"وَقَرنَ فِي بُيُوتِكُنَّ"

(فيها إيماءةً لطيفةً إلى أن يكون البيتُ هو الأصل في حياتهن، وهو المقرُ، وما عداهُ استثناءً طارئًا لا يثقلنَ فيه ولا يستقررن، إنما هي الحاجة تقضىٰ وبقدرها).

ـ سيد قطب.

حـ تلفّي كتير .. و حـ تمشي ألف طريق
وفي الحلقة الأخيرة
ما حتلاقي طريق يطمَئن فيهو قلبك، قدر طريقك لي ربَّنا
خلي الذنوب والخطايا، ارجعي اتحجّبي، وقفي سماع موسيقى وأغاني، اتصدّقي وصلي قِيام
انفضي الغبار عن مصحفك، صاحبي أهل الخير
وشوفي كم باب يتفتح ليكِ وكم طريق
ولو قالوا لي عندك 3 كلمات تقوليهم في وصيتك قبل ما تموتي حـ أقول
1. طريق ما آخرو جنَّة، أوعا تمشيهو
2. قَد يكونُ الدَّربُ صعبًا لا تَميلي
3. أبقي عشرة على الصَّحبات الفيهِن خير

ربنا يثبت قلوبنا إلى أن نلقاه وهوَ عنا راضٍ.. ربنا يرزقنا الجنة وما قرَّبَ إليها من قولٍ وعمَل ♥️

وشُكرًا
وعفوًا
#صفِيّة_مُصطفى

{وَٱلَّذِینَ إِذَا فَعَلُوا۟ فَـٰحِشَةً أَوۡ ظَلَمُوۤا۟ أَنفُسَهُمۡ ذَكَرُوا۟ ٱللَّهَ فَٱسۡتَغۡفَرُوا۟ لِذُنُوبِهِمۡ وَمَن یَغۡفِرُ ٱلذُّنُوبَ إِلَّا ٱللَّهُ وَلَمۡ یُصِرُّوا۟ عَلَىٰ مَا فَعَلُوا۟ وَهُمۡ یَعۡلَمُونَ}

عن أم المؤمنين عائشة رضي الله عنها قالت :
قال رسول الله ﷺ :

((مَنْ ثَابَرَ عَلَى اثْنَتَيْ عَشْرَةَ رَكْعَةً فِي اليَوْمِ وَاللَّيْلَةِ دَخَلَ الجَنَّةَ ،
أرْبَعًا قَبْلَ الظُّهْرِ ، وَرَكْعَتَيْنِ بَعْدَهَا ، وَرَكْعَتَيْنِ بَعْدَ المَغْرِبِ ، وَرَكْعَتَيْنِ بَعْدَ العِشَاءِ ، وَرَكْعَتَيْنِ قَبْلَ الفَجْرِ))

رواه النسائي.

🔹 حاول روق :

زمان أول ماسمعت حديث النبي صلى الله عليه وسلم الذي يقول فيه :
(من كان يؤمن بالله و اليوم الآخر فليقل خيراً .. أو ليصمت).
بيني و بين نفسي كنت متخيل إنو الحديث دا سهل التطبيق..
و اي زول بقدر عليهو.
لكن
الزول لما عاش لحدي زمنا دا عرفت إنو الحكاية دي ابداً ماساهلة.
وكونك تكون بتقدر تمسك خشمك عليك في كثير من المواقف و الأحداث
(دي نعمة عظيمة).
لأنو في ناس:
⬅️ ممكن الواحد (يموت) عديل لو ما اتكلم في أي موضوع..
⬅️ وحلل أي موقف ..
⬅️ وعلّق على كل بوست ..
⬅️ وعقّب علي كل فيديو.
..
دا بتجيهو (كاروشة) وأصابعو (بتنمّل) لو ماوراك رايو في الموضوع و تحليلو للأحداث.
..
طبعاً
العينة دي محتاجة زول يصحيهو ويقول ليهو في أضانو:
⬅️ ياحبيب .. أنت لست الإمام أحمد بن حنبل.
ومافي زول منتظر فتوتك.
⬅️ ولا كمان إنت عبد الباري عطوان عشان تحلل أي حدث سياسي.
عشان كدا..
ماتقوّم نفسك ياخ.
وشوية كدا اطلع من السوشال ميديا دي و عيش حياتك لأنك ممكن تكتشف إنو :
⬅️ قدام بيتكم في طوب مكوّم ممكن ترصو.
⬅️ أضافرين رجولك إشتاقو للضفارة.
⬅️ خالتك ال في الحلة الوراكم ليك منها شهور.
..
كدي حاول إنك (تعمل رايح) لمدة إسبوع بس.
ما في شي ح يفوتك ولا ح يفوت الناس.
==
ربنا يصلح حال بلدنا
ويحقن دماء شبابنا.

#مقالات_متنوعة_شكوكو

ح أحكي ليك حاجة عايشتها ح تغير كتير في نواياك و تفكيرك و مركزيتك في الحياة للخير .

_ أخت صحبتي قبل ما تدخل الجامعة كان عندها رغبة عظيمة إنها تمشي العمرة ، (نية) كبيرة إنها تمشي الحرم وقتها أهلها كانو استقروا في السودان، بس سبحان الله بتدبير ربنا اتسهلت لوالدها و قدر ياخدها تعمل عمرة و عمرت و كلنا كنا متأكدين انه بعد كرم ربنا، صدق نيتها هو اللي يسر استجابتها و يسر ليها الطاعة كدا ، (سما) العزيزة علينا.

_سما دخلت الجامعة يداب و قدرت تبدأ حفظ القرآن في مركز تحفيظ مجاور لبيتهم، بدت تحفظ و المركز صغير جداً و عدد الطالبات قليل لكن في خلال اسبوعين بس ناس كتير و شيخات كتار بقوا يعرفوها بس ( سما) ما كملت.

_لما بدت تحفظ و هي طالعة يوم و متحمسة ركبت المواصلات و لاقت سيدة في عمر والدتها، قعدت تتونس معاها و حكت ليها عن المركز و كانت مبسوطة و فرحانة قالت ليها المركز دا عظيم و فيه شيخات عندهم "إجازة في القرآن" و أنا ح احفظ، و تعالي شوفي مركزنا.
القصة دي قبل حداشر سنة، حاليا المركز بقى كبير جداً و الشيخة بتذكر عشرات الطالبات يدعو ل (سما) دائماً.

_قبل أيام اتصلت سيدة بوالدة صحبتنا سلّمت عليها و سألتها عن أخبارها و قالت ليها :
أنا ختمت القرآن حفظاً من سنين و لي كم سنة بسمع في رمضان مرتين، مرة بنيتي و مرة بنية سما، لأنه هي السبب في حفظي ربنا يجزاها خير، هي اللي دلتني علىٰ المركز .

في أول سنة ليها في الجامعة عملت حادث و توفت (سما) في نفس اليوم.

ربنا يرحمها و يغفر ليها.

الشاهد إنه :
_ما معروف نموت متين و كيف بس المعروف إنه اللحظة دي جاية و مؤكدة لا ينكرها عاقل بس المهم إننا نستعد ليها، سما اتوفت صغيرة جدا قبل ماتكمل اول سنة في الجامعة لكن ماتت و هي صاحبة عمل صالح بإذن الله و نوايا كبيرة عظيمة و خلتنا احنا نتأثر بيها و نذكر نفسنا كل ليلة :
ماذا لو حان لقاء الله؟ ماذا أعددنا؟ .

_(النوايا).
نية العمرة الصادقة و كيف اتيسرت ليها، سبحان الله هو الوحيد الي كان عارف إنها ما ينفع تتأجل، لأنها ح تغادر عالمنا، عرفت معنىٰ قدر الله وما شاء فعل، و كل شيء عنده بقدر؟
عرفت انه اقداره كلها لحكمة و لترتيب هو الوحيد اللي محيط بيه؟
_ كمان نيتها الصادقة في الحفظ خلت عشرات يحفظو بعدها يمكن لو كانت حية ماكانت تلحق تعرفهم لكن العشرات ديل حاليا بيعرفوا و يدعو ليها بانتظام ، دا ذكرني بعبارة قالتها لينا الشيخة في التحفيظ :
فإن صدقت بلغت.

بلغت =يعني تبلغ الأجر حتىٰ لو مالحقت تكمل في العمل.
بلغت = يعني تبلغ أجور مختلفة من نفس العمل.
بلغت = يعني قد تؤتى ثمار العمل حتىٰ بدون جهده.

فسبحان الله.

لو عارفة أي قصة عن ال#حافظات و ال#تقيات احكيها لينا في التعليقات و خلينا ندعي لأنفسنا بختام زيهم.

اللهم ارحم سما حبيبتي، و يمن كتابها و يسر حسابها و احشرها في عليين و ارزقها صحبة الصالحين و الكتاب عن اليمين و النظر لنبيك الأمين و مجاورة الشهداء و التقيات و الحفاظ و الطيبين، و احفظ أهلها و اجعلها لهم خير شافع يوم الدين.
و آتنا اللهم مثل ذلك إذ رحلنا، و طيب عملنا إذ أبقيتنا في الدنيا.
طيب قلبي يا الله فلا يتعلق بالحياة، و ثبت فؤادي فلا يحب زوالها و فانيها و اجعلني يامولاي ممن تختتم حياتها راض عنها و اعفو عني ماكان و كافئني بالعفو والإحسان، أن يبلغ الخير في و في عملي أضعافا مضاعفة و تمحو يا إلهي سيئاتي كلها و تصلح نواياي التي بها يأتيك عملي و ألقاك بها.

#Jasmeen_Ali
📌🌹

نفسك تقيمي الليل بسورة البقرة؟
يسيرة بإذن الله ♥..

_أول شي يجوز طبعا التلاوة من المصحف مالازم من حفظك، تقرئي و انت ماسكاه في ايدك و تضعيه جنبك وقت السجود خلي جنبك وسادة زي اللي في الصور كدا أو أي شي جنب السجادة ماتشات تركيزك و في holder في المكتبات بيكون قصادك و ممكن تديريه لحظة الركوع.

_ تاني شي أنويها بصدق، شعورها جميل و أجر القيام بعدد الآيات دا عظيم.

_آخر شي توضئي و بسم الله :
الاقتراح توزعيها علىٰ 11 ركعة يعني أشبه بقيام ليالي رمضان مع الإمام.

الركعة 1: الفاتحة و 10 أوجه.
الركعة 2 :الفاتحة و 10 أوجه.

و تسلمي طبعا.

الركعة ال 3 : الفاتحة و 5 أوجه.
و الركعة ال 4 :الفاتحة و 5 أوجه.

التسليم.

الركعة ال 5: الفاتحة و 5 أوجه.
الركعة ال 6: الفاتحة و 5 أوجه.

التسليم.

الركعة ال 7: الفاتحة و 5 أ وجه.
الركعة ال 8: الفاتحة و 4 أوجه.
التسليم و كدا كملت #سورة_البقرة بفضل الله ♥.

الشفع.
الركعة ال ٩ : الفاتحة و سورة الأعلى.
الركعة ال 10 : الفاتحة و سورة الكافرون.

الوتر.
ركعة واحدة الفاتحة و سورة الإخلاص.

اللهم اجعل طاعاتي باب إخلاص و جنة، و اجمعنا اخوانا علىٰ سرر متقابلين و أتم لنا رجاءاتنا في الدنيا والآخرة.
#Jasmeen_Ali
🌹
#قيام_الليل

و إنت بتختاري تصحي الفجر.
تقولي الصدق.
ما تمدي يدك تصافحي.
تحفظي الأمانة.
تفتشي عن الحكم الشرعي لكل كلمة و تصرف.
تمشي تصلي أول ما يأذن.
تحجبي خمارك أو تتأكدي من خصل شعرك إنها كلها جوة طرحتك.
تحفظي الحدود مع الرجال.

لما تكوني كل مرة بتختاري الصواب و رضا ربنا قبل كل شي فإنت صريحة جدا مع نفسك لأننا ماعارفين متين لحظة الإمتحان (الإمتحان الأهم) على الإطلاق .

عودي نفسك تاخدي الخطوة الصح ما دمتِ عارفاها ولو ماعارفاها أسعي لإنك تعرفي الأحكام الشرعية و تلزمي رضا ربنا.

كان في محاضرة في المسجد مرة سأل الشيخ مادمت لاتعرف لحظة الموت لما لاتجعل كل لحظة مناسبة للرحيل؟
فكري و جاوبي بينك وبين نفسك..

تقول إحداهن :
لما صِرت أراقب الله في كل فعل صارت حياتي أيسر، تخيلي أن تطمئني أنك تعلمين الطريقة المناسبة للرحيل بإذن الله.

مادمت على الطريق فالله يعلم نيتك و كل خطو في سبيل الله - إن رأى صدقك- وصول بإذنه 🌹..

الخطأ يظل خطأ و إن تكاثر فاعلوه.

خوف الله مظنة رضاه، الساعية بحذر تصل ولو متأخراً بإذن الله.

اللهم إننا نوقن أننا يوما إليك آتيات ، اجعله ياعظيم رحيلا هينا، و اجعل حياتي طيبة و قلبي تقياً حتى اطمئن و يتيسر لي العمل و لايطول بي أملاً يشقيني.

#Jasmeen_Ali
🌹♥

"‏أن تلقى الله صابرًا لأجله عن معاصٍ قد تبهرجت وتزينت

فيا لعِظَم المُقام !! 💙*

بسم الله؛

-لا تترك وردك من القرءان ولو صفحة
ولا تُفرط في أذكار الصباح والمساء

وليكُن الغالب على أخلاقك الرحمة
والعفو والصمت إلا فيما ترجو ثوابه.

وكُن صاحب سِر، ومِن عبادات السر العُظمى:
سلامة الصدر ، وحُب الخير للناس🍀🌾»

#أذكاركم

.ذكر " لا حول ولاقوة الا بالله "
كم أبطل الله بها سحراً .. وصرف حسداً .. وقضى ديناً .. وفتح باباً .. وفرج كرباً .. وشفى مريضاً .. وأحدث معجزة.
الحوقلة هي رافعة نافعة دافعة وكنز من كنوز الجنة، فوالله ما فُكَّت العُقَد بِمثلها."

لا حول ولا قوة الا بالله العلي العظيم

متنسوش #اذكار_الصباح ..💙✨

١- بِسْمِ اللّهِ الرَّحْمَنِ الرَّحِيمِ: ( قُلْ هُوَ الله ُأَحَدٌ ﴿١﴾ الله ُ الصَّمَدُ ﴿٢﴾
لَمْ يَلِدْ وَلَمْ يُولَدْ ﴿٣﴾ وَلَمْ يَكُن لَّهُ كُفُوًا أَحَدٌ ﴿٤﴾ )[ الإخلاص:١-٤] (ثلاث مرات).

بِسْمِ اللّهِ الرَّحْمَنِ الرَّحِيمِ: ( قُلْ أَعُوذُ بِرَبِّ الْفَلَقِ ﴿١﴾ مِن شَرِّ مَا خَلَقَ ﴿٢﴾
وَمِن شَرِّ غَاسِقٍ إِذَا وَقَبَ ﴿٣﴾ وَمِن شَرِّ النَّفَّاثَاتِ فِي الْعُقَدِ ﴿٤﴾ وَمِن شَرِّ حَاسِدٍ إِذَا حَسَدَ ﴿٥﴾ ) [الفلق :١-٥] (ثلاث مرات). 💙


بِسْمِ اللّهِ الرَّحْمَنِ الرَّحِيمِ:( قُلْ أَعُوذُ بِرَبِّ النَّاسِ ﴿١﴾ مَلِكِ النَّاسِ ﴿٢﴾ إِلَهِ النَّاسِ ﴿٣﴾ مِن شَرِّ الْوَسْوَاسِ الْخَنَّاسِ ﴿٤﴾ الَّذِي يُوَسْوِسُ فِي صُدُورِ النَّاسِ ﴿٥﴾ مِنَ الْجِنَّةِ وَ النَّاسِ ﴿٦﴾ ).[ الناس :١-٦]. ( ثَلاثَ مَرَّاتٍ ).💙

٢- أَصْبَحْنَا عَلَى فِطْرَةِ الإِسْلاَمِ ، وَعَلَى كَلِمَةِ الإِخْلاَصِ ، وَعَلَى دِينِ نَبِيِّنَا مُحَمَّدٍ صلى الله عليه وسلم ، وَعَلَى مِلَّةِ أَبَيْنَا إِبْرَاهِيمَ حَنِيفاً مُسْلِماً وَمَا كَانَ مِنَ الْمُشْرِكِينَ.💙

٣- أَصْبَحْنَا وَأَصْبَحَ الْمُلْكُ لِلَّهِ ، وَالْحَمْدُ لِلَّهِ ، لاَ إِلَهَ إِلاَّ اللَّهُ وَحْدَهُ لاَ شَرِيكَ لَهُ، لَهُ الْمُلْكُ ، وَلَهُ الْحَمْدُ ، وَهُوَ عَلَى كُلِّ شَيْءٍ قَدِيرٌ ، رَبِّ أَسْأَلُكَ خَيْرَ مَا فِي هَذِا الْيَوْمِ ، وَخَيْرَ مَا بَعْدَهُ ، وَأَعُوذُ بِكَ مِنْ شَرِّ مَا فِي هَذِا الْيَوْمِ ، وَشَرِّ مَا بَعْدَهُ ، رَبِّ أَعُوذُ بِكَ مِنَ الْكَسَلِ ، وَسُوءِ الْكِبَرِ ، رَبِّ أَعُوذُ بِكَ مِنْ عَذَابٍ فِي النَّارِ ، وَعَذَابٍ فِي الْقَبْرِ .💙

٤- اللَّهُمَّ بِكَ أَصْبَحْنَا ، وَبِكَ أَمْسَيْنَا ، وَبِكَ نَحْيَا ، وَبِكَ نَمُوتُ ، وَإِلَيْكَ النُّشُورُ .💙

٥ - اللَّهُمَّ أَنْتَ رَبِّي ، لاَ إِلَهَ إِلاَّ أَنْتَ ، خَلَقْتَنِي ، وَأَنَا عَبْدُكَ ، وَأَنَا عَلَى عَهْدِكَ وَوَعْدِكَ مَا اسْتَطَعْتُ ، أَعُوذُ بِكَ مِنْ شَرِّ مَا صَنَعْتُ ، أَبُوءُ لَكَ بِنِعْمَتِكَ عَلَيَّ ، وَأَبُوءُ بِذَنْبِي ، فَاغْفِرْ لِي ، فَإِنَّهُ لاَ يَغْفِرُ الذُّنُوبَ إِلاَّ أَنْتَ.💙

٦ - اللَّهُمَّ إِنِّي أَسْأَلُكَ الْعَافِيَةَ فِي الدُّنْيَا وَالآخِرَةِ . اللَّهُمَّ إِنِّي أَسْأَلُكَ الْعَفْوَ وَالْعَافِيَةَ فِي دِينِي ، وَدُنْيَايَ ، وَأَهْلِي ، وَمَالِي . اللَّهُمَّ اسْتُرْ عَوْرَاتِي ، وَآمِنْ رَوْعَاتِي .
اللَّهُمَّ احْفَظْنِي مِنْ بَيْنِ يَدَيَّ ، وَمِنْ خَلْفِي ، وَعَنْ يَمِينِي ، وَعَنْ شِمَالِي ، وَمِنْ فَوْقِي ، وَأَعُوذُ بِعَظَمَتِكَ أَنْ أُغْتَالَ مِنْ تَحْتِي.💙

٧ - اللَّهُمَّ عَالِمَ الْغَيْبِ وَالشَّهَادَةِ ، فَاطِرَ السَّمَوَاتِ وَالأَرْضِ ، رَبَّ كُلِّ شَيْءٍ وَمَلِيكَهُ ، أَشْهَدُ أَنْ لاَ إِلَهَ إِلاَّ أَنْتَ ، أَعُوذُ بِكَ مِنْ شَرِّ نَفْسِي ، وَمِنْ شَرِّ الشَّيْطَانِ وَشِرْكِهِ.💙

٨ - بِسْمِ اللَّهِ الَّذِي لاَ يَضُرُّ مَعَ اسْمِهِ شَيْءٌ فِي الأَرْضِ وَلاَ فِي السَّمَاءِ وَهُوَ السَّمِيعُ الْعَلِيمُ ( ثَلاَثَ مَرَّاتٍ ).💙

٩ - سُبْحَانَ اللَّهِ وَبِحَمْدِهِ ، عَدَدَ خَلْقِهِ ، وَرِضَا نَفْسِهِ ، وَزِنَةَ عَرْشِهِ ، وَمِدَادَ كَلِمَاتِهِ ( ثَلاَثَ مَرَّاتٍ ).💙

١٠ - سُبْحَانَ اللَّهِ وَبِحَمْدِهِ ( مِائَةَ مَرَّةٍ ) .💙

١١ - لاَ إِلَهَ إِلاَّ اللَّهُ وَحْدَهُ لاَ شَرِيكَ لَهُ ، لَهُ الْمُلْكُ ، وَلَهُ الْحَمْدُ ، وَهُوَ عَلَى كُلِّ شَيْءٍ قَدِيرٌ ( مَرَّةً وَاحِدَةً ).💙

١٢ - لاَ إِلَهَ إِلاَّ اللَّهُ وَحْدَهُ لاَ شَرِيكَ لَهُ ، لَهُ الْمُلْكُ ، وَلَهُ الْحَمْدُ ، يُحْيي وَيُمِيتُ، وَهُوَ عَلَى كُلِّ شَيْءٍ قَدِيرٌ ( عَشْرَ مَرَّاتٍ ).💙

١٣ - لاَ إِلَهَ إِلاَّ اللَّهُ وَحْدَهُ لاَ شَرِيكَ لَهُ ، لَهُ الْمُلْكُ ، وَلَهُ الْحَمْدُ ، وَهُوَ عَلَى كُلِّ شَيْءٍ قَدِيرٌ ( مِائَةَ مَرَّةٍ ).💙

١٤ - يَا حَيُّ يَا قَيُّومُ بِرَحْمَتِك أَسْتَغِيثُ ، أَصْلِحْ لِي شَأْنِي كُلَّهُ ، وَلا تَكِلْنِي إلَى نَفْسِي طَرْفَةَ عَيْنٍ .💙

١٥- اللَّهُمَّ صَلِّ وَسَلِّمْ وبَارِك عَلى نَبِيِّنا مُحَمَّدٍ ﷺ 💙 ( ١٠ مرات )

عن أبي هريرة رضي الله عنه ،
عن النبي ﷺ قال :

((يَجِيءُ القُرْآنُ يَوْمَ القِيَامَةِ فَيَقُولُ : يَا رَبِّ حَلِّهِ ، فَيُلْبَسُ تَاجَ الكَرَامَةِ ،
ثُمَّ يَقُولُ : يَا رَبِّ زِدْهُ ، فَيُلْبَسُ حُلَّةَ الكَرَامَةِ ،
ثُمَّ يَقُولُ : يَا رَبِّ ارْضَ عَنْهُ ، فَيَرْضَى عَنْهُ ،
فَيُقَالُ لَهُ : اقْرَأ وَارْقَ ، وَتُزَادُ بِكُلِّ آيَةٍ حَسَنَةً))

رواه الترمذي.

معلومات صحية :

1. تناول موزة واحدة على الأقل كل يوم .
2 . تناول المكسرات النية كلما شعرت بالجوع بين الوجبات بكميه محدوده .
3. الإبتعاد عن تناول المشروبات الغازية لأنها مضرة جداً بالصحة.
4. تناول الفواكه بدل العصير احساس بالشبع اكتر .
5. تناول وجبة الإفطار لأنها أهم وجبة في اليوم .
6. تناول الأكل بإعتدال ولاتأكل حتى تمتلأ معدتك تماما .
7. مارس الرياضة حتى لو 3 أيام في الأسبوع .
8. قلل من أكل الحلويات .
9. إمتنع عن التدخين حالا وبدون تردد ، مضرة لك ولمن حولك .
10. نقلل من ملح الطعام والسكر في الاكل .
11. بلا وجبات سريعه .
12. إشرب كمية كافية من الماء ٣ لتر يوميا او اكثر
13. إستخدم السلم /الدرج/ بدل المصعد .
14. نوم على الأقل من 6 الى 8 ساعات يوميا.

طابت جمعتكم بكثرة الصلاة على النبي صلى الله عليه وسلم
وقراءة سورة الكهف وموافقة ساعة الإجابة وتقبُل دعواتكم.. يارب🤍

لما مات الحافظ أحمد بن منصور الشيرازي ، رئي في المنام ، وهو في المِحْراب واقف في جامع شيراز وعليه حُلّة وعلى رأسه تاج مُكلَّل بالجواهر ،
فقيل له :مافعل الله بك ؟
قال : غفر لي وأكرمني وأدخلني الجنة ،
فقيل : بماذا ؟
قال : بكثرة صلاتي على رسول الله ﷺ.

تاريخ الإسلام | ج 15 ص 532.

لم يكُن من السَهلِ أبداً..
أن نجتَثَّ أحدُهُم من جذُورِ ذكرياتنا وأيامِنا والحكايَا
ولكِنَّا تجرّأنَا علينَا ، دَهسنَا ضعفنَا وواصلنَا المَسِير
لم يكُن من السَهلِ أن نختارَ الصَمت
عندما كانت فوضى الكلاَم تغمُرنَا من الداخِل
السُكُوت يصبِح أصعَب مئة مرَّة حينمَا نلقِي بالأبجدية الحاضِرَة جانباً ثم نختارَه وحده
ولم يكُن من السَهلِ أيضاً
أن نبدأ من جدِيد ،
فرَمِيَ المَخاوِف والتجارُب السابِقة والخسَارات جانباً لا يشبَه رَمي القُمامَةِ في بساطتِه!
نحتاج إلى أن نَقضِمَ من أعمارِنَا جزءً مُعتَبر ، ليالِي بطولهَا ومِسَاحات هائلة من التفكِير والقلَق ، حتى نصل في النهايَة إلى ...سَلٍّة القُمامة!
#مريم_الشيخ♥️




●

تعالي احكي ليكِ..!

القصة دي يمكن أول مرة احكيها بَس لعل يكون فيها فايدة أو جبر خاطر لي واحدة منكُن!

قبل حوالَي سنة "شهر 2 من السنة الفاتت"
نزلت معسكر مقفول لحفظ القرآن الكريم، مدة المعسكر شهرين وحصيلة الحفظ 14 جزء
كانت أصعب وأجمل شهرين في حياتي..
أصعب شهرين لأني من قبل ما أدخل المعسكر حصلت لي مشكلة في عيوني وأخدت زي 3 أيام ما بشوف فيها تمامًا، - دي تجربة ربما احكيها مرة تانية بإذن الله - وبعدها نظري بدا يرتد لي شيئًا فشيئا والحمدلله، عييت شديد في المعسكر وكنتَ حرفيًا طيلة الشهرين أقوم وأقع بَس ربنا ثبتني وما كسرت حنك ورجعت البيت!
قدَّر الله إني طلعت بدون ما احفظ الحصيلة المفروضة علينا بَس قلت لا بأس ارجع المعسكر اللي بعد رمضان
وقد كان الحمدلله
رجعت وكان المعسكر في أول 10 أجزاء
حصلت لي ظروف كتيرة شديد.. وبرضو مرضت مرض السنين - واكتشفت إني حبوبة عديل ياخوَانَّا - 😂
ورجعت البيت بدون احفظ .. وتاني رجعت بعد شهر المعسكر وحصلت لي ظروف فما واصلت ورجعت البيت وهكذا لغاية ما جاء شهر 8!
في الشهور دي
اتخرَّجوا بنات من تلاتة دُفع أنا كنت معاهم في المعسكر ده
وهسي آخر الشهر ح يختمو البنات اللي كنت معاهُم في معسكر شهر 8 - اللهم بارك -

كلما دفعة تختم كنت سبحان الله ما بحضر الختمة ولعله خير لأنه قلبي أرَقّ من إنو يتحمل هكذا لحظات!
فالشاهد
إني كنت أجد في قلبي حزن كبير إني بقوم وبقَع ولسه ما حفظت القرآن
بقوم واقع وبشوف الناس المعاي في الطريق عبرو ما شاء الله وأنا لسه في البداية شديد!

في أحيان يجي الشيطان يثبّطني ويقول لي شكلك لامِن تموتي الحفظ ده بكون واقف ليك كده !
وبلقى روحي برُد عليهو بي بكا وحسرة
"يا رب ما أموت قبل ما اختم القرآن وأحفظه وتتقبَّل مني السَّعِي وتعينِّي على العمل"!

القصة دي ليه؟
عشان أقول ليك
إنو وانتي في طريقك لي ربنا .. ح تلاقي ناس كتيرة ماشة معاك في الدَّرب
في اللي بقيفو وما يواصلو
في اللي بستمرّو وخطواتهم بتكون أسرع منك
وفي الناس الماشة معاك خطوة خطوة وبالبسيط

الشأن كله .. إنك تكوني مواصلة في السير والسَّعِي
ومهما تخلّف الناس عن الرَّكب = خليكِ مواصلة
مهما الناس اتقدَّمت عليك
وابطأَت دابَّتِك في السّير = خلِّيكِ مواصلة
مهما لقيتي غيرك وصل وانتي لسه بعيدة = خلِّيكِ مواصلة!

مهما تعبتي .. انكسرتي.. بكيتي.. = خلِّيكِ مواصلة
وحتى لو تموتي في الدرب ده = خلِّيكِ مواصلة!!

أكتر شي قاعدة اثبّت بيهو نفسي في اللحظات دي :
إني أنا صفِيَّة
لسه ما ختمت.. بل لسه ما حفظت ولا نصف القرآن
لكن الخير اللقيتو في درب القرآن لو قعدت أكتب عمري كلو ما بوفِي الحق!
لما بديت أحفظ خليت الأغاني اللي طول عمري بجاهد اخليها وما بقدر!
لما بديت أحفظ لقيت صُحبة طيبة ورفيقات كانو مستعدين يعملو أي شي عشان أكون معاهم في الطريق وعشان ابقى كويسة أيام مرضي وعشان ما انكسر أو أتراجع لأي سبب
لما بديت أحفظ.. كل حياتي اتغيرت للأفضل وكل شي بقى دون هدفي في رضا ربنا عني وفي حفظ القرآن فهو دون!
بل كل الدنيا بقت هينة واللهِ!
لما بديت احفظ، اتعلَّمت أكتر عن القرآن وفضل القرآن، عن التفسير والسيرة والعقيدة والتوحيد وأسماء الله الحُسنى وخير كتير شديد سبحان الله رغم إنو هدفي في البداية كان احفظ والسَّلام!

ولما بديت أحفظ..ربنا فتح لَي أبواب خير
كنت سنين طويلة لو حاولت براي افتحها يمكن ما تتفتح لَي!
أنا ما صفِيَّة الكُنتها قبل ما أبدا أحفظ

والخُلاصة
ما مهم تحفظي القرآن في كم يوم أو كم شهر أو كم سنة
المهم تكوني مواصلة إلى أن تلقي الله عز وجل!

القرآن ما نزل عشان بَس نحفظو - وإن كان حفظ القرآن من أسمى الغايات، وحافظ القرآن في أعلى درجات الجنة-
لكن
القرآن نزل عشان يكون منهج حياة .. ونبراس في الضلام اللي عايشين فيهو
وهُدى في زمن الضلال .. ويقين في وقت الفِتَن
وطُمأنينة في أوقات الحزن ... وتثبيت في لحظات الشِدَّة!

وقلبك الغالِبك ده = ادّيهو للقرآن وهو كفيل إنو يهَذِّبو ليك تمامًا
وحياتك الما عارفة كيف ترتبيها = ادّيها للقرآن وهو ح ينظِّمها ليكِ

في الخِتام
يا اللَّه
ما نموت قبل ما نحفظ القرآن... ونعمل بيهو وتتقبَّل مننا السَّعي والعمَل
يا رب
لامِن أموت.. لامِن أموت
أكون في دربك وقُصاد بابك لامِن تفتح!

قَد يكونُ الدَّربُ صعبًا ، لا تَمِيلي! ♥️

#صفِيّة_مُصطفى
#لا_تَمِيلي

"فَلا تَخضَعنَ بِالقَولِ فَيَطمَعَ الَّذي في قَلبِهِ مَرَضٌ وَقُلنَ قَولًا مَعروفًا"..! ♥️