الطلااااب يلي ماعم تقدر تفيق من النوم وعم تتكاسل
حل سهل وبسيط حطوا المنبه ع ال ساعة يلي بدك تفيق عليها واحكي لحالك رح فيق ان شاء الله ب فلان ساعة
وبعد بتجي بتسمي بالله الرحمن الرحيم وبتسمع آية الكرسي وبتقرأها وبتنام

صدقوني اذا مافقتوا قبل المنبه رح تفيقوا ع الوقت اكيد
وعن تجربتي بقلكن
#نسرين

طلااااااب لآخر مرة بقلكن
ادرسوا ادرسوا ادرسوا
بتلحقوووا
بس لا تقعدوا تفتحوا نت 24ساعة وتضيعوا وقت
وتعملولي مغالطة الشفقة
اكتر جملة بنستعملها لما بدنا نعطي مثال ع اسلوب الشرط بنقول اذا درست بتنجح
ولا يتحقق الفعل. الثاني إلا بتحقق الأول
يعني اذا ماعم تدرس وتتعب بالطريقة الصحيحة لا تفكر انك رح تنجح
خلينا نعطي مثال تاني
مثلا انت جوعان شو رح تعمل رح تقعد تقلنا طول الوقت انا جوعان ولا رح تقوم تاكل
طبعا رح تقوم تاكل لانو. الحكي مو حل لمشكلة الجوع

وهييك الدراسة مو حل انك تقعد تبكي وتنوح قوم جيب كاسة مي باردة وكبها ع ضميرك الدراسي يلي لهلأ مافاق
خليه يصحى ويقوم يدرس حاج ماضل وقت
شو ناطرين لسا لتبلشوا
ولا انتو ناطرين حدا يقلكن ما بتلحقوا مشان تتكاسلوا اكتر وتضيعوا مستقبلكن
#اذا مو كرمالك كرمال أهلك يلي من لما انت اجيت ع الدنيا حرموا حالهم من كتير شغلات بس كرمالك وكرمال سعادتك
ولهلأ هنن عم يضحوا كرمالك وكرمال سعادتك
معقول انت ما فيك تعمل شي هو اصلا من واجبك ولمصلحتك
لحتى تسعدهم
#لاخر مرة بقلكن اصحوا وادرسوا حاج كسل
#بالتوفيق للجميع
#نسرين

اتخيلو هل اللحظة بعد ٢٤ يوم


هلأ الساعة ١١ ونص خلصت المدة هاتوا الاوراق
مزيج من الراحة الكبيرة والتوتر
بس خلصنا أول مادة تذكرنا كلشي اكتر ما توقعنا كنا دراسين والله ماخيب ظننا
بتوصل ع البيت بتكمش التلفون بتبعت لاستاذك استاذ انا سكرت المادة
متخيل شعورك بهديك اللحظة
وشعور استاذك
وشعور أهلك
وكلهم رح يكونوا فخورين فيك كتييير



اي مشان هي اللحظات قوم ادرس اتعب في شعور بالنهاية بيستحق هل التعب كلو
#الله لايحرم حدا من هل الشعور
قولوا آمين
#يلاااا ركض ه
ع الدراسة
#نسرين

"ستكون يوماً كما تحلم ، ربك عظيم سيعطيك ما تتمنى .. لا تفقد الصبر بل كن واثقاً بتوفيقه لك ♥🌻"
#MáñØöšh💙🌸🍃🎶

- "صبَاح الخير يا عُمري"..!🌸

اكتر نوووومة مريحة النومة بين الكتب والدراسة 😂💔
بس ساعة وحدة رح نام وارجع كمل
ان شاء الله ما اسحبها للصبح 😂💔
حالنا هل الايام

#اكتر شي رح تشتاقوا اله بعد البكلوريا
#نسرين

عادي كتير تصير. معك أمور تلعن الدراسة وساعتها وترمي الكتب

بس المهم بعد ٥ دقايق يرجعلك عقل الرحمن
وترجع تدرس متل الشاطرين🙂

حتى القطط بلشت دراسة
ولسا في طلاب عم تقعد تصفن بالحيطان وتنق وتنوح بلحق ولا ما بلحق😂💔
بكرا بتفوت ع الجامعة وبتصير قطة مثقفة وانت تقعدوا بالشوارع تندموا ع حالكن😂😂😂😂
#نسرين

#مارح طول عليكم اليوم
#الله يوفقكن جميعا يااارب ويعطيكن القوة لتحاربوا. وتوصلوا لحلمكن
والله يخترلكن الخيرر بكل حياتكن
#ادعوا لكل شخص بتحبوه
#ادعوا لكل الأساتذة يلي عم يدعمونا ويساعدونا
#ادعوا لكل الطلاب يلي عم تتعب كرمال احلامها
#واخيرااا ادعولي كتير من قلبكن🥺💙
#نسرين

‏ولعلّها تجاب الليلة ، ويبلغ القلبُ نصيبه من الجبر بعد الصبر ♥️.

يلي عم تأخدوا المنشورات من قناتي
مارح احكي شي غلط
#بس تأخدوا المنشور معلش
#تحطوا تحطه اسمكن بدل اسمي لحتى تاخدوا الدعاء يلي ع اسمي معلش كمان
#بس تجوا تحذفوا جملة انو
#ادعوا لكل الأساتذة يلي عم يدعمونا ويساعدونا

على هي ما بسامحكن
#اقل شي أقل شي مقابل تعبهم وسهرهم كرمال نحن ننجح انو ندعيلهم بكل خير وبكل وقت
مو بهل الايام المباركة نعمل هيك

#بتمنى توصل رسالتي للشخص يلي عمل هيك
#واكتر شي مؤسف انو الشخص يلي عمل هيك آنسة كمان
#نسرين .

صباااح الخير والأمل وحسن الظن بالله
طلاب الكل يقرأ للأخير
كتير عم شوف بالكروبات
طلاب عم تفكر بالإعادة
وطلاب تترك مواد للتكميلي
وطلاب عم تدور ع التوقعات
وطلاب ع المكثفات
وطلاب ع كم مادة الرسوب والنجاح وحد الكسر بكل مادة
وغير يلي شاغل حاله ورفقاته ما عندو سيرة غير قصة الكاميرات
شباب
صبايا
ربكن بيقول أعقل وتوكل
التدبير لأمور الدنيا كلها مو شغلك
انت عليك تشتغل ب يلي انت قادر عليه
مطلوب منك هلأ تدرس وتدرس بس
تدرس بكل جهدك لتوصل لحلمك لهدفك. واذا ألك نصيب وتعبت اكيد بتوصل
بس الدعاء لحاله مو كافي .
بدك تتعب وتدرس ولا تفكر بشي تاني

كلشي اله وقته
التوقعات هي مجرد احتمال
بتراجعها قبل ما تروح ع الأمتحان بكم ساعة لأنك مو قادر تعيد المنهاج كله بكم ساعة
و التكميلي بتفكر فيها لما ترسب بالمادة مو من هلأ لأنك رح تضيع احتمال تحسن غير مادة
وكمان الرسوب والإعادة أو ما رح جيب العلامة يلي بدي ياها
اذا من هلأ قررت انك ما بقدر
قبل ما تدرس لآخر نفس ولاخر لحظة وتروح تواجه ورقة الأمتحان
لك انت مابتستاهل لا الطب ولا اي مهنة
كل شي بده تعب
ويلي مابيقدر يواجه ورقة امتحان.
غلط يوضع حياة إنسان تحت ايده
#نسرين

#لا_تقارن_حالك_بغيرك
رفيقي خلص المنهاج.... 😤
رفيقي عم يعيد المنهاج ...😤😤
رفيقتي بتراجع كل جمعة بجمعتها ....😤😤
طيب وانا؟؟؟! ليش انا مو متلون ....
صديقي #انت_غير

المقارنة تفسد النفس.... وتثبط الهمم ...
ان حبيت تقارن بحدا ...فقارن حالك بحالك ....😊😊

بترتاح وبيكون تقييمك اكثر موضوعية !!!
ليش ؟؟؟

لانو انت ظروفك غير ظروف رفيقك ...
انت بتحفظ على مهلك وبيكفيك مرة وحدة ....هو بيحفظ بسرعة بس بينسى ....
انت مرضت ...هو ما مرض ....
انت لحالك لك كيانك الخاص ❤❤ لك عقليتك الخاصة
انت بتدرس ٥ ساعات .... هو بيدرس ١٢ ساعة
وقيس بقا فكيف بدك تقارن حالك بغيرك!!!!! مو زابطة ما 😁

#طيب_كيف_بدي_اتطور_عطينا_الحل
١- حط هدف لحالك واشتغل عليه لتلحق المنهاج
٢- قيم نفسك ...انت اليوم شو درست ومبارح شو درست وبكرا شو رح تدرس ....
٣- طالما انت عم تتقدم لقدام وعم تشتغل وعرفان حالك وين رايح فاطمئن 😍😍😎😎

#المعادلة : اذا كان نتاجك اليومي عم يزيد او محافظ على رتم معين فانت كدا 👍👍👍👍👍 وامورك بخير 😍

#منقول
#نصائح_للطلاب 💯

كل مشكلة تعطيها أكبر من حجمها ؛
‏فأنت في الحقيقة تسقيها من ماء صحتك..
‏والأزمات لا تحلّها الأحزان

‏وإن من الهموم ما يكون علاجها (مواجهتها بحكمة واتزان)
‏وبعضها يكون علاجها فقط (عدم الاهتمام)!
‏فلا تهتم لكل شيء يوجعك
‏بعض الهموم تموت بقلة اهتمامك بها 👌⁦☺️⁩

طلابنااا الغوالي
الكل عم يعاني حالياَ
من مشكلة النعاس والتراخي
صراحة انا كمان متلكن
بس كل مشكلة والها حل
شو الحل 🥺
ع الساعة ١٢ بنزللكن
ليش مو هلأ
لانو بدي لاقيلكن حل مضمون مو بس حكي
انتظروني
#نسرين

#هااااام وضرررروري طلاب الباك والتواسع كمان
المشكلة ياي أغلبنا بعاني منها حاليا النعاس والنوم أثناء الدراسة
اول شي ليش شو سبب المشكلة
السببب العلمي انو المخ مقسم لقسمين
قسم للموسيقى والالوان والشغلات الحركية والممتعة نفسه الجزء المسؤول عن النوم
وقسم للدراسة والحفظ والتركيز
ولما نجي نقعد ندرس بشكل جامد هاد الجزء من المخ رح يلاقي حالو ما عندو شغل رح يمل لحاله وينعس وبنام
والحل انوا تجيبوا شوية أقلام ملونة واوراق ملاحظات ملونة وحاول تدرسوا بطريقة اكتر نشاط وحركة واذا لاقيتو حالكن نعستوا شغلو شوية موسيقى
موسيقى مو اغاني تتذكروا كل الماضي والحاضر وتصفنوا وتنسوا
الدراسة

والشغلة التانية كمان ماعم ترتبوا نومكن وعم تسهروا ع الموبايل كتير
والجسم محتاج راحة هاد حقه
وكمان بنهار اذا حسيت بنعس اطلع ع الشمس اتشمس شوي عم احكي جد
وخود عشر مرات نفس عميق
ع الششسسمس لانو اذا عملت هيك بالغرفة رح تنام 😂💔

وكمان بما انو اجا الرمضان والعيد اكيد عم تاكلو الشغلات الحلوة كتير بسكوت وغيروه
الحلويات والسكريات بتعطي طاقة الجسم بس اذا كترتوا بيصير خلل بضغط الدم وبتلاقي عندك خمول وكسسسل مو طبيعي
حاولوا تخففوا حلو وتكتروا شوي موالح

والقهوة كمان خففوها بدلوها بالمته أفضل
يلي ما بحب اشرب قهوة بلا بن كتير طيبة 😁😁😁

#وهي كانت مجموعة من أسباب النعس والكسل يلي وصلتلا من خلال بعض تجارب الطلاب وتجربتي
#بتمنى تستفيدوا
#الله يوفقكن جميعا يااارب
#بعرف انو بتدعولي بدون ما اطلب بس بما انو ليلية القدر ادعو لي اكتر
#نسرين

#نصائح_ما_قبل_الامتحان
تحتاج لمراجعة الفيزياء قبل الامتحان إلى ٨ أيام، اترك ٩ أيام قبل موعد الامتحان النهائي( لمراجعة الفيزياء).
وايضا الوضع نفسه لمادة الفلسفة ، تحتاج لمراجعة الفلسفة الى ما يقارب ٧ أيام لذلك ننصح أن تبدأ قبل ٨ أيام من موعد الامتحان.

ضع هذا في جدولك وابدأ في الوقت المناسب.
الامتحان الأول له تأثير كبير على سير امتحاناتك !
#مؤسسة_المتفوقين_التربوية

وبرجع بقلكن خففوا نت
وادرسوا
ولاتسمعوا كلام الناس السلبية
حلمكن بأيديكن
بدك شي حكوني ع البوت @Nabd456_bot
#بالتوووفيق جميعا
#ومتل العادة بنهار رح سكر نت وادرس
ورح رد عليكن المسا

انت ك إنسان مكون من دم ومشاعر
طبيعي كتير تتعب تقعد تبكي تصرخ
اي كتير طبيعي بس بغرفتك
بعيدا عن العالم ونظرات الشفقة السخيفة
وبعدها بس ب 5 دقايق بتقوم تغسل وجهك لتكون أقوى من قبل
لا تسمح لأي موقف يضعفك ابداً أبدا لو شو ماكان
خليك أسطورة العنقاء من كل رماد بيطلع أقوى من جديد كأنو ما احترق
بنضعف بنتعب
بس ما بنستسلم
تعرفوا ليش
#كرمال رسالتنا على الأرض
لنرضي ربنا
#كرمال نظرة أهلنا يلي فخورين فينا
#كرمال كل حدا بيحبنا وناطر نجاحنا
#آخر شي مشان نفقع عين كل حدا استقل فينا وشافنا فاشلين
رح ننجح وانتقامنا رح يكون نجاحنا
#خليهن هلأ مبسوطين وهنن عم يتمسخروا علينا
العبرة ل يلي بيضحك آخر شي وبينجح
#الله يوفقكن يااارب ويعطيكن الطاقة والقوة لتحاربوا بهل الطريق لآخر ه
#ربي يكرمكن ويكرمنا جميعا ب فرحة النجاح
#ادعولي وادعوا لكل طالب عندو هدف عنده حلم عم يتعب كرماله
#ربي لا يضيع تعب حدا يارب
#نسرين

طوّقني يا الله بلُطفك الخفي والأمان الذيّ يزرع اليقين في قلبِّي ♥️