#Adliya_xabari

Uychida huquqiy ong va huquqiy madaniyatni oshirish bo’yicha targ`ibot tadbiri o’tkazildi.

Uychi tumani tuman Maktab va maktabgacha ta’lim bo’limi tasarrufidagi umumta’lim maktablari direktorlari va kadrlar menenjirlari ishtirokida shtatlar qisqartirish masalasidagi va mehnat qonunchiligi bo’yicha davra suxbati o’tkazildi.

Targ`ibot davomida mehnat qonunchiligi yuzasidan, xususan mehnat shartnomasi, uni bekor qilish asosalari, mehnat ta'tilini berish tartibi bo`yicha huquqiy tushuntirishlar berildi.

🏢Namangan viloyati adliya boshqarmasi

📌Kanalga ulanish👉https://www.tg-me.com/namanganadliya

#Adliya_xabari

Aholiga psixologik yordam ko‘rsatish sohasi huquqiy jihatdan tartibga solinmoqda

Adliya vazirligi tomonidan ishlab chiqilgan “Aholiga psixologik yordam ko‘rsatish to‘g‘risida”gi Qonun Senatning ellik yettinchi yalpi majlisida ko‘rib chiqilib, ma'qullandi.

Mazkur qonunda:
▫️bepul psixologik yordam ko‘rsatiladigan shaxslar toifalari qonun darajasida mustahkamlanmoqda;

▫️aholiga psixologik yordam ko‘rsatishning asosiy prinsiplari, vazifalari, turlari, shakllari hamda standartlari belgilanmoqda;

▫️psixologik yordam ko‘rsatish standartlari Sog‘liqni saqlash vazirligi tomonidan ishlab chiqilishi va tasdiqlanishi ko‘zda tutilmoqda;

▫️psixologiya yo‘nalishida oliy ma'lumotga ega shaxslar psixologik yordam ko‘rsatish faoliyati bilan shug‘ullanish huquqiga ega bo‘lishlari, shuningdek, psixologiya yo‘nalishidan boshqa oliy ma'lumotga ega bo‘lgan shaxslar xususiy tartibda psixologik yordam ko‘rsatish faoliyati bilan shug‘ullanishdan avval psixologiya mutaxassisligi uchun qayta tayyorlovdan o‘tishi kerakligi belgilanmoqda;

▫️psixologlarning jamoat birlashmalari faoliyatining huquqiy asoslari yaratilmoqda;

▫️psixologlarning huquq va majburiyatlari belgilanmoqda;

▫️psixolog o‘ziga murojaat qilgan shaxsni huquqbuzarlik yoki jinoyat sodir etishga, qimor va tavakkalchilikka asoslangan o‘yinlarda ishtirok etishga da'vat etmasligi kabi bir qator kasbiy cheklovlar nazarda tutilmoqda.

Shuningdek, mazkur qonun bilan psixologik yordamni bunday huquqqa ega bo‘lmagan shaxs tomonidan ko‘rsatish yoxud aholiga psixologik yordam ko‘rsatish to‘g‘risidagi qonunchilikda belgilangan cheklovlarga rioya etmaganlik uchun Ma'muriy javobgarlik to‘g‘risidagi kodeksga ma'muriy javobgarlikni nazarda tutuvchi qo‘shimchalar kiritilmoqda.

Mazkur qonunning qabul qilinishi aholiga psixologik yordam ko‘rsatish sohasining huquqiy asoslarini yaratilishi, fuqarolarning psixologik yordam olishga bo‘lgan ehtiyojini qondirish, xususiy tarzda amaliyot olib borayotgan psixologlar faoliyatini qonuniy amalga oshirilishini ta'minlashga xizmat qiladi.

@adliyangiliklari