#تجربتي مع البكالوريا
#رح احكيلكن باختصار
#بلشت بالرحلة وقررت قدم بكالوريا بكير قبل ما دفعت 2020يقدموا الامتحانات
كونه ما كان عندي لا كتب ولا نوط ما كنت قادرة جيبهم لظروف خاصة
بلشت اسمع التسجيلات الصوتية للاستاذ العربي واكتب كلشي ملاحظات وقواعد خلصتهن
وبلشت بدرس واحد فلسفة بسس
بعدين
ب 3/8/2020 جبت شوية كتب من عند رفيقتي يلي خلصت بكالوريا
ولقيت أساتذة ع النت تابع معهم صار كل واحد يطلب نوطته وحاولت جيبهم
اول شي بلشت بالإنكليزي ركزت عليه مع قواعد العربي
وكان عندي سبر
. بس ما لحقت غير دراسة القواعد وقراءة شوية ملفات للسبر مجرد قراءة
بعدها قدمت والحمد الله نجحت لاني من معلوماتي حليت كل المواد ماعدا التاريخ اشتغل الحظ معي شوي
بعد السبر انتقلت ع بيت جديد وظروف جديدة كانت جدا صعبة رغم هيك انا يلي كنت انشر منشورات التفاؤل
ل رفقاتي كنت وقف معهم
قررت ما اخد دور الضحية لانو هاد اكتر دور خسران
قررت كون البطلة وحقق حلمي وحلم رفقاتي
كان باقي معي بس 200. يوم
كل كم يوم كنت حط برنامج وحاول لحلق كل المواد
ما كنت ضيع اي وقت دايما شغل تسجيلات الاستاذ طول اليوم حتى لما نام ضغطتت ع. حالي كتير نوم كنت نام ٥ ساعات او ٦ بس بشكل متقطع
عدت المنهاج ٣ مرات بشكل كامل بعدين صرت ادرس كل مادة واعمل مذاكرات وهيك
لبين ما اجا وقت الامتحانات بلشت دايما قضيتها مرض وصارت شغلات مالي حاسبة حسابها وظروف بشعة بس مع وهيك قويت حالي ودرست قد ما بقدر وتوكلت ع رب العالمين
#الفرحة يوم النتائج لا تعوض 1857 صافي
كان مجموع كتير منيح نسيت كل تعبي ودموعي
#النصيحة الاهم الكم بعدوا عن النت انا وصلت لمرحلة مسحت الفيس ورفقاتي ع تلغرام يلي ما بيدرسوا قلتلهم عندي دراسة مافيني احكيكم وحظرتهن
#الدراسة بدها تركيز وايجابية بعدوا عن الناس السلبية
#وادرسوا ولا تأجلوا اي شي للامتحانات انتو ما بتعرفوا شو الظروف. يلي رح تواجهكم وقتها
انا كنت جبت فوق ال 2000اكيد لو ما صارت معي ظروف
ولو مالي دارسة قبل الامتحانات منيح ما كنت نجحت.
#لسا معكن وقت كتير. أدرسوا. ولا تتكاسلوا
#كل التوفيق ألكن بكلوريات 2022
#نسرين

"الخيال أكثر أهمية من المعرفة. فبينما تحدد المعرفة كل ما نعرفه ونفهمه حاليًا ، يشير الخيال إلى كل ما قد نكتشفه ونخلقه حتى الآن "
#رساله_اليوم

خليكي دايماَ قوية
وحققي نجاح ورا نجاح
وعلميهم أنك ضلع قادر
أبدا مو ضلع قاصر
#نسرين

إلى 🍁Nisreen🍁,
للأسف وجد بعض مستخدمي تيليجرام رسائلك مزعجة لهم وقاموا بالإبلاغ عن حسابك. تم تحويل هذه الرسائل إلى فريق المراجعة لدينا وتم تأكيد البلاغ. نتيجة لذلك، تم تقييد حسابك إلى تاريخ 16 Oct 2021, 09:58 UTC.

عندما يكون حسابك مقيدًا لن تستطيع القيام ببعض الأمور على تيليجرام؛ كمراسلة من لا تمتلك رقمه ولم يقوموا هم بمراسلتك أولًا، أو إضافة الأخرين إلى مجموعات أو قنوات.

الرسالة من بوت التلغرام
فعلا ً ناس مريضة نفسياً
اذا بنت ما رضيت تضيع وقتها وتتعرف ع شباب مضيعة حالها ومستقبلها
بروحوا بيعملوا بلاغ ع حسابها
الله يشفيكم

طلاب السبر طمنوني ان شاء الله حليتو منيح 💚
@Nabd456_bot

صباح الخير طلابنا الغوالي💚🌸
السبر خلصنا منه
صار الوقت لنبلش بالمنهاج
ما حدا ينطر نتائج السبر بلشوا من هلأ بالمنهاج
من اليوم حطوا برنامج أسبوعي. ألكن
يكون اساسها الفيقة بكير ع ٤. او ٥ الصبح
ووسائل التواصل يلي ما بتلزمكن وعم تاخد من وقتكم وقفوها اكتر شي الفيس والانستا
الواتس والتلغرام عم تدرسوا منه معلش بس كمان وقفوا كروبات الفاضية والقنوات يلي ما بتخص الدراسة
عندكن حلم لازم تحققوه
لا تضيعوا أي لحظة من هاد الوقت
#بالتوفيق والنجاح يارب
#نسرين

النسخة المعدلة 💚💚💚

إلى من وصفنا بالمؤنسات الغاليات😍ذكرتك الروحُ حباً وعليكَ القلبُ صلى💛🕊🕊
اللهم صلي على سيدنا محمد وعلى آله وصحبه وسلم💛

بداية جديدة كل يوم
مع كل خسارة في عوض عظيم
قولوا يارب ولا تأجلوا أحلامكم
رح نتعب هلأ بس الحصاد بيوم النتائج رح ينسينا كل هاد التعب
#كرمال أحلامنا
#كل يوم رح نجدد شغفنا لنحقق أحلامنا
#رجعنا لكاسة القهوة وللسهر والدراسة
#طلاب الباك مستمرين معكن
#كل التوفيق والحب
#نسرين

بالنسبة للطلاب يلي عم يسألوني
كيف بتنظمي وقتك
#كيف بتدرسي
#كم ساعة بتدرسي
#كم ساعة بتنامي
يا جماعة كل إنسان عنده حياته الخاصة عنده التزاماته الخاصة ما فيني نزل برنامج عممه على كل طلاب البكالوريا
في ناس عندها معهد ومدرسة في ناس بس مدرسة في ناس بالبيت وناس عندها شغل
#نقطة ثانية كل واحد بيحفظ مادة اسرع من التانية أو بلاقيها سهلة مابتاخد معه وقت بينما غيرهم بالعكس
مثلا انا درس الفلسفة عندي اسهل شي ما بياخد معي
وقت عكس الإنكليزي بياخد أكبر وقتي لانو مستواي فيه مو زيادة
ويمكن كتير طلاب بعكسي تماما
لهيك يا جماعة تنظيم وقتكم بأيدك
جيبوا ورقة وقلم وحطوا عليه لمدة أسبوع أو اسبوعين وحطوا المواد حسب كمية التراكم عندكم
مثلا الإسلامية. مقصرة فيه بحطو كل يوم درسين
والبقية كل يوم درس درس
#ولاحظوا انا العربي والفلسفة حاطتهم ع طرف لانو هدول سهلين علي بدرسن ترفيه
وكل حدا فينا عندو عقل خاص وتفكير خاص

#نسرين

الطلاب يلي كان بدها برنامج دراسي
برأي اي برنامج انا بحطه مارح يفيدكن
الافضل تحطوا برنامج بنفسكن
وانا بنصحكن تجيبوا دفتر صغير او كبير المهم تكفيكن الصفحات لآخر. البكالوريا
وكل يوم ع الساعة ١١ المسا تكتبوا عليه اليوم وشو خلصتوا شو كان انجازكن
انتو يوم عن يوم لازم انجازكن يزيد .ويلي بحب كل كل يوم يبعت لي ع البوت
@Nabd456_bot

ويلتزم انا رح كون معكن ساعدكن
واي سؤال اسألوني
وهي الصورة كانت اول ما بلشت ابعت لمشرفتي السنة الماضية شو درست اول يوم كان كتير قليل ك طالبة بكالوريا
بس اخر شي وصلت خلص كتاب كامل
كتاب الفلسفة الجزء الأول
بيوم واحد هاد كان احلا واكبر إنجاز
ما في شي بيجي بسهولة كلشي بده صبر وإرادة وعزيمة وإصرار
نقطة المي بتحفر بالصخر بالتكرار والإصرار مو بالقوة
# أحلامكن بانتظاركن
#كل التوفيق
# نسرين

مواقف صغيرة
بتحرق القلب لا تزعلوا بيوم من كلمة الأهل
ما حدا بالكون ممكن يحبك متل اهلك
اختي قالتلي انو بابا غير رقمه الواتس احذفي هاد الرقم . القديم من عندك
اجيت عم امسح وقفت لحظة اديش كنت صعب علي انو هاد رقم بابا
فعلا كان صعب
انا كيف ممكن اتحمل شي يوم اخسره بحياتي
ماما لما أسمعها عم تقول لحدا بنتي هيك عملت بنتي هيك بتعمل .
كل تعبي بروح لما شوف ثقتها فيني وفخرها لأني بنتها
والحقيقة انا يلي افتخر فيهن
أهلك هنن سندك بالحياة لا تحاول تخسرهم رح تنكسروا
#بعتذر من كل حدا رح يقرأ ويبكي
#انا بكيت كتير فكتبت
بس حبيت قلكن لا تكرهوا أهلكم كرمال الدراسة أو كرمال كلمة قالوها لمصلحتكن
#نسرين

دعوة من قلبكن ألي 🥺💚

@Nabd456_bot

اللّهم طمأنينةً لكل قلبٍ قلقْ ❤️

وأصبر لحكم ربك فإنك بأعيننا
رغم كل الوجع والتعب والمشاكل
رح نضل أقوى من كل الظروف
رح نضل نحارب بالدعاء بالدموع بالحب
بس مستحيل نستسلم
في حلم بدنا نوصله
رح نوصل لو شو ماكان الثمن
#كالعنقاء من الرماد انتفض واخلق من جديد
#إما الوصول وإما الوصول لا ثالث لهما
#أدعولي
#الله يوفقكن جميعا
#قوموا صلوا الفجر وادرسوا لا تتكاسلوا🥺💚
#نسرين

الحياة باختصار
كل واحد مو رضيان بحياته وبده يلي عنده غيره
قولوا الحمدالله دائما وابدا
والله يخترلنا الخير
# نسرين