Чаму адкупіцца ад размеркавання столькі каштуе? 💸

🤔 Чаму платнікі плацяць тую ці іншую суму за адукацыю?
Ніхто не ведае. Чаму, напрыклад, філфак і эканомфак БДУ, якія размешчаныя ў адным і тым жа будынку і маюць прыкладна аднолькавую колькасць пар, плацяць па-рознаму? Пры чым эканомфак аддасць на некалькі тысяч рублёў у год больш. Гэта што, рыначак так вырашыў?

Не, так вырашыла адміністрацыя прэзідэнта і міністэрства адукацыі.

🤑 Ці поўнасцю платнікі аплочваюць сваю адукацыю?
Калі верыць заяве міністра адукацыі Андрэю Іванцу ад верасня 2023 года, то не. Платнікі пакрываюць 50%-70% ад рэальнага кошту на адукацыю. Астатняе, калі верыць ягоным словам, пакрывае дзяржава. Таму, па ягонаму меркаванню, у Беларусі не існуе ніякай платнай адукацыі, а ёсць толькі паўплатная. Альбо як бы сказалі аптымісты, паўбясплатная.

😳 А колькі трэба заплаціць, калі адмаўляешся ад размеркавання?
Залежыць ад універу, канешне ж. dev.by публікавалі падлікі доўга для студэнта БДУ (факультэт не ўдакладняўся), які навучаўся з 2017 па 2022 навучальны год. Яму налічылі больш за 56.000 рублёў. Калі паглядзець, колькі плацяць за адукацыю ў БДУ нават самае шчодрае студэнцтва з ФМА, то за 4 гады адукацыі прыйдзецца заплаціць трохі больш за 24К BYN. То бок, за неадпрацоўку, бюджэтнікі мусяць заплаціць амаль у два разы больш.

😳 Адкуль узялася гэтая лічба?
Міністэрства адукацыі ўвогуле не бярэ ў разлік, колькі платнікі плацілі за адукацыю. Можна, напрыклад, паглядзець на разліковы ліст вышэй і зразумець іх логіку:

- Фактычныя расходы разлічваюцца за апошні год навучання: усе вытраты ўніверсітэта дзеляцца на ўсіх студэнтэў-бюджэтнікаў.
- Па колькасці месяцаў навучанне ў апошнім каляндарным годзе вылічваецца сярэднемесячная кошт падрыхтоўкі аднаго студэнта
- Сярэднемесячны кошт падрыхтоўкі аднаго студэнта паманажаецца на колькасць месяцаў, якія гэты студэнт адвучыўся.

Чаму так? Мы не ведаем 🙂

‼️ Калі ў вас ёсць нейкія пытанні звязаныя з размеркаваннем, то мы гатовыя дапамагчы. Проста накіруйце свой запыт нам у бота @moladzbel_bot