حسبالي العدد بي ثمرة من يزود
وعن قلة الواحد تفرق المية

بس تالي ادركت طين الكَلوب اصناف
والعِشرة الطويلة تريد نوعية

على كلًّ عِشت ماخذت بس طيت
وي ليل المجازة الماشفت ضيّه

وينه وينه اللكا بيه جاي يبيع
وين الانه مطني من هوه الريه

الناس اختلفت وظهرك اتجيّ وين
اذا ماتلّكَه حايط تكّعد ابفيه

يهاب

كبرنه وشفنه كلشي ايموت بعدين
وصدگ واحدنه فنّه ايعيش مرتين

ولگينـــه الناس كل اگلوبها اشكال
وچذب واحد يحبنه ابگد الحسين

#محمد_العقابي

ردتك تشرب مــاي وتـرجــــــع
ما ردتك تـرجـــع منحور
ما جنت ادري الطف بي واحد
يذبح واحد ست شهور
-
فتحة العزاء | ليلة ١٠ محرم ١٤٤٤ هـ
الحاج #باســم_الكربلائي
للشاعر #محمد_العقابي


العزاء المركزي مكتب السيد الحكيم
#بغداد #الجادرية
#محرم_1444

يزينب ليلة العاشر عسا لايگصـــر الليل
مادام الصبح باچر صباح الرمح والخيل

#محمد_العقابي

عسا ماطر صبـــح ياريــــت
ولا بانت خيوط الضي

وهو الجاي اعله دم احسين
مايفلح ابحكم الري

يزينب صبح باچر جاي شمس
مابي لخوتچ في

وعسا اخيامچ تضل ابخير
والعبـاس اخيچ حي

#محمد_العقابي

باچـر كلشي بأمره أيروح
بــس مايرجــع بأمره

اوباچر مو صباح الخير
صباح الذبح والحسره

#محمد_العقابي

باچر تطفـــه شمعــة شاب
لاكــن يبــدي حرگ اخيام

باچـــــر مــن علي الأكبـــر
لحد نحر الرضيــــع اسهام

يزينــب باچر أمن حسين
يطلع صوت كسر اعضام


#محمد_العقابي

بده وجه الصبح والموت فوگ امن الخيم ينشم
وبده دور الوجع والسيف گبل دور العطش مهتم
وبده طور الحزن يشبه بنات احسين كلش خايف امن الدم

واثاري الموت غبش والبخت عطشان
والطف يرجف أمن الهم

والچمه اعله طول احسين والسبعين كلما طاح واحد تشهك النعمه

اومابين الخيم والماي گضة شارب اوكلمه

اومابين التعب وحسين ماچان الرمح عالراس دور المستحه ايلزمه

اوعجيبه الدنيا شالت أيدها أمن احسين لحد ما للحوافر انطت ابجسمه

#محمد_العقابي

وصار الليل ولتمن بواچي و أوف
مابين السهر والخيل والگاع اشترها الخوف
اوكلشي امكشف أمن حسين
لحد أخر وجع فوگ الرمح مكشوف
اومابين الچثث والروس هلبت خلص دور الدم
ويهلبت واحد يشيل العطش والهم
ويهلبت سالفه اتبرد اجروح احسين
وتخلي الضعن يلتم
خلص دور الهوه وتكاثر الدخان
بس ضلت اهدوم حسين زينب لازمتهن بيدها وتشتم

#محمد_العقابي

رِدْتَك تــشرَب مــاي إو تِرجَع
ماردتـك تِرجَـــع مَنحُور
ماچنت ادري الطَفْ بي واحد
يِذبَح واحد سِت إشهور
-------
وديتك إمن المَـهَـد للماي مو للسهم
حسبالي تِشرَب عَذِب ماي إو ترِد للخِيَمْ
تالي إبسَهَم حرملَه ابنَحرَك شِرَبت الأَلَمْ
و أزغَر شَهِيد أصبَحِت و أُمك گَلُبها إنثِلَمْ

وَدِيتَك تشرب مو تِذبَل
والدم بگماطك منثور
ماچنت ادري الطف بي واحد
يذبح واحد ست اشهور
-------
عبدالله چنت أنتظر ترجعلي متأمِلَه
ماكو اعله نحرك جرح وإشفافك امبلِلَه
امنين إجاك السَهَمْ و إمنين إجَتْ كربله
كُون الله يالمِنذِبِح ياخِـذ عُـمُـر حَرمَلَه

ياريت الحط سهمه ابنحرك
چف أيده الصابك مبتور
ماچنت ادري الطف بي واحد
يذبح واحد ست اشهور
-------
لو ادري هِيچ العذب يحرمني من شوفتك
ما شِلتَك إمن المهد خليتك إبنُومِتَك
إشمدريني يُمه السهم يِستَطمِع ابرگبتك
حسبالي ماي النهر يِتحَصَل إِلشِفِـتَـك

إشفافك ماضاگت كل گطره
والماي اصبح مامعذور
ماچنت ادري الطف بي واحد
يذبح واحد ست اشهور
-------
عبدالله عمرك خلص يُمه إو مكانك بُرَد
وانه ابمكانك بعد يُمه شَـحِـط بالمَهَــد
شِيعَوِضْ اليِنوِخِذْ من عدها ابنها بعد
إو كل أم يـ يُمَـه تره عدها عزيز الوَلَد

ضلمه الدنيا ابعيني اخلافك
وخلافك ماشفت النور
ماچنت ادري الطف بي واحد
يذبح واحد ست اشهور
-------
يمه الدللو إلك صعبه عليك الجرح
وانته ازغر إمن السهم ماكو اعله گدك رُمِح
معقوله واحد عُمُر سِتْ اشهر إو ينذِبِح
ما أدري هِيچ الوَكِـت بالطف أبد مو سَمِح

أول مره يضل كاروكَّك
يِشبَه گلب امك مكسور
ماچنت ادري الطف بي واحد
يذبح واحد ست اشهور
-------
عمرك اقل من سنه إو مُوتَك ولاينعقِل
مِتمَنِيَه مُوتَك الي وأنته ابمكاني عدل
يُمَه الجَرِح والعطش صعبه اعله گلب الطفل
واني ادري حر السهم يايمه ماينحمل

شمسوي وهيچ ايذبحونك
يوم العاشر من عاشور
ماچنت ادري الطف بي واحد
يذبح واحد ست اشهور
-------
يافرحة امك چنت واصبح غيابك حِزِن
من مهدك البي دِفُو خَلفْ الخِيَمْ تندفِن
إو مِنْ بين إدَيْ للگبر والگبر مابي حِضِن
و إخلافَك آنه أصبَحِتْ يايمه دمعه ابچفن

مو بالگاع اتمنيت أني
ابگلب امك گبرك محفور
ماچنت ادري الطف بي واحد
يذبح واحد ست اشهور

-------
#الحاج_باســم_الكربلائي
#الشاعر_محمد_العقابي

مات حسين
بس بالله حباً مو أبغير اوجوه
بس ضل العطش مكروه

#محمد_العقابي

مر بيه طيفك ليله

*أداء الرادود : #مدين_العياشي
*كلمات الشاعر : #محمد_العقابي

https://youtu.be/gdhNXdzcg9c
عزاء قضاء الشنافيه المركزي
ليلة 5 محرم الحرم 1444