بيقولوا دعوة الغريب مستجابة
دعوة من قلبكن ألي
#نسرين
@Nabd456_bot

لا تضيعوا حياتكن كرمال ناس
مين ما كانوا هل الناس سواء بحبوكن أو بكرهوكن
فكروا بشي واااحد وهو أحلامكم
اركضوا ورا الحلم بكل شغف
صدقوني ما في بالكون أبشع تكون إنسان فارغ فعلياً ماعندك إنجازات ما عندك أحلام ما عندك طموح
تحقيق الذات كتير مهم كتير مهم
حققوا ذاتكن خليكن إيجابين
لا تستسلموا وحاربوا النهاية لانو النهاية هي القمة وهي بتستحق نتعب هل الكم يوم مشانها
كل كلمة سلبية بتسمعوها حولها لشي دافع إيجابي
لاتخلي كلام الناس أو أفعالهم تأثر عليك وتخليك ترسب بالنهاية وتضيع حالك
لانو اول كلمة رح تسمعها انك فاشل
ماحدا رح يسألك ليش هيك صار معك الا بدافع يهينك
ماحدا بتفرق معه
بالنهاية النجاح وهل الفرحة الكبيرة ألك وبس حارب كرمال أحلامك بلي عم يضل يسألني من وين بجيب هل التفاؤل معقولة ماعندها ظروف
رح قلكن انا كل حدا في عنده ظروفه الخاصة وتعبه وألمه
وانا سمعت حكي قد ما انتو سمعتوا أكتر
كتير قالولي انتي ما بتقدري انتي رح تستسلمي بعد شهرين انتي مارح تلحقي
انتي رح ترسبي
كنت كل مرة اسمع هيك اتحدى حالي وادرس اكتر وقول رح أثبت للكل انو أنا رح انجح واكسر عينهم
ولا مرة فكرت بالأستسلام من ورا حكي فاضي
#نسرين

#حقيقة
أحلى نومة ممكن تنامها بهل الوقت النومة ع الطاولة بين الكتب
او تغفى ع الكرسي وانت عم تسمع شرح الأستاذ
بتنام خمس دقايق بتفيق بتحس حالك من اهل الكهف ورقبتك مكسرة ومتشنجة كأنك نايم سنتين😂💔
بس بتصحصح بعدها اكيد
#نسرين 🦋

طلاااب البكالوريا الغاليين 💙😍
هل المرة حملة الدعم النفسي رح نشترك فيها سوى
بتعرفوا ممكن اي حدا من رفقاتكن يكون مالل وتعبان وصابر معه مشكلة
او حتى انت نفسك
بس لما توصلك هيك رسالة تحفيز ع الخاص بدون ما انت تدور عليها انت
رح تلاقيها كتير حلوة ومنها رح تاخد طاقة إيجابية
ولا تبخل ب رسالة إيجابية على حدا ممكن يكون ع حافة الانهيار وانت تنفذه باللحمة الأخيرة
والمطلوب منكم هلأ اسمعوا كلامي ومو ضروري تنفذوا هلأ أو مرة و وحدة بتمنى كل فترة تعملو هيك
تكتب منشور أو رسالة تحفيز ل ٣ أشخاص من رفقاتك شو ماكان مو ضروري تكون شاعر وكاتب بس كلمتين صادقين من قلبك بكفوا
وآخر الرسالة بتكتبوا
#لاتشكرني بل ساعد ثلاثة من أصدقاءك وامنحهم رسائل إيجابية وببعض الطاقة ليصلوا إلى الحلم 💙

وهيك طلاب كلنا رح نساعد بعض بطريقة جداً رائعة
وحتى انت نفسك رح تكون سعيد لما تعطي سعادة لقلب حدا هاد تحقيق لذاتك الإيجابي
الطلاب يلي عجبتها الفكرة تبعتلي ع البوت انو رح تنفذ واي حدا عندو رأي آخر كمان يتفضل يحكي
@Nabd456_bot
#نسرين 🦋
#اضافة صغيرة ممكن ابعتوا برسالة وحدة لانو كتار الطلاب والرسائل💙

وكلام لبعض الناس البوت مو للحكي الفاضي ارتقوا💙🌸

كالربيع مزهرة دائما
أقاوم كل شتاء وانتصر مزهرة
لا شئ أسوء من أن تكون باهتاً
الأشياء الباهتة لا تليق بي
التميز وحده لي وكل مايليق بي 💙🌸
#نسرين 🦋

#هاااااام طلاب البكلوريا الشطورييين
بما انو ضل شوي وبنخلص هاي المرحلة المصيرية يلي مليتو منها كلكم
خلينا نضيف عليها شوية حماس وندرس بطريقة جديدة .
طريقة الإدمان 💙😍
كل حدا فينا عنده إدمان ع شي معين
ممكن دخان ممكن قهوة ممكن العاب ممكن النت أو حتى محادثة أشخاص
كيف بيداأ الإدمان أول شي بكون شي عادي بس لما نحصل على شي ونحبه ونضل نطلب اكتر اكتر بلا ما نحس ونصير ما نقدر نعيش بلا هل الشي يلي صار جزء أساسي من حياتنا ومستحيل يمرق يوم بدونه لو شو ما كانت الظروف
طيب ليش هلأ بنعمل مبادلة صغيرة متل المعادلات الكيمائية
نحط الدراسة إدماننا الأول بدل أي شي تاني
فعلياً وحقيقة
خلايا مخك رح تستجيب بشكل عجيب للدراسة
لما تضل تدرس وانت مبسوط وتقول رح ادرس اكتر واكتر وشوي شوي رح تكبر الكميات رح توصل لمرحلة تخلص كتاب بيوم متخيل وانت عم تضحك وتقول اليوم مادرست غير كتاب واحد

حقيقة كتير مهمة عن تجربتي بحكي صرلي اسبوع بدرس انكليزي ورا بعض صرت اعرف شو بدو يشرح الأستاذ ويقول قبل ما يحكي لدرجة بكون عم احكي مع حدا بحس رح احكي انكليزي
متل ما قلنا
اهم شي
حب المادة والدراسة
وحاول معها لاتقعد وتقول ما بقدر
#بالتوفيق
#نسرين

كائن يأكل ولا يشبع 😂💔
#طالب بكلوريا🙈
#هامش الكاستين ألي 🙊😁

في كل مرة كنت اذهب لإحضار كتابٍ أو ملخص كنت اكرر غيرو المثل المشهور.
اطلب العلم ولو في الصين
أطلبوا العلم ولو في مجتمعٍ شرقي
كنت كمن يحمل روحه على كفه
ولكن كان شيئاً اهم من روحي واثقل
في كل مرة اهرب من كلماتهم المسمومة
ادخل في طرقات لا أعرفها
لا أخاف أن أتوه فيها
بقدر ما أخاف أن ألتقي نظرات الناس وكلماتهم المسمومة بسمٍ
لم يقتلني حتى الآن
#نسرين

ايمت تخلص هل الشتوية واقعد طبيعة ادرس ع الكرسي
صراحة مليت وانا لافة حالي بالبطانية وكل شوي اتحرك امسك البطانية متل العروس يلي ماسكة فستانها
واسمع صوت عمر ابو ريشة
يقول ياعروس المجد اقعدي وادرسي مو وقت تتيهي هلأ ضل ع الفحص شهرين وبتمسحي وبتتمشوري😂💔

#فاصل من الدراسة 😂
#نسرين

المستقبل لأولئك الذين يؤمنون بأنفسهم الذين يوقنون أنهم سيصلون إلى القمه
نعم انت وهو وهي تستطيعون
#عائشة

لا زال هناك أمل كل يوم
الشمس تشرق كل يوم بأمل جديد
انفضوا غبار التعب
وحاربوا كل يوم وكأنه اليوم الأخير للوصول
لا تبالي بالشوك ف نهايته ورد وعطر
#صباحكن أمل وحب وتفاؤؤؤل
#كونوا القوة والقدوة لغيركن لاتستسلموا لا تتشائموا حتى لو مجرد حكي
#خلي تفكيركن أيجابي دائماً
#نسرين 🦋

بفتح نت ٢٤ ساعة مافي شي مهم
بغيب يومين وبسكر نت
بلاقي خربانة الدنيا بهل المواقع
بس فعلياً مافي غير ٣ أشخاص حسوا فعلياً على غيابي .

#نسرين

لا أحد يدرك من تمر به من ظروف وآلام
الجميع يرى قوتك وانتصارتك ويحسدك عليها
لا عليك لا تبالي بأحد
ألتفت إلى حلمك
وقاوم حتى اللحظة الأخيرة
لحظة الانتصار في معركتك الأخيرة
تستحق المحاولات وكل هذا التعب 💙

#نسرين 🦋

كل التعب يهون من أجل تلك النهاية العظيمة 🥺💙

طلاااااب البكالوريا
بعرف آخر فترة صرتوا تسمعوا حكي كتير سلبي
متل ماخلصت المنهاج وما بتلحق
وما جبت المكثفة. وماحضرت دورة ومالك دارس ورح ترسب وكتير حكي وانتقادات بلا فائدة
المهم من الاخر حطوا كلشي ع جنب
وبالعامية بقلكن
حكي الناس متل الشحاطة اجت ع رجلك البسها ما أجت بأقرب حاوية كبها
#فشة خلق
#نسرين 🦋

"ثُمَّ يُرْسل الله لقَلْبِكَ نُورًا ،كالَّذي أرسَلهُ لعيْنِ يَعْقُوب ". ❤️

عيد الأم اقضه مع والدتك واحسن إلى والدتك طول العام وليس يوماً واحداً
صنع هذا العيد من أجل أن تعتذورا لأمهاتكم عن عقوكم لها طول العام ولكي تعتذروا وتطلبوا منها المسامحة ولا تكرروا أخطاءكم
ليس عيدا لكل تتباهوا بالهدايا والاحتفالات للأم
وليس لتنشروا على كل مواقع التواصل كلمات وفرح عن عيد الأم من الممكن جدا أن والدتك لا تملك هاتفاً
لكن الكثير من الذين فقدوا وحرموا من امهاتهم سيقرأون منشوراتك آلاف المرات ويبكون بألم لأسابيع
أسعد أمك بطريقة حقيقة ولاتؤلم غيرك دون أن تشعر
#نسرين 🦋

كنت اعي جيداً ان هذه الحرائق الكبيرة مسمومةٌ جداً
ومليئة بالآلام المكبوتة رغم أن الكل كان فرحاً بها في هذه الليلة
من وجهة نظري كانت شمعة واحدة كانت تكفي رمزاً للسلام والانتصار في هذه الليلة
الحياة تعلمنا ان نكتفي بالقليل ونسعد به لأن المزيد من أي شي يحمل المزيد جداً من الألم

#نسرين