صباح الخير . .🌷

" الحياة مليئة بالحِجارة فلا تتعثّر بها ، بل حاول أن تجمَعها لتبني بها سُلماً تصعد بهِ نحو النجاح "

#للتذكير
غدا الاحد 25/9 اخر يوم للتقديم على مفاضلة العام للفرع العلمي وعلى مفاضلة العام والموازي للفرع الأدبي
يعني اللي ماسجل ومابسجل بكرا بيخسر شهادتو بلعام العلمي والادبي عام وموازي
وهاد الغلط كتير طلاب وقعت فيو
#بكلوريات_وجامعات_سوريا
@baca11111

‏لا تستسلم لليأس ولا تسمح للآخرين بأن يؤثروا عليك أو يقنعوك بأنك أنسان ضعيف غير قادر على فعل شيء تذكر دائماً بأن الله هو ربك وأنت عبده وأنك خليفته على أرضه وهذا يكفي لتشعر بقوتك.💛💭

كيفكم طلاب طريقي نحو التفوق🫂🖤
جمعنا المشاكل اللي وصلتنا ع البوت وحنطرحها و نكتب حلها
وأسفين جداً ع التأخير🖤

المشكلة الأولى: أنا شخص بيدرس وبيحفظ بس ماعم يتركز معي شي ووقت أرجع للمادة عم حس إني مو حافظ وهالشي مسببلي قلق، الحل؟😮‍💨😮‍💨

الحل :
حأعطيكن تجاربي بالدراسة وأقوال بعض علماء الطب والنفس..🖤
أجريت دراسة تجريبية حيث أكدت أنو العقل بيحفظ المعلومة بعد تكرارها للمرة التالتة بأوقات متباينة..👌🏻
كيف يعني؟
يعني مثلاً أنا عندي درس وطنية ولازم أحفظه فشو لازم أعمل؟🥀
الخطوة الأولى : إقرأ الجملة بفهم أولاً وبعد ما إفهمها وإفهم المغزى منها بنتقل لمرحلة الحفظ..🧘🏻‍♀️
الخطوة التانية : بعد حفظي للمعلومة وتكرارها، شي طبيعي ينتسى معي لذلك لازم إترك فترة منيحة بين حفظ الدرس وتكراره للمرة التانية والتالتة، يعني بعد ٣ تيام من حفظ الدرس برجع بقعد وأنا مرتاحة البال و بكرره حلاقي حالي مو حافظة ولا مركزة بس شي طبيعي، بعد ٣ تيام كمان برجع بكرر الدرس نفسه للمرة التالتة وهيك بضمنلكم انو الدرس اترسخ بالراس..
بس سبق وحكيت أنو ينفهم وبعدين ينحفظ لأنو العقل مش خارق ليحفظ شي مو فاهمه متل الببغاء..

ونصيحة كتير هامة:🖤
لا تقلق ولا تخلي مشاعر التوتر تسيطر عليك، مشكلة النسيان طبيعية وكلنا عانينا منها ببداية العام بس مع التكرار المستمر حققنا أهدافنا وأحلامنا..
و حاشا لله يخيب طموحكم و يضيع تعبكم🖤

المشكلة التانية : أنا شخص مراكم عليّ دروس خيرات الله و متوتر إني ما ألحق وحاسس أنو همتي ضعيفة، الحل؟

الحل:
_تراكم الدروس شي جداً طبيعي وبيتحلق بسهولة كبيرة..
_لتراكم الدروس لازم نحط برنامج نمشي عليه، يعني مراكمة عليّ مثلاً ٣ دروس فلسفة و درسين وطنية، بعمل برنامج نظم فيه وقتي و بوزع هالدروس على برنامجي خلال الأسبوع كامل..
_ أكبر دافع للدراسة واللي حيساعدك للدراسة هو تنظيم البرنامج ضمن ورقة و مشاركته مع رفقاتك..

واللي حيقول أنا ما بمشي على برنامج، بحب قلك لا تقنع عقلك بهاد الشي..
عقلك بيمشي تحت أفكارك فلا تقنعه بالفوضوية..
أعمل برنامج خفيف لطيف بالبداية وأمشي عليه، وقت تلاقي حالك آخر النهار كيف مخلصه كامل حتحس بشعور الإنجاز وهاد الشي اللي حيخليك تداوم على البرنامج يومياً ويدفعك للدراسة و يخلصك من التوتر والقلق والضياع و التراكم🖤

المشكلة التالتة :
أنا وقت أجي لأدرس بتداهمني كل ذكريات الألم اللي عشتها وكل المواقف الصعبة اللي مريت فيها، فبصيبني نوع من اليأس و الحزن و بيتغير مزاجي وببطل أقدر أدرس..الحل؟😣💔

الحل:
_من حقنا نعطي لمشاعر الحزن ولذكريات الماضي وقت من يومنا بس مو من حق هي المشاعر أبداً تسلب مننا هدفنا..
تذكر إنك شخص قوي وأكيد بحياتك واجهت من الصعوبات ما يُكسرُ بها الجبال ومع هيك طلعت منها بإنجاز عظيم..
كل واحد مننا بهالحياة مرّ بحياة مأساوية وظروف قاسية سواء الفقر، سواء الطفولة القاسية، سواء مشاعر عدم الأمان والحب والحنية..
طيب بنفس الوقت مرينا بمواقف تمنينا فيها الموت بس طلعنا منها محاربين وأبطال..

فوقت تواجهنا هي الأفكار السوداوية أو الذكريات الصعبة فورا نبدلها بتذكر الذكريات الحلوة اللي عشناها ونعطي لتفكيرنا حيز من التخيلات، يوم اللي حنحقق أحلامنا و الأشخاص اللي بحبونا حيفرحوا إلنا ونفوت الجامعة اللي تمناها قلبنا..
وكما يقول رسولنا الكريم صلى الله عليه وسلم ( المؤمن القوي خيرٌ وأحبُ إلى الله من المؤمن الضعيف )
طول ما نحن حنستسلم لأفكارنا حيمشي الوقت و تضيع أحلامنا والناس حتصل لأهدافها ونحن حنضل بمحلنا وأول كلمة ممكن تنطلق علينا ( أنت شخص ضعيف أو فاشل )
لازم نعطي لحالنا فرصة نحس فيها بالإنجاز ونغير حياتنا صح؟

بإذن الله مستقبلاً حنوسع بالحكي عن هاد الشي بس حالياً بدي منكم تتركوا هالضعف اللي أنتو فيه وتحاولوا تردوا كل الأفكار السلبية أثناء الدراسة، بالبداية حتاخد منكم مجهود كبير بس بعدين نادراً ما حتزوركم هي الأفكار والمشاعر..🖤

فُقدان الشغف وحبك للدراسة مو هو شعور بتمر فيه وبترجع بتطلع منو ..

فقدان الشغف هو نتيجة التكاسل والتأجيل الدائم للدراسة ..
نحن بعمرنا ما التزمنا وقعدنا درسنا لأنو كنا منحب وشغوفين بالدراسة 😅
لولا الناس يلي منقتدي فيهم وأهلينا يلي بدنا ياهم يرفعوا راسهن فينا ما قعدنا درسنا ..
لا تنطروا شغفكم وحبكم للدراسة ليرجع اصنعوا شغفكم بإيديكم ..🤍

كتير عالم عم تقول انها حاسة بالتقصير مع انها ببداية الطريق
رح قلكن شي الشعور الدائم بالتقصير ما بيمر فيه إلا كل مجتهد وشاغل ع حاله وعم يشتغل لساعات طوال ..

سيدنا عمر رضي الله عنه شو قال النبي صلى الله عليه وسلم عنه؟!
قال لو كان نبياً من بعدي لكان عمر ..
وكان سيدنا عمر رضي الله عنه يقول على طول لآخر عمره ليت أمَّ عمر لم تلد عمر من شدة خوفه من رب العالمين ..
ما بيجي شدة الخوف إلا بمعرفتك بضخامة الشي يلي عم تمر فيه، وشدة خوفك من هالسنة ما بيجي إلا بمعرفتك بالمقررات الضخمة يلي داخلة معك ..
إذا ما كنت عم تمر بهالشعور ومفكر انو ساعتين أو تلاتة دراسة بنجحوك فلازم تراجع حالك لتدارك هالتقصير وتنظم وقتك ..
اتطمن ما في أخبار مهمة رح تغير حياتك على قد ما ضياع وقتك رح يغير حياتك ..

اتكلوا على الله وما خاب من اتكل عليه 🌸..

وكونوا إنتوا المُعجزة ..🤍🤍🤍🤍

المشكلة الرابعة :
انا طالب بكلوريا هدفي النجاح ولكن الملل سبب فشل ماعم اقدر اتخلص منه بتمنى المساعدة بأسرع وقت ..💔

الحل :
مُقاومة وجع اليوم والتعب والملل وسوء المزاج يلي عم تعيشيه
أهون بألف مرّة من وجع الندم بعد النتائج..
(الله لايدوقك ياه..ولا يدوقنا ياه)
لهيك اعرفي دايماً إنّو تتحمّلي الشي الأقل صعوبة هو واجب عليكِ ..
لأنّو الأكثر صعوبة صعب عليكِ تتحمليه
وكل لحظة عم تدرسي فيها هلأ وعم تعاني فيها الأمرّين بالتعب والقرف
رح تعرفي بعدين إنو وجعها بيتحوّل لراحة وقت تحققي حلمك وهالراحة بتخلّيكي تطيري بالعالي من الفرحة وتنسي كلللشي...
أمّا وجع الندم طول حياتك رح تضلي تتذكريه وقلبك يتألّم...
ادرسي كرمال ماتوصلي للندم لا قدّرَ الله..
الأيام هي فرصتك والله العظيم
لا تتكاسلي وتتهاوني وتقضيها
مليت وتعبت وماعم بحسن أدرس
غيرك عم يحسن يدرس..
شو ناقصك عنّو؟!
لحتّى نوقع متل الضعيفين وغيرنا قوي وعم يركض بإيدي ورجلي ليحقق حلم حياتو
اصحي قبل مايفوتك الأوان..
لا تحكي ماضل وقت ومافيني
نصيحة من أخت
إنتِ فيك والله العظيم فيكِ وعندك القوة الكافية بس شوية همة..

ورح توصلي بإذن ربّ الأُمنيات..
قولي يارب وبلشي بهمّة عالية ..♥️💪🏻

خدي نفس عميق وكتري شرب مي هي الشغلة بتحسن من نفسيتك شوية وبيرفعوا من نسبة الإنتاجية بالدراسة

_ مهما كان حجم الضغط والاحباط يلي عم تحسيه، لا تستسلمي ل يلي عم تمري فيه وخليكي واثقة انو هي الصعوبات يلي عم تمري فيها حتتجاوزيها متل ما تجاوزتي غيرها

ومشان تعطي حالك دافع أقوى فكري بلذة الوصول وشجعي نفسك بكلمات تخليكِ تنسي الملل وتوّلد شعور أكل الكتب عندك 😁♥️

استمروا في السعي نحو أهدافكم لا تستسلموا ل لحظات اليأس
#صباحكن تفائل
#نسرين

••

ﻋﻨﺪﻣﺎ ﻻ ﻳﻜﻮﻥ ﻣﻦ ﻧﺼﻴﺒﻚ ﺷﻲﺀ ﺍﺧﺘﺮﺗَﻪ ﺗﺄﻛّﺪ ﺃﻧﻪ ﺳﻴﻜﻮﻥ ﻣﻦ ﻧﺼﻴﺒﻚ ﺷﻲﺀ ﺃﺟﻤﻞ ﺍﺧﺘﺎﺭﻩ ﺍﻟﻠﻪ ﻟﻚ. 💛💭

كن راضياً، وكأنك تملك كل شيء، فما يكتبهُ الله لنا, ألطفُ مِما نشاء🌟.

الأحلام لمن يحارب لأجلها حتى النهاية

🔴 #للتذكير || يوم السبت الساعة 10 هو موعد امتحان السبر الترشيحي للشهادة الثانوية

#سوريا_التعليمية

طريقة التعامل مع ورقة الاجابة للامتحان الترشيحي

"‏صباح الخير، لا تكف عن المحاولة من جديد، وإن كان قدر الأمس سيئًا لا يعني أن اليوم كذلك." 🌼🌿