اكو شعور ميجي بس بحضن الاب
بابا مريض صار يومين
مبدئياً اني ما احب ابين لاي احد حُبي اله بالحقيقة
يمكن اني خايفة عليه ومقهورة بس اضحك ولا عبالك اكو شي
طبعي هيچ يعني 😭
فـ قبل شوية هو نايم رحت اشوفه مصخن لو لأ
فـ حضنته ونمت على صدره حسيت اريد ابچي 😭💔
اجاني شعور مستحيل يجيني يم غير بابا
من قبل من اكون حزينة او بيه شي من احضنه دموعي تنزل
فـ بچيت وهو نايم فـ حسيت ايده على راسي
گال شبيچ؟
مسحت دموعي بسرعة وضحكت
گال بابا اني احبچ وكُلشي داسوي لمصلحتچ
حسيت خلص لازم دموعي تنزل 😂😔

فـ والله والله مستحيل لبنية تلگي احد يحبها بگد ابوها
حتى لو چان الاب ممبين ان يحبها
بس هو يحبها بداخله
حتى لو يبين ان هو قاسي وكآن يكرهة
بس هو بداخله يحبها فوگ ما تصور
فـ احضنوا ابائكُم دائماً
واذا متوفين فـ روحوا صلوا واقروا قران الهم (اعتبروا حضن بطريقة ثانية)
الله يحفظ كُل اب ويرحم الاموات منهم🦋❤️❤️

اني:الوقت اتاخر ومبقى شي للصلاة خلي انتظر
هم اني:يلا خلي اسوي فنگر بين ما يأذن😐🤭✨

جنت اسمع ان الاكل سر السعادة
حالياً داعيش هل شييي😂❤️❤️

ريوگ ناس مريضة🤭✨

شنو قصة الفلاونزة الي محد يدري مين اجتي🤌؟
@n0n8bot

هاي جزء من شغل اليوم 😢💔

كعدت من النوم هسة 😭❤️

احس فراشات بگلبي لان احس الله اختار اگعد حتى الحگ اصلي صلاة الليل😪❤️❤️🦋

ماخاب عبدًا يناجي ربه ليلًا خاشعًا باكيًا"
‏- الوتر يا أحبه😇❤️

خلي اسولف شوية 😊
قبل فترة چنت اضعف انسانة بالكرة الارضية
انسانة بائسة عبارة عن سلبية
دمعتها بطرف عينها
حتى شكلي صار عبالك مال وحدة بأخر ايامها 😂.

چنت ما اصلي اي صلاة
ولا اقرة قرآن
شچنت احس مدري بس ابتعدت هواي عن الله
لدرجة چنت ادعي واگول ليش ما يستجاب دعائي 😀!
وهو اني حتى العبادة تاركتها
چنت فعلاً انسانة جاهلة لدرجة ✨

لحد ما صارلي فد موقف قبل اسبوع تقريباً
مو موقف وانما مشكلة
فـ عزلت نفسي ورحت اتوضيت
وگعدت اصلي صلاة الوتر
وفجأة بچيت لان چنت كُلش مقهورة كُلش
ودعيت من كُل گلبي ان تنحل هل مشكلة

گعدت ثاني يوم رغم الخوف الي بيه بس گلبي مرتاح
وبنفس اليوم المشكلة خلاص نحلت 🐾❤️!
شلون شصار شكو مدري
لدرجة نصدمت گلت معقولة نحلت ؟
وكانت مشكلة تخص كُل حياتي
تخص مستقبلي كُله

فـ سبحان الله شگد عظيم ورحيم بينه
كلما نبتعد عن ربنا ينطينا درس يرجعنه ركض اله 🥺🖤

مستحيل احد يحبنا بگد الله مستحيل
چنت قبل ما استوعب الي اسوي
لدرجة احسني انسانة ثانية غير عن هسة
القرب من الله دائما يأدب الشخص
يرجعه لوعيه
يخلي يدرك امور هو چان حتى ما شايفها ✨

قبل چنت اكثر انسانة تحچي شنو بيها
اول ما انسأل شبيچ؟
تلگوني متربعة واسولف الي بيه
ومچنت ارتاح ابد ابد
ابقى بنفس الحيرة لو احچي للكوكب كُله
لحد ما اكتشفت ان الحچي على السجادة
اعظم بهواييييي

اول شي تحچي بلا خوف ان ينفهم قصدك غلط .
ثاني شي داتحچي لرب عظيم هو مفتهمك وعارف الي بيك قبل ما تحچي.
ثالث شي ما يحتاج من تحچي وتشكي تبرر لان الي بداخلك ربك يعرفه .
والاهم من هذا كُله انت داتشكي لرب هذا الكون كُله!

صرت من انسانة تحچي الي بيها
لانسانة تكتفي بكلمة الحمد الله اني بخير
وفعلاً اني بخير 🥳❤️🦋