*كملها صح* 👌✅
بعد نجاح ايفنت أبدأها صح محتاجين نكمل عشان كدة الايفنت القادم هو 👌
*كملها صح*
مع محاضرة *دكتور أمينة خلف بعنوان إلى ربات البيوت*
هتتعلمي استراتيجيات تخليكي تنجزي كتير بنفسية بتطير 🏃🏻‍♀️🪡🧶🫕⛹️‍♀️🛍️📖

و محاضرة *دكتور شادي صبري بعنوان فن التواصل مع النفس*
💕 🔬🪪🤗😎🥹💕

ده غير *المسابقة و السحب على جوائز قيمة*
و *غداء صحي* صنع ايدينا و حياة عينينا 🥖🌮

*موعد الايفنت* الإثنين القادم الموافق 10/14 من الساعة العاشرة صباحاً إلى الثانية ظهراً

*رسوم الحضور* ٢٠٠ج و لمتدربات المبادرة ب ١٥٠ ج و حضور الاطفال ب ٧٥ ج
و للحضور اونلاين ب ١٥٠ ج و لمتدربات المبادرة ١٠٠ ج
اخر موعد لحجز ايفنت كملها صح يوم الاحد القادم الساعة الثالثة عصراً

*العنوان* ٢٦ ش حسن إبراهيم تاني يمين من أول مكرم عبيد مدينه نصر اعلى كوافير رجالي الأمير

للحجز والاستفسار


01093634656

الموز الأخضر 🍌

باحب الموز جدا
اكتر من أي فاكهة 😊، كنت مرة رايحة الأكاديمية ووقفنا شوية في الإشارة🚦، بأبص من الشباك لقيت عربية نقل مليانة موز أخضر، ولما فتحت الإشارة فضلت عربية الموز ماشية جنبنا لمسافة طويلة 🚃، خطر ف بالي ، الموز الأخضر ملوش طعم ، ملوش ريحة، ولونه مش لون الموز اللي باحبه 🙄، انا بافرح لما اشوف الموز ، لما شوفته اخضر ماحسيتش نفس الاحساس😔 ،

ياااااه كل الفرق ده بين الحاجة لما تجيلك ف وقتها المناسب ، أو لما تجيلك قبل وقتها 😎،

الموز الأخضر ده محتاج أسبوع أو اسبوعين علشان يبقى بالطعم اللي بنحبه والريحة اللي بنحبها ، واللون اللي بنحبه . 🤗


كل حاجة طلبتها من ربنا والحيت عليها ، وزعلت لما اتأخرت، هي هتيجي ف وقتها 👌،

ولو جت لك قبل أوانها هتجيلك من غير لون ولا طعم ولا ريحة 😏،

اطلب ولح ف الطلب بس اطمن هتجيلك ف أفضل وقت وأفضل صورة علشان تسعد بيها سعادة ملهاش حد😍

فاكرين زكريا عليه السلام الح على ربنا ف الدعاء ورزق بيحيي على كبر ، لكن سبحان الله🌸 ،

هو كان طالب الولد علشان يرث النبوة ، اتأخر الولد لكن ربنا عجل للولد بالنبوة " واتيناه الحكم صبيا" 💜

وامرأة عمران كانت تريد الولد ليحمل ميراث العلم ، فتلد مريم وتنجب مريم الولد الذي يدعو إلى الله وهو في المهد " قال إني عبد الله آتاني الكتاب وجعلني نبيا " 🤓

خليك فاكر ما جاء متأخرا سيأتي معطرا بفضل الله وكرمه

خليك فاكر الموز الأخضر


د.أمينة خلف
شير وطمنهم
☘️☘️☘️☘️☘️☘️


*للإنضمام لجروب الرجال*

https://chat.whatsapp.com/1WTZGOhRQz31TLM87g7eAJ

*للانضمام لجروب النساء*

https://chat.whatsapp.com/CLS1ruzbomC2DGrGDZZl02


*للانضمام لجروب البنات*

https://chat.whatsapp.com/EGAgQVEuRp73SbIVIsz5zo


*لمتابعة الأكاديمية وكل ما يفيد في الحياة الأسرية عبر صفحة الفيس بوك*

https://www.facebook.com/share/SqRuJKaFDE93ZVR9/?mibextid=qi2Omg



*لمتابعتنا عبر قناة التليجرام*

https://www.tg-me.com/mohhtrf


*لمتابعتنا عبر اليوتيوب*

https://www.youtube.com/@Morabimohtreef


*لحجز الاستشارات الخاصة*

01093634656

كان يا ما كان
كان في واحد عنده ٣ كاسات🤗 ، واحد حديد والتاني بلاستيك والتالت ازاز 🍸🍸🍸،

لما اشترى الكاس الحديد ، كان يحدفه ، يخبطه ، ينسى ويدوس عليه ،  عادي بقى ، مهو حديد😎 ،

راح اشترى التاني وكان بلاستيك ، يحدفه ماشي ، يخبطه عادي ، جه يدوس عليه لقاه هيتكسر ، راح سابب ولاعن فيه ، وقال الكأس ده مش حلو، مش زي الكاس الاولاني ، وكل شويه يبص له وف عينه حسرة ، كاس ضعيف مش زي اللي قبله ،  😏

راح اشترى التالت ، وكان ازاز ، رماه اتشرخ، خبطه اتكسر ، بيدوس عليه رجله اتجرحت ، قعد يقول أسوأ كاس فيهم ، الحديد احسن منه،  والبلاستك يعني ، لكن ده ، أسوأ واحد فيهم .😠

ايه رايكم في صاحبنا ده ؟
يا ترى منطقي ؟ 🤔

اهو ده حال كتير من الآباء والأمهات للأسف. 😏


عملي ، واحد + واحد = ٢ ،   كل حاجة أوامر ونواهي ، وعقاب على اي خطأ،  الحب بالنسبه له يعني اجيب احسن اكل واودي احسن مدارس ، واعالج ف  احسن  مستشفيات ،❣ مبيعرفش يطبطب ، ولا يضحك مع ولاده ، ولا يقول كلام حلو ، و شايف ان ده كلام فارغ ، 😕انا قمت بدوري

عمل ده مع ابنه العملي اللي زيه ، اتحمل ، لأنه بيشوف الأمور بالعقل ، قدر يشوف حب ابوه ليه بالحاجات المادية ، قدر يتحمل عدم التعبير عن المشاعر ، فكان زي الكأس الحديد ،😎 استحمل وكمل

، لكن لو دققنا هتلاقي فيه آثار خدوش غيرته ، لكن قدر ينجح ، قدر يكمل 😀


اما البلاستيك كان مرن بيعرف يسايس اموره ، قدر شوية ،☺

أما الابن التالت كان شعوري ، ياكل اي اكل بس بابا ياخده ف حضنه ، يلبس لبس رخيص بس بابا يضحك ف وشه ، مقدرش يتحمل زي الحديد ولا حتى زي البلاستيك ، اتكسر ، وجرح كل اللي حواليه .💔😔

استشارات كتيييير

ابن يسرق

ابن ف الجامعة وعنده تبول لا إرادي

ابن بيشرب سجاير ،

ولما باسمع من الآباء والأمهات

باعرف انهم بيحبوهم   ، مفيش اب مبيحبش ابنه ، لكن بيحبوهم عملي ، اكل ،  شرب ، لبس تعليم ، وبس ،🙄

ولما ملقوش نفس النتيجة من ابنهم الشعوري ، قعدوا يلوموا ، ويقارنوا ، شايف اخوك ، شايف اختك  
ولما كنت باقول للاباء دول ابنك ده شعوري لو عملت وقدمت اضعاف اللي قدمته من غيى طبطبة وكلام حلو  مش هيحس بحبك ، كانوا كلهم بيردوا   نفس الرد : ما انا باتعامل معاه زي اخواته ، وأخواته كويسين ، وبعدين احنا تربينا بالشدة وطلعنا كويسين .🙃


ولهؤلاء اقول : يا سادة ، اعزكم الله ، المعاملة غلط ، بس واحد اتحملها وواحد لا ، واحد حديد وواحد ازاز ، اتكسر وجرحكم بأفعال مخزية وفشل .😖

"وبعدين احنا تربينا بالشكل وطلعنا كويسين"

دي كدبة كبيرة

ممكن تكونوا كويسين علميا
كويسين عمليا
ممكن كمان كويسين على مستوى العبادات

لكن القسوة دمرتكم نفسيا
على طول تتعصبوا من أقل حاجة ، مش قادرين تحتووا أولادكم،  مش قادرين تدوهم احتياجاتهم العاطفية ، معندكمش صبر تسمعوهم ، يبقى كويسين ازاي ؟ 😣


رفقا يا سادة بأنفسكم وبابنائكم   ،

كان حبيبنا النبي صلى الله عليه وسلم يقبل رأس فاطمة  وجبهة فاطمة وخدي فاطمة ويدي فاطمة ، وكان يقول عنها أم أبيها،  يا سادة قدوتنا النبي وليس آباءنا،  أن وافقت تربيتهم نهج النبي أخذنا بها ، وإلا فسنة النبي بنا أولى 💜💛


اللهم ارزقنا بر النبي بفاطمة
وارزقنا بر أبنائنا.


د. أمينة خلف
شير وارحم الآباء والأبناء
🌷🌷🌷🌷🌷🌷

لحجز استشارة خاصة مع د أمينة خلف

01093634656

ها
خلصت المربي المحترف ؟👍🏻
ها
استفدت؟💃
ها
لما خلصت حسيت ان بدا التاثير يقل؟🫣🤫
طبيعي☺️
اللي أكل من كام ساعة 🥘🥗 بدا يحس بالجوع🥴
بردو
محتاجين نتعلم على طول📋
ونرتقي على طول👩‍🎓
لغاية ما نقابل ربنا معلمين ومتعلمين.
كل ده ليه ؟👩‍💻👩‍🎓
علشان اقول لكم ان الخطوة التانية بعد المربي المحترف هتبدا الاسبوع الجاي .

*المربي الرباني*

◀️ هنتعلم نكون مربين ربانيين
◀️ هتستمر لمدة *عام كامل*
◀️ متقسم *لأربع مراحل*
◀️ كل مرحلة *٣ شهور*

كل مرحلة هدفها تبني فيك علاقة قوية بربنا💪🏻 ، وتفهمك تطبق القرآن في جوانب مختلفة في حياتك صح 🕌 وتعرفك عن الله اللي يقويك ويبنيك ويفهمك ازاي تكون الحياة ناجحة وعلى مراد الله.
وفي الطريق هتشوف نبينا حبيبنا صلى الله عليه وسلم ازاي ربى الصحابة.
علشان تعيش بالله ولله وعلى نهج رسول الله.

في انتظاركم لنرتقي
مع *المربي الرباني*

للاشتراك
في المرحلة الأولى من المربي الرباني
فقط *١٥٠* جنيه *بدل ٤٥٠٠*
بشرط تيجي وتجيب المجموعة معاك(١٩ فرد)

للحجز والاستفسار
الاتصال على
*01148079570

للدفع عبر فودافون كاش
01097370890

*التمرة والبعرة*

كان في واحد ماشي ف الشارع لقى بعرة( مخلفات المعز أعزكم الله) خدها وقعد يلعب بيها😂 ،

قابله واحد قال له : الله حلوة التمرة دي ! قال له مش تمرة دي بعرة😏 ،

وفضل ماشي وهو بيلعب بيها ، قابلة  واحد تاني ، قال : يا سبحان الله،  أول مرة اشوف تمر بالشكل ده !😍 قال له : تمرة ايه دي بعرة🙄

، مشى وهو لسة بيلعب بيها ، قابله واحد تالت ، قال له : اكيد التمر ده مستورد !🤑 قال له تمرة ايه دي بعرة 😶

، قابله واحد رابع وخامس وسادس وسابع وتامن وتاسع بيقولوا  نفس الكلام ، لغاية ما قابله العاشر وقال له : ما تديني التمرة دي آكلها😁،  قال له : وتاكلها أنت ليه ما آكلها أنا،  اكل البعرة ، 😀


من كتر ما قالوا له انها تمرة صدق ، عارف انها تمرة ولما اكدوا له انها تمرة صدق وكلها .😣


الكلمة،  الكلمة يا احبتي ، الكلمة يا سادة ، كل كلمة تقولها لابنك أو لنفسك أو لزوجك سيصدقها مع الوقت ، وسيتصرف على اساسها ،😎

هتقول له يا فاشل ، لغاية ما يصدق وفعلا هيفشل ، هتقول له : يا غبي ،  ذكاؤه  هيروح ومش هيتصرف غير بغباء ، هتقول له : امتى تتصرف بثقة بقى ، ثقته هتروح لانك قلتله بكلامك ده انه معندوش ثقة .💔


يا دكتور انا عايزه كويس
هاقولك اكيد انت عايزه كويس ، لكن طريقتك دي هتوصله للعكس. 😇

طيب هاقول ايه :
كلمه بالصفة اللي نفسك يتحلى بيها على أنها فعلا فيه 😉
ازاي يعني ؟


يعني عايز ابنك يكون واثق بنفسه : قول له : اللهم بارك اتصرفت ف موقف كذا بثقة عالية ربنا يحفظك 👌

.
عايزة زوجك يكون هادي مع الولاد

قولي له : ما شاء الله دايما ف المواقف الصعبة بتكون هادي جدا ربنا يديمها عليك نعمة 💕

عايز مراتك تنور قول لها ما شاء الله كل يوم بتكوني احلى من اللي قبله ربنا يحفظك .😊

لو انت مش متعود تقول كلام حلو ، طبيعي
يستغربوا وممكن ينكروا ، لكن اللي اكيد انهم هيكونوا فرحانين لو الصفات الحلوة دي فيهم بجد


لو انكروا  أكد الكلام وأنك بتتكلم فعلا بجد وهات أمثلة تؤكد اللي بتقوله ، اكيد هتلاقي ، بس انت اللي بتدقق ع الوحش فمش بتشوف الحلو .
كرر ☺
وكرر
وكرر
اوعى تمل

والأثر هيظهر مع  الوقت
لا تتعجل قطف الثمار

بس كده باكدب ؟ 🤗
بس ده نفاق ؟
انا باحب الصراحة ؟


كلام بيتقال  لي كتير من المتدربين وطالبي المشورة لما باوصفلهم الوصفة دي

ولهؤلاء أقول: 🤓

يا أحبتي: ده مش كدب
لأنك هتذكر موقف حقيقي حصل

ده مش نفاق  ، ده "وقولوا للناس حسنا"

دي مش صراحة انك طول الوقت مركز على نقاط ضعف اللي قدامك وتذكره بيها ، دي وقاحة .😏


كل ما ستقوله لابنك : سيكون جزءا من شخصيته وانت أول من سيجني ثمار ذلك  ، فإما تجني عسلا أو حنظلا


دمتم  قائلين دوما للتي هي  احسن ..حفظكم الله وحفظ أبناءكم وجعلهم صالحين مصلحين هم وذريتهم إلى يوم القيامة

د.أمينة خلف
شير وساهم في راحة الآباء والأبناء
🌷🌷🌷🌷🌷

لحجز استشارة خاصة مع د امينه خلف

01093634656

الكأس الإزاز🍸

بعد ما نشرت مقال ٣ كاسات
(https://www.facebook.com/groups/894814804051661/permalink/1291612714371866/
)

لقيت ناس كتير متألمة ، المقال فكرهم بالقسوة اللي شافوها في طفولتهم واللي أثرت فيهم  جداااا لانهم كانوا من النمط الشعوري 🙁.

ولهؤلاء أقول:

ما رأيكم لو أن صانعا ماهرا أخذ الزجاج المكسور وضمه بعضه إلى بعض وقام بلصق قطع الزجاج بعجينة الذهب ؟  😎

صانع ماهر ، قادر أن يعيد كل قطعة مهما كانت درجة التكسير إلى مكانها ،😉 ويستخدم لترميم الكأس عجينة الذهب المتينة ،😃

كيف سيكون حال الكأس بعدها ؟ لم يعد زجاجا فقط وإنما صار زجاجا مطعما بالذهب ، امتن  من ذي قبل .😍


هكذا حالك أيها الشعوري ،

كل ألم تعرضت له هو فرصة لجبر الله لك ، هو فرصة لتقوية الله لك ، هو فرصة لعوض الله  لك ، فافهم عن ربك  😊

وحتى يتحول الكأس المكسور إلى الكأس المطعم بالذهب علينا أن نسير على الخطوات التالية : 👇

١- أن نؤمن أن قضاء الله كله خير ، وأن كل ما تعرضنا له كان لحكمة بالغة ، فافهم عن ربك .


٢- اعلم أنك لو تلقيت تربية مختلفة ربما لم تستطع الوصول إلى أشياء كثيرة مما وصلت إليه. فكم مجتهد في دراسته ما اجتهد إلا هربا من قسوة الحياة التي يعيشها ! ☺وكم من عطوف رقيق القلب مع الأطفال ما وصل إلى ذلك إلا بما عاناه من ألم لما تعرض للقسوة 😶! وكم من متحمل للمسئولية ما تحملها إلا بالحياة القاسية التي عاشها!  فاحمد الله  على ما مررت به فلولاه  ما وصلت لما وصلت إليه. 💕


٣- من عاملوك بقسوة خاصة ابويك عاملوك بأفضل طريقة يعرفونها ولو عرفوا طريقة أفضل منها لعاملوك بها ، فاعف عنهم ، والتمس له الأعذار،  وإن لم تفعل فستفعل فيمن من حولك ما فعل بك وانت لا تدري.
🌸

٣-  ذلك الزجاج المكسور ما صار مطعما بالذهب إلا حين   ذهبنا به لذلك الصانع الماهر
هكذا أنت أيها الكسير ، وهكذا ربك (ولله المثل الأعلى) قادر على جبر كسر قلبك ، قل يا رب عشت ما عشت بحكمتك فاجبر كسر قلبي يا  جبار .


ناجه دائما :
يا جبار يا الله
يا جبار يا الله
يا جبار يا الله


وكلما تذكرت ما عانيت ، فاعلم أن هذا من عمل الشيطان يريد أن يحزنك ويوغر قلبك على من حولك
فأغلق  الطريق عليه وعلى نفسك الأمارة بالسوء

أولا: ادع لهؤلاء الذين أساءوا إليك،  مسألة صعبة ، ولكن ستجد آثارها قوية في قلبك ، راحة في قلبك ، تسليما لقضاء ربك ، واعترافا بحكمته .😉

ثانيا : ذكر نفسك كيف كانت رحمة ربك بك حين أخرجك من كل شدة مررت بها بلطفه . 💜

ثالثا : اعلم أن ما أصابك ما كان ليخطئك ، وما حدث لك كان سيحدث بهم وبغيرهم ، فارحم نفسك ، ولا تتعلق بالأسباب فتتمزق حسرة وكراهية .

رابعا : ركز جيدا حتى لا تؤلم الناس كما تألمت،  فمن  آلموك عن جهل قد يغفر لهم ، أما أنت فقد عرفت ضرر ذلك فالزم .👌

دمتم مجبورين بربكم جابرين لخواطر من حولكم .

د.أمينة خلف 
شير وعلمهم

🌷🌷🌷🌷🌷🌷

لحجز استشارة مع د امينه خلف

01093634656

أنا والفيلم🎬

لو كل رجل غض بصره لرأى زوجته خير النساء ، ولو كل امرأة غضت بصرها لرأت زوجها خير الرجال ، 💑

على فكرة من ضمن غض البصر عدم مشاهدة الأفلام والمسلسلات 🙈

أه والله ، مهو بيشوف الممثلة يقارن بينها وبين مراته ، وهي بتشوف الممثل بتتمنى لاواعيا يكون جوزها زيه ،😎
بيلبس زيه ويتكلم زيه ويجيب ورد ودباديب زيه   🙄

يا جماعة والله
اللي في الأفلام والاغاني ده مزيف مش ممكن يبقى حقيقة 🤗

اقولكم  الدليل
المزة اللي في الفيلم في الواقع بتطلق (مش كلهم طبعا) 😏
يعني لو جمالها ( اللي أغلبه مش طبيعي) وشياكتها وطريقة لبسها بتعمر بيت كانت قدرت تكمل في حياتها 😐

ولو صاحبنا النجم بكلامه ووسامته يقدر يعمر بيت مكانش مراته طلبت الطلاق 😁
ببساطة ده عالم افتراضي ، مش حقيقي،  حتى اللي بيمثلوه مقدروش يطبقوه ف حياتهم .😔

من الاخر طول ما احنا بنقارن حياتنا بحياة مزيفة مش ممكن ننجح💔 ، ف النهاية ، كل اللي اتجوزا على سنة الله ورسوله لازم يمشوا على سنة الله ورسوله علشان يعيشوا سعدا .😍

ماتخدش العلم من الفيلم
الحياة الحقيقية حاجة تانية خالص😊😉

دمتم غاضين أبصاركم
دمتم في مودة ورحمة

د.أمينة خلف

شير وساعدهم يعيشوا بمودة ورحمة
🌷🌷🌷🌷🌷

لحجز استشارة خاصة مع د امينه خلف

01093634656

رابط القناه

جزاكي الله خيرا وزادكم الله من فضله وعلمه

تسجيل حلقه اليوم

و إياكم يا حبيبتي

لو احنا ف مسابقة ‌✌️⁩

والمسابقة دي مطلوب مننا نجمع أظرف كتير ف وقت معين💌💌

وبعد كده اللي يفوز هو اللي يطلع في الاظرف بتاعته فلوس اكتر ، مع العلم ان كل ظرف  فيه عملة ورقية واحدة 👌

والفائز بيفوز مش بعدد الاظرف بس ده بيفوز بمجموع الفلوس اللي حصلها😍🤑🤑

، تخيلوا وقت إعلان الفايز ، كلنا هنكون مترقبين كل ظرف فيه اد ايه ، واكيد الظرف اللي فيه عملة ورقية ب٢٠٠ جنيه هيفرحنا اكتر من الظرف اللي فيه ٥٠ قرش صح ؟ 🤗


اهو الدنيا كده

احنا موجودين فيها علشان نجمع أكبر قدر من الحسنات ، 🤍🌸

والوقت الصعب عليك لو صبرت هيكون حسناته أكبر،  يمكن يكون صبرك ف  اوقاتك الصعبة دي يكون السبب الوحيد ف دخولك الجنة .🤗

تخيل كده يوم القيامة والكل مستني ياخد كتابه ويبدأ حسابه ومش عارف هياخد كتابه باليمين ولا بالشمال وحساب يسير ولا عسير ومصيره جنة ولا نار ، تخيل ف وسط الخوف ده والترقب ده تسمع اللي ينادي عليك باسمك ، يا فلااان ، هيا إلى الجنة ، 😍

فتسأل : والكتاب والحساب ؟

فتسمع : إنما يوفى الصابرون أجرهم بغير حساب .
‌❤️⁩

الوقت كده كده بيمر
خليه يمر شكر على العافية
وصبر على الابتلاء
هتفوز فوزا عظيما
الدنيا معمولة ليه ؟
صح ؟

علشان ندخل منها ع الجنة ؟
ركز

كله هيهون

شير وهون ع المحزون
د.أمينة خلف
🌷🌷🌷🌷🌷🌷

لحجز استشارة خاصة مع د امينه خلف


01093634656

*فرصتك من جديد*

☘️ لو بتعاني مع مشكلات في تربية اولادك في مرحلة عمريه

☘️ لو لسه في خناقات مستمره بينك وبين زوجك ونفسك الدنيا تهدأ

☘️لو علاقاتك مع نفسك وأهلك واللي حواليك مش احسن حاجه ومش عارفه توصلي لحل معاهم

☘️ولو مقبله على الزواج وعاوزة حياتك الجديدة تكون ناجحة

☘️ولو بتدوري تبدأي ازاي في تعلم مجال التربية وتعليمها ونفسك تبدأي مشوار الدراسة والعمل في المجال دا


☘️ *دي فرصتك انك تنضمي للدراسة في أكاديمية المربي المحترف*


*بسعرررر مخفض جدااااا* ودا لأصحاب الهمم واللي عاوزين يغيروا من نفسهم واللي حواليهم


إسألي عن تفاصيل المنحه
👇👇👇👇👇

01093634656