طالبتي الشطورة نغومة
إن شاءالله بشوفك بأعلى المراتب
وتحققي حلمك
واكييد رح توصلي لحلمك
اتذكري لكل مجتهدٍ نصيب
وكل هل التعب وهل الاجتهاد مارح يضيع ورح تلاقي نتيجة حلوة إن شاءالله
فخورة بإنجازاتك ودراستك
#نسرين

يلي متوترين من الامتحان
اسمعوا هل الموسيقى واتنفسوا. بعمق وهدوء شي نص ساعة وبعدين ارجعوا ادرسوا بنشااط أكترررر

كيفكن طلاااب

عم جهز برنامج لإعادة المنهاج ب شهر واحد طبعا. ل طلاب الأدبي
البرنامج مكثف شوي لانو للإعادة
يلي لهلا ما خلص المنهاج يشد الهمة
معكن وقت لتدرسوا مو تضيعوه
ما ضل وقت للكسل والملل
البرنامج المسا إن شاء الله رح يكون جاهز

#نسرين

كيفكن طلااب
البرنامج يلي وعدتكن فيه تعيدوا المنهاج ب ٣٠ يوم بسس
ويلي ما بلش كمان فيه يبلش ع هل البرنامج بس البرنامج مضغوط كتير
لانو بتعرفوا ما ضل معنا وقت
ولاحظوا البرنامج في بدايته كثيف بس بالنهاية آخر ٥ أيام خفيف كتير بحيث يلي عنده تراكم من الايام الماضية يعوضها او يعمل فيها اختبارات وحل نماذج
#كل التوفيق ياارب
#نسرين

https://www.tg-me.com/nabdiR.

هيا هيا قفوا من جديد
هيا قولوا النصر نريد 😍💙


يُوافِق اليوم عيد ميلاد صاحبة الحنجرة الذَّهبيّة رشا رزق
لتتم عامها الـ 46، كلّ عام وصديقة طفولتنا بخير ❤️🌸💫

بينما يظن البعض أننا نضيع شبابنا في الدراسة، يقول رسولنا الكريم "طلب العِلم فريضة على كل مُسلم و إن طالب العِلم يستغفر له كل شيء حتى الحيتان في البحر 💙"
و بينما يشفق علينا الكثيرون لأنهم يعتقدون أننا نفني عمر الزهور عبثاً يقول رسول الله صلى الله عليه وسلم "ألا إن الدنيا ملعونة، ملعون ما فيها إلا ذكر الله و ما والاه، و عالم أو متعلم 💙"
و بينما يختار الغالبية الطريق السهل، سلكنا نحن ذلك الطريق الطويل الذي قال فيه رسول الله "من سلك طريق يلتمس فيه علماً سهل الله له طريقاً إلى الجنة" 💙

يسعد اوقاتكن طلااب
بعتذر رح غيب أسبوع
بسبب مرضي
اليوم كنت عند دكتورة العيون ولازم ريح عيوني فترة وبعد عن الموبايل
ادرسوا منيح وشدوا الهمة

#بالتوفيق للجميع
#ادعولي
#نسرين

هل الأوقات الصعبة هي يلي رح تقوينا ب يوم
رح نكون متل ما بدنا أكيد
بالصبر والقوة والاصرار رح نوصل
النجاح مش سهل بس مو مستحيل
#لا تستسلموا الخسارات بشعة لا تتركوا حلمكن يضيع بسبب تافه او كرمال ناس ما تستاهل
#نسرين

ركز على النهاية
ولا تبالي بتعب البداية والحاضر
#نسرين

بعرف أغلبكن خايف ومتوتر
قرب الامتحان
ما ضل وقت
ماخلصنا المنهاج
ما راجعت كلشي
ماعم اتذكر شي عم انسى
وكتير افكار بتسببلكن التوتر والقلق والخوف .....
بس لازم تتغلبوا ع خوفكن وتخلوه دافع ألكن لتدرسوا أكتر لتضمنوا النجاح وعلامة عالية وتحققوا حلمكن
ولا تخلوا الخوف يسيطر عليكن وتقعدوا تشوفوا الوقت عم يمرق بدون ما تدرسوا وتضلوا تحكوا خايفين
خلوا الخوف سبب النجاح مو الفشل
خدوا الجانب الايجابي للفكرة .
#كل التوفيق ياارب💙🌸
#نسرين

لأنو بآمن أنو الدعاء ممكن يغير كتير شغلات

أدعولي دعوات حلوة من قلبكن
كتير بحاجة دعواتكم
@Nabd456_bot

#نسرين

لا تيأسوا لا حياة مع اليأس 💙🌸

صباح التفائل والأمل
خذ نفساً عميقاً وحارب بقوة لأجل أحلامك
بعض الظروف رغما عنك تأتي
لكن الاستسلام او. مواجهة هذه الظروف خيارك وانت تختاره
لا تستسلم
#نسرين

القادم أعظم
ادعولي 💙💙

الأحلام تستحق
هيا انهض واترك الكسل جانباً
في كل صباح هناك رغبة بالنوم أكثر أكثر
ولكن هناك ما هو أهم من النوم
وهو أحلامك
حارب لأجلها 🦋
#نسرين🦋

المنشور بناءً ع طلب كتير طلاب
ملينا 😔
ماعاد فينا ندرس 😢
ماعم اقدر أدرس 💔🥺
شو الحل ؟
لكل مشكلة ألف حل أنت أختار الحل المناسب ألك
اولاَ إقناع العقل الباطن بأن الدراسة ممتعة وسهلة

ثانياً طريقة الإدمان يلي حكيت عنها بالمفصل من قبل
حب المادة والدراسة وضل ادرس بتوصل لاشعوريا لمرحلة إدمان ك ادمانك لأي شي

ثالثاً الرياضة والحركة حاول تعمل كل يوم رياضة ولو بسيطة بساعد المخ لحتى يتخلص من الخمول

رابعاً المكان كتير اله تأثير ع الدراسة جهز طاولتك مع عبارات تحفيز اطلع ع بلكون ع السطح ع الحديقة لعند الجيران 😂المهم غير روتين الدراسة واختار مكان تحبه

خامسا.طريقة المنبه احلا طريقة للدراسة بتخلص مواد بسرعة مو معقولة بتحط المنبه وبتقول رح خلص فلان فقرة وفلان درس قبل الوقت المحدد بتتحدى حالك والوقت وحاول تحفظ كتابياَ طبعا هاد حل ل يلي بعانوا من عدم التركيز كمان 💙😍

سادسا 😁
ابتعد عن الناس السلبين أو يلي بيعمللوك تشتت ذهني أو إعاقة بدراستك
ابتعد كلياً عن هي الفئةمن الناس
يلي ممكن تدمرك

واخيراً لا تتطلع ع حكي أهلك بطريقة سلبية هنن بالأخير بدهم مصلحتك وأنت عندهم اغلى شي حتى لو ما عم يعرفوا يتعاملو معك بطريقة صحيحة بس أكيد بيحبوك مارح قلك أديش بكرا بجي يوم بتلاقي حالك مكانهم ووقتها بس رح تعرف اديش كبير هل الشعور وما بينوصف

#بتمنى تستفادو من هيك نصائح حاولت اختصر قدر الإمكان
#بالتوفيق للجميع
#نسرين

طلاب
كتير ناس بتقول انا برمضان بصير عصبي
انا برمضان ما بينحكى معي
ليش
لانو جوعان ومالي طاقة أحكي
بس في شغلة مهمة لازم تضل نتذكرها
انو رمضان مو بس لنصوم عن الاكل والشرب
رمضان لحتى نعلم حالنا الصبر ونتحكم بحالنا
وبعاداتنا السيئة ونتخلص منها
رمضان شهر لا يعوض
اغتنمه بالأعمال الصالحة وإصلاح نفسك
وبالنسبة للدراسة هي كمان عبادة وعمل صالح لا تهملوها .
#نسرين

المشكلة الثانية

النوم والنعس والكسل

هاد انت السبب فيه ماعم تعطي جسمك الراحة اللازمة بطريقة صحيحة
نومك ما لازم يكون أقل من ٤ ساعات ولا اكتر من ٦ ساعات
بحيث يرتاح جسمك مو يصيبه خمول وكسل
قيس هل الشي ع حالك قبل الافطار جوعان كتير تعبان وبعد الافطار من كتر الاكل تعبان كتير
بتوصل لنتيجة خير الأمور اوسطها
وبالنوم هيك
سؤال آخر كيف بنظم وقتي برمضان

حسب انت بتحب اسهر للسحور ادرس وبعدها نام بعد السحور ٣ ساعات والعصر ساعتين او ٣ حسب
او نام ع ١٢ للسحور وبعدها ادرس ل ٩ او ١٢ وبعدها نام كمان شي ساعتين
المهم ما تنام اكتر من ٦ ساعات
وحاول قدر الإمكان تنام كل يوم بنفس الوقت وتنظم نومتك
#بتمنى تكون وصلت الفكرة وتستفيدوا
#نسرين

كيف بنتخلص من الكسل والتردد والتأجيل في الدراسة او أي عمل تاني
بطريقة بسيطة انو نأمر عقلنا قوم ادرس قوم نعمل كذا مو نقله اقوم ادرس ولا بدرس بعدين خليني ارتاح طبعاً هو رح يقلك ارتاح ...
لهيك فورا يلا لازم ندرس
بنقوم بنجيب كتبنا وبندرس
#نسرين