منا للـ ٤ اذا ما نكملهن منستاهل المعدل الي نريده💆🏻‍♀️✨

✨الحمدالله ✨

هاهية خلص العربي صدك؟
هاهية بعد ماكو استفهام ونفي؟
هاهية بعد ماكو ادب وشعراء ؟
هاهية تحقق اول هدف عندي؟

ممصدگة اكو فد شعور بداخلي غريب 🙁
احس شلون الجبل على صدري وانشال!
احس ارتاحيت
اول مرة احس هاهية مبقى بس ٥ مواد ويخلص السادس🫣✨
راح يخلص تعب سنتين وقلق سنتين
راح تصير صحتي احسن واخيراً😭🦋✨
راح ارجع احسن من قبل هم !

هاهية اني بطلة فعلاً سويت الي عليه والباقي يم رب رحيم🐣🩷

اتذكروا هل أية وبس🫂✨

الادبي والتطبيقي والمهني
شدوا حيلكُم ولتخافون بس باچر وراها تعطلون
اتوكلوا على الله وبس✨

متصدگون اذا اگلكُم
جنت مأيسة اجاوب سؤال واحد

ومن الخوف تمرضت
واني ميصير اقلق ولا شوية
انوب علاجي تاركته لان ينيم
فـ وضعي فدمره صار

اول ما اجتي الاسئلة
الرجفة لزمتني وخفت
دعيت هوايييي هوايييي

گتله ياربي ماريد سيناريو العام ينعاد
يارب راضية بالقليل بس ماعندي طاقة تاجيل

اول ما انطوني الاسئلة غطيتها بالدفتر
وبسرعة گلبتها على الادب وغطيت كُل الاسئلة وطلعت بس سؤال الاول

دعيت وتوكلت على الله
وهل ايمان العام مچان عندي
ولا هل حرص عندي

السنة احس نفسي شخص ثاني
العام بالي مشتت
فـ چنت ادرس منا انسى منا

السنة صار كُل همي ادرس
لان وعيت هواييييي
وصرت على اتفه شي ادعي
صار الدعاء ميفارگني ابددد
وهذا احسن شي سويته ✨

حليت سؤال الاول
وضليت احل سؤال ورا الثاني
الي ما اعرفه اعوفه واحل الي بعده
عندي اخطاء بسسس
كُلشي ولا التأجيل

احس طاقتي صفر تجاه التأجيل
واني گلت بس اجاوب عربي خلص
اعتبر السادس رسمياً خلص

فـ اتوكلوا على الله ولتخافون
عادي تصير رهبة من الامتحان
ماكو احد ما يتوتر ويخاف
بالنهاية هذا مستقبل مو لعبة
والي يگول ما اتوتر وما اخاف فـ هذا اي ضمير تجاه نفسه ومستقبله ماعنده

الي داتمرون بي طبيعي اذا سنة اولى او ثانية او ثالثة او…
فـ لتخافون والله ميضيع تعب احد
طول ما سعى وحاول فـ هذا نجاح حقيقي✨