شلون أوصفك ؟
وأنتَ دفتر وآنه چلمة
يليّ ما جاسك فكر بالليل وما جاسك سهر
يليّ بين حواجبك غفوة نهر
يليّ جرّة سما بعينك
خاف أفززها من أگلك آنه أحبّك
مامش بمامش ويلمامش
يَ ميزان الذهب وأدغش وأحبّك
وأرد أگلك ..
فرّني حِسنك يا بنفسج
وأنتَ وحدك دوّختني يا بنفسج
وعلى حُبّك آنه حبّيت الذي بحبّهم لمتني
يا طعم يا ليلة من ليل البنفسج
يا عذر عذرين، يا شنهي وأحبّك .

-مظفّر النواب.

وانه حاير
وحمد بالغيب صاير
ودورتك حمد بالغيب
حمد ياوسفه
يالتارس الديوان
دورتك حمد عد عارفه فنجان
ويم اهل النجم والخيره والشوف والطالع
وك حمد هم بالجذب ضايع
حمد مادلوني اعله عنوان
وكالو
حمد ضايع
حمد ضايع
جذابين وحمد ما ضاع
حمد بلغيب اذن يم الله وي الودايع
حمد بس انه الاندل عناوينك
ثلج بالروح
يحركني ويطفيني
بس ما ماع
كالو ضاع
لا ما ضاع
حمد بالضحكه والدمعات
حمد بالسكته والجلمات
حمد بالملكه وبالوداع
كالو ضاع
لا ما ضاع
حمد بالبيت صوره وتارس البيت
حمد باليمكن وبلكت وياريت
حمد حزني وخوفي وهمي
حمد كل اغروب يوكف بعين امي
حمد دم مسلم ع الكاع
كالو ضاع
لا ماضاع
حمد تارس الصفنات
حمد رب الحرامات
حمد بل ياحريمه وسلامات
حمد جذابه المسافات
ليليه اسولف بيك ووياك
وانخاك
وك حمد ما نكدر ابلياك

"يا طعم كل العراق الذايب بليل البنفسج"🍁

تلچمني
الليالي الما نرجعها
تلچمني ألاغاني الچنه نسمعها!

مَرينا بس يا حَمد
سچتنا نص الدرب شفناها خلصانه
و چَنه قطار العُمر و الروح ذبلانه

ما بينه ننطر بعد هيّمه الدروب وليل
و الصوت مرعب يجي جَدحة قطار بـ ريل

و تاليها ما الوگ الك و لا ارهم لغيرك
عايف وجوه الخلگ و احضن تصاويرك

و ادريبه غيرك مثل امرورة الگهوة
-والحنظل بعشرتك عندي احلى من حلوه

ومُرّني كُلشي
الشوارع والصحاري
وصوت جاهل
واللافتات البيها إسمك
وگمر آخر ليلة
بالبصرة الحزينة
ومُرّني آخر طيف
بعيون المدينة
داس چدامي الدرب
صعد منهن خدر للروح
وسكت گلبي وبقت عيني
توزع الشوگ وضواها
وتبچي باچر
كلشي حاير كلشي ساكت

مرني غنوه بليل عاشك مشتهيك

ياعزيز سوالفي المحد عرفها
والرسالة الضيعت عنوانها
تموت بظرفها.!!

‏يا وردة بنفسج والكَمر نعسان

آنه عندك مو عزيز
ودمعي ما مرّه چواك
يا أعز طين إعله عيني شغيّراك..؟

ياهي تريد؟ من يا سالفة أبديلك ؟
ذِكرتك والأغاني تريدني أبچيلك ،

دمعه دمعه..
اليل اكضيه
دمعه دمعه..
وصوتي مايطلع امن ابجي جني شمعه

١:١١

لتسئلوني شمسهرني تالي الليل وشعندي ؟
مثل اخر جگارة بــ خانة الباكيت
اضل وحدي
رَسول محسن

يا آخر محطة بليل عمري
بطلت.....
ما بعد أحب !!