✅ 2024-yil 3-may kuni O‘zbekiston Milliy kutubxonasida “Central Asia – 2024: fan, ta'lim, madaniyat va biznesda internet va axborot kutubxona resurslari” XVII  Xalqaro konferensiyaga tayyorgarlik ko‘rish va o‘tkazish bo‘yicha Tashkiliy qo‘mitaning navbatdagi yig‘ilishi bo‘lib o'tdi.

💢 Joriy yilning 15-18-may kunlari Jizzax shahrida o‘tkazilishi mo‘ljallanayotgan mazkur xalqaro anjumanda yurtimizda faoliyat yuritayotgan 400 dan ziyod kutubxonachilar bilan bir qatorda 11 ta davlatdan 45 nafardan ziyod xorijiy hamkasblar ishtiroki ham kutilmoqda.
Vazirlik va idoralar vakillari ishtirokida o‘tgan navbatdagi yig‘ilishida xalqaro konferensiya dasturi, moliyaviy masalalar, sho'ba yig‘ilishlari hamda mahorat darslari,  davra suhbatlari, kitob yarmarkasi va ko‘rgazma o‘tkazish masalalari muhokama qilindi.

📱Rasmiy sahifalarimizga obuna bo‘ling!

Telegram l Instagram l YouTube l Facebook l Twitter l Web Sayt

✅ 2024-yil 7-may kuni O‘zbekiston Milliy kutubxonasi “O‘zbekiston“ o‘qish zalida O‘zbekiston va Qoraqalpog‘iston xalq yozuvchisi To‘lepbergen Qaipbergenov tavalludining 95 yilligiga bag‘ishlangan “Qoraqalpoq adabiyotining boyteragi” deb nomlangan kitob-rasmli ko‘rgazma ochildi.
📖 1929-yil 7-may kuni Kegeyli tumani Sho‘rtanboy qishlog‘ida tavallud topgan.
📝 1951-yilda uning ilk “Tilagim” poemasi, 1955-yilda “Pochtal'on kelganda“ asari, 1956-yilda esa uning “Sekretar'” deb nomlangan ilk qissasi chop etildi.
Uning jami 100 ga yaqin asari qoraqalpoq, o‘zbek, rus, turk va boshqa tillarda dunyo yuzini ko‘rdi.
📚 Yozuvchining qissa va romanlari qatoridan keng kitobxonlar ommasiga manzur bo‘lgan “Rahmat, mualllim“, “Muzdek tomchi“, “Sekretar'“, qoraqalpoq ayoli taqdiri haqidagi “Qoraqalpoq qizi“, “Mamanbiy afsonasi“, “Baxtsizlar“, “Gumrohlar“, “Ko‘z qorachig‘i“, “Qoraqalpoqlar haqida doston“ trilogiyasi shular jumlasidandir.