موشح للقاسم بن الكاظم عليه السلام


يا عظيم الشان يا عالي المقام
من نسل خير البرايا و الأنام
......
سيدي القاسم ابن خير البشر
وارث المختار جدك و الطهر
من نسل خير النسه و فارس بدر
والدك يا سيدي سابع إمام
......
يا سليل حسين يالجدك شهيد
تنصر الاسلام والحگ بس تريد
وبنهج موسى الولي فعلاً اكيد
فكرته عندك تظل فعل و كلام
......
مضطهد من ناس ضد دين الرسول
يا عجب صارت تضد نسل البتول
ضد ظلمهم يالولي تريده يزول
نور لاسلام اليشع و بلا ظلام
........
سيدي القاسم ابن موسى السجين
عالم و معروف ضد كل ظالمين
تتبع و بهالفعل نهج الحسين
غايتك دينك تنصره بكل نظام
........
من بني العباس آه شكد ظلم
هاجرت من المدينه بلا حكم
لا ذنب عندك ولا عندك سقم
والسبب رايد بشر بيه استقام
........
عادتك مولاي كل اخسه العده
للنبي و آله و بنينه حاقده
دين لاسلامي بگلبهم فاقده
من يعادونك وسف هاي اللئام
........
نيّتك ارض العراق بهالوضع
من بني العباس من هذا المنع
للرضا اتنصره بظهورك تمتنع
رايد يعيش الاخو أمن و سلام
........
بالعلم و الجاه عندك و شكثر
وبمقامك و العلم عندك درر
لاچن بكل روحتك بيها أمر
حكمة الخالق يجب بيها التزام
........
بالمرض يا سيدي جاك الأجل
آخر ايّامك أذه بيك اشحصل
عالألم عندك صبر و بهالعمل
هالعده منهم شفت بس انتقام
........
من متت وبمرقدك كلها تزور
تگضي كل حاجه فلا تصعب أمور
وبولائك كل محب بيها فخور
بالقيامه هالشعور افضل وسام


مهيمن يوسف الموسوي
٢٥ جمادى الأولى ١٤٤٥هـ
٢٠٢٣/١٢/٩م يوم السبت ٥:٥٨م

بحق فاطمة الزهراء "عليها السلام" مهيمن يوسف الموسوي ١٤٤٥هـ ٢٠٢٣م


قهر والأذيّه مصاب الزچيّه
دليلك شصبره على هالرزيّه
بحزن كلها روحك يحيدر جروحك مصاب الزجيه

*١*
يحيدر من شفت بنت النبي البضعه
عليها اعداك بابك يا علي اتدفعه
يأذّوها الزچيّه و تدري كل وضعه
يغضبون الصمد رب السمه السبعه
كلام المصطفه ضده فلا تسمعه
من وصّه بوصيته حيف متّبعه

تضد كل كلامه فلا استقامه
يغضبونه ربهم ابد لا ندامه
تون و بحسرتك تهلها دمعتك مصاب الزجيه
*٢*
شفت بنت النبي البضعه يبو اليمّه
إجاها الخاين اعلى الدار و بعزمه
شعلو نار وبّاب الوحي يَمّه
بجرمهم و الحقد كلهم بلا ذِمّه
خيانه صادره وماكو ابد رحمه
بيّن يا علي غدر و طبع لأمّه

تضد كل نبيها بضعته تجيها
أذه و المصايب إجت بس عليها
صعب كل فگدها عدوها من يضدها مصاب الزجيه
*٣*
وشحالك علي من فاطمه الزهره
اجاها هالعده بكرهه و حقد بأمره
يعاديها ويأذّيها وسف كثره
عجب گلبك عليها بهالأمر صبره
شفت منها الضلوع شلون متكسره
حيف و هالعده بجرمه إله قُدره

صعوبه بوضعها تكسّر ضلعها
تِلُوع بألمها ذرف كل دمعها
صبرها عجيبه على هالمصيبه مصاب الزجيه
*٤*
الله ايساعدك گلبك قهر و آلام
من ام الحسن ضدها إجت ظلام
يا حيدر إمامي صعبه هالأيّام
گلبك منقهر و الروح يا ضرغام
ضدّ الطاهره الزهره العده الحكّام
كلام المصطفى بحقها ابد ما دام

خيانه بأمرهم حقد و بجرمهم
يأذّوها حسافه ظهر كل غدرهم
جرم بالكبائر عليها انته صابر مصاب الزجيه
*٥*
من جاها الأجل يا حيدره شصبرك
متألمه و تون الها صعب أمرك
عليها تنقهر للطاهره فِكرك
مصيبه و هالجرم من البشر ضرّك
مو هينه الضلع متكسّر ايقهرك
علي وبهالحزن اصعب حيل و بعمرك

فضلها يعرفوه وسف من ينكروه
اجو وبحقدهم مُحمّد يغدروه
بضعته أجوها بأذيّه ولوها مصاب الزجيه
*٦*
گلبك للزچيّه يا علي قهره
من رحت بغسلها ساچبه العَبره
عليها يا علي بگلبك ألف حسره
ليش بهالعمر من هالعده و غدره
مصاب و بالگلب جرحه فلا يبره
خلّه بس قهر واحزان كالجمره

تظل وبسنينك عليها أنينك
لجل بت محمد تهل كلها عينك
حزينه حياتك قهر كله ذاتك مصاب الزجيه
*٧*
شيّعت الزچيّه بالخفا حيدر
وشلون ادفنت بنت النبي وتگدر
على هالموقف اليحزن إله تصبر
للبضعه الملائك بالقهر أكثر
مظلومه و شهيده هالأمر يقهر
ماتت بت محمد فاطمه الكوثر

مصيبه شكبرها قهرها وصبرها
الجلاله بحكمته جعل كل أمرها
رضيت بقضاءه فعل من يشاءه مصاب الزجيه



مهيمن يوسف الموسوي
١ جمادى الآخرة ١٤٤٥هـ ٢٠٢٣/١٢/١٥م
يوم الجمعة ٣:٣٩م

أنا أتشارك 'مصاب الزجية' معك

بحق فاطمة الزهراء عليها السلام
مهيمن يوسف الموسوي 1445هـ 2023م


دمع الچفن كل يوم ظل يواسيها
زينب گلبها هموم والحزن بيها
للزهره دمعها تذكر كل وضعها والحزن بيها
............
زينب للزجيّه امها عليها بحسره تتذكّر
بوضعها و الجره اعليها گلبها حيل يتحسّر
مصيبة فاطمه الزهره تأذّي زينب و تقهر
زينب والصبر عدها على امها فلا تگدر

بگلب العقيله اجروح للطُهر أمها
وباقي الحزن بالروح بالگلب همها
هالموت الفجعها تذكر كل وضعها والحزن بيها
............
العقيله زينب شحملت عمرها و باديه بحسره
على خير النسه البضعه تهل دمعات و بعبره
مصيبه خلّت الباري غضب من العده و شرّه
وشلون اصبرت زينب على بنت النبي الزهره

باول عمرها احزان والعده جاها
شافت اجه لعدون خالفت طاها
عن حگها منعها تذكر كل وضعها والحزن بيها
............
تذكر زينب بحسره العده عادها للبضعه
على باب الوصي حيدر حاقد ونظهر وضعه
ولا جنّه النبي اموصي حديث شلون م متسمعه
بوصيته الفاطمه تعرف لاكن حيف متبعه

لامها القهر موجود ما يزل عنها
عنها الفرح مفگود مستمر ونها
وبكسرة ضلعها تذكر كل وضعها والحزن بيها
............
زينب كل وكت تبچي على خير النسه بالكون
مصيبتها تظل بيها بگلبها باقيه متهون
من جاها البشر خاين نذل بيه الكره ملعون
الكلام المصطفى اتضده كلهم ليش ميسمعون

حاله حزينه هواي بالگلب حسره
بهاي المصيبه هاي هامله العبره
بادي كل جزعها تذكر كل وضعها والحزن بيها
............
ضلع من فاطمه تكسّر من باب اندفع ضدها
على صدر الطهر نابت ألم يا ويلي بس عدها
برز من البشر وسفه يضد يا حيف والدها
خيانه و الكره عنده ورحمه هواي فاقدها

زينب على هالصار من عدوها الشر
منها الدمع مدرار هالأمر يقهر
من باب الدفعها تذكر كل وضعها والحزن بيها
............
بعد امها بوضع يقهر نهار و كل مسه بونها
مصيبه و الاذه بسرعه طفله و ها كثر جنها
تموت الوالده الزهره تروح و ابعدت عنها
مظلومه وضلع منها نكسر و هواي فجعنها
كل الوكت باحزان والدمع يسچب
قهر و حزنها بان وبگلب زينب
متألْمَه طبعها تذكر كل وضعها والحزن بيها
............
من اول عمرها بهَم و مصيبة فاطمه امها
ما تنسه ولا تهده البشر متعني ظالمها
يموتها و يأذيها ونزف من الضلع دمها
هالحاله بگلب زينب تظل بالروح و بدمها

بگلب العقيله اجروح للأبد و تظل
حزن و ألم بالروح والدموع اتهل
والهم بس تبعها تذكر كل وضعها والحزن بيها
............


١١:١٦م
مهيمن يوسف الموسوي
٥ جمادى الآخرة ١٤٤٥هـ
٢٠٢٣/١٢/١٩م يوم الثلاثاء ١١:١٦م

گعدة نجفية بحق ام البنين "عليها السلام"
مهيمن يوسف الموسوي محرم ١٤٤٣هـ ٢٠٢١م


يولدي الاربعه عندي وصيّه
تنصرون السبط ابن الزجيّه
يظل ثابت ولاكم
تضحون ابدماكم
تنصرون السبط ابن الزجيّه
............................
يا بنيني الاربعه عندي أنه هاي الوصايه
ادري انتم عالمين ابكل قضيّه وبدرايه
بالجلاله او نبيّه المصطفه او حتّه الولايه
لاچن وصيتي يا زِلـم      يهل المراجل والشيم
لجل النصر هوّ يِعم    عالخلايق و البرايه

أنه أعرفكم يولدي يالنشامه
بطوله او مرجله لجل الإمامه
تقدموها مُهجكم
لجل يصبح نصركم
تنصرون السبط ابن الزجيّه
............................
حان وكت التضحيه لجل نصر كل الديانه
حَتّى ينزال الظُلم مِنّ اليحكمون ابخيانه
خانوا المعبود ربهم والحكومه ابلا إمانه
جور او ظُلم هو إنتشـر   دمكم يحقق كل نصر
يمنع إله كل مستقر     للظلم ينهي مكانه

ترفعوني ابفعلكم عالبرايه
فديت الديني آنه و للولايه
لابو اليمه إمامي
فخر يبقه او وسامي
تنصرون السبط ابن الزجيّه
............................
والگمر رد عالوفيّه ام البنين ابكل عزيمه
افدي دمي او كل حياتي للنصر ضد الظليمه
حامي لحسين او عياله ما تظل حُرمه ابهظيمه
هو إمامي او سيدي      يبقه إليّه قائدي
رب الجلاله شاهدي    والنوايا مستقيمه
 
اظل آنه كفيل اعله العقيله
لَحَد دم عالنهر نحري يسيله
گلبها ابكل سروره
ترد أُمّه فخوره
تنصرون السبط ابن الزجيّه
............................
والنعم يبني يعباس الشهم يابو المراجل
يا بنيني ادري بيكم بالحرب ماكو تنازل
كل شخص منكم يظل لجل النصر هو يناضل
سبط الرسول المصطفه  حَربه تره ابكل معرفه
صعب الكلام ايوصفه     بالحرب المن يقاتل

أبو اليمه يولدي اهل البطوله
لجل دينه ينصره او كل اصوله
يثبتها العقيده
تظل امته المجيده
تنصرون السبط ابن الزجيه
............................
ردّت الاولاد كِلها بالحرب نفدي مُهجنه
من أجل نرضه الصمد شنهو الحياة او كل نفسنه
والحياة ابكل مذلّه او كل ظلم شنهو وضعنه
بيها فلا نبقه بعد    لازم لابو اليمه سند
لجله ييُمه نستعد     بالحرب واعله نصرنه

عزمهم عالحرب بأعلى المراتب
على الحگ تره هي تطالب
تحييهم تنادي
تحطمون الاعادي
تنصرون السبط ابن الزجيه
............................
رايحين الكربله احنه ابعزم و اصرار عالي
واجب اعلينه القتال ولا نِعوف احسين خالي
للديانه كل شخص مِنه يجب هو رسالي
يحمل رساله للبشر     لجل المبادئ چن درر
نبعد خطوره او كل ضرر    للصلح هو قتالي

يظل رب الخلق شاهد علينه
و رسوله المصطفه الهادي نبينه
تناديهم يولدي
عرفتوا كِلّه قصدي
تنصرون السبط ابن الزجيه
............................
رَد عله أم البنين ابمنطقه الكِلّه جواهر
گايل العبّاس يُمّه بالحرب لا ما أظاهر
هالحرب من الصمد هي جهاد او كل اوامر
ارضى الصمد رب السمه    حين الأقدمها الدمه
لجل السبط و الفاطمه     للخِدر ابقه اناصر

گُمر هاشم اعرفك بالحرايب
تحامي للخِدر مِنّ الاجانب
وخوتك يا گُمرنه
تحقق كل أمرنه
تنصرون السبط ابن الزجيه
............................
المُصيبة
بالطفوف ابكربله ضحت بنيها بالحرايب
من أجل نصر الديانه الأحمديه او كل الاطايب
ما تهم اربع ولد تفدي او تجيها بس مصايب
فدوه البنين الاربعه
او كل الچفوف امگطعه
من كل كمرها عالمشرعه
للزچيه اشما تقدم من ولد لا ما توفّي
............................



تمت و الحمد لله تعالى
مهيمن يوسف الموسوي
٢ شهر ذو القعدة ١٤٤٢هـ
٢٠٢١/٦/١٣م الأحد ١٠:٣٦م بغداد

ميمر بحق ام البنين "عليها السلام"
مهيمن يوسف الموسوي محرم ١٤٤٣هـ ٢٠٢١م


مِنها أبد ما موجود   ربنه ابحكمته ليها
.............
أم الوفه او ام البنين الاطهار
ماكو مِثلها بالدهر لا تكرّار
ربنه جِعلها عاليه وإشما صار
كل منزلتها عالناس   ماكو نِسه إتجاريها
.............
مِن العرب بإشرف قبائل و أنسـاب
تشبه إسـم بنت النبي و الأطياب
هذا الشبه مِنّه فلا أستغراب
ربِّ الخلايق و الكون   رايد تره إيعليها
.............
مِـن كل نساء أهل الأرض خصصها
تشبه تره امن الزچيّه أكرمها
هذا الشبه بين البشر شرفها
عدها صفات الإيمان    نفس الزچيه بيها
.............
هي تقيّه او مؤمنه بالإسـلام
صعبه نوصفها بالزمن بالأعوام
عدها فضائل والحزن و الآلام
بيها العِبر و الأحداث   صعبه أنه أرويها
.............
راعت مشاعر ولد الزچيّه الزهره
ترفض علي إيگلها إبإسمها إبكل مَرّه
تبقه إبحزن وبكل ألم و بعبره
ولد البتول الزهراء   عدهم تره إيأذّيها
.............
لجل الصمد خالق جميع الأكـوان
حين الإجه وكت الحرب هو حان
رغم القهر رايح يصير و أحزان
ضحت ولدها الأخيار   وبكربله إتضحّيها
.............
سبط النبي حين الدِرت راد أنصار
كلهم ولدها الثورته عالاشرار
راحوا لجل نصره يثبت الأفكار
يحمل قضايا الأصلاح   سبط النبي حاميها
.............
نصر الديانه بالحرب كل همهم
لجله تضحّي بالنفس وبدمهم
عالي عزمهم وبشجاعه كلهم
منهم گمر هاشم دوم  أحسن صفه حاويها
.............
راد الگمر دينه ينصره إبثوره
عنده شجاعه اعله العِده و القدره
و أربع زلم مِنّ الوفيّه الحُرّه
وإشما تقدّم للدين  قِله الدمه تنطيها
.............
كلها ولدها إبكربله مقتلوين
لجل القيم كلها او مبادئ والدين
رادت رضا رب الجلاله و حسين
واجب تجاه المعصوم    كل المُهج تفديها
.............



تمت و الحمد لله تعالى
مهيمن يوسف الموسوي
٩ شهر ذو القعدة ١٤٤٢هـ
٢٠٢١/٦/٢٠م الأحد ١١:٣٢م بغداد

منزلة ام البنين

ميمر لام البنين ع

لوفاة ام البنين عليها السلام
لحن : يطير الصاف ، باسم الكربلائي
مهيمن يوسف الموسوي


إجاها الموت و تعنّه فلا عبّاس ويّاها
ولدها الأربعه ماتوا بُعدهم حيل اذّاها
ولا لحسين تهلّ العين
.......
الوفيه ام الگمر حزنت وضعها ابلا ولدها شلون
تمنّت لو لأجل يحضر بنيها الاربعه ايودعون
ويجي اوياهم ابو اليمه سويه لمّن ايگعدون
عمرها ينتهي يمهم لَچَن هذا الأمر ميكون
ضحايه بكربله ماتوا فلا هالساع ميحضرون
لجل دين النبي انطوا عمرهم للنصر يفدون

حزينه و الدمع هامل عليهم حيل مشتاگه
غياب حسين و اخوانه صعب ميهون لأفراگه
تظل جرحين تهلّ العين
.......
مصيبتها عليها الكل حزينه و بدمع سچاب
تريد ام البنين ايحل عليها امن الأهل لأحباب
يگابلها الگمر يمها صعوبه هواي كلّ اغياب
لَچَن ميت ابو فاضل عليها من زمان و غاب
على شاطي النهر چفّه تگطّع من عده الأجناب
تِذِكره بحسره و بلوعه لَمَن راسه بعمد ينصاب

گلبها امن القهر صاير حزين و عالأبن مجروح
يألّم فرگته بكثره ومصابه باقي ظل بالروح
خذاه البين تهلَّ العين
.......
تحسّب چانت الحرّه ابنها جعفر و عثمان
ويجي عبد الله ويّاهم إذا الها الاجل لو حان
عليهم تنظر بلهفه ودمعها ايسيل بالأشچان
تودعهم توصيهم على فرگتهم الاحزان
لَچَن وبكربله ماتوا ضحايه بغدرة العدوان
غياب الأربعه صعبه فگدهم بالگلب نيران

تلوج الروح ملهوفه على شوفة ولدها اليوم
حزينه هواي منقهره گلبها منجرح مهموم
كثر هالحين تهلّ العين
.........
اشد مشتاگه متلهفه لابن طه النبي المختار
لابو الأكبر تظن جانت يجيها لو اجلها صار
عليها غالي من اجله فدتله الأربعه الأقمار
رخص دمهم لجل نصره يضحوله بفخر لأعمار
تمنّت لو ابو اليمه حضوره بي تسر لأنظار
لَچَن مذبوح كل نحره چتيل امن العده الأشرار

مصاب حسين اذّاها عليه الروح منفجعه
تذكره و بالگلب حسره بقهر صارت إله تنعه
تصد لا وين تهلّ العين
.........
قرب حيل الإجل عدها وقهر ام البنين أكثر
فلا اربع ولد يمها ولا ابن الولي حيدر
مصيبتها و رزيتها لجلها الروح تتأثر
تموت و لا ابن يمها عليهم حيل تتحسر
يغسلوها و يجفنوها تمنّت كل ولد يحضر
يشيلون النعش كلهم يشيعونه بگلب يسعر

يحفرون الگبر رادت ولدها اللي يدفنوها
بلحدها الأربعه بيهم تره همّه اليوسدوها
تجيبه امنين تهلّ العين
.........
تموت الطاهره وبلا ولدها الأربعه بهالحال
عليها الناس تتحسّر دمعها وبكثر همّال
تشوف و لا ابن هو الذي بيده النعش ينشال
حُسين الوالي مو يمها ولا يمها إجه الكفّال
ولا اربع ولد تحضر عجب صبر الگلب من ظال
فجيعه و كل محب أصبح عليها اينوح ابد ما مال

صفت شيعتها مهمومه بگلبها باقيه الحسره
مجالس للعِزه تنصب على ام الگمر كثره
تظل باقين تهلّ العين
.........

مهيمن يوسف الموسوي
١٤٤٤هـ ٢٠٢٢م

أساسية بحق ام البنين " عليها السلام"
محرم ١٤٤٥هـ ٢٠٢٣م مهيمن يوسف الموسوي


عالي مجدها وضحّت ولدها لجل الإمام حسين
رادت تنصره وتحقّق امره تنصر تريد الدين
ماكو مِثلها بهذا فعلها
*١*
عن ام البنين الاربعه الاطهار
بوصفها و بفضلها كل وصف محتار
قَدْمت للحُسين ابكربله اقمار
تريده ينتصر ضد العده الاشرار
لجل الدين كل هذا الذي اللي صار
مفتخره لابن حيدر علي الكرار

بهاي القضية مفتخره هيه رادت رضا المعبود
وشما تقدّم لجل الولي اتهم سالم تريده يعود
عالي فضلها بهذا فعلها
*٢*
قمّه بالوفه ام البنين هواي
فلا الها نسه تگدر تصلها بهاي
كرم عدها بفداها و كلشي منها جاي
هم شفتو مره گالت اضحّي اضناي
چانت ثابته و بهالأمر و الراي
گلبها للولي حيل بكثر وفّاي

لجل الهواشم تفدي الاكارم بطف كربله يضحون
ضحو عمرهم رادو أمرهم لجل الولي ينصرون
محد وصلها بهذا فعلها
*٣*
قبل ضعن الولي من المدينه يروح
إجت ام البنين بكل گلب مجروح
گالت للولي و منها الدمع مسفوح
يبني كل بنيني فاديتلك روح
تريد بكربله محد الك و يلوح
لجلك تنقتل بأرض الحرب و السوح

انصر ثورتك تبقى فكرتك يا طالب الإصلاح
كل غالي عندي لجلك أنه افدي حتى الظلم ينزاح
طيّب أصلها بهذا فعلها
*٤*
تگلّه يا سِبط طه النبي افداك
اقدملك بنيني الاربعه ويّاك
عن كل الخطر وكت الحرب يحماك
ينصرك يا إمامي بكربله من جاك
تفديلك دِمِه اتضحي لجل عيناك
تريد النصرتك باقي و يظل اللواك

لجلك تحارب كل الكتايب ضدّ العده الانذال
بهمه وشجاعه وعدها قناعه بكل ثورتك و الحال
انطت نسلها بهذا فعلها
*٥*
كريمه بالعطايا تشهدلها الناس
ابنها بالحرب حارب عده لأرجاس
معروف القصد يعني الگمر عباس
وفّه كل عهد حد گطعت الأنفاس
ضحّه بالعمر هذا ابو النوماس
وامّه تفاخرت مرفوعه بيه الراس

ضحه بدمائه وقدّم ولائه السبط النبي المظلوم
فاديله دمّه كل اليهمّه نصر الولي عالگوم
كثره بذلها بهذا فعلها
*٦*
رغم لجل الحسين انطت تنصره كون
ولدها الاربعه وبكربله يضحّون
تحارب كل عدوها بالعمر يفدون
رادت تنصره مهما يصير ايكون
دين المصطفى من العده ينصرون
لجله كل عمرهم بالحرب ينطون


هاي الوفيه بالغاضريه شوف التسوي شوف
انطت بنيها تنصر وليها هذا تره معروف
بحكمة عقلها بهذا فعلها
*٧*
ذكر أم البنين و باقي هو دوم
موقفها و مجدها ذاكرينه الگوم
من قدْمت بنيها للولي المظلوم
رادت بس رضا امن الخالق القيّوم
على حسين الولي عدها الگلب مهموم
منصور بثورته لا يظل مهموم

حاير وصفها كلّ العرفها موقفها حيل هواي
بيوم القيامه عدها كرامه عالي فضلها بهاي
شدّه تحلها بهذا فعلها



مهيمن يوسف الموسوي
١٢ ذو الحجة ١٤٤٤هـ
٢٠٢٣/٧/١م يوم السبت ١:٥١م

شوط كربلائي بحق ام البنين عليها السلام


يا ام البنين هواي وفّيتي نِصرتي حسين
بنينچ لاربعه انطيتي فده لجل النصر للدين
*١*
والله والنعم منچ يا بنت الاصل و الزود
كرم عندچ يبت لاشراف كل هذا الامر مشهود
ماكو امن النسه نفسج كرم عندچ بلايه حدود
ولدچ بالحرب كلهم
لحسين انفده دمهم
ينصرونه بفخر همهم
رضيتي الخالق المعبود من راحو چتل ميتين
*٢*
لجلي بالحرب بالطف بنينط بالعمر يفدون
الف شكراً وفيتي هواي والنصري تره ايضحون
ضحو وبفخر ولدچ كل غالي الي ينطون
اجرهم عالصمد ربي
نصروني على دربي
عليهم راضي و بگلبي
كسبو كل رضا المعبود بنينچ الأربعه الطيبين
*٣*
عبد الله فداني اوياه جعفر ضد عده و فرسان
واخويه بالحرب معروف اجاني معتني عثمان
والكافل ابو الغيره اجه بهمّه گمر عدنان
قدمو بالحرب وياي
فلا يكدر عدوهم جاي
واشدهم كافل الوفاي
كلها ترتعب منّه اذا الهم هجم كل حين
*٤*
وفّه بكل عهد ابنچ ابو الغيره الوفي عباس
فلا خلاّني بالحومه تجي ليّه العده الارجاس
مناصر بالحرب وياي لحد ما خلصت الأنفاس
رغم كل العطش و البيه
يحارب هالعده ايعاديه
كلمن يعتنيله ليه
فرّقها الجيوش هواي صفت بارض الحرب صوبين
*٥*
عيالي و النسه و اطفال فلا خلهم عطاشه الماي
رايح عالعده بعزمه على الخيل او ركب عناي
تعنّه للنهر گاصد يجيبه بهالأمر وفاي
وصل يم الشريعه ايشوف
لاكن ما شرب و يعوف
ذكرني بهالأمر معروف
فلا عني شرب كل ماي والوياي عطشانين
*٦*
مِلِه كل گربته بالماي يا ام الوفي الكافل
يريد او يعتني النه كل مايه يجي واصل
لاكن هالعده تغدر اجه بسيفه وضرب حاصل
يمينه يضرب بغدره
صفت يا حيف منبتره
دمها عالأرض يسره
لا ما يمنعونه رغم غداره معروفين
*٧*
بقه يحارب ابو الغيره رغم چفّه انگطع مغدور
بشماله عالعِده ايقاتل يضدهم بالحرب مگدور
شجاع أعلى الكتايب هاي وبهذا الامر مفخور
رغم كل العطش و الصار
يحارب مستمر لاشرار
منه هالعده فرّار
فلا ينازل ابن حيدر من عباس مقتولين
*٨*
يا ام البنين و صار يغدر هالعده الانذال
يضرب منه چفّه و حيف دمّه عالترايب سال
فلا يگدر يحاربهم واجه ليه البشر چتال
يحطونه و يغدرونه
بخيانه من يقتلونه
على عينه يضربونه
سهام بكثره من اعداه مضروبه حسافه العين
*٩*
فلا عندچ قصور اوياي يا ام البنين امّاه
ابو فاضل رفع راسچ نطه كل يسرته و يمناه
وثلاثه من الولد يفدون عمرهم بالحرب وياه
لجل كل ثورتي وٱصلاح
جهاد و ضحّوا ابارواح
كل واحد على الحگ صاح
رخصوا للديانه بزود فدو دمهم يضحون اسنين
*١٠*
وفائج بالحرب بالطف نطيتي كل شخص غالي
على هالتضحيه وهواي تضحيهم فلا تبالي
مقامچ والفضل يُمه عند ربنه كثر عالي
وفيتي النصرتي هواي
عندچ بس كرم والجاي
روحج والگلب وفاي
ما قصّر گمر هاشم الي ضحه تره الچفّين



مهيمن يوسف الموسوي
٥ محرم ١٤٤٥هـ
٢٠٢٣/٧/٢٣م يوم الأحد ٣:٠٧م

بحق ام البنين عليها السلام
١٤٤٥هـ ٢٠٢٣م مهيمن يوسف الموسوي


ام البنين الطاهره عالي فضلها
تقوى و علم عِفّه و شرف زاكي اصلها

شرّفها ربنه بهالأمر بيّن البريّه
بعد البتول الطاهره موجوده هيّه
عالي مقام اعله النسه هاي التقيّه
ترضه الصمد ربِّ السمه وبكل فعلها

ربِّ الجلاله بحكمته الواسع مداها
بين النِسه هالمنزله ربنه نطاها
فضّلها ربنه وعن قصد حين العلاها
راضي عليها بكل فعل منها و عملها

بين النسه شنهو السبب زوجها حيدر
بهاي القضيّه لا تظل بيها تحيّر
تقوى و عباده خالصه للّهِ الأكبر
بعد الزجيّه الطاهره ربنه جعلها

أبحث على كل النِسه منها فلا ايكون
تقدّم ولدها وتفتخر بالدم يضحّون
لأبن النبي تفدي العمر كلشي يقدمون
ترضه الجلاله و النبي حيدر أملها

أربع بنين و بالحرب لجل الولي حسين
همها تنصره بثورته و تنصره للدين
لهاي المبادئ و القيم كل غالي و الزين
تريد الحُسين إبن النبي الغايه يصلها


و ربنه نطاها منزله عدها كرامه
كل حاجه يمها تنگضي تصير بسلامه
هي الوسيله الخالقي العالي مقامه
الحاجه إذا بيها صعب موجود حلها


وفضلها ربها اعله النسه يبقى ذكرها
بين الخلق جِنِّ وإنس ذاكر أمرها
تفگد ولدها بالحرب دائم صبرها
بس للحُسين وكل دمع منها تهلها

أم البنين بهالفضل بين البرايه
بدين الرسول المصطفه وكل الوصايه
لآل النبي و تفاخرت هاي الولايه
تفدي ولدها الأربعه لحسين كلها

و شرّفها ربها بالگبر قرب النبي ايصير
أرض البقيع الطاهره بها كثر خير
ويمها الإمام المجتبى العلمه تره اكثير
صدفه فلا هذا أبد الله يخلها

أم البنين الاربعه لجل المحبيّن
لنها تقدّم بالحرب تنطي مضحّين
بيوم القيامه و شافعه الكل الموالين
جازها ربي و النعم حيل و يجلها

مهيمن يوسف الموسوي
١٢ جمادى الثانية ١٤٤٥هـ
٢٠٢٣/١٢/٢٦م يوم الثلاثاء ١:٢١ص