طلااااابنا. الغوالي بكلوريات
الكل نعسان بعرف
مالل
كئيب
طب لييييش
نسيتوا شغلة مهمة انو نحنا برمضان بشهر الخير والدعاء والرحمة
قوموا يلي لهلأ ما صلى شو ناطر
أول شي صلوا وادعوا رب العالمين
واقنعوا حالكن بكلام إيجابي
لسا في وقت رح نلحق ؟
بس كيف؟
نحط برنامج وتدرس بكل طاقتنا
اتعلموا من الصيام درس حلو وطبقوه بالحياة
مثلا بتضلوا طول اليوم جوعانين
بتشتاقوا للاكل بس كلها كم ساعة وبأذن المغرب وبتاكلو قد ما بدكن
وحتى هي الامتحانات هيك نفس الشي
انتو رح تصوموا عن كلشي ما عدا الدراسة بس رح يجي يوم بعد شهرين بس. ورح يخلص الأمتحان
ووقتها اعملوا يلي بدكن ياه
ورح تقعدوا وتقولوا يالله اشتقنا للدراسة والبكلوريا وتضحكوا ع هل الايام يلي نكدتوا ع حالكن بسبب كلام الناس
عنجد بتضل أيام الدراسة احلا أيام العمر
استمتعوا بأيامكن لانو آينشتاين بيقول احسن طريقة للتعلم هي الشغف والاستمتاع بما تفعله
يعني لما تكونوا مستمتعين بالدراسة رح تدرسوا اكتر
وما رح تتعبوا ورح تحسوا بالراحة النفسية
#وحاج حكينا كتير هههه يلا ع الدراسة
#بدي اطلب منكن الكل يدعي هل الدعاء يلي بالصورة
الله يوفق الجميع يارب
#نسرين

طلاب
كتير ناس بتقول انا برمضان بصير عصبي
انا برمضان ما بينحكى معي
ليش
لانو جوعان ومالي طاقة أحكي
بس في شغلة مهمة لازم تضل نتذكرها
انو رمضان مو بس لنصوم عن الاكل والشرب
رمضان لحتى نعلم حالنا الصبر ونتحكم بحالنا
وبعاداتنا السيئة ونتخلص منها
رمضان شهر لا يعوض
اغتنمه بالأعمال الصالحة وإصلاح نفسك
وبالنسبة للدراسة هي كمان عبادة وعمل صالح لا تهملوها .
#نسرين

طريقي نحو التفوق
قناة اكتر من رائعة نصائح مهمة للدراسة في رمضان 😍😍😍
https://www.tg-me.com/tarekeNahwaAltafawook

قد تظن إن هذه النباتات عقيقمة لأنها لا تزهر
لكن لا شيء عقيم سوى العقل البشري الذي يثرثر طوال الوقت بأفكار غبيبة تفسد كل ما حوله
هذه النباتات رغم أنها لا تزهر لكنها مخضرة في كل السنة ولا تحتاج سوى قطرات من المياه لتنمو بكثافة وتحتضن وحدتنا
ان في الأخضرار قوة عظيمة لا يدركها الجميع
#حقائق علمية
اللون الأخضر كتير مريح للعيون
وكتير بريح النفسية
حاولوا تدرسوا بمكان فيه شي اخضر لو شو ما كان
أو حتى لما تكتبوا اكتبوا بالأخضر
#موفقيين_جميعا
#نسرين

مافي احلا من اجواء الصيف و الليل والهدوء للدراسة
لا تتكاسلوا وتناموا هلأ
#حاربوا النعاس بفنجان قهوة 😁💙
#نسرين

المعلمون بناةٌ حقيقيون
وهم أساسٌ في كل تنشئة أخلاقية
في هذا اليوم وفي هذا الشهر الفضيل
أتوجه بالدعاء لكل معلمٍ مخلصٍ أدرك إن التعليم رسالة أخلاقية وأمانة وليست مجرد مهنة تمارس بطريقة عامةٍ
ادعو الله أن يديم عليكم الصحة والعافية وان يرزقكم كل خير وان يبعد عنكم كل شر ويرحمكم برحمته يوم لا ينفع لا مال ولا بنون
واخص بالذكر معلمي

#الاستاذ نجيب حسن الذي أعطى الفلسفة روحاً وجعلها أسهل المواد
#الاستاذ همام حمدان الذي اقنعنا إن اللغة العربية اسهل مما نتخيل
#الاستاذ خالد غزالة الذي بسط اللغة الإنكليزية بطريقة سهلة جدا واخرجنا من دوامة كنا نظنها ستهلكنا
#الاستاذ نضال أقجه الذي أخرج الطلاب من فوبيا القومية
وأُذكر كل المعلمون خيرٌ وادامهم الله
ذخراً وفخراً للوطن منكم نتعلم العطاء وبكم نقتدي وبكم نفتخر
#اتمنى من كل الطلاب الأعزاء ان يقوموا بالدعاء لكل معلمٌ اسهم في تعليمه
فهذا أقل ما نقدمه في هذا الشهر.الفضيل مقابل سخاء عطائهم الذي لا ينتهي
#نسرين

#مشكلة النسيان 🥺

https://www.tg-me.com/joinchat-vvH_uECI9ZtjNGU0
مكثفة 💚الماستر💚2021

هلأ المسحراتي بحطوه ليفيق العالم ولا ليخوفهم😂💔 متل المسحراتي يلي عنا
يا عمو الناس بتجيب طبلة صغيرة وبتنادي متل بمسلسل باب الحارة يا نايم وحد الدايم فيقوا ع سحوركم
مش بجيب طبلة كبيرة ليدب الرعب بقلبنا ويقضيها دق ع الطبل بدون ما يحكي كلمة

قال قاعدة ادرس ع البلكون برواق 🥺💙

المهم هلأ قوموا اتسحروا وصلوا وادعوا وادرسوا يلا يا شاطرين
#نسرين

https://youtu.be/x2R85gIg3KQ

الطلاب يلي عم تعاني من البحور الشعرية والتقطيع
بطريقة واضحة وبالتفصيل مشروحة ع قناة الأستاذ همام حمدان

طلااااب الباك الغالين
كيفكن
كيف النفسية ان شاء الله احسن ع رمضان 😍💙
بما انو رمضان كترووا المته مشان تعوضوا جسمكن يلي عم يخسره طول اليوم
وادرسوواا بكل همة ونشاط
متخيلين انو ضل شوية وقت ونخلص دراسة
متخيلين كمية الفرحة يوم النتائج
متخيلين فرحة أهلك رفقاتك اساتذتك
لما يقولوا بكل فخر فلان يلي نجح بأعلى العلامات والله تعب وووصل لحلمه ومافي شي مستحيل
اتخيلتوا كل هل الأفكار الحلوة 💙😍
يلا حاج تخيل قوموا صحصوا وادرسوا واتنشطوا 😍💙لحتى تصير هل التخيلات حقيقة قدامكن
وطبعاً هاي الأحلام الحلوة مجرد انك تتخيلها اديش بتفرح
كيف لو تحققت 😍💙
#إنشاء الله يارب بتتحقق كل احلامكن يارب
#قولوا آمين
#نسرين

بعض الدعاء قووة
الحمدالله على وجود أولئك الذين يعطونا القوة بالدعاء
#نسرين

يمكن كتير منكن عندهم فضول يعرفوا
مين نسرين ؟
شو هل التفائل يلي عندها ؟
معقول ماعندها مشاكل بحياتها ؟
شو دارسة لحتى بتحكي بهل الثقة وتساعد الطلاب ؟
شو هدفها من هل الشي شو غايتها؟
معقول عندها وقت فراغ كبير لتساعد الطلاب ؟
رح احكيلكن
نسرين هي البنت يلي خسرت احلامها بسبب حرب وعادات وتقاليد مجتمع
ضيعت سنين وانا ناطرة حدث أو حدا يجي يعمل شي او تصير معجزة لتغير حياتي بس الحقيقة ما كان في شي
بالنهاية بكتشف انو نحنا المعجزة لأنفسنا واذا ما طالعنا حالنا من هل الدوامة ما حدا رح يطالعنا
ما بقلكن كان سهل
بس كل ما كان حدا يوقف بوجهي اتحداه انا تحديت وتعبت وسهرت وبكيت كتير لوصلت وقدمت السبر ونجحت
أول مرة بسمع كلمة نجاح بعد ٧ سنين
كان الفرح غير وصرت اتخيل النجاح العظيم يلي ناطرني
أول ما قررت قدم بكلوريا الكل قلي ما بتقدري ولهلأ بسمع هل الكلمة
كان احتمال نجاحي ١ بالمية وانا تمسكت بهل النسبة الضعيفة وكنت متأكدة الله رح يعطيني القوة لكمل وخلي خل الواحد تصير مية وانجح.
اي هي الحقيقة انا مالي دارسة علم نفس او إرشاد متل ما فكرتوا
انا طالبة بكلوريا بالوقت يلي رفقاتي عم يتخرجوا
بس الحمدالله عسى ان تكرهوا شيئا و هو خير لكم
رح قلكن كم شغلة لاتنسوهم
الضربات القوية تهشم الزجاج ولكنها تصقل الألماس
يعني لما تتعرض لموقف انت ما فيك تغير الموقف وقع وانتهى بس فيك تختار ردة فعلك تكون زجاج ولا الماس
تضل قاعد ع الارض ولا ترجع توقف ع رجليك نجاحك بإيدك لا تنتظر معجزة من حدا
الإنسان الواعي والذكي بيعرف منيح انو التشاؤم والبكي والزعل لابيقدم ولا بتأخر لهيك بتلاقيه عم يسعد حاله التفائل ويحاول يعطي الأشياء نظرة إيجابية
أقل شي بهل الحالة هو بيتجنب الأمراض النفسية والعصبية يلي رح تصيبه
ضلك هيك ابتسم واتذكر الحياة اقصر من ان نملأها بالاحزان
وبالنسبة لوقتي فعلياً انا دائما بكون مشغولة وعندي مسؤليات كبيرة
بس هاد لا يعني انو رح أتخلى عنكم
بالعكس لآخر. يوم امتحان لم نحارب سوا وننجح وننتصر بمعركتنا ونحنا قدها
#ماعاد حدا يقول نفسيتي تعبانة
نفسيتك بأيدك لا تخسر حالك
وحاول لآخر لحظة
#اوعدوني مارح تستسلموا لآخر يوم ولاخر مادة وآخر ساعة
#نسرين

وهاد رابط البوت ألي اي حدا لازمه مساعدة بحاول ساعده ان شاء الله
@Nabd456_bot

طلاااب التاسع
حصريا بحلب
يلي عندو حدا بيعرفه تاسع يبعتلن ويخبرهم

الدال على الخير كفاعله 🌸💙

بهل الشهر الفضيل احلا دعاء ممكن تسمعه الله يوفقك يارب وينجحك 😍💙
مافي شعور احلا من الدعاء لمن تحب
دعاء من تحب لك
#ادعوا لكل شخص بتحبوه
#ادعوا لكل طالب عم يدرس
الله يوفقه وينجحه يارب
#وادعولي كمان😁
#نسرين

لا تهرب من المواد التي لا تحبها
واجها
أبدا بها الآن وتخلص منها
راحت نفسية لا توصف
ولا تنظر للظل انو كبير وبخوف حقيقية هي كل المواد سهلة
بس بدها هيك طلاب عاقلين وشطورين متلكن يقعدوا يدرسوا
#شو ناطرنين يلا قوموا
#الله يوفقكن جميعا يااارب
#نسرين

صباح الرواق والإيجابية
والتفاؤل الحلو لكل الطلاب
اغلبكن هلأ خايف
متوتر
مالل💔
يالله ما ضل وقت ماعاد نلحق
أو في نوع تاني مرتفع عنده اللامبالاة كتير لاعم يدرس ولا فارقة معو النجاح اصلاً
طيب ليش لتضيعوا سنين عمركن هيك
رح يسألك ربك عن عمرك فيما افنيته
رح تقول والله قضيتها عم قدم بكلوريا
طلاب اسعوا بكل جهدكن وفكروا بالنجاح والعلامات لا تفكروا بالإعادة كتير طلاب بيعيدوا وما يجيبوا علامات منيحة ليش لأنهم عم يملو
وكتير ناس هلأ مالة من الدراسة
طيب تعا قلكن
انت ك طالب حلمك طب معقول شي يوم تترك مريض تحت عملية خطرة لأنك مليت
انت ك مهندس البلد كلها خراب آلاف المشاريع رح تكون بأيدك لتتعمر معقول تقعد بنص الدمار وتقول مليت
انت ك محامي معقول تترك واحد بريئ ينسجن أو ينعدم لانو مليت
انت ك عسكري مدافع عن الوطن معقول تترك الوطن للعدو لانو مليت
انت ك استاذ عليك انو تبني جيل من كل هدول معلمين وأطباء ومحامين ومهندسين معقول تكون مليت
يا جماعة هاي الكلمة مدمرة
خلوا عندكن طاقة إيجابية وشغف لحلمكن حلمك يلي رح تغير فيه العالم
لا تقول انا مجرد طالب
لا انت جزء مهم واساسي في الكون
#بتمنوا تقرأ بهدوء
#بالتوفيق
#نسرين