ربما تتعب من السهر وانت تدرس
ربما تتعب من كثر المواد والمحاضرات وصعوبتها
لكن تذكر لماذا
لماذا تدرس
لماذا انت هنا
وفي هذا الطريق
لأنك تستطيع أن تكون وتنجح وتجتاز هذه الامتحانات
لتؤدي رسالتك في هذه الحياة
والله لا يكلف نفساَ إلا وسعها
وهذا التعب أفضل بكثير من عمر يضيع بلا إنجاز ولا أثر يبقى حينا نرحل ..

#نسرين

لم نحلم بأشياء عصية
نحن باقون
وللحلم بقية

وحدها الأماكن التي تشبهنا أوطانٌ ماعدا ذلك منفى 💙

طلاااب البكلوريا
أي سؤال او مشكلة
حاكوني على البوت
@Nabd456_bot

طلاااب البكلوريا الغالين
رح نبلش سلسة منشورات حلوة
#باقون وللحلم بقية
بعرف مع اقتراب الامتحان النفسية عم تتعب وكتير ناس بتفكر ماعاد تلحق
رح نبلش من اليوم
بس انتوا ابعتوا الرابط لرفقاتكن وانشروه
حتى أكبر عدد من الطلاب يستفادوا
والدال على الخير كفاعله

https://www.tg-me.com/nabdiR


#نسرين

حال طلاب البكلوريا
كتب ودفاتر وملخصات ومعاهد ودورات
وقنوات ومجموعات إلى آخره
كلشي قدامكن هلأ
والحل بأيدكن
معقول بعد كل هل الوقت تقعدوا تحطوا حاجز بينكن وبين النجاح وتحقيق حلمكن بحجة ما ضل وقت
ماعاد نلحق
لا تسمحوا لأي حدا يحكيلك ماضل وقت ولا حتى ممنوع تحكي لحالك هل الحكي
لسا في وقت ٤ شهور
٤ شهور الشخص يلي عنده هدف بحياته
بتكفي هي المدة ليوصل وينجح
خلي عندكن إرادة قوية ماحدا رح يدق عليك الباب يقلك تفضل شهادة بعلاماات ممتازة
انت لازم تتعب وتنظم وتدرس وتسهر وتتعب كرمال توصل لحلمك
كل الكتب والشرح وبرامج والمكثفات والنوط كلشي صفر ماله قيمة إذا انت ما كان عندك إرادة وهدف بحياتك
#حلمك ألك حارب كرماله حتى الاخير
#باقون وللحلم بقية
#نسرين

ملينا
تعبنا
وبعدين
في نهاية حلوة بدنا نوصللها
لازم ما نستسلم بعد ما قربنا نوصل
دائما أسأل حالك ليش انت بهاد الطريق
واتذكر هدفك
وحلمك
وطموحك
وأهلك
وارجع قوي حالك وبلش بهمة وقوة
الوقت رح يمرق بكل الاحوال
لهيك خليه يمرق وانت عم تعمل شي مفيد بحياتك مو عم تضيع وقتك
#باقون وللحلم بقية
#نسرين

خدو الأمل من اصغر التفاصيل بالحياة
من ضحكة طفل
من نصيحة ختيارة
من صوت أمك يلي بتفيقك الصبح
الحياة رحلة قصيرة خلوها امل
لاتخلوها يأس وملل
الحياة ماشية بكل الاحوال ما بتوقف ع حدا
لهيك خليكن متفائلين
أقوياء في طريق تحقيق الحلم
#باقون وللحلم بقية
#نسرين

حاربوا من أجل أحلامكم💙💙
بعض الخسائر قاتلة🥺💔
#نسرين

عظماء بإصرارنا على تحقيق أهدافنا
#نسرين

#وكمشة أمل آخر الليل
#مارح نستسلم بعد ما صارت القمة ع بعد خطوتين بس
مشينا وتخطينا كل هل الشهور
والاصعب هي البدايات
والنهايات بإيدنا هلأ
خلينا نخليها نهاية سعيدة ووصول للقمة يلي بنستحقها بعد كل هل التعب
#لا تستسلم
كرمالك
كرمال أحلامك
كرمال أهلك
كرمال بلدك يلي بحاجة لكل حدا فينا يساهم لنرجعها احلا من قبل
مارح ترجع لحالنا اذا نحنا ولادها قعدنا واستسلمنا
#بالتوفيق للكل الله يقوينا يارب
#نسرين

تبقى أوراقنا واقلامنا شاهدة على معاركنا القوية والحاسمة
التى يراها الجميع مجرد سنة دراسية
#اللهم القوة والثبات
#اللهم أحلامنا التي نتعب لأجلها
#نسرين

دائماً في جواتنا صوت بقلنا بكرا أحلى
واليوم لازم نشتغل صح لنخلي بكرا أحلا
حلمنا ومستقبلنا وسعادتنا معنا
ولازم نضل نعمل لنكون عنجد متل ما بدنا
#نسرين

#تجربة طالبة بكلوريا حققت حلمها
وحبت تشجعكن

انا كنت هديك السنة بكلوريا وكان من احد احلامي انو صير مهندسة معمارية
اجت هالبكلوريا باول فصل كانت علاماتي الاراضي
الفصل التاني بالقطع قررت شد حالي وادرس
كنت قضي يومي كلو دراسة بس مع هيك كنت التهى شوي
اجيت لقبل الفحص ب كم يوم وقررت حط هاد اللوح قدامي واكتب فيه هالعبارة الموجودة وشجع حالي
حطيتا وبلشت ادرس هيييك لاجا اول امتحان كان ب 31/5
وكنت بوقتا حاسة انو رايحة ع حبل مشنقة وخايفي كتييير
قدمت ولا كأن صار شي
ومشيو كل الفحوصة تمام
وقت النتائج ما كان مجموعي منيح ف قررت عدلو بالتكميلي وحطيت كل طاقتي
وهلئ الحمدلله رب العالمين حققت حلمي وعم ادرس هندسة عمارة وعم جيب علامات عالية لان فايتي ب رغبة...
لهيك بدي قلن ل يلي عم يدرسو بكلوريا هالسنة
انو ما تخافو نهائيا بس حطو هدف قدامكن ورح توصلولو اذا حاولتو من قلبكن
ما تيأسو ولا تستسلمو
بكرة بس قدمتو اول فحص رح يكرجو باقي الفحوصة وما بتحسو
المهم ما تملوو
موفقين يارب 😍❤️❤️

صباحكن طلاب البكلوريا
كيفكن
سؤال كتير بيتكرر
ضل اقل من ٣ شهور بنلحق ندرس
ونحقق حلمنا او ماضل أمل
جوابي
اي بتلحقوا يلي عنده هدف وطموح بحياته بيشتغل ع حاله وبيتعب وبالنهاية أكيد رح يوصل
ضلوا اتذكروا لكل مجتهد نصيب
واذا تعبتوا ودرستوا اكيد رح توصل
يلي لهلا مالحق شي
اتبعوا هاد البرنامج المكثف وشدوا الهمة رح تلحقوا اكيد
نوم من الساعة ١١ المسا ل ٤ او ٥ الصبح
الفيقة الصبح مهمة جدا جدا
وباقي الوقت بتدرسوا ٤٠ او ٥٠ دقيقة بتاخدوا. ١٠ دقائق استراحة
استراحة تطلعوا ع البلكون تشموا هوا تتمشوا بالغرفة مو تتسلوا بالموبايل
وبتاكلوا فطوركن الصبح مهم جدا وجبة الفطور
وهيك بتدرسوا تقريبا اقل شي ١٥ ساعة باليوم
حاولوا لا تضيعوا وقتكن.
رح تلحقوا وتجيبوا معدل اكييد .
#واي مشكلة عندكن ياها ابعتولي ع البوت @Nabd456_bot
رح ننزل الحل ع القناة ليستفاد الكل

#نسرين

#النسيان
مشكلة أكثر الطلاب النسيان
رح قلكن مثال بسيط حكاه الاستاذ سيف لما كنت بكلوريا😂💔
(ليش عم اتضحك لانو عنجد البكلوريا برغم كل ضغطتها وصعوبتها رح تخلص وتصير ذكريات حلوة وتضحكوا عليها من قلبكن )
الدراسة متل لما تزرعوا بذرة بالارض وهي البذرة لتكبر وتصير شجرة لازم نسقيها مي كل يوم مو مرة وحدة وخلص
نفس الشي الدراسة لازم نضل نسقي المخ بالمعلومات ونضل ندرس ونكرر لحتى تدخل المعلومات بالذاكرة طويلة الأمد وما ننساها
وطبعاً المذاكرات والاختبارت الجزئية كتير مهمة
لازم نعود مخنا على مهارة استرجاع المعلومات بالوقت المناسب
مو نعمل المخ متل خزانة التياب يلي كل ما فتحناها تمطر علينا التياب لانو بس عم نشلف التياب ماعم نرتبهم
المعلومات بدهم ترتيب بالمخ كل فترة وفترة
والغلط يلي بتغلطه وانت عم تتدرب ع النماذج افرح عليه لانك رح تتعلم منه وتدرس اكتر وتجتهد
#كل التوفيق ياارب
#نسرين

صباح الخير
الطلاب يلي عم تسأل شو هو البرنامج المكثف
متل ماقلتلكن
نوم من الساعة ١١ ل ٤ او ٥ بالكتير تكون فايقين
وتاكلوا باليوم ٣ وجبات اكل او اكتر معلش
وباقي وقتتكم دراسة وكل ٥٠ دقيقة ١٠ دقايق استراحة
انا مارح اعطيكن برنامج محدد بالمواد
هاد البرنامج انتوا بتحطوه لحالكن
كل حدا بيعرف بأي مادة مقصر وبأي مادة مخلص مابده دراسة
ع حسب كل شخص بيقعد بحط برنامج لحاله
حطوه ع ١٠ ايام ووزعوا عليهم المواد حسب التراكم عليكم
الكل يبلش بحط برنامج ويمشي عليه الدراسة العشوائية مو صح ابدا
حاج كسسل
حاج تأجيل
قوموا فورا جيبوا ورقة وقلم وحطو برنامج
ولا حدا يتحجج بالظروف معهد مدرسة بدرس بالبيت عندي شغل
هي أعذار الفاشلين وانتو أقوياء وناجحين شيلوا الافكار السلبية وآمنوا بقوتكم وحاولوا بكل طاقتكن
واتوكلوا على رب العالمين 💙🌸
#الكل يبلش يحط البرنامج ويبعتلي ع البوت البرنامج @Nabd456_bot
#يلي بيلتزم بالبرنامج ب. ١٠ أيام أله مكافأة 😍😍💙
#نسرين

ورح رد ع الكل بس من مبارحة اكتر كن ٣٠٠ رسالة بعتوا ورديت ع النص😅

نعمة الناس يلي بتدعيلك بصلاتها وبكل وقت
#أدعولي دائماً
#نسرين بس انا