صباح الخير
جميل إنك تقابل الناس الصبح بإبتسامة
بس الأجمل إنك متقابلهمش اصلاً.

أذا عالفُرگة سهلة
الذكريات شلون ؟
ذكرى صغيرة
تكدر يومك تخربه

اجيت تگضي وكتك ما اجيت تحب

هيه شراكه نفس
لو سكت گلبك سكت گلبي
و يدگ لو يدگ
ولَوما وكتنا صعُب ما چَان
آبد نفترك

وديتلك كلبي برساله
ما يرضى يبرد جا شماله
طيحت الكطنه بطن لاله
محترك كله ولا وشاله
ثكَلان نفسي والجدم مات
ما غفت عيني والوكت فات
مرات مالك خلك مرات
من بغرفتك سالفه تبات
وشايط عليك ودمي فاير
مالك خلك وياي صاير
لا بالك ولا ضهري داير
وما ردت اليمشي الجكاير
وساعي يرد ويروح ساعي
زعلك عليمن ماله داعي
ماكو عله عرفك ردت ناعي
متعوب كلبي جدم راعي
وانت المكانك بالكلب جان
موش الحنين وياي خربان
تعبان مالي خلك تعبان
وكفت الصورة تريد حيطان

يا بعيد ملاگة الغروب شحلاته
غبشة غبشة من الصبح نحسب لجيتك
كل حمام الدنيا لو صار الغروب
يعوف عشه ويلتم يغني اعله بيتك.

مجرب انت الوجع
من توصل لمرحلة
تتفگد بـ روحك
وتضحك وتبين قوي
ويرجع شريط العمر
وتفضحك جروحك
مجرب الخسارة شنو ؟
من تخسر انت بشر
عايش وسط روحك !

وبيننا وبينك فرق كِلّش چبير
ومانگول اسباب كِل هذا الفرق
مانكمل السالفه لحد الأخير
مِن الأساس وياك مسدوده الطُرق
ويانا ماترهم ، ومانرهم مُحال
وياك مانگدر ندوم ونستمر
وياهو گلك بالسهل درب الوصال
وانتَ تدري دروبنا مورثه جمّر

﴿فَأرَدنَا أَن يُبْدِلَهُمَا رَبُّهمَا خَيْرًا مِنْهُ﴾
"‏ليسَ كُلّ مَا نفقدهُ خسَارة
‏قد يُريد اللّٰه تَبديل النِّعمة بِخيرٍ مِنها
فـ ‏أطمئِن" 🦋.