﻥ ﺷﺎﺀ ﺍﻟﻠﻪ ﺑﺘﺘﺤﻠﻰ ﺍﻧﺖ ﻣﺎ ﺗﺸﻴﻞ ﻫﻢ ﺑﺲ .. ﻓﺎﺭﺱ : ﻃﻴﺐ ﻟﻮ ﺑﻘﻴﺖ ﺭﺍﺟﻠﻚ ﺣﺘﻘﺒﻠﻲ؟؟ .. ﺇﻳﻤﺎﻥ ﺑﺈﺳﺘﻐﺮﺍﺏ : ﻛﻴﻒ؟؟ .. ﻓﺎﺭﺱ : ﺭﺃﻳﻚ ﺷﻨﻮ ﻧﻌﺮﺱ ﺍﻟﻠﻴﻠﺔ ﻗﺒﻞ ﺑﻜﺮﺓ .. ﺇﻳﻤﺎﻥ ﻭﻫﻲ ﺑﺘﻀﺤﻚ : ﺍﻧﺖ ﻣﺠﻨﻮﻥ ﻳﺎ ﻭﻟﺪ؟؟؟ .. ﺧﻠﺺ ﺟﺎﻣﻌﺘﻚ ﻛﺪﻱ ﻭﺑﻌﺪﺍﻙ ﻓﻜﺮ ﻓﻲ ﻣﻮﺿﻮﻉ ﺍﻟﻌﺮﺱ ﺩﺍ .. ﻓﺎﺭﺱ : ﻛﻨﺖ ﻋﺎﻗﻞ ﺑﺲ ﻣﻦ ﺷﻔﺘﻚ ﺑﻘﻴﺖ ﻣﺠﻨﻮﻥ ..💜 ﺍﻧﺎ ﺟﺎﺩﻱ ﻭﺍﻟﻠﻪ ﻳﺎ ﺇﻳﻤﺎﻥ ﻭﻋﺸﺎﻥ ﺍﻛﻮﻥ ﻣﺘﻄﻤﻦ ﻭﺍﻧﺘﻲ ﺟﻤﺒﻲ ﻭﻣﻌﺎﻱ ..💜 ﺇﻳﻤﺎﻥ ﺑﺨﺠﻞ : ﺭﺑﻨﺎ ﻳﺴﻬﻞ .. ﻓﺎﺭﺱ : ﺍﻋﺘﺒﺮ ﺩﻱ ﻣﻮﺍﻓﻘﺔ؟؟؟ .. ﺇﻳﻤﺎﻥ : ﺍﻣﻤﻢ .. ﻻﻻ ﺑﻌﺪ ﺗﺘﺨﺮﺝ ﻧﺸﻮﻑ ﺍﻟﺒﺤﺼﻞ ﺷﻨﻮ .. ﻓﺎﺭﺱ : ﺷﻬﺮﻳﻦ ﺑﺲ ﻭﺍﺗﺨﺮﺝ ..

ﺍﻧﺘﻲ ﺑﺲ ﻗﻮﻟﻲ ﺧﻴﺮ ﻭﻛﻠﻮ ﺑﺘﺴﻬﻞ ﺑﺈﺫﻥ ﺍﻟﻠﻪ .. ﺇﻳﻤﺎﻥ ﻭﻫﻲ ﻣﺒﺘﺴﻤﺔ : ﺧﻴﺮ 💜
" ﻣﺮﺕ ﺍﻟﺸﻬﻮﺭ ﻭﻓﺎﺭﺱ ﺍﺗﺨﺮﺝ ﻭﺍﻣﻮﺭﻭ ﺑﺪﺕ ﺗﺘﺮﺗﺐ ﺷﻮﻳﺔ ﺷﻮﻳﺔ .." ﻓﺎﺭﺱ : ﺍﻣﻮﺭﻱ ﺟﺎﻳﻄﺔ ﺷﻮﻳﺔ ﻳﺎ ﺇﻳﻤﺎﻥ ﻭﺧﺎﻳﻒ ﻣﺎ ﺗﻘﺒﻠﻲ ﺏ ﻭﺿﻌﻲ ﺩﺍ .. ﺇﻳﻤﺎﻥ : ﻟﻴﻪ ﺑﺘﻘﻮﻝ ﻛﺪﺍ ﻳﺎ ﻓﺎﺭﺱ .. ﺣﺄﻓﻀﻞ ﻣﻌﺎﻙ ﻟﺤﺪﻱ ﻣﺎ ﺍﻣﻮﺭﻙ ﻛﻠﻬﺎ ﺗﺘﺮﺗﺐ ﻭﺣﺄﻧﺘﻈﺮﻙ ﻭﺍﻟﻠﻪ "....💜 ﺟﺎ ﻳﻮﻡ ﺯﻓﺎﻓﻬﻢ ﻭﺑﺎﻟﺠﺪ ﻛﺎﻥ ﺃﺟﻤﻞ ﻳﻮﻡ ﺑﺎﻟﻨﺴﺒﺔ ﻝ ﻓﺎﺭﺱ ﻭﺇﻳﻤﺎﻥ .. ﺍﺧﻴﺮﺍ ﺣﻴﺘﻠﻤﻮﺍ ﻓﻲ ﺑﻴﺖ ﻭﺍﺣﺪ ﻭﻵﺧﺮ ﺍﻟﻌﻤﺮ .."💜 ﻣﻼﺫ ﺟﺎﺕ ﺍﻟﻌﺮﺱ ﻭﻭﻗﻔﺖ ﺑﺮﺍ ﺍﻟﺼﺎﻟﺔ ﻭﻋﺎﻳﻨﺖ ﻟﻴﻬﻢ ﻭﻫﻢ ﺩﺍﺧﻠﻴﻦ ﺍﻟﺼﺎﻟﺔ ﻣﺠﺎﻫﺪ ﺷﺎﻓﻬﺎ ﻭﻓﺠﺄﺓ ﺍﻟﺒﺖ ﺩﺍﺧﺖ ﻭﻣﺠﺎﻫﺪ ﺍﺗﻀﻄﺮ ﻳﺨﻠﻲ ﺍﻟﻌﺮﺱ ﻭﻣﺸﻰ ﻭﻭﺩﺍﻫﺎ ﺍﻟﻤﺴﺘﺸﻔﻰ .. ﻭﺑﻌﺪ ﺍﻟﺪﻛﺘﻮﺭﺓ ﻓﺤﺼﺖ ﻟﻴﻬﺎ ﺟﺎﺕ ﻭﻗﺎﻟﺖ ﻝ ﻣﺠﺎﻫﺪ " ﺍﻟﺪﻛﺘﻮﺭﺓ : ﻣﺒﺮﻭﻙ ﻣﺮﺗﻚ ﺣﺎﻣﻞ .. " ﻣﺠﺎﻫﺪ ﺍﺗﺼﺪﻡ ﺷﺪﻳﺪ ﻭﻣﻼﺫ ﻛﺎﻧﺖ ﺳﺎﻛﺘﺔ ﺑﺲ ﻟﺤﺪﻱ ﻣﺎ ﻭﺻﻠﻬﺎ ﺍﻟﺒﻴﺖ ﻭﻧﺰﻝ ﻣﻌﺎﻫﺎ ﻭﺃﻭﻝ ﻣﺎ ﺩﺧﻞ ﺑﻴﺘﻬﺎ ﺟﺮﺍﻫﺎ ﻣﻦ ﺷﻌﺮﻫﺎ ﻭﺭﻣﺎﻫﺎ ﻗﺪﺍﻡ ﺍﺑﻮﻫﺎ .. ﺍﺑﻮﻫﺎ ﺍﻟﻤﺸﻠﻮﻝ ﻣﺎ ﻓﺎﻫﻢ ﺍﻟﺤﺎﺻﻞ ﻭﺑﻘﻰ ﻣﺼﺪﻭﻡ ﻭﺑﻌﺎﻳﻦ ﺑﺲ .." ﻣﺠﺎﻫﺪ : ﺑﺘﻚ .. ﺑﺘﻚ ﻳﺎ ﻋﻤﻲ ﺑﺎﻋﺖ ﺷﺮﻓﻬﺎ ﺑﺎﻟﺮﺧﻴﺺ ﻭﺣﺎﻣﻞ .. ﻣﺴﺘﺤﻴﻞ ﺍﻟﻤﺨﻠﻮﻗﺔ ﺩﻱ ﺗﻜﻮﻥ ﺑﺘﻚ ﻭﺗﺮﺑﻴﺘﻚ ﻳﺎ ﻋﻤﻲ ﻣﺴﺘﺤﻴﻞ !! .. ﻭ ﺑﺎﻟﺼﺪﻣﺔ ﻓﺠﺄﺓ ﺍﺑﻮﻫﺎ ﺣﺮﺭﻙ ﻳﺪﻳﻨﻮﺍ ﻭﺑﻌﺪ ﺷﻮﻳﺔ ﺣﺮﻙ ﺭﺟﻠﻴﻨﻮ ﻭﻗﺪﺭ ﻳﻘﻮﻡ ﻭﻗﺎﻡ ﻭﺃﺩﻯ ﻣﻼﺫ ﻛﻒ ﻭﺗﻒ ﻟﻴﻬﺎ ﻓﻲ ﻭﺷﻬﺎ ..! ﻣﻼﺫ ﺟﺮﺕ ﻝ ﻏﺮﻓﺘﻬﺎ ﻭﻫﻲ ﺑﺘﺒﻜﻲ .. ﻟﻤﻦ ﺍﻣﻬﺎ ﻋﺮﻓﺖ ﺍﻟﺤﺎﺻﻞ ﻗﺎﻟﺖ ﻟﻴﻬﻢ : ﺑﺘﻲ ﻣﺎﺍﺍ ﺑﺘﻌﻤﻞ ﻛﺪﺍ .. ﻣﺴﺘﺤﻴﻞ ﺑﺘﻲ ﺗﻌﻤﻞ ﻛﺪﺍ ..!! ﻭﻟﻤﻦ ﻣﺸﺖ ﻟﻴﻬﺎ ﺩﻗﺖ ﺑﺎﺏ ﺍﻟﻐﺮﻓﺔ ﺑﺲ ﻣﻼﺫ ﺍﺑﺖ ﺗﻔﺘﺢ ﻟﺤﺪﻱ ﻣﺎ ﺟﺎ ﻣﺠﺎﻫﺪ ﻭﻛﺴﺮ ﺍﻟﺒﺎﺏ ﻭﻟﻘﻮﻫﺎ ﻭﺍﻗﻌﺔ ﻓﻲ ﺍﻟﻮﺍﻃﺔ ﻭﺍﻟﺪﻡ ﻣﺎﻟﻲ ﺍﻷﺭﺽ .. ﻣﻼﺫ ﺍﻧﺘﺤﺮﺕ ..! ﻭﻣﺠﺎﻫﺪ ﻟﻘﻰ ﺟﻤﺒﻬﺎ ﺭﺳﺎﻟﺔ ﻣﻜﺘﻮﺏ ﻓﻴﻬﺎ " ﺍﻧﺎ ﺑﻌﺖ ﺷﺮﻓﻲ ﻋﺸﺎﻧﻚ ﻳﺎ ﻓﺎﺭﺱ .. ﻭﺯﻱ ﻣﺎ ﻗﻠﺖ ﻟﻲ ﺍﻧﺎ ﺧﺴﺮﺕ ﻧﻔﺴﻲ ﻓﻲ ﺍﻟﺤﺮﺏ ﺩﻱ ﻭﺍﻧﺖ ﺍﻟﻔﺎﺋﺰ "
" ﻣﺮﺕ ﺍﻟﺴﻨﻴﻦ ﻭﻓﺎﺭﺱ ﺑﻘﻰ ﺩﻛﺘﻮﺭ ﺃﺳﻨﺎﻥ ﻛﺒﻴﺮ ﻭﻣﻌﺮﻭﻑ ﻭﻭﺿﻌﻮ ﺍﺗﺼﻠﺢ ﻭﺃﻭﻝ ﻋﻤﻠﻴﺔ ﻋﻤﻠﻬﺎ ﻛﺎﻧﺖ ﻋﻤﻠﻴﺔ ﺍﺧﺘﻮ ﻧﻔﻴﺴﺔ .. ﻋﺎﻟﺞ ﻟﻴﻬﺎ ﺍﺳﻨﺎﻧﻬﺎ ﻭﺭﻛﺐ ﻟﻴﻬﺎ ﺍﻟﺘﻘﻮﻳﻢ ...".... ﺃﻳﻤﺎﻥ : ﻛﻞ ﻣﺎ ﺍﻗﻌﺪ ﻣﻊ ﻧﻔﺴﻲ ﺑﻔﻜﺮ ﻛﻴﻒ ﻛﺎﻧﺖ ﺣﺘﻜﻮﻥ ﺣﻴﺎﺗﻲ ﻟﻮ ﻣﺎ ﻻﻗﻴﺘﻚ ﻳﺎ ﻓﺎﺭﺱ .. ﻓﺎﺭﺱ : ﻭﺍﻧﺎ ﻛﻞ ﻣﺎ ﺍﻗﻌﺪ ﻣﻊ ﻧﻔﺴﻲ ﺑﻔﻜﺮ ﻛﻴﻒ ﻛﻨﺖ ﺣﺎﻋﻴﺶ ﺣﻴﺎﺗﻲ ﻟﻮ ﻣﺎ ﻻﻗﻴﺘﻚ .. ﺭﺑﻨﺎ ﻳﺨﻠﻴﻚ ﻟﻲ ﻳﺎ ﺃﻡ ﻳﻮﺳﻒ ..💜 ﺇﻳﻤﺎﻥ : ﻭﻳﺨﻠﻴﻚ ﻟﻲ ﻳﺎ ﺍﺑﻮ ﻟﻴﺎﻥ ﻭﻳﺎ ﺍﻟﺒﻴﻚ ﻛﺎﻥ ﻏﻔﺮﺍﻧﻲ 💜
.
.
.
ﺍﻟﻨﻬﺎﻳﺔ
ﺑﻚ ﻏﻔﺮﺍﻧﻲ ✨💜
ﺧﻼﺻﺔ ﺍﻟﻘﺼﺔ
ﻣﻦ ﻓﺎﺭﺱ ﺍﺳﺘﻔﺪﻧﺎ ﺍﻧﻮ ﻻﺯﻡ ﺍﻟﺰﻭﻝ ﻳﻌﺎﻓﺮ ﻭﻳﺠﺘﻬﺪ ﻭﻳﺸﺘﻐﻞ ﻋﺸﺎﻥ ﻳﺼﻞ ﻟﻠﻌﺎﻳﺰﻭ ﻭﻋﺸﺎﻥ ﻳﺤﻘﻖ ﺍﺣﻼﻣﻮ ✨💜
ﻣﻦ ﺇﻳﻤﺎﻥ ﺍﺳﺘﻔﺪﻧﺎ ﺍﻧﻮ ﺃﻫﻢ ﺷﻲ ﻓﻲ ﺍﻟﺒﺖ ﺷﺮﻓﻬﺎ ﻭﺍﺧﻼﻗﻬﺎ ﻭﻻﺯﻡ ﺗﺤﺎﻓﻆ ﻋﻠﻴﻬﻢ ﻣﻬﻤﺎ ﺗﻜﻮﻥ ﺍﻟﻈﺮﻭﻑ ✨💜
ﻣﻦ ﺗﻤﻨﺔ ﺍﺳﺘﻔﺪﻧﺎ ﺍﻧﻮ ﺍﻟﺤﺐ ﺍﻟﺤﻘﻴﻘﻲ ﻣﺎ ﻣﻠﻲ ﻓﺮﺍﻍ ﻭﻻ ﺿﻴﺎﻉ ﺯﻣﻦ ﻭﺍﻧﻮ ﺍﻟﻔﻲ ﻧﺼﻴﺒﻚ ﺑﺠﻴﻚ ﺑﺠﻴﻚ ✨💜
ﻣﻦ ﻣﻼﺫ ﺍﺳﺘﻔﺪﻧﺎ ﺍﻧﻮ ﺟﻤﻠﺔ " ﻛﻞ ﺷﻲ ﻣﺒﺎﺡ ﻓﻲ ﺍﻟﺤﺐ ﻭﺍﻟﺤﺮﺏ " ﻣﺎ ﺑﻴﻌﻨﻲ ﺍﻧﻚ ﺗﺼﻞ ﻣﺮﺣﻠﺔ ﺗﺨﺴﺮ ﻧﻔﺴﻚ ﻋﺸﺎﻥ ﺗﺴﻴﻄﺮ ﻋﻠﻰ ﺯﻭﻝ ﻣﺎ ﺣﻘﻚ ﺍﺳﺎﺳﺎ .. ﻭﺍﻧﻮ ﺍﻟﺤﺐ ﺇﺭﺍﺩﺓ ﻣﺎ ﺇﻣﺘﻼﻙ ﻭﺣﺮﺏ ﺍﻟﺤﺐ ﻻﺯﻡ ﺗﻜﻮﻥ ﺷﺮﻳﻔﺔ ✨💜
ﺃﻣﺎ ﻣﺠﺎﻫﺪ ﻭﻧﻔﻴﺴﺔ ﺩﻳﻞ ﻛﺎﻧﻮ ﻋﺎﻳﺸﻴﻦ ﻓﻲ ﺩﻧﻴﺎ ﺑﺮﺍﻫﻢ ﻭﻣﺎ ﺷﻐﺎﻟﻴﻦ ﺏ ﺯﻭﻝ 😂😉
ﻣﻴﺴﺎﺀ ﺇﺑﺮﺍﻫﻴﻢ 💜

‏يارب أيام حُلوة وأخبار مُفرحة وشعُور جميل ونِفس مُقتنعة وقلب مرتاح، وراحة بال.🎵🌸

جمعه طيبه ..

"الانسان بتعرف من خلال طريقة كلامه عن الناس، ما عن نفسه"


في ونسه مع ثلاثه جامعيات عن الخرطوم و الحنين للجامعات فجأة الونسه اخدت منحني غريب شوية ، لي (خرفنه) الشباب ..

المخجل و المؤسف كانت سطحيه افكارهن و قصور نظرتهن في العلاقات العاطفية ، الإجتماعية و عدم وجود الوازع الديني ..

الثلاث إشتركن في صفة سيئة حقيقة و هي " النميمة" عن صديقائهن ، زميلات الدراسة و الداخليه ، جيرانهن وحتي المقربين داخل الأسرة ما سِلمو..
سردن بدون توقف مواضيع (خطيرة⛔️) و حساسه ما بتتقال للاخرين ..

"كشفو أسرار صديقاتهن ، سلوكهن المنحرف في الجامعة ، الداخلية وخيانتهن الزوجية وكم من المواضيع المؤسفه و المخجلة " ..

نسمع ..
"كان شفتي (بت دكتور فلان ) كان حابه ليها ولد شغال في مصنع (المونيم) و مدلعه ليك هي و صحباتها جنس دلع ..
هي ترفع صوره الشيء العايزاه في الحاله و تكتب (نفسي) اليوم الثاني بتصل عليها و بسلمها ليها الشيء الطلبته ..
و مشتري لكل صحباتها (iPhone) ..
كان بجيب ليهم الحلويات الشامية و المستورده ، البروست ، السجائر و غيرها دليفري في الداخليه .. بوديها و بجيبها بعربيته و مرات برجعها وريحتها دخااان 🚬 ..

وتصدقي وتامني هي مخطوبة !!
و خطيبها كمان بحبها جداً والله بل متيم بيها لابعد درجة ..
و وضعه كويس فكان بصرف عليها صرف عديل ، حتي ابسط الحاجات و المستحضرات كان بجيبها ليها "للوشن ، النتروجينا و الاسكن كير"
الاثنين كانو بصرفو عليها من شقاهم ما من شقى ابوها !

كان واضح انها مادية جدا بس هو كان بحبها و عايزها للمسقبل و حدد وقت (للعقد) بعد تخرجها..
في يوم رجعها الداخليه و بعد (خطيبها) مشي اتصلت لبتاع (المصنع) 💔 ..
وقف عربيته جنبها و فتح ليها الباب وسبحان الله قبل تركب (خطيبها) ظهر ليها و كله حزن .. وهي (اتزلقت) و صرخت من الألم ..
اقسم بالله شالها للعربية وداها المستشفي و إتصل علي أهلها و بعدا يوم خرجوها ساقها و رجعها الداخليه ..
و قبل يمشي ما سمعنا قال شنو بس خلاها بتبكي و دموعها عشره عشرة .. "


_ "أسمعني كلامي دا كويس"
ربنا بقول
(زين للناس حب الشهوات من النساء والبنين و القناطير المقنطرة ....)

اول حاجة ذكرها -سبحانه- شهوه النساء 💜


وعشان إنت (إمراة) الإسلام حفظك و حفظ المجتمع منك و ما يصلك إلا بالحلال ..
و وضع لينا "ضوابط وقيم أخلاقية" حتى في ابسط حركاتنا و سكناتنا وحتي في طريقة الكلام و نبرة الصوت (للنساء)
وده كلوا ليه؟

حفاظا على المجتمع ذكرناً كانوا ام اناثاً .. لان اي (انثي) قادرة انها تكون سلاح فتاك ودي حاجة انا مؤمن فيها جداً ..

لكن الخسران الحقيقي لما (الانثي) تضرب بالقيم و الفروضات الأخلاقية عرض الحائط و تستغل نفسها (كونها سلاح) و تحقق مقاصد وضيعة بطريقة مقرفة جداً وبعدها تتفاخر انها لابسه حبيبه -كُلهم- خاتم (خروف)❗

و الفئة البتقول (خروف) دي فئة مادية و أول ما تشوف دخل تاني أفضل حتسيبه ، والله العظيم مافي بنت عندها مشاعر و إحترام لرجل بحبها بترضى إنها تستنزفوا مادياً عشان تنبسط هي و صحباته ..

​تعميم مصطلح (خرفنه) فيه إساءة لينا نحن الشباب ..

في بعضنا بكون متيم بالجد بكون بحب لابعد درجة ؛ و قصص كتيرة شفتها في اصحابي و مرت علي ، وديل ما (متخرفنين) ..
ديل أشخاص ما عرفوا "يتحكموا و يوجهوا" مشاعرهم بطريقة صحيحة أو نظرتهم كانت محصورة على انه الحب يعني أنفق عليك !

فاستغلوهم فئات مادية ما (شبعت) أصلاً من بيوتها وهم -الاناث - نفسهم الأطلقوا علينا مصطلح (متخرفن) ..

للأسف ما أنكر حقيقة أنه فينا جزء كشباب بعطي "عطاء" على غير وجه الحق من أساسه .. وده أنا ما بسميه عطاء إنما "استغلال / مصلحة" مشاعر حتي يصل لهدف محدد (هدف خبيث)


_يا أبو حميد : "مين فرض على الشاب انو يصرف على بنت عشان بحبها ؟!"

في الخطوبة يا أبو حميد ، في الخطوبة البنات المالين عينهم و شبعانين اصوول برفضوا النفقة قبل العقد !
ومع الأسف بتحصل كتير .. تكون البنت مستغلة مشاعر الشاب تجاهها فعاملاه صرافة بنك فيصل الإسلامي ..
وما كل (الشباب) يابو حميد بقدموا عطائهم في سبيل انو منتظرين مقابل خبيث !


سبحان الله في توجيه أخلاقي حابه اذكره

"الانسان بتعرف من خلال طريقة كلامه عن الناس، ما عن نفسه"

ودي مقولة حقيقية جدا .. قيسها على نفسك أولا لما جلست مع البنات دول !
اول انطباع ذكرته (أنهم نممات و بتكلموا في مواضيع مخجلة وما بستروا زول اي كان قربه منهم) ملاحظ انو الصفات احطت من قدرهم هم أمامك انت كمستمع صح أولا وده ظهر في اول فكرة لنص !

فهي كده "اي اناء بما فيه ينضح"
وهم دواخلهم انعكست في خارجهم وفي كلامهم و ونستهم

هل انا لما اجلس مع فئة زي دي حقدر اامنهم على أسراري أو حقدر اخد و ادي معاهم في مواضيع مسؤولة أو لو أعجبت بمنظر واحدة فيهم هل بعد اسمع سلوكها الغير واعي ده حشوفها بنفس الإعجاب !
....
فعشان كدة

"الناس بتعرفك اكثر من خلال طريقة حديثك عن الناس، لا عن نفسك .."
...

فنصيحتي يا "حلوتي"
احفظي مقامك واجعلي احترامك مسيطر في ذوات من حولك .. بستر عيوب الناس وعدم الخوض فيما لا يعنيك من خصالهم و ترفعي في المجالس عن مخالطة أشباه تلك الأحاديث المنقصة لشخصيتك ..

ادري انو الموضوع والله يزعل من كل جوانبه ..
وتتاسى على نفسك انك بتقرا نص زي ده و افكار سطحية و مريبة و أقرب ما تكون لسلوك حيواني والله لفئات تصنع المجتمع (الانثى) !


#قفزة_روحية
(الجزء الثالث)
#عطاء

يظهر لطفك ربك في احلك اللحظات ...

(شكرًا يالله على كلِ شخصٍ جميل  تضعه في طريقنا كي يخفف عنا عثرات الحياة ويهونها ... شكرًا من كُل قلبي 💗) ..
بطيخة ابن بطوخه.. نازح في ربوع الوطن العزيز
صح معرفه الرجال كنز و لو كانت معرفة عابرة ..
اندفسنا في البفلو كيف الله اعلم ، كل شوية الكمساري يشكنا و يطلع فرقة بين اثنين يقعد فيها راكب ..
عربية تحلف تقول قبوه فرن ،(سبعتاشر) راكب جوة العربية و سته مع العفش ..
أما الكمسارى كان  راكب فوق اللستك الاسبير طوال الرحله المدتها يومين و ربع ..
كيف IDK 🤷🏼 ..
من كوستي نزلنا بردمية وسط مشاريع زراعية مد البصر ، حرفياً عينك من بتشوف غير محاصيل العيش 🌾 ..
مشينا بالساعات جوة المشاريع دي و ما صادفنا غير نقاط التفتيش (رقابات) 🛑 و بعض(الكامبو 🛖)-حلال صغيرة كدة للعمال و بتخزن فيها العيش قبل يترحل- داخل المشاريع .
بعد أربع ساعات من الصبر و الصمت وقفنا للفطور  في منطقة اسمها (الراوات) ...
و بعدها واصلنا طريقنا مرورا بي ( شويطنات ، قدوم الجبل 😂، ظهر الجبل و أسماء كدة صعب تتحفظ )
ونسه الطريق مع باقي المسافرين جمعتنا و قربتنا و حسينا إننا أهل لأنو كل العربية نازحين و متجهين صوب المجهول 😂.
وصلنا (البتيرة) انصاص الليل .. و هي محلية بين جبلين و مشهورة بشطه (القبانيت) الصغيرونه ديك 🌶️ ..
نزلت من العربية كدة سمعت صوت بنادي بإسمي ..
" حمد .. محماااااد.. ود الفاتح"
أتلفت و قلبي بدق دق دق 💓
شفت شاب رافع يدة و جاي علي ، بعد السلام ضحك وقالي انا (ناجي) كنت نازل مع عمي (الشاذلي) اللهو جارك في الحله ..
سلم علي باقي الأسرة و اصر علينا نمشي البيت ..
مافينا اي زول رفض من كمية التعب العلينا ..
في الطريق كنت بحمد ربنا انه رسل لينا (الناجي) من غيرو كان حنبيت في الموقف و الجوء خريف و الرطوبة عالية ..
دا غير انه الموقف كان تحت الجبل ..
لاقينا ابوة في باب البيت و كان راجل شهم و كريم جداً ، من عرف إننا جاين من الخرطوم فضلنا واكرمونا هو و أسرتة ..
بعدها جاني (ناجي)  شايل بطاطين و ملايات و مخدات قالي ارح الموقف ..

البلد دي بردها و رطوبتها عالية بالليل و انتو طلعتو وخليتو الاغلي وراكم و ماظن من المعاك ديل في واحد شايل بطانية
ياخ دموعي صبت عشرة عشرة .🥺🥺🥺🥺
وصلنا الموقف الكان علي بعد امتار من البيت و لقينا الجماعة متلمين في مطعم شعبي كدة و مظبطين البوشة و منتظرني ..
اتعشينا ، و دورنا الونسه بحضور (ناجي)..
هو النازحين ونستهم شنو غير القتل و النهب و القصص الكئيبة العاشوها ؟!..
دورنا الونسه وانضم لينا جمهور صاخب من الفضولين ..
ياخ تحس إنك في مؤتمر صحفي اي زول بسأل براه و عايز يتاكد من أي خبر سمعه بإعتبارنا شهود عيان ..
ونسبة لانقطاع كل الشبكات في البلد لمدة طويلة الحضور كان فضولي شديد ...
بعد صلاة الصبح مشيت علي البيت بخطوات مترددة ، قبل أصل لمحت أبوة (لناجي) شايل ليه حطب ، مشيت وراه لحدي وصلنا فرن في ركن البيت ..
سلم علي و قالي ادخل لجوة (ناجي) بحلب في البقر 🐄 ..
فضلت اتامل من بعيد و في الاخير قلت ليه زززززززززح يا زول خليتي احلب 😤🔥 ...
وهاك الحلب دا .. 
من أول لمسه عصرت الضرع بقوة  و البقرة ادتني رفسة نستي انا منو ، زحف من الأرض علي السرير و فضلت اتفرج من بعيد لبعيد 😂 😂 😂
بعد خلصنا اخدت لي جغمة قد كدا 🤲🏼من الجردل ، ااااخ لبن طااااازج لما فيه ملوحة .
اسرة اقل ما يقال عنها كريمة ..
عملوا لينا شاي لبن بزلابية و فطرونا حتي سمحوا لينا نطلع ❤️ ..
عدينا ساعات مع أسرة غريبة عننا و نحن كمان غريبين عنهم ، لكن الغربة أبدا ما كانت سبب في انهم يرفضونا بل العكس رحبو بينا بصدر رحب و ترحيبهم ترك بصمه في حياتنا كلنا حتي في المسافرين الوصلتهم اغطية البرد ..
اسرة صنعت لينا جميل ما بالساهل يتردة ليهم  💓

#المتوكلين_بالله 🩷
#MU_ALFATIH

وحدة من يومياتي كتبت فيها قصتي لما طلعت من الخرطوم صوب البلد ..

‏"ما من شيءٍ تعوّل عليه في مُنعطفاتِ هذه الحياة الضيّقة إلا أن تُوقِن أنّ الله سيرحمك، ويجبرك، ويلطف بك، ويعوّضك، ويؤتيك سؤلك، ولو بعد حين

#جمعه_مباركة ♥

‏١ رمضان 🌛

فُتحت ابواب الجنه منذ ساعات فاجعلنا يالله من سكانها..

ياارب ,,,♡

"Allah has once again given us the opportunity of being closer to Him during this blessed month of Ramadan. We must take this opportunity to keep calm, read the Quran, concentrate on worship and do lots of good deeds to please the Almighty.
We must not underestimate this chance, as we never know if we will get another".

Ramadan Mubarak ✨🌙

من ألطافـه الخفيّة سُبحانه ، يُقيِّض لك حتى الآيات، ✨تقع عليها صدفةً فتُلامس شيئًا يجبر خاطرك المكسور 💜

#راحة

كل عام وانتم بخير وصحة وسلامة أهنيكم بمناسبة حلول عيد الفطر المبارك اعاده الله علينا وعليكم باليمن والبركات ❤️


خــواطَُِـرِٰ⚡️‌ 𝑸𝑼𝑶𝑻𝑬
NOVEL • روايات
أحدهم يُحبك💜💜
كشكول 🍁 سُوداني ‏
#كل_عام_وانتم_بخير
🤍✨

لستة الزعيم  السوداني

لدعم القنوات المحافظة 🎉🎊

أغاني أحمد أمين 🎧🖤 35K

روايات سحر سمير 🗞🔥 33K

إبداعات سوداني 🎨🎻21k

طريقك إلي الجنة  🛤💕16K

  قروب دردشة بنات فقط 🙅🏻‍♀🙊🔥 33K

⚜ للاشتراك في اللستة ⚜

قروب دردشة بنات وأولاد 👩‍❤️‍👨💓 10k

☑️  New List

• Automatically and organized✔️.
• Gathered Distinctive and interactive channels💭.
• Don't contain violent and hints ads💢.
• يوميات مغُامـــــر