احنه كلنه مجننين مثل عابس ياحسين كلمات ابومنتظرالموالي الرادودمحمدابوسجادالكعبي ٢٠٢٢هجري١٤٤٤

قصائد الامام الكاظم ع



عشرين عام البالسجن گضيتها
حسره وحده ابطفك انه الـكيتها
دم رضيعك ياحسين.// يسوه كل هاي السنين
                    الكيتها
روحي بالصفنه اذبحتها.   وبيك سرحانه
وانه اول بشر حزنه. . ايبجي  سجانه
سجني من نوحي عليك    اذيت حيطانه
وساعه كلبي يموت لاجلك  ساعه اموت انه

ليل وانهار الضعون انعيها
ونار تحركني من اسولف بيها
جدي بس صوت الانين// يسوه كل هاي السنين
                    الكيتها

المغرب اذكر غربتك    و اذكر العاشر
وحس بيك اعله الفواطم.  من جنت حاير
الهشم اضلوعك حزنهن. يخسه الحافر
والكسر حيلك مشيهن.  للسبي باجر

فرقوني الدمعتي السجنوني
ومايملن من عزاك اعيوني
عطش كل طفل وجنين// يسوه كل هاي السنين
                    الكيتها

حيل ياجدي  اديـــــه.   الحبل ماذيهن
لكن اويه اجفوف زينب.  مااساويهن
للمشن جدي سبايه    اعيوني ابديهن
ومن شفت ضيم السلاسل   كمت اهم بيهن

الهن انشغ لــــمن ايضربوني
اوصورهن باتن اعله اجفوني
وصرخة الهم والونين // يسوه كل هاي السنين
                    الكيتها

فاركت ولدي وبناتي.   امأمن اعليهم
وانت اعـــــــيالك عفتها.   الخيم تجويهم
انه أذكر وابچي ساعه.   من احن ليهم
وانت كل اجروح جسمك. نزفت اعليهم

شلون اقارن سجنتي ابالأمك
وانت ذبحو جم اخو گدامك
وداع عباس الحنين. //يسوه كل هاي السنين
                    الكيتها

عيشوني ابغرفه ضلمه.  اوتخنك الريه
وجسمي السجان سوطه  ايخضبه يوميه
ورادو بجرحي احيراً   والسده اعليّه
وغربتك نستني جرحي.   وكلشي مربيه

كمت اذكرك جدي ونسه جروحي
اعليك ماخفف سجنهم نوحي
دمعي من يترسلي عين. //يسوه كل هاي السنين
                    الكيتها

خادم الزهراء ع ابو احمد الطائي

عشرين عام البسجن كظيتهه كلمات ابواحمدالطائي
أداء الرادودمحمدابوسجادالكعبي ٢٠٢٣مجلس عزاء

گلبك منكسر ونعشك عالجسر
ويلاه يمسموم
ــ& &&&&&&&&&&&&
يالماكو برحمْتك ماراعــــو حرمْتــك
خلــوك ابغربتــك عايش بس مصايب
مظلوم وخيــالك ظل يبجي اعله حالك
تنتظرك عيــــالك وگلب الشيعه ذايب

طالت غيبتك وصاحت شيعتك
ويلاه يمسموم
ــ& &&&&&&&&&&&&&&
احبابك تتــــاني وتحسبلك ثواني
وبسجنك تعاني محد عانه مثلك
من ترفعها ايدك دم ينزف وريدك
حيلك هدّه گيدك وغيّر حتى شكلك

ياكل بالعظم يالشابع هظم
ويلاه يمسموم
ـــ& &&&&&&&&&&&&
املوّع شنهو ذنبك عدوانك تعذبـــك
شتريـــد اشتطلبك مگطوع الهوه اعليك
معصومه احرموها ومانامت يبوها
والسلطان اخوها حن البوسة ايديك

والقاسم شمع ذاب ومنفجع
ويلاه يمسموم
ــ& &&&&&&&&&&&&&
بيتك يابو طلبه الكل الشيعه كعبه
ظل هسه اليچهبه يسمع بس مناحه
بابك وسفه ينسد ونار الدله تبــــرد
بالطاموره محد جسمك شد جراحه

من سجن السجن تنگـــاد وتـــون
ويلاه يمسموم
ــ& &&&&&&&&&&&&&&
عنك كلها تنشــــد يايوم الولي ايرد
يوم الجمعه موعد گالو والهَم ايشيل
وبجسر الرصــافه ياراعـــي الكلافه
نعشك مر وسافه بيد اربع حماميل

يكسر كل گلب منه الدم يصب
ويلاه يمسموم
ـــ& &&&&&&&&&&&&&&&
بيومك فرحي يحرم جن عاشر محرم
مابي دمعه تنضـــم واشعظم الرزيه
الكون بحزنه يغتم وبكل بقعه مأتم
والمشـــــــايه تلتم برض الكاظميه

الدنيه احّاه انملت والصيحه اعتلت
ويلاه يمسموم
ـــ& &&&&&&&&&&&&&

علي محسن الزيادي

ليله استشهاد امير المؤمنين ع


تبقى وياي
هاي جانت امنياتي                
يابو الايتام
ارجع ابداعة صلاتي
ياعلي ياعلي    ياعلي ياعلى

------‐---‐------‐---‐----‐------
رحت وين وعفت زينب بعدك اتظل بخطر
وانته كافلها وسندها من الم هذا الدهر
عشت يابويه بغيابك دنيه ماليها القهر
لوتكلب ذكرياتي بس حزن تلكه الصور

سوده   الايام
خلصت بهم نايباتي
يابو الايتام  
ارجع ابداعة صلاتي
    ياعلي   ياعلي
---------------------------------
ضن ابن ملجم يبويه من طبرها هامتك
غاية عند ابن الرذيله ايريد ينزل رايتك
وأسمك بفرض العباده اتردده كل شيعتك
تعتقد هاي العقيده جنة الله بيمنتك


بعالم الخوف
انته ياحيدر نجاتي
يابو الأيتام      
ارجع بداعة صلاتي
ياعلي  ياعلي
--------------------------------
ياعلي وبنتك سبوها وانته ساكنها النجف
تصيح حيدر ماتجيها اوحيده بعالم الطف
سوط وخيام ويتامه اتشوفهم كل الاسف
كبالها كتال اخوها تمرجل الماله شرف

عطش والموت
يبسن شفتي ولهاتي
يابو الايتام
ارجع بداعة صلاتي
  ياعلي  ياعلي
____
دمع زينب مايبطل من رحت يابا الحسن
مني راحت لبتسامه ويمي لمصايب لفن
بويه بعدك شفت اخويه بخيل صدره ينطحن
ابعالم الطف ال اميه زادو عليه المحن

ونار الخيام
بيها محتركه عباتي
يابو الايتام
ارجع ابداعه صلاتي
ياعلي  ياعلي
----------------‐-----‐----------
بساعه افراكك يحيدر ساعد الله فاطمه
والبجي ايأثر عليها ظلوعها متهشمه
سنين واتشوف النوايب مايفاركها الدمه
خبر موتك يابو زينب هدم اركان السمه

بيه   اهات
من رحل عني غلاتي
يابو الايتام
ارجع بداعة   صلاتي
ياعلي  ياعلي    ياعلي  ياعلي
---------------------------------
#-كلمات _ابو منتظر الموالي

يابوالايتام ارجع بداعت صلاتي كلمات ابومنتظرالموالي الرادودمحمدابوسجادالكعبي
مجلس عزاء امير المؤمنين ع
٢٠٢٣جديد
١٠ / ٤ / ٢٠٢٣

تانيتك هواي     ترجعلي مولاي.  انطر حميتك
يبجيلك البيت    بالغربه حسيت
عاود رجيتك
____
طاحت اركان السمه  وكل  الأراضين
لبست اثياب الحزن لمصاب ابوحسين
بروحتك يابو الحمية اتيتم  الدين
زينب اتواسي الزجيه   وام البنين

ياحيدرة كوم        ارجعلي اليوم
تكتل منيتك
يبجيلك البيت      بالغربه حسيت
عاود رجيتك
____
ياعلي دمك وكع بس انت موجود
عايش بكلب المحب يالمنك  الجود
خلافك سنين العمر وأيامنه سود
ياعلي وجار الزمن  يشهد المعبود

ضلينة ايتام    بعدك يضرغام
يابو الحمية
يبجيلك البيت     بالغربه حسيت
عاود رجيتك
____
غيابك ابهذا الشهر فت كلب الحسين
والحرة وي المجتبى بالدمع    باقين
والله لمصاب الولي ماتهده كل  عين
بشهر الصيام انفجع كلب   الموالين

رايح ولينه          وينك علينه
احضر يكرار

يبجيلك البيت     بالغربه حسيت
عاود رجيتك
____
والجرة يا ابا الحسن زينب سبوها
وانت تدري بحال  المودعه  ابوها
باجر ارجاس ال امية    ايعذبوها
ياعلي زينب اميرة وما رعوها

مشوها للشام    مايرضه الاسلام
شافت اذيه
يبجيلك البيت     بالغربه حسيت
عاود رجيتك
____
الشاعر _ابومنتظر الموالي

تانيتك هواي كلمات المخلص ابومنتظرالموالي
أداء الرادودمحمدابوسجادالكعبي مجلس عزاء الأمام علي ع
٢٠٢٣
يوم ١٣ / ٤ / ٢٠٢٣ الخميس

بمناسبة استشهاد عم النبي حمزة بن عبد المطلب رضوان الله عليه

طيحتك ياحمزه لوعتها تطول
انكسر بيها ظهر حيدر والرسول
اه يافگد الاحبه. صعبه ذيچ الساعه صعبه
انكسر بيها ظهر حيدر والرسول
★★★★★
رحلتك من دار الارقم بعت عمرك للرسول
واجب التنفيذ امره. اشمايصرح. لويگول
الباقي من عمرك فنيته. اسد علباطل تصول
وتدعي كل صبح ومسيه يمن ربك بالقبول
جندلت كل ظالم وطاغي عنيد
غير وجه الباري فعلا ماتريد
المثلك أنته يگضي نحبه
صعبه ذيچ الساعه صعبه
نكسر بيها ظهر حيدر والرسول
★★★★★
غير الواقع اسلامك. وفاجئت بيه الالوف
مو ابال العده سيفك ضدهم بهاي السيوف
أبدر شافوا عذابك. فرقت جمع الصفوف
البلحرب شافك گباله. غير موته مايشوف
وين عتبه وين صولات الوليد
ظمن روحه إلي صفه عنك بعيد
خذوا منك ثار عتبه
صعبه ذيچ الساعه صعبه
نكسر بيها ظهر حيدر والرسول
★★★★★
مبتشر چان بوجودك حگه طه يبتشر
اشسوه بالعدوان سيفك يشهد السيفك بدر
كشفت عن النبي الطاهر كربته بيوم العسر
صعبه تالي تروح منه وگلبه بعدك ينكسر
ودوا أهل الغدر والبايع ظمير
وين ماصرت ودرت وحشي يصير
بالظهر ماخطه الضربه
صعبه ذيچ الساعه صعبه
انكسر بيها ظهر حيدر والرسول
★★★★★
مثلوا بيك الاعادي. طبع عدهم موجديد
من الأساس الغدر بيهم يجري وي دم الوريد
تاكل بجبدتك وسفه. من لفت جدة. يزيد
علنبي مامثل يومك. من رحت لله شهيد
يوم مامثله على گلب الرسول
علثره طايح يچتال الفحول
شلون حال النبي وگلبه
صعبه ذيچ الساعه صعبه
انكسر بيها ظهر حيدر والرسول

الشاعر حسن لعيبي الحربشاوي

طيحتك ياحمزه لوعته تطولكلمات الشاعر حسن لعيبي الحريشاوي أداء الرادودمحمدابوسجادالكعبي ١٥شوال ذكرى استشهاد عم النبي حمزه بن عبد المطلب ع٢٠٢٣جديدمجلس

استشهاد الامام جعفر الصادق عليه السلام

دمعتك صبح ومسيه
عالعقيله الهاشميه
عمتك زينب
عمتك زينب
عالهزل راحت سبيه
..........

سيدي ياجعفر الصادق اجينه
شيعه حملتنه الخواطر للمدينه
نسأل عليك بمشاعرنه الحزينه
وانت من سابع سمه عينك علينه

نسأل بهاي الزياره
ياجرح اكثر مراره
راسك الشيّب
راسك الشيّب
سيدي من يا رزيه
................

يالچنت تنصب عزاء وتجري لدموع
ياجرح اكثر يألمك تبچي وتلوع
سبي زينب عمّتك لو كسر الاضلوع
ياجرح خلّاك حدما متت مفجوع

والله ياشيخ الهواشم
خلّصت عمرك مآتم
منفجع تنحب
منفجع تنحب
بيها تلعن آل اميه
.....................

جعفر الصادق جوابي يالتسئلون
لعمّتي زينب تسيل وتجري لعيون
والله لو احچي الاعرفه ما تحملون
شيعتي من گد بواچيكم تموتون

رئفةً بيكم خفينه
واقع الصاير علينه
والحصل اصعب
والحصل اصعب
شيّبتنه الغاضريه
.....................

مو صعب سم الجرعته اهون هواي
لكن الاصعب مصاب الماشرب ماي
ظل ثلث تيام مرمي بعازت افياي
شافته بهالحاله زينب فگدت الراي

لا تلوموني بنياحي
لعمّتي اكثر جراحي
عالهزل تركب
عالهزل تركب
مخدرة حامي الحميه
....................

الليله مجلسنه بمصابك خل نواسيك
نبچي يالصادق اجينه وننحب عليك
چبدك تگطّع وذر والسم فتك بيك
لعنة الله عله اليبغضك واليأذّيك

شكراً لدمعة وفاكم
ذكروا عمّتنه بعزاكم
نفذو هالمطلب
نفذو هالمطلب
والمجالس جعفريه
........................

آني صح مسموم چبدي وگبري مهدوم
بس اريد عله العقيله النايحه اليوم
بساعة الحرگوا خيمها اطيح وتگوم
وعالنهر عباس طاح الراس مهشوم

من عكب كافل خدرها
للسبي اصبح امرها
وسفه تتسلّب
وسفه تتسلّب
بضعة الزهره الزچية

#سيد_زيد_الفحام
_______

دمعتك صبح ومسيه||كلمات سيدزيدالفحام||أداء ابوسجادالكعبي٢٠٢٣الامام جعفرالصادق ع

عيوني من الغياب      علكتها علباب

              ردلي يبني يحسين......
......................................................
مسافرين وداعت الله انشدت المحامل
ودمعي وي دمع العليله يسولفن رسايل
وداعهم   شبكاته  منجل  والعمر سنابل
المن ابجي عزاز كلها حسين لو ابوفاضل

والزمن مني خذاك    وينه وينه الموت اجاك
همه كلهم احباب            علكتها عالباب.....
..............................................................
يشرب الشباج  شوفي  مناطرتهم   بالدرب
اوادري من حمل ضعنهم جانت النيه حرب
روسهم كل راس عيسى عالرماح وينصلب
كلها  ويردون  اكولن  هاي  حسبات الكلب

لليكول حسين جاي        واهليه عيوني هاي
يرجع من الغياب             علكتها علباب......
................................................................
متانيه حسين بكلب مشتعله ناره
واكفه بدربة   انتظر وكفت مناره
ناذرتلة   اربع   زلم   كلهم  غياره
وناذره الزينب جفوف اتصب نادره

لواندلهم جانت اجيت    ويه زينب جا بجيت
وسدباب العتاب            علكتها عالباب........
..........................................................
الشاعر علي مالك الركابي
الناشرملامحمدابوسجادالكعبي
نسالكم الدعاء
الرادودالملامحمدابوسجادالكعبي
ألهم لا تحرمنا من خدمة الأمام الحسين عليه السلام
https://www.tg-me.com/mngfu

نزله .مسلم ع
ترهب اجفوفه
ترعب الكوفه
جنه عباس جنه عباس
___
شال سيفه وصال صوله وخله الكوفه بخطر
كلها تسأل ياهو هذا جنه عباس الكمر
ماسلم كدامه واحد بعد ماينفع عذر
خله كل جيش الأعادي للمنية تنتظر

لمن ايقاتل
جنه بوفاضل
جنه عباس جنه عباس
___
سيفه مايثني ابضربته جنه
ذو الفقاره
غيرة من قصر الأمارة شعت ابأنوارة
مسلم ايشمر جثثهم هالعدة محتارة
من الوصي الكرار حيدر ماخذ ابأثارة

اسد بالحومه
هالأجه يومه
جنه عباس جنه عباس
___
جنه عباس ابوفاضل يوم طب المشرعه
شطر الجيش بيمنته ال امية امروعه
خله فرسان الاعادي تشتكي بالفاجعه
مسلم ابنفس الشجاعه ياهو
يكدر يمنعه

هيبة حيدر
هلا بهالمنضر
جنة عباس جنة عباس
___
رايتة رايت محمد بالكرم معروفه
حذرو اهل الكوفه منه يوم طب الكوفه
انه هاي الليله كاصد والنصر ماعوفه
الزمن لبن الرساله هد عليه بسيوفه

لمن ايجاهد
مسلم القائد
جنه عباس جنه عباس
___
فزع يم قصر الامارة مسلم ابكل همه
كال فدوة اتروح روحي كلها لأبو اليمه
ماخذ ابحب الصميدة منهجة وكل علمه
افدي كل شمعه حياتي فدوة دمي الدمه

انكظه عمرة
خادم العترة
جنة عباس جنه عباس
___
خادمكم ابو منتظر الموالي
.
.
.
مسلم يم طوعى وناداها
نار الحرة ما ننساها
___
ظلت مهضومه بيا حاله
من هجمت يمها الخياله
تنضر لحسين وجتاله
تبجي وتون وي عياله

لعنة الله اعله العاداها
نار الحرة ما انساها
÷÷÷÷÷÷÷÷÷÷÷÷÷÷÷÷÷÷
كلها يا طوعى بكل عبرة
شحجيلج عن ابن الزهرة
سيف الشمر يكطع نحرة
ما تبرد من كلبي الجمرة

وهذا المنضر حيل اذاها
نار الحره ما انساها
÷÷÷÷÷÷÷÷÷÷÷÷÷÷÷÷÷÷
ضل يذكر كل محنة وشده
لمن بقه حسين ابوحده
كل جيش ال اميه ضدة
باجر يوكف خصم وجدة

اشكبرة امصابي وبلواها
نار الحرة ما ننساها
÷÷÷÷÷÷÷÷÷÷÷÷÷÷÷÷÷÷
زينب شافت نحر الغالي
ضلت يا طوعى بلا والي
مات حسين وغير حالي
فدوه الدمك دم عيالي

الله ايساعدها ناداها
نار الحرة ما ننساها
÷÷÷÷÷÷÷÷÷÷÷÷÷÷÷÷÷÷
وابنيتي يكثل منضرها
يتلوع كلبي من اذكرهة
من رحت كسرو خاطرهة
متحضرة تمشي الأسرهة

ورقية تواسي مبجاها
نار الحرة ما ننساها
___/////////////////
خادمكم ..ابو منتظر الموالي

ليلة الوحشة 2022

ما نسيتك _ دوّريتك _ مگطع وتنزف لگيتك
......

بليلة الوحشه الرهيبه ليلة جروح وألم
لا ولي ظل عدنه خويه لا خدر لا من خيم
گلبي حن ليك واجيتك اعثر بخطو الجدم
جثث منثوره بطريقي وگاع تنزف كلها دم

من وصلتك _ دامي شفتك _ خويه يحسين وشبگتك
..............

حيّرتني جروح جسمك جرح مفتوح بجرح
ماكو موضع منه سالم إلا بي طعنة رمح
حرت ياجرح الأشده جرح ثاني ينفتح
صدرك المكسور خويه. بدم وريدك متّشح

آنه زينب _ يمك انحب _ خدري ياخويه تسلّب
...............

جيتك اشكيلك وضعنه لن شفت وضعك اشد
شفتك بلا راس خويه مگطع وعاري الجسد
حسين يبن امي وحبيبي بمصرعك گلبي انمرد
أنّشغل فكري بجروحك حرت شحچيلك بعد

سلّبتنه _ عذّبتنه _ آل امية من عفتنه
................

الليله وحشه وماكو يمنه والي بس ابنك عليل
جيت اگلّك ماكو حارس لا محامي لا كفيل
گمر هاشم عالشريعه. مگطع ودمّه يسيل
من عگبكم للحراسه زينب الصارت بديل

واليتامه _ بلا سلامه _ سهرت الليل بضلامه
............

الليله نمنه عله الترابه وخوف تارس كل مكان
والخيم حرگوها بعدك. صارت رماد ودُخان
مجرّحه طفالك يخويه. تبچي محتاجه الامان
تصيح وين حسين ابونه ليش ما رد من زمان

صَبّرتهم _ نيّمتهم _ عالترابه اللي چوتهم
..............

خويه مضطرّه اودعك ورجع احرس بالزغار
وعالهزل نطلع سبايا. من يطر صبح النهار
والشمر حادي الظعينه. بيده مو بيدي القرار
بالحبل يچتف ادينه. ونگطع دروب المرار

تدري بيه _ لو بديه_ ابقه يمك للمنيه

سيد زيد الفحام
________

نزلة موشح ..... ليلة الوحشة 2022

الليله من يحرسنه من يرعانه
لا حسين ولا كفيل ويانه
.........

ليلة الحادي عشر ليلة ألم
لا بقت وليان عدنه لا خيم
لا ابواليمه ولا راعي العلم
بعد اخوتي حايره وسهرانه
..........

حسين گطعوا راسه ونشال برمح
بجثّته الف وتسعميّة جرح
وبوفاضل عالشريعه منذبح
آل امية گطّعو ذرعانه
............

ما بقه ويانه ولي بسّ العليل
منفجع بمصاب ابوه دمعه يسيل
امن المرض متألّم وماظلّه حيل
شاف مصرع والده وخوانه
..........

ظلمه هاي الليله مليانه رعب
ترجف الاطفال نامت عالترُب
بدال عباس احرس ودمعي يصُب
غاب عنّه وبالقهر خلّانه
.........

من عكب عباس كافل ما الي
آنه زينب احرس بعيلة علي
راحت ايام الخدر ودلّلي
راح اظل متألّمه وحيرانه
..........

آل امية حضّروا نوگ الهزل
والصبح لو طر سبايا نرتحل
يرضه ابوالغيره يچتفوني بحبل
وتحدي بية للغرب عدوانه

سيد زيد الفحام
_________