اللطافة كلها 💙😍
وانتي بألف خير ياارب وسنة حلوة عليكن تحققوا فيها احلا إنجاز يلي هو البكلوريا


في كمان حدا بحب يعيادني
هاد رابط البوت
@Nabd456_bot

#تعديل
كمية الرسايل الحلوة لاتحصى💚😍

طلاب البكلوريا
وطلاب الجامعة كمان
بلشنا سنة جديدة والاهم الوقت عم يمرق وعنا امتحان
حطوا حد للكسل والتراخي
خلي عندكن إحساس بالمسؤولية هاد حلمكن ومستقبلكن
لاتردوا على الناس. يلي بتقلك ادرس قبل الامتحان يومين وشهر وذهبيات ومكثفات وتوقعات
نحن عم ندرس لنحقق هدف
لنوصل رسالتنا بالحياة
مو شغلة بدنا نعملها وخلص انتهينا
أدرسوا من قلبكن بحب وشغف وطموح
لا تحطوا سقف لطموحكن
ولا تسمحوا لحد يحطم آمالكن
خليكن أقوياء وبلشوا بداية جديدة
#بداية جديدة
#كل التوفيق والحب
#نسرين

اعتزل الناس
وخليك بغرفتك مع كتبك ومحاضراتك
تحقق حلمك
وتعيش براحة بعيد عن الناس وطاقتهم السلبية
#بالتوفيق للجميع
#نسرين

تطبيق مفيد جدا لطلاب الجامعة فعلوه عندكن 😍💙

ونحن الذين أنهكتنا الأسباب والسبلُ والظروف
لازلنا نقاوم
لازلنا واثقون بالوصول يوماَ ما
واثقين إن الله لن يختار لنا سوى الخير وكل الخير
#كلنا أملٌ وثقة برب العالمين
#نسرين

وغدا يتحقق الحلم
وتتحول دموع الألم
إلى دموع فرح وانتصار
اللهم القوة والتوفيق في طريق الحلم
#نسرين

مو معقول اديش الموت قريب منا
واديش في مواقف بتخلينا نفكر انو باي لحظة ممكن نموت
لهيك خلينا نكون دايما متسامحين وونقرب من رب العالمين ونكون على الطريق الصحيح قدر الإمكان
#يا رب لاتوفنا إلا وانت راضي عنا
#اللهم نسألك حسن الخاتمة

# نسرين

ربما تتعب من السهر وانت تدرس
ربما تتعب من كثر المواد والمحاضرات وصعوبتها
لكن تذكر لماذا
لماذا تدرس
لماذا انت هنا
وفي هذا الطريق
لأنك تستطيع أن تكون وتنجح وتجتاز هذه الامتحانات
لتؤدي رسالتك في هذه الحياة
والله لا يكلف نفساَ إلا وسعها
وهذا التعب أفضل بكثير من عمر يضيع بلا إنجاز ولا أثر يبقى حينا نرحل ..

#نسرين

لم نحلم بأشياء عصية
نحن باقون
وللحلم بقية

وحدها الأماكن التي تشبهنا أوطانٌ ماعدا ذلك منفى 💙

طلاااب البكلوريا
أي سؤال او مشكلة
حاكوني على البوت
@Nabd456_bot

طلاااب البكلوريا الغالين
رح نبلش سلسة منشورات حلوة
#باقون وللحلم بقية
بعرف مع اقتراب الامتحان النفسية عم تتعب وكتير ناس بتفكر ماعاد تلحق
رح نبلش من اليوم
بس انتوا ابعتوا الرابط لرفقاتكن وانشروه
حتى أكبر عدد من الطلاب يستفادوا
والدال على الخير كفاعله

https://www.tg-me.com/nabdiR


#نسرين

حال طلاب البكلوريا
كتب ودفاتر وملخصات ومعاهد ودورات
وقنوات ومجموعات إلى آخره
كلشي قدامكن هلأ
والحل بأيدكن
معقول بعد كل هل الوقت تقعدوا تحطوا حاجز بينكن وبين النجاح وتحقيق حلمكن بحجة ما ضل وقت
ماعاد نلحق
لا تسمحوا لأي حدا يحكيلك ماضل وقت ولا حتى ممنوع تحكي لحالك هل الحكي
لسا في وقت ٤ شهور
٤ شهور الشخص يلي عنده هدف بحياته
بتكفي هي المدة ليوصل وينجح
خلي عندكن إرادة قوية ماحدا رح يدق عليك الباب يقلك تفضل شهادة بعلاماات ممتازة
انت لازم تتعب وتنظم وتدرس وتسهر وتتعب كرمال توصل لحلمك
كل الكتب والشرح وبرامج والمكثفات والنوط كلشي صفر ماله قيمة إذا انت ما كان عندك إرادة وهدف بحياتك
#حلمك ألك حارب كرماله حتى الاخير
#باقون وللحلم بقية
#نسرين

ملينا
تعبنا
وبعدين
في نهاية حلوة بدنا نوصللها
لازم ما نستسلم بعد ما قربنا نوصل
دائما أسأل حالك ليش انت بهاد الطريق
واتذكر هدفك
وحلمك
وطموحك
وأهلك
وارجع قوي حالك وبلش بهمة وقوة
الوقت رح يمرق بكل الاحوال
لهيك خليه يمرق وانت عم تعمل شي مفيد بحياتك مو عم تضيع وقتك
#باقون وللحلم بقية
#نسرين

خدو الأمل من اصغر التفاصيل بالحياة
من ضحكة طفل
من نصيحة ختيارة
من صوت أمك يلي بتفيقك الصبح
الحياة رحلة قصيرة خلوها امل
لاتخلوها يأس وملل
الحياة ماشية بكل الاحوال ما بتوقف ع حدا
لهيك خليكن متفائلين
أقوياء في طريق تحقيق الحلم
#باقون وللحلم بقية
#نسرين

حاربوا من أجل أحلامكم💙💙
بعض الخسائر قاتلة🥺💔
#نسرين

عظماء بإصرارنا على تحقيق أهدافنا
#نسرين

#وكمشة أمل آخر الليل
#مارح نستسلم بعد ما صارت القمة ع بعد خطوتين بس
مشينا وتخطينا كل هل الشهور
والاصعب هي البدايات
والنهايات بإيدنا هلأ
خلينا نخليها نهاية سعيدة ووصول للقمة يلي بنستحقها بعد كل هل التعب
#لا تستسلم
كرمالك
كرمال أحلامك
كرمال أهلك
كرمال بلدك يلي بحاجة لكل حدا فينا يساهم لنرجعها احلا من قبل
مارح ترجع لحالنا اذا نحنا ولادها قعدنا واستسلمنا
#بالتوفيق للكل الله يقوينا يارب
#نسرين