‏"يا طامِعاً يوم المِعادِ مفازةً
تسعى لتحظى جنَة الرحمنِ

قد جاءنا الاثنين يحكي هامساً
إنّي لكُم حبلٌ إلى الريانِ"

#صيام_الاثنين 💜🌸

حوجه لأسر متعففه
وضعها صععب جداا نزحت من الدندر وحاليا هم في خيم وم عندهم حق الاكل والشراب وعندهم اطفال ..
ساهم لفعل الخير

رقم حساب بنكك
2966937
بإسم رميساء طارق
إرسال الاشعار ضروري ضروري علي الرقم 0116920350

مانقص مال من صدقه🌱

كرة القدم بين المشاهدة والممارسة / الشيخ محمد سيد حاج - رحمه الله #كرة_القدم #اكسبلور

مِن بعدِ السلام💚.
عِشتَ وطابت أيامُكَ يا رفيق💚.

كم بوست وكم حلقة وكم آية وكم حديث مرَّ عليك ونبهك بأهمية الصلاة؟ كم مرة إنتَ طنشت وإتغافلتَ عنها؟.

"أول ما يُحاسب عليه العبد يوم القيامة "الصلاة". وقال صلى الله عليه وسلم: "العهد الذي بيننا وبينكم الصلاة، فمن تركها فقد كفر".

الشيطان حيلعب في مخك ونفسك كلُّ مررررة وحيخليك كسلان عن آداء الفرائض.. كل الأعمال بتديها عُذرها عدا "الصلاة"💚.

لو كنتَ على فِراش الموت إنتَ مأمور بالصلاة!.

كيف الواحد بيقدر يعيش عادي من غير ما يلجأ لربنا أو يقابلو وربنا بينادي عبادو في اليوم خمسة مرات!💚.

يا طيِّب المحيَّا كل عذر من أعذارك أقبح من الذنب نفسه، راجع نفسك وراجع صلواتك، واسأل نفسك بأي وش عاوز تقابل ربنا وإنتَ رافض بتاتاً تلبي نداءه؟!.

#منتدى_صلي_الدعوي
#قوم_أمشي_صلِّ💚

السلام عليكم ورحمه الله وبركاته

#منظمة_دعم_المرضى (2024-7-19)
حالة رقم (14)

اهل الخير
*جيناكم بي حوجة مستعجلة*
عندنا عمنا مرقد في العناية المركزة بالتهاب رئوي حاد أدى إلى انه يتركب ليه جهاز تنفس وكان داخل septic shock وبدأ يتعافى منها الحمدلله💙🩹
وكل يوم بتتكتب ليه علاجات تخدير بما يقارب ال200 الف جنيه دا غير تكاليف العلاجات والفحوصات وغير تكلفة الاقامة في العناية المركزة اللي بتعادل 50 الف جنيه لليوم
الواحد💔
الفترة طالت عليه التكاليف كلما ليها بتزيد فيدكم معانا عشان نقدر نساعد عمنا ونوقف معاه💙🩹
التكلفة اللي عايزين نجمعها ليه *حوالي 500,000 جنيه*
مفترض نسددها اسرع وقت باذن الله لانه التكاليف ماشيه في زيادة والضغط على عمنا بيزيد
⭕ *حنبدأ المزاد الليلة بعد صلاة الجمعة الساعة 2:00 إن شاءالله*
واثقين في ربنا ثم فيكم فاعلي الخير انه بنقدر نتمها ان شاء الله يدكم معانا نتمها ونساعد عمنا واهله
دعواتكم ليه بعاجل الشفاء ولكل مرضى المسلمين🤍.

(ما نقص مال من صدقة )


للتبرع:
*2181427*
باسم *منظمة دعم المرضى*

*رابط قروب المزاد:*
https://chat.whatsapp.com/LiZd4ECyos3DuH30pCdvf2

*للتبرع بالأدوية العينية تجدونا في مكتبنا بالطابق الأرضي*

السلام عليكم ورحمه الله تعالى وبركاته
مرحباً ،أنا طالبة طب في السنة الخامسة في جامعة العلوم الطبية والتكنولوجيا ،أتمنى منكم المشاركة في تعبئة هذا الإستبيان وسأكون شاكرة جداً ، الغرض من هذا البحث هو قياس مدى وعي السودانيين في رواندا بأعراض نقص فايتمين د
https://docs.google.com/forms/d/e/1FAIpQLSfNXaPLQrgZl1iKX6ilpa2_I2i2lgfAcYfmXByRYW49V8iT8g/viewform?vc=0&c=0&w=1&flr=0
ما بياخد بإذن الله وقت كتير فلو سمحتو عبوهو ☺️

هذه ليلةٌ ونيسة..

أعلم أن قلبك يئن كَـ سجينٍ أعياه القهر، والهم، والقيد، وخسران بهجة الحياة
يبكي أمةً كاملة كانت أعز الأمم وستبقى إن شاء الله تعالى ووفق
يبكي حاله الذي تغير، فصار ملوثًا بما يفقده نقاءه، مُلطخًا بالمعاصي، صلبًا كحجر لا تلينه موعظة، ولا تبكيه آية، ولا يخشع لحديث
يبكي أحبابه.. آهٍ من أحبابه.. مليحهم يكويه بالشوق، والبعد، وسيئهم جاء غدره قاتلاً حتى واراك اللحد
يبكي هذه الدنيا لم تطاوعه فيأمل، ولم تتركه فيسلم

تنظرُ إلى نفسك وحيدٌ في عالمٍ مزدحم، شريدٌ في زمانٍ متقدم

في ظل هذا كله تكون الصلاة والسلام على النبي صلى الله عليه وسلم كَ نسمة باردة لذيذة هاربة من جنة عدن، جاءت لتصلح كل هذا بأمر الله تعالى، تخمد لهيب ما آلمك، وتذيقك نعيمًا ما فاتك
ترتاح من ذنبك بالغفران، ومن هموم الدنيا والآخرة بالكفاية، يصلي الله عليك بها أضعافًا مضاعفة، يسمعها حبيبك صلى الله عليه وسلم، يزداد حبك له بأبي وأمي هو صلى الله عليه وسلم، تحشر معه في الجنة

قل لي أي عرضٍ يغريك لتصرف وقت استحباب الصلاة والسلام على رسول الله صلى الله عليه وسلم في غير الصلاة والسلام على رسول الله صلى الله عليه وسلم
من يعطيك كل هذه المكارم وزيادة؟

اللهم صلِ وسلم على نبينا محمد وعلى آله وصحبه أجمعين.

"وَيَتَّخِذَ مِنكُمْ شُهَدَاءَ":

تعبير عجيب عن معنى عميق -إن الشهداء لمختارون-، يختارهم الله من بين المجاهدين ويتخذهم لنفسه سبحانه وتعالى.
فما هي رزية إذن ولا خسارة، أن يستشهد في سبيل الله من يستشهد، إنما هو اختيار وانتقاء، وتكريم واختصاص..
إن هؤلاء هم الذين اختصهم الله ورزقهم الشهادة، ليستخلصهم لنفسه سبحانه وتعالى ويخصهم بقربه.

#الظلال
#إسماعيل_هنية

ماذا أعددت للأيام الصعبة؟

- لو جيت أعاين لحاجة أقول والله دي الخاتها للأيام الصعبة والابتلاءات، بلقى ميزاني فااااضي، وماعندي عمل مظبط كده، أقول ياالله بس بحق دا ساعدني، بفتش لكن مابلقى شئ!!

لكني مِرارًا ألتمس الألطاف كلّها والتخفيف واليسر بالمعية!
- فأعددتُ للأيام الصعبة معية الله! ❤️

- تعرف والله جد، الله أداهو ال الله معاهو! ❤️

بعد مُضي 5 أيام على السيل العنيف اللي جاء كل أبوحمد تقريبًا، والناس بدت تصلح الوضع، والكهرباء جات والموية رغم إنّو متخوفين مِن خطورتها عشان ملوثة، فإذا به أول أمس جات عاصفة رعدية!
اللي هي برق لدرجة والله الكهرباء قاطعة والدنيا ظلام شديد تشوف الأرض دي كلها نورت بسبب البرق، بعدها رعد تحس السحب فوق رأسك طوالي،وصوت تصادم السحب كان مخيف مخيف لدرجة، والله أنا حياتي كلها ما سمعت مثله، عليك الله شوف قدرة الله كيف!!
والله ياجماعة الله قدير قدرة مالها حد!
الوضع دا استمر مِن الساعة 9 وشوية لحدي 2ونص سبحان الله!
ياجماعة والله أنا أول أمس دي فكرت في يوم القيامة بنظرة تانية خالص، الناس الرعب الدخل فيها الكم ساعة ديل تحسهم خلاص قلوبهم طارت عشان عاشوا التجربة دي قبل كم يوم!

طبعًا كناس حالتهم صعبة طالعين مِن سيل تجي مطرة ذي دي، وصوت الحاجات البتقع دي ما لها حد، تقول خلاص والله حنموت في ليلتنا دي لأنّو معروف بيوت البلد ما بتتحمل لا سيل ولا مطرة تدبل فيهو تاني! ..

فتقول تقوم تصلي ركعتين لله يخفف علينا، تلقى نقطة تقيف فيها ماف، أساسًا كان الموية ما وصلتك في سريرك إنت محظوظ والله، وأنا والله بتجرس جرسة مِن فوات القيام دا،جرسة مالها حد، يومي كلو بكون زهجانة وماعندي نفس لشئ!
فماكان في حل غير أفضل في مكاني وأدعو! ..
أول مرة أجرب دعاء مِن غير صلاة! 🎀

وأنا أردد قول عيسى لربّنا كما حكاه على لسانه القرءان فس سورة المائدة :
{ إن تعذبهم فإنّهم عبادُك وإن تغفر لهم فإنّك أنتَ العزيزُ الحكيم}
بس ببساطة كده!
كان جينا للحق نستاهل العذاب والله لذنوبنا وإن جينا لرحمته وكرمه فهو أهل الكرم كله وهو الرحيم! ..

عارف حسيت بشنو؟

أنا بحب التضرع لله شديد، وأساسّا دي أيام شدة شديدة مايعلم بها إلّا الله، لكن والله حسيت إنّي خفيفة شديد، حسيت بخفة شعور إنّو ربّنا سامعني وهو سبحانه يراني، ويعلم كل ماقلبي، شعور المعية دا هون علي كتير!

فضل الوضع مخيف وكلنا بنعاين للسقف ممكن يقع مِن أي حته لحدي ما وقفت العاصفة بعد 5 ساعات متواصلة!! ..

تذكرت اعصار درنة الذي لم يترك خلفه شئ، والله خراب البيوت وخسائرها سهل مقارنة بفقد الأرواح نسأل الله السلامة ..

رغم صعوبة الابتلاء، لكن قلبي الغيور على الله يكره أن يشكو الله لأحد، ويكره أن يشكو الناس الله عند الناس!

متضايق مِن سيل قول بيتك كلو وقع، مش الجابو الله؟
تقوم تشكي الله للناس يعني؟!
هو الله الجابو قدر كده، الناس حتعمل شنو؟!

الناس بتقول هي ماكانت تجي كلها سوا أسي بعد شالو موية السوق عشان كان وسيلة النقل الوحيدة عربة يجرها حمار وهو المسكين يدخل في الموية رأسه بس بره الموية، والناس البيوتها اتكسرت كلها عملوا خيم وكذا طيب دا ماعذاب تاني؟!

سبحان الله ياجماعة أنا شايفة يوم العذاب ماجاء لسه والله، والله الله ما بعاملوه كده، قسمًا بالله قدرة الله مالها حد، العذاب دا هناك يوم الحساب، هنا دي ولا شئ قدام يوم القيامة نسأل الله السلامة! ..
نسأله سبحان الله أن لايكون هذا مِن غضبه علينا، بل تمحيص وابتلاء ..
فاللهمَّ إنّي أشهدك وأشهدهم لئن هُدمت فوق رؤوسنا البيوت وفقدنا كل المتاع، والله لا ينقص هذا مقدار ذرة مِما في قلبي مِن حب لك ❤️

اللهمَّ لا يجرو مفلس الميزان أن يدعو بأن تصرف عنه البلاء، لكني أقول تقبل قليل صبرنا، وأثقل لنا الميزان بما في صدرونا مِن حب ❤️

اللهمَّ إنّي أشهدك أنّي أحبك ..
وإنّك تعلم كم أحبّك!..
وإنِّي وجلالك مشتاق لنور وجهك ..

فاللهمَّ فألقاك في خير أحوال أهل القرءان ❤️

والسلام! 🌹

#ترتيل_الخزين

«أغبِطُ أولاءِ الصوَّام!
الذين لهم مع كلِّ موسم صيامٍ سباقا، لا تُغريهم مآكلنا، ولا تلفت أنظارهم مشاربنا، يتطلعون لما هو أسمى وأبقى، فلقد وُعِدوا بالجنَّة، وباب الريَّان، والبُعد عن النيران

فأكثروا الصيَّام وأحبُّوه بكل جوارحهم، وآثروه على كل لذَّة قد تحول بهم عن بلوغ تلك الوعود 🤍»

الأيام البيض لشهر صفر

السبت ١٣ صفر | ١٧ أغسطس
الأحد ١٤ صفر | ١٨ أغسطس
الاثنين ١٥ صفر | ١٩ أغسطس + تُعرَض فيه الأعمال

كصِيام الدّهر! 🌸

هاني ولدي زي ماوعدتو أوفيت بوعدي قال حايخش طب وقلت ليهو بجيب ليك العربية وطبعا نجح بامتياز
مرة أمو ساقت عربيتو مشوار وعملت بيها حادث بسيط وباب العربية إتأثر من الصدمة لكن القزاز كويس والباب بفتح وبقفل عادي لكن هاني الحاجة دي عملت ليهو كك في راسو ودي حاجة عادية تأثر الزول بعربيتو بس أنا كنت بحسب الموضوع من ناحيتين (بحثك عن الكمال لحاجاتك واحتمالات فقدانك ليها بالكلية) تحت إصرار هاني وعنادو وديت العربية صلحتها وفكرت لو جارت الأيام وهاني فقد عربيتو البحصل شنو
اثناء مابفكر في الموضوع دا باب البيت دقة ومشيت لقيت دا التجاني غفير المدرسة وخش معاي في الموضوع باعتباري رئيس مجلس الاباء وهو غفير مقيم في المدرسة وقال إنو عندو ولد أخو ممتاااااز حا يجي يقيم معاهو وبما إنو انا بمثل مجلس الاباء وأنو باب بيت الغفير فاتح علي بيتي ف من الادب انو يستأذن منو .. اكبرت فيهو التصرف دا وشكرتو وقلت ليهو مرحب بيهو وطلبك مقبول
بعد كم يوم ظهر شاب قدر هاني ولدي لكن طويل وجسمو ملان ومربط وشكلو عامة هادي ووديع وعرفت انو اسمو الخير وهو قريب الغفير وجا من البلد ياداب وهو مازول قراية لكنو خريج خلوة وسبب جيتو داير يسترزق وماعندو خبرات غير إنو كان راعي وحطاب ومن حفظة القرآن .. يعني مابديك طريقة تساعدو في وظيفة .. المهم بقى معانا في حلقة التلاوة وبعدها بمرق يداقش في السوق
الخير بقى مهم في الحارة لما زول يكون داير يقطع شجرة أو يحفر حاجة ومرات بغسل العربات المهم اي شغلة قدامو بقشها وهو ماشي
.. قبل الشتاء ولما الناس تبدأ تقطع في الشجر القدام البيوت الخير بكون سوقو حار لانو بجفف الأشجار دي يحولها لي حطب ويربطها بطريقة ظريفة ويمشي يبيعها ومرات بمشي حتات بعيدة جدا يلم الحطب .. يوم وانا مارق متأخر بالعربية لقيتو شايل كتلة كبيرة جدا ولما عبرت جمبو اديتو التحية بالبوري وشاغلتو وهو رغم الوزن الكبير الفوق رأسو وقف وهاظرني وضحك معاي وكان مبسوط بسطة عجيبة وونستو سمحة بس انا قاعد في مقعد العربية وهو شايل فوق رأسو وخجلت منو قلت ليهو نتلاقى بعدين في الجامع .. بعد الحلقة ناديتو على انفراد وطرحت ليهو موضوع انو يحاول يشتري درداقة لانو الاحمال دي ممكن تعمل ليهو مشكلة وسألتو موفر قروش قدر شنو وطلع المبلغ العندو تلاتة وعشرين ألف وختيت عليها سبعة واشتريت الدرداقة جبتها ليهو ووالله السرور الشفتو في وشو ماحصل قابلني بيهو زول ولا حتى هاني ولدي لما اشتريت ليهو العربية وبقى كل مايمرق بالدرداقة وخاتي فيها الكوريك والطورية والناس يشاغلو يقعد يدعي لي بالخير لحدي مايغيب عن الانظار وتبتلعو شوارع الحارة ولانو اصبح شخص حبوب ومشهور وسط الناس بقى في ناس كتار بعرفوني اني الاشتريت درداقة الخير مع انو مساهمتي كانت بسيطة
.
الخير غاب يوم كامل عن الجامع وسالت قريبو الغفير قال لي عندو شوية حمى وفتور وتاني مشيت عليهو عديل لقيتو راقد في عنقريب تحت راكوبة قصيرة والرقراق خاشي بكل إتجاه مع انو الجو سخن .. الخير شافني وحاول يقوم لكن قواه خايرة قعدت جمبو اتونست معاهو شوية ومرقت إتذكرت ناس البيت بكونو لسة نايمين ومشيت الكافتريا الفي بداية الشارع زبطت ليهو عصير مشكل وشوية أكل مش ولا بد كدة وقعدت معاه
تاني يوم مشيت ليهو ومعاي هاني ولدي شلنا شوية فواكه ولقيت الزول عندو اكياس كدة بتاعت زبيب قلت اشيل ليهو كم كيس يتعملن ليهو عصير .. قعدنا معاهو وحسيت بحاجة في جيبي ولما هبشتو لقيت دا الزبيب بدل اختو في الكيس ختيتو في جيب الجلابية .. جمبنا جك موية غسلت شوية منو وناولتو للخير والخير مجاملة لي دخلو في خشمو وقعد يمضغ .. عاينت ليهو وشفتو غمض عيونو وكانو بختبر في الطعم .. ابتسم وعاين لي وسأل ( دا شنو يا الشيخ) قلت ليهو معقول مابتعرفو دا ما زبيب .. ضحك وقال لي أول مرة اضوقو .. ناولتو تاني وبدأ يمضغ براااااحة ويهمهم من الحمى وشفت دمعاتو جرن لحدي ماوصلن المخدة وجيتو قريب قلت ليهو مالك يا الخير قال لي والله يا الشيخ دخلتني خوفة لما أموت ابقى من الناس القالو فيهم اذهبتم طيباتكم في الحياة الدنيا
.
مات بعدها بساعات
دفناهو وفي المقابر كل ما اعاين لي هاني ولدي كل واحد فينا يقبل غادي ومايقدر يمسك دموعو .. الناس متحيرين فينا وماعارفين الدرس الاخير الادانا ليهو ولد صغير كان اسمو الخير ضاق الزبيب قبل مايموت بساعات واحس انو انفق الطيبات كلها في الدنيا واتناول من نصيب الآخرة البِهناك
__ سهل الطيب 💚 💚

بتحكي لي صحبتي كانت في الدفعة الفاتت من برنامج أمومة واعية
فقالت لي:
أنا يادوب انتبهت لمعنى حديث النبي ﷺ:
"الدنيا متاع وخيرُ متاعِهَا المرأة الصالحة"
ما قال "الزوجة" قال المرأة
لأنك كـ امرأة عموماً لو ما كنتِ صالحة في نفسك
ما ح تقدري تكوني زوجة صالحة ولا أم صالحة ولا أخت، مرت ولد، نسيبة، إلخ
(ما حتكوني صالحة زلط زاتو) -دي قلتها أنا للأمانة ما قالتها هي-🤣!

قالت لي البرنامج بدايةً بربطك بي السيرة والوحي ربط عجيب،
بالأخص في الأمور اللي بتخصّنا نحنا كـ نساء
اختيار الزوج
تأخُّر الزواج
حقوق الزوج والزوجة
العلاقة بين الزوج والزوجة
والعلاقة بيننا وبين أهل الزوج
كيف تُدَار البيوت؟!
مرورًا بالتربية، وحتى الطلاق
البرنامج أفرَد جانب كامل بتكلم فيهو عن الأم الوحيدة سواء كانت (أرملة، مطلقة، أو زوجها غايب عنها معنويًا)
فالحاجة دي حتى لو انتي ما مريتي بيها أكيد في محيطك القريب موجودة وحتقدري تساعدي القريبة منك مساعدة تشكرك عليها وتدعي ليك ويكون ليك فيها تأثير وأثر طيّب بإذن الله

نجي للمواضيع اللي بتثير الجدل🤣:
عمل المرأة
نقعد في البيت ولا نطلع نشتغل
النسوية وما أدراك

البرنامج ما مخلي موضوع من المواضيع اللي بتخصّنا، أو الأسئلة اللي فعلًا بنكون ما لاقيين ليها إجابات، إلا ووقف عليها وجاوَب عنها♥️

هل البرنامج ضاغط لأني ما عندي زمن!!
أبدًا، البرنامج مدتو سنة ونصف، لكن بمعدّل محاضرة واحدة كل أسبوعين!! والمحاضرة نفسها ما شرط تحضريها لايف ممكن ترجعي ليها في وقتك المناسب معاك
هل البرنامج مدفوع؟؟
لي ناس السودان مجانًا، أما باقي الجنسيّات فهوَ مدفوع القيمة، شفتو العِزَّة دي كيف؟!

سجلي، مهما كان موقفك، أو وضعك، أو ظرفك، أو أي شي
دي فرصة حقيقي ما بتتفوَّت، وعلم ح ينفعك وينفع بيك المجتمع من حولِك لأنك انتي أساس المجتمع ده وصلاحِك من صلاحو
ولو انتي النوع اللي بكسل وما يستمر في البرامج عموماً
سجلي انتي وصحباتك واتشجعو سوا♥️

أخيرًا
استمارة البرنامج قفلت، وفتحت هسي بصورة استثنائية لمدة 24 ساعة فقط، فما تقولي بسجل بكرة
سجلي هسي ورسلي البوست ده لصحباتك عشان يسجلو معاك🤝🏾♥️


🔗رابط التسجيــــل في البرنامـــــج:
📌https://ayat.mycloudengine.com
             

#صفية_مصطفى