‏أنا لو نسيتك مع الأيّام ياكيف القلوب ‏تسج عن ما مضى تكفى؟

‏أنا من يوم شفته يبطي وياتي على مشهاه عرفت إن نجمة الفرقى علينا هلّت وطاحت

‏أنا بير الجروح اللي حفرني معوّل الكتمان سكوتي مثل صمت العاصفه يسبق براكيني

‏عليه اللوم ودموع الهقاوي والسلام الحار كثر ماكان في صدري حكي قاسي ولا قلته

‏عليك الله و أمانه ..مرتوي قلبي من الخذلان لا تجبرني على ممشى طريقٍ خابر اشواكة

"أنا أدري ماوراك الا المتاعب والسهر والخوف وحنينٍ يشعل أكوام الحطب في وسط تفكيري"

‏عطيتك وردة أيامي وْجيت وفي يمينك سَيف ووقفت الوقفة اللّي تبطي الأيّام تبهتها

‏سريت ولاعلى صبري ملام، وخاطري قد طاب على الله خطوتي لو الدوافع تِرهق أقدامي

‏غبتي غيابٍ ما ترك لي غير حزنٍ مستهام في وحدتي يبني على عرش إنكساري .. منزله

‏علقت بليلةٍ ظلمه دقايقها تقول أسبوع طويله نوبةٍ توجع
حشاي، ونوبه أوجعها

وأنا أغسل وجهي من البكاء أسمع قلبي يتأسف لي

‏"أنا ماني بحيّ الله دخيلٍ يحتريك تجود أنا إن ما ملكت أقصى كثيرك بالهوى .. عفتك

‏والله ماعاده وسيع الصدر إللي تعرفونه .. بس يمثّل