#طلاااب البكلوريا
كل حدا. فينا عندو طااقة هائلة وبيقدر يعمل كتير ويدرس وينجح
بس دائماً ناطر حدا يقلو هل الشي
حدا يمسك ايدو ويدله على الطريق
رح قلكن هلأ ما ضل وقت تنظروا حدا
ولا في حدا دائم ممكن يساعدكن أبدا
كونوا القوة لحالكن أعتمدوا ع حالكن
اتعبوا وحاولوا واكييد رح تلاقوا حالكن أقوى بكتير من يلي فكرتوا حالكن ضعاف
ما حدا ضعيف كلنا أقوياء
بس ناس استسلمت وقررت تقعد ع الطريق
وناس عم تمشي وتقول رح وصل لو زخفاً على الايدي
#كمشة طاقة وثقة بالنفس
امل وحب كبير لطلاب يلي لسا عم تكافح كرمال احلامها الحلوة
#تذكروا إن الله لا يضيع اجر من احسن عملا
#نسرين 🦋🌸

غيروا الأماكن
غيروا الأساليب
غيروا الزمن
إلا الحلم والتحدي خلوه دائما معكن ثابت وكل شي ماعداه معطى متغير
#الانسان عدوه الأول نفسه
ضلك أتذكر هي الكلمات
#اتحدى حالك اولا وانت
#قادر تنجح قادر تحقق كل أحلامك
#يا صباح القوة والطاقة يلي بتجي بعد الكسل
#صباحكن دراسة
يلا يلي ما بلش يبلش هلأ
#بالتوووووفيق للجميع
#نسرين

من أجمل الرسائل الصباحية
#بتمنى اقدر ساعدكن ولو شي بسيط
وان شاء الله تحققوا حلمكن جميعاً يارب
الله يعطينا القوة والإرادة ونكمل طريقنا ونوصل لأحلامنا ونفرح بلحظات النجاح 💙💙
#نسرين

#طلاب البكلوريا الغاليييين
يإلهي اديش سمعتوا هل الكلمة لدرجة حسيتو للحظة انو صار أسمكن
ع فكرة رغم أنها اسم كبير وثقيل بس انتوا قدها ورح تثبتوا بالأيام الجاية
شو. رايكن نخلي هيك شوي كتير تفكيرنا أيجابي
ليش
لانو ببساطة لما تكون إيجابي مارح تفكر بكتير شغلات ورح تقعد تدرس بكل رياحة متل لما حدا يجي يقلك برواق معلش بعد اذنك جبلي كاسة مي
أو حدا يقلك قوم انقلع جبلي كاسة مي
شايفين الفرق
أي هاد عقلك الباطن متلك تماما
بحب تحكي معه بإيجابية واحترام وما تقلل من قيمته ولا تبهدله طول الوقت
أقعد معه شوي وصير احكي معه
اي اي صدقني رح يفهمك اكتر من الناس يلي عم تضيع وقت معهم
وقله نحنا رح ندرس وننجح ونحنا قدها
والله مارح يخجلنا بعد كل التعب
وخلي ثقتنا برب العالمين كبيرة
وان شاء الله رح نوصل ل أحلامنا
ونبكي من الفرح يوم النتائج 💙😍
وبالنهاية ما في أحلا من الأمل والتفاؤل والإيمان بقضاء الله وقدره
#ويسعدلي صباحكن ياااأكابر
#بدي الكل بحاول بكل طاقتوا
وان شاء الله بفرح بنجاحكن جميعا يااارب
#أدعوا لبعض ووادعولي ع طريقكم 💙😍
#نسرين 🦋

بيقولو دعوة الغريب مستجابة
ودعوة القريب مستحابة
لو شو ما كنت بالنسبة ألكن
ادعولي من قلبكن 🥺💙
#نسرين 🦋

المنشور بناءً ع طلب كتير طلاب
ملينا 😔
ماعاد فينا ندرس 😢
ماعم اقدر أدرس 💔🥺
شو الحل ؟
لكل مشكلة ألف حل أنت أختار الحل المناسب ألك
اولاَ إقناع العقل الباطن بأن الدراسة ممتعة وسهلة

ثانياً طريقة الإدمان يلي حكيت عنها بالمفصل من قبل
حب المادة والدراسة وضل ادرس بتوصل لاشعوريا لمرحلة إدمان ك ادمانك لأي شي

ثالثاً الرياضة والحركة حاول تعمل كل يوم رياضة ولو بسيطة بساعد المخ لحتى يتخلص من الخمول

رابعاً المكان كتير اله تأثير ع الدراسة جهز طاولتك مع عبارات تحفيز اطلع ع بلكون ع السطح ع الحديقة لعند الجيران 😂المهم غير روتين الدراسة واختار مكان تحبه

خامسا.طريقة المنبه احلا طريقة للدراسة بتخلص مواد بسرعة مو معقولة بتحط المنبه وبتقول رح خلص فلان فقرة وفلان درس قبل الوقت المحدد بتتحدى حالك والوقت وحاول تحفظ كتابياَ طبعا هاد حل ل يلي بعانوا من عدم التركيز كمان 💙😍

سادسا 😁
ابتعد عن الناس السلبين أو يلي بيعمللوك تشتت ذهني أو إعاقة بدراستك
ابتعد كلياً عن هي الفئةمن الناس
يلي ممكن تدمرك

واخيراً لا تتطلع ع حكي أهلك بطريقة سلبية هنن بالأخير بدهم مصلحتك وأنت عندهم اغلى شي حتى لو ما عم يعرفوا يتعاملو معك بطريقة صحيحة بس أكيد بيحبوك مارح قلك أديش بكرا بجي يوم بتلاقي حالك مكانهم ووقتها بس رح تعرف اديش كبير هل الشعور وما بينوصف

#بتمنى تستفادو من هيك نصائح حاولت اختصر قدر الإمكان
#بالتوفيق للجميع
#نسرين

كان مؤلماً أن أسقط ك جثة هامدة
دون أن أعي تماما ما يحدث
سوى إنني خسرت جدا بل كثيرا أكثر
يالله انه ليس الوقت. المناسب للانهيار
جمع أشلائي المتنائرة كأشيائي
اجمعني يالله واعطني بعض القوة والثبات 🖤
#نسرين

#بكالوريا_علمي_أدبي
مرحبا طلاب رح احكي عن أخطاء بيرتكبوها الطلاب بفحص الإنجليزي بتروحلن أجزاء وهني مو عرفانين🤷‍♂
❌ أسئلة النص الاول
1 ينقص فقط. علامة لكل جملة في حال اخطاء النسخ او الكتابة الاملائية او الخطأ القوعدي
❌تصحيح الجملة
1 يحذف علامة في حال الخطأ القواعدي اذا بقي للجملة معنى
2 اذا كتب الطالب التصحيح دون اعادة كتابة الجملة ينال نصف العلامة
3 ينال الصفر اذا كتب بصيغة النفي
❌اختيارات الملحق
1اذا كتب الطالب إجابتين لنفس السؤال تؤخذ الاولى
❌الكلمات التي تحتها خط من نص الملحق
1اذا كتب الطالب اجابتين لنفس السؤال ينال الصفر
❌تكملة الجملة ملحق
1يحذف علامة للخطأ القواعدي على ألا يتجاوز علامتين اذا بقي للجملة معنى
2 بغض النظر عن حذف او اضافة لاتسبب مشكلة
❌كلمات مفقودة (قصة من الملحق)
1 اذا كتب الطالب اجابتين ينال الصفر
2 اعادة نفس الجواب أكثر من مرة ينال صفر
3 الاجوبة على شكل ارقام ينال صفر
❌ صنع السؤال
1 يحذف ٣ علامات لكلمة السؤال الخاطئة او الغامضة
2 اذا كتب الطالب كلمة السؤال مع اكثر من خطأ قواعدي ينال الصفر
3يحذف علامتين لكل خطأ قواعدي
❌المبني للمجهول
1 يخسر الطالب علامتين اذا لم يذكر الفاعل(by. كذا)
💢حبيت نوه انو اذا كان الفاعل احد الضمائر الشخصية مافي داعي نذكره
بس اذا كان (birds أو builder ......)
لازم تحطه💢
❌الافعال السببية
يخسر علامتين اذا اضاف (self......)(......selves)
❌ الكلام المنقول
يخسر علامتين اذا لم يكتب If/whether
بشكل عام يحذف علامتين لكل خطأ قواعدي
❌تكملة الجملة
1الكمالة التي لا تعطي معنى ينال صفر
2 حذف علامة لكل خطأ قواعدي
3 شبه الجملة يجب ان تحوي فعل وفاعل( يعني لازم تكملتك تحوي فعل وفاعل) ولا نالت الصفر
❌ اختيارات بين قوسين
ينال صفر اذا كتب كلمتين لنفس الرقم
❌تصحيح الفعل
1يغض النظر عن أخطاء النسخ مالم تعط معنى جديد
2إكمال شكل الجملة مطلوب والا نالت صفر(متل بدك تصرف بالحاضر المستمر حطيت are لازم تحط للفعل ing )
❌ الترجمة
حذف علامة ل[ترجمة خاطئة.نسيان كلمة.خطأ قواعدي.خطأ املائي] اذا اعطت معنى جديد
❌الموضوع
انتبه للموضوع وشوف عن شو عم يحكي
لاتطلع برا الموضوع متل قلك اكتب موضوع عن هل يجب ان ندع الموظفين يستعملو كمبيوترات الشركة لاغراضن الخاصة(لاتصير تسرح وتقول في موظفين بيستعملوه لهيك شغلات ولازم نطردن ونجيب عالم تراقبن ووووو) خليك ضمن موضوعك
الفواصل هامة والنقط والاحرف الكبيرة
.
❌ شغلة هامة كتير
لاتحشك حالك بورقة وتحط المعلومات فوق وتحت بعضن وتخربط حالك والمصحح لانو هنيك مابيرحموا
تبحبح عندك دفتر بقديك وزيادة🤍🌸
#موفقيين_جميع

صباح الخير والنشاط والتفاؤل
مارح طول عليكن متل العادة
كلمتين ع السريع
كل شي تعبتوا ودرستوا من أول السنة بكفة ويلي رح تدرسوه وتتعبوا بهل الشهرين ب كفة
وطبعاً يلي بشد هل الشهرين وبدرس بكل قوة وهمة اكيد اكيد بجيب علامات أفضل
ويلي درسوا من قبل و هلأ استمروا ع نفس الدراسة مافي شك يجيبوا التامة
بس ما لازم تستسلموا بهل الوقت أبدا
هدول الشهرين رح يحدوو مصير أحلامكن
احلام تعبتوا عليه ١٢ سنة وأكتر لا تضيعوها بشهرين
#موفقيين_جميعا ياااارب😍💙
الله يقويكن ويعطيكن الطاقة تدرسوا بكل جهدكن
#نسرين 🦋

آمن بالله
أدرس اجتهد.
اعقل وتوكل
والله لا يضيع اجر من احسن عملا
#صباحكن خير. ونشاط وهمة
#انتو قدها لاتتراجعوا رح نوصل ان شاء الله
#نسرين 🦋

طلااااااااب
اسمعوا
حاج حكي سلبي وانو ماتأجلت الامتحانات وما صار حذف
انتو عم تضيعوا وقتكن وتفكيركن وتشتتوا رفقاتكن يلي اصلا نصهم ما بتفرق معهم اذا تأجل اولا
بالعكس فكروا بطريقة إيجابية انو انتو بدكن تخلصوا منها كأنها أي مهمة بهل الحياة وانتهى
مو ضروري تعملوها قصة وتفتحوا مناحة
القصة مو قصة وقت القصة بإرادتكن روحوا ادرسوا هلأ وحاج تفكير بقصة الحذف والتأجيل ....
#نسرين 🦋

ألمً في الرأس يبعثر أفكاري
ضجيج أغنية الخوف في أذني لا يتوقف
ولكن الاستسلام ليس خياراً لأمثالنا الأقوياء
انه طريق الهرب لأولئك الضعفاء
رويدا رويداً يختفي صوت اغنية الخوف وتبدأ طبول الأمل بالقرع
لم يبقى سوى أيام وتنتهي كل هذه الفوضى وكل هذه المشاعر المرتبكة والخائفة وننطلق بكل سعادة لحياتنا التي أنتظرناها سنة كاملة بدقائقها
🖤🌸
آمن يقينا لا مستحيلا بالأمل
#كمشة أمل من قلب اليأس
#نسرين 🦋

اتركوا كل الآراء والأفكار السلبية
والناس السلبين وانهضوا وارتقوا بالعلم
لا يهم كم مضى من الوقت أو كم بقي
ما يهم أننا لن نتخلى عن أحلامنا أبدا
رددو كلمات الأستاذ همام
حالنا ك حال الرجل المتعب الذي عاد من عمله الشاق مرهقاً فوجد بيته يحترق
هل سوف يتوقف مكتوف اليدين ويراقب النيران لتلتهم ببيته أما إن طاقة رهيبة ستتولد داخله ويحاول أكثر من أي رجل اطفاء ان يخمد الحريق .
وانت ايها الطالب اثنا عشر سنة دراسية من عمرك أشبه ببيتك الذي بنيته حجرا حجراً
لا تقف مكتوف اليدين وتراقب احتراقه
أخمد كل الحرائق بقلبك وعقلك
وانطلق نحو حلمك بكل ثقة وثبات
فالذي خلق الطريق لنا سيعطينا القوة لنجتازه
#صباح كله أمل وتفاااؤل
#صباحكم جميل ك قلوبكم
#نسرين

••
‏الحمدلله بعمق الحمدلله على كل شيء ‏زادنا الله به لطفاً وإطمئنان ♥️✨

بكلورية أدبي ٢٠٢١ ملفات ونماذج
https://www.tg-me.com/pakaloreu

بإمكانِكَ إنقاذُ العالمُ بفكرةٍ و بـإمكـانك إنقــاذُ نفــسك مِن الوقوعِ بالهلاك و خسارةُ أحلامك أيضاً ، بفكرةٍ تزرعها بداخلك وتسقيها مِن فيضِ إهتمامك المستمر بدراستك، و حمايةِ شغفك مِنَ الإنطفاء، و عدم تلاشي عزيمتك في هذا السِباق..🩺💙👍🏾