- الرساله ؛ هلو عمري إني اول مرة بحياتي أتواصل ويه أحد من الناس الي اتابعها عمري وحياتي ما تواصلت ويه أحد بس بسبب ما أعرف إذا اكول مصيبة أو ابتلاء لأن استحي اكول هذا الشي وأعرف أنه رب الخير ما يجي منه إلا كل خير اني مؤمنة برب العالمين الحمدلله بكل شي يسوي وبعد هم مؤمنة بالدعاء يغير القدر طول عمري أمشي واكول الي مامكتوب بالنصيب ينكتب بالدعاء واكولها للعالم انتوا بس ادعوا وشوفوا رب العالمين شلون راح يسوي الي تريدوا بس حالياً اني بابتلاء أخذ روحي اتواصلت وياج اريدج تدعيلي انتي والبنات عسى أن تكون احداكن اقرب لرب العالمين مني بشفاء اخوي تشخص بحالة مزمنة ولا اني ولا اهلي نتحمل هذا الشي جاي اكتب وإني الدمعة بعيني طفى كلشي بعيني مااريد اي شيء بس ربي يشافيلي اخوي ماعندي أحد من بعد اهلي واخوية من بعد رب العالمين

اتمنى تقرون سورة المزمل بشفاء اخوية سجاد والكم الاجر بهذا الشي ادعولي مايمر شهر رمضان المبارك إلا وربي جابر بخاطرنا تعذبنا اني وأهلي ودعولنا بكل وقت أمانة الله ورسوله ماعندي غير الدعاء امي نظر ونور عيونها اخوية ماتتحمل رادته سند تعبت يلة وصلته ونصدمت من وصل بهاي الحالة أمانة الله ورسوله دعولنا

- الرساله ؛ ياعمري الله يشافي ان شاء الله
تفضلوا هاي سورة المزمل اقروها بنية شفاءه كلش قصيرة بس الكم بيها اجر عظيم
وياريت البنية من تتحسن حالتة تجي تبشرنا 😞✨

- الرساله ؛ ما خلصتي الغرفة شطلعت 🥲

- الرساله ؛ شنو اسم ايبادج

- الرساله ؛ الكيبورد شكد سعره؟

الكيبورد والماوس ثنينهم بـ 25
والقلم 35
والگفر بـ 25
والجنطة بـ 25
والشاشة بـ 10

- الرساله ؛ تنصحينا بايبادج وشكد سعرة

كُلش انصحكُم هواي يفيد
للطلاب بالخصوص يعني
وسعره بوكتها اشتريته بـ 500 ومدري شگد بضبط