حاربوا من أجل أحلامكم💙💙
بعض الخسائر قاتلة🥺💔
#نسرين

عظماء بإصرارنا على تحقيق أهدافنا
#نسرين

#وكمشة أمل آخر الليل
#مارح نستسلم بعد ما صارت القمة ع بعد خطوتين بس
مشينا وتخطينا كل هل الشهور
والاصعب هي البدايات
والنهايات بإيدنا هلأ
خلينا نخليها نهاية سعيدة ووصول للقمة يلي بنستحقها بعد كل هل التعب
#لا تستسلم
كرمالك
كرمال أحلامك
كرمال أهلك
كرمال بلدك يلي بحاجة لكل حدا فينا يساهم لنرجعها احلا من قبل
مارح ترجع لحالنا اذا نحنا ولادها قعدنا واستسلمنا
#بالتوفيق للكل الله يقوينا يارب
#نسرين

تبقى أوراقنا واقلامنا شاهدة على معاركنا القوية والحاسمة
التى يراها الجميع مجرد سنة دراسية
#اللهم القوة والثبات
#اللهم أحلامنا التي نتعب لأجلها
#نسرين

دائماً في جواتنا صوت بقلنا بكرا أحلى
واليوم لازم نشتغل صح لنخلي بكرا أحلا
حلمنا ومستقبلنا وسعادتنا معنا
ولازم نضل نعمل لنكون عنجد متل ما بدنا
#نسرين

#تجربة طالبة بكلوريا حققت حلمها
وحبت تشجعكن

انا كنت هديك السنة بكلوريا وكان من احد احلامي انو صير مهندسة معمارية
اجت هالبكلوريا باول فصل كانت علاماتي الاراضي
الفصل التاني بالقطع قررت شد حالي وادرس
كنت قضي يومي كلو دراسة بس مع هيك كنت التهى شوي
اجيت لقبل الفحص ب كم يوم وقررت حط هاد اللوح قدامي واكتب فيه هالعبارة الموجودة وشجع حالي
حطيتا وبلشت ادرس هيييك لاجا اول امتحان كان ب 31/5
وكنت بوقتا حاسة انو رايحة ع حبل مشنقة وخايفي كتييير
قدمت ولا كأن صار شي
ومشيو كل الفحوصة تمام
وقت النتائج ما كان مجموعي منيح ف قررت عدلو بالتكميلي وحطيت كل طاقتي
وهلئ الحمدلله رب العالمين حققت حلمي وعم ادرس هندسة عمارة وعم جيب علامات عالية لان فايتي ب رغبة...
لهيك بدي قلن ل يلي عم يدرسو بكلوريا هالسنة
انو ما تخافو نهائيا بس حطو هدف قدامكن ورح توصلولو اذا حاولتو من قلبكن
ما تيأسو ولا تستسلمو
بكرة بس قدمتو اول فحص رح يكرجو باقي الفحوصة وما بتحسو
المهم ما تملوو
موفقين يارب 😍❤️❤️

صباحكن طلاب البكلوريا
كيفكن
سؤال كتير بيتكرر
ضل اقل من ٣ شهور بنلحق ندرس
ونحقق حلمنا او ماضل أمل
جوابي
اي بتلحقوا يلي عنده هدف وطموح بحياته بيشتغل ع حاله وبيتعب وبالنهاية أكيد رح يوصل
ضلوا اتذكروا لكل مجتهد نصيب
واذا تعبتوا ودرستوا اكيد رح توصل
يلي لهلا مالحق شي
اتبعوا هاد البرنامج المكثف وشدوا الهمة رح تلحقوا اكيد
نوم من الساعة ١١ المسا ل ٤ او ٥ الصبح
الفيقة الصبح مهمة جدا جدا
وباقي الوقت بتدرسوا ٤٠ او ٥٠ دقيقة بتاخدوا. ١٠ دقائق استراحة
استراحة تطلعوا ع البلكون تشموا هوا تتمشوا بالغرفة مو تتسلوا بالموبايل
وبتاكلوا فطوركن الصبح مهم جدا وجبة الفطور
وهيك بتدرسوا تقريبا اقل شي ١٥ ساعة باليوم
حاولوا لا تضيعوا وقتكن.
رح تلحقوا وتجيبوا معدل اكييد .
#واي مشكلة عندكن ياها ابعتولي ع البوت @Nabd456_bot
رح ننزل الحل ع القناة ليستفاد الكل

#نسرين

#النسيان
مشكلة أكثر الطلاب النسيان
رح قلكن مثال بسيط حكاه الاستاذ سيف لما كنت بكلوريا😂💔
(ليش عم اتضحك لانو عنجد البكلوريا برغم كل ضغطتها وصعوبتها رح تخلص وتصير ذكريات حلوة وتضحكوا عليها من قلبكن )
الدراسة متل لما تزرعوا بذرة بالارض وهي البذرة لتكبر وتصير شجرة لازم نسقيها مي كل يوم مو مرة وحدة وخلص
نفس الشي الدراسة لازم نضل نسقي المخ بالمعلومات ونضل ندرس ونكرر لحتى تدخل المعلومات بالذاكرة طويلة الأمد وما ننساها
وطبعاً المذاكرات والاختبارت الجزئية كتير مهمة
لازم نعود مخنا على مهارة استرجاع المعلومات بالوقت المناسب
مو نعمل المخ متل خزانة التياب يلي كل ما فتحناها تمطر علينا التياب لانو بس عم نشلف التياب ماعم نرتبهم
المعلومات بدهم ترتيب بالمخ كل فترة وفترة
والغلط يلي بتغلطه وانت عم تتدرب ع النماذج افرح عليه لانك رح تتعلم منه وتدرس اكتر وتجتهد
#كل التوفيق ياارب
#نسرين

صباح الخير
الطلاب يلي عم تسأل شو هو البرنامج المكثف
متل ماقلتلكن
نوم من الساعة ١١ ل ٤ او ٥ بالكتير تكون فايقين
وتاكلوا باليوم ٣ وجبات اكل او اكتر معلش
وباقي وقتتكم دراسة وكل ٥٠ دقيقة ١٠ دقايق استراحة
انا مارح اعطيكن برنامج محدد بالمواد
هاد البرنامج انتوا بتحطوه لحالكن
كل حدا بيعرف بأي مادة مقصر وبأي مادة مخلص مابده دراسة
ع حسب كل شخص بيقعد بحط برنامج لحاله
حطوه ع ١٠ ايام ووزعوا عليهم المواد حسب التراكم عليكم
الكل يبلش بحط برنامج ويمشي عليه الدراسة العشوائية مو صح ابدا
حاج كسسل
حاج تأجيل
قوموا فورا جيبوا ورقة وقلم وحطو برنامج
ولا حدا يتحجج بالظروف معهد مدرسة بدرس بالبيت عندي شغل
هي أعذار الفاشلين وانتو أقوياء وناجحين شيلوا الافكار السلبية وآمنوا بقوتكم وحاولوا بكل طاقتكن
واتوكلوا على رب العالمين 💙🌸
#الكل يبلش يحط البرنامج ويبعتلي ع البوت البرنامج @Nabd456_bot
#يلي بيلتزم بالبرنامج ب. ١٠ أيام أله مكافأة 😍😍💙
#نسرين

ورح رد ع الكل بس من مبارحة اكتر كن ٣٠٠ رسالة بعتوا ورديت ع النص😅

نعمة الناس يلي بتدعيلك بصلاتها وبكل وقت
#أدعولي دائماً
#نسرين بس انا

طالبتي الشطورة نغومة
إن شاءالله بشوفك بأعلى المراتب
وتحققي حلمك
واكييد رح توصلي لحلمك
اتذكري لكل مجتهدٍ نصيب
وكل هل التعب وهل الاجتهاد مارح يضيع ورح تلاقي نتيجة حلوة إن شاءالله
فخورة بإنجازاتك ودراستك
#نسرين

كيفكن طلاااب

عم جهز برنامج لإعادة المنهاج ب شهر واحد طبعا. ل طلاب الأدبي
البرنامج مكثف شوي لانو للإعادة
يلي لهلا ما خلص المنهاج يشد الهمة
معكن وقت لتدرسوا مو تضيعوه
ما ضل وقت للكسل والملل
البرنامج المسا إن شاء الله رح يكون جاهز

#نسرين

كيفكن طلااب
البرنامج يلي وعدتكن فيه تعيدوا المنهاج ب ٣٠ يوم بسس
ويلي ما بلش كمان فيه يبلش ع هل البرنامج بس البرنامج مضغوط كتير
لانو بتعرفوا ما ضل معنا وقت
ولاحظوا البرنامج في بدايته كثيف بس بالنهاية آخر ٥ أيام خفيف كتير بحيث يلي عنده تراكم من الايام الماضية يعوضها او يعمل فيها اختبارات وحل نماذج
#كل التوفيق ياارب
#نسرين

https://www.tg-me.com/nabdiR.

هيا هيا قفوا من جديد
هيا قولوا النصر نريد 😍💙


يُوافِق اليوم عيد ميلاد صاحبة الحنجرة الذَّهبيّة رشا رزق
لتتم عامها الـ 46، كلّ عام وصديقة طفولتنا بخير ❤️🌸💫

بينما يظن البعض أننا نضيع شبابنا في الدراسة، يقول رسولنا الكريم "طلب العِلم فريضة على كل مُسلم و إن طالب العِلم يستغفر له كل شيء حتى الحيتان في البحر 💙"
و بينما يشفق علينا الكثيرون لأنهم يعتقدون أننا نفني عمر الزهور عبثاً يقول رسول الله صلى الله عليه وسلم "ألا إن الدنيا ملعونة، ملعون ما فيها إلا ذكر الله و ما والاه، و عالم أو متعلم 💙"
و بينما يختار الغالبية الطريق السهل، سلكنا نحن ذلك الطريق الطويل الذي قال فيه رسول الله "من سلك طريق يلتمس فيه علماً سهل الله له طريقاً إلى الجنة" 💙

يسعد اوقاتكن طلااب
بعتذر رح غيب أسبوع
بسبب مرضي
اليوم كنت عند دكتورة العيون ولازم ريح عيوني فترة وبعد عن الموبايل
ادرسوا منيح وشدوا الهمة

#بالتوفيق للجميع
#ادعولي
#نسرين

هل الأوقات الصعبة هي يلي رح تقوينا ب يوم
رح نكون متل ما بدنا أكيد
بالصبر والقوة والاصرار رح نوصل
النجاح مش سهل بس مو مستحيل
#لا تستسلموا الخسارات بشعة لا تتركوا حلمكن يضيع بسبب تافه او كرمال ناس ما تستاهل
#نسرين