" خَذانة الواهِس مِن بِعيد نِزف شموعنَة لِشوگك "

وكلت مَا يحچي سرِي وشاوريت النَاي
حجة جرُوحي وفضحنِي وسُولف اهاتي

أشتريني بمرة أحبك
وأشتريك بكلشيّ بية .

وأجيك بلهفتِي التچوي
وأرد مِنك عشك بردَان
واتدفى بندم جيتِي

گلب لا يقنع
ولا تگدر تغيره طفل متوفيه امه
وگالو مسيره

انه شفتك نهر
والدنيا جانت صيف
ذبيت الهدم
كلت اسبح هنانه
باول غطه اليه
وللجرف رديت
لكيت شكد بشر
جواك غركانه
انه ما احب النهر
بي كثره اليسبحون
انه اريد النهر سباحه بس انه

اذا غيري لكيت وغايتك ترتاح
روح يحرسك الله وبالخير داعيلك
واذا وية غيري تلكة المالكيتة وياي
يحقلك لو رحت شتريد اسويلك ...

حَقك ما شفت شگد
چان طبعك بارد
مـن چنت أجيلك محترگ
وألگاك حيل تعاند
مـن چان عندك چم مُحب
وماعندي غيرك واحد
كل ذني مو صوچك ترى
صوچ أهتمامي الزايد ..

لمحتلك الف مرة وانت تعرف غايتي وما طاوعتني

يافگة عيون الگلب
ياميزتي البيها أنغر
مو رايدك وأتنفسك ،
لا يانفس شي أكبر.

واذا متريدني
ومابيك جية
ومامر بيك ضيم المار بية
لتخليني حاير بين الاثنين
لو اتانيك لو اتاني المنية
جنت اتمنى
اني اتمنى اكلك عايش بخير
بس المشكلة مبين علية

ساعته تعرف صدك
من ايدك شضيعت
بس وين تندله؟
والمثلي لاينسي ولا تكدر تبدله

ما لحكت اشوفك زين
تجيني شويه باحلامي؟
انا تمنيت لو رسام
واگعدك ساعه كدامي

وخاف اموتن
نامي يمي وبوسي گبري
ولا يضل بالج عليه
حتى لو ميت
احبچ وأبد مايبرد حنيني
وادري بيج شكد حنينه
وخاف اتعبج لا تجيني
هاي دنيا وكلها تمشي
ابريني ذمه وسامحيني
يجوز اروحن من ايدينج
وانتِ بعدج بين ايديني