الرادودمحمدابوسجادالكعبيترهب جفوفةترعب الكوفهكلمات ابو منتظرالموالي||ليلة٦مسلم بن عقيل ١٤٤٤هجري٢٠٢٢

اوليدي جسام
مابين الاسهام
موكلت ارجع للبيت
ميته بغيابك  يا ريت
اوليدي جسام اوليدي جسام
@@@@@@@@@@@
جاسم ييمه استعجلت ابهالمصيبه
وكليبي مايقبل ابد يترك حبيبه
نبع الهوة من دنيتي اعلن مغيبه
شلون احمل ونتك والله عجيبه
صار العصر شوماجيت
ميته بغيابك ياريت
اوليدي جسام اوليدي جسام
@@@@@@@@@@@
يوليدي احلامي انتهت يوم عاشور
شبانه كلهم صفو مابين الاكبور
عمك كبالي تخضب راسه منحور
وابنه عبدالله ييمه  بسهم مغدور
من شفته حيل اتأذيت
ميته بغيابك ياريت
اوليدي جسام اوليدي جسام
@@@@@@@@@@@
ردتك تشيل اجنازتي بيوم المنيه
كلت ابني يكبر لومتت ايثوب عليه
ريتك تشوف امك بقت بالغاضريه
لاوالي يمي واندبك واصفك بديه
بهالزمن يمه احتاريت
ميته بعيابك ياريت
اوليدي جسام اوليدي جسام
@@@@@@@@@@@
انخاك ترجع ضنوتي يبني يجسام
ابغيبتك زادت عليه كثر الاسهام
اه من المر عليه ابهاي الايام
ظلينه بس لمه حراير بين ظلام
اشكي ابمصابي ضليت
ميته بغيابك يا ريت
اوليدي جسام اوليدي جسام
@@@@@@@@@@@
يمه ارد اكلك هالخبر لمن عفتنه
ماسكت من يوم الرحت يجري دمعنه
شبل الحسن المجتبى مصابه فجعنه
عطشان مات بلا ذنب غير وضعنه
يمه ارد اشوفك حنيت
ميته ابغيابك ياريت
اوليدي جسام اوليدي جسام
___
خادم الحسين .ابو منتظر الموالي
.
.

اوليدي جسام مابين الاسهام كلمات ابومنتظرالموالي أداء الرادودمحمدابوسجادالكعبي
ليلة٦ من محرم الأمام القاسم٢٠٢٢هجري ١٤٤٤ جديد وحصريا


٦ /٨ /٢٠٢٢

فرصه ماينطيها. هاشمي وطبليها.

شبل من شجرة محمد وبعلي ايوصفونه
او غيرة الله ابدمه تجري اوفنهم ايلاگونه
شال نص الحومه جاسم من لكد ميمونه
او يلهم بروس العساكر سيفه جن اجنونه

سيفه يلهم بيها هاشمي وطبليها

كـــسر الرايـــــات كــلها او رايته مرفوعه
والفتح حلگه او يجــــاسم كسراله اضلوعه
عطوه ماينطي يمينه اوسوه بيهم لوعه
اوجلمة ابهيده او دخيلك بالحرب ممنوعه

العطوه تحلم بيها هاشمي وطبليها

جفه عــــــزرائيل كلهم گـــــامو ايسمونه
ايطشر بكـــــــيفه اويلمهم فنهم ايمنعونه
ضـــاكت الـدنيه عـــليهم والــدرع بمتونه
اوثلـث تــــــرباع المـــعسكر موتو بعيونه

بحيله شده عليها هاشمي وطبليها

عــوگر الــخيل ابمــهرته والــزلم صفاها
واشجع الـفرســان زوده ترتجف خلاها
المــــــاتــــربت من اصلها بيمنته رباها
اوذلة المـايسوه اذكـره بالحرب ذلاهـا

حالف يربيها. هاشمي وطبليها

صاح شبل الحسن انه او زودي من عباسي
والله ادنگ الدنيه كلها اوما ادنگ راسي
احساس الحسين اوشعوره عايش أبحساسي
وانه خادم لابو اليمه وافتديه بانفاسي

والحرب سابيها هاشمي وطبليها


اشيمت زينب ابزوده اوشـاهدت صولاته
اوحيل فرحت من تشوفه امكيف ابحملاته
ابن أبوه فرض زوده. اوثبت احجاياته
اوهلهلت لاجله العقيـــله اوبشرت عماته


تدري بي يكظيها. هاشمي وطبليها

خادم الزهراء ع ابو احمد الطائي

فرصه ماينطيها هاشمي وطب ليها كلمات
ابواحمدالطائي أداء الرادودمحمدابوسجادالكعبي مجلس ليلة٧ الأمام القاسم من محرم الحرام٢٠٢٢هجري١٤٤٤ جديد وحصريا مجلس

٦/ ٨ / ٢٠٢٢

الأنصار_محرم 1444
ليله الأنصار ...رئيسيه

رايحين ننصر حسين الشهيد
رايحين نضحي ابدم الوريد

بينا تشهد كربله
احنه اهل المرجله
ننصر حسين ننصر حسين
____
حانت الساعه العضيمه البيها نخدم فاطمه
ونوفي للضحى بحياته وخاض اعظم ملحمه
نشتري الموت برضائك ياابن حامي الحمه
بخدمتك يبن الزجيه حزام
كلها محزمه

الحرة بينا تفتخر
احنه لنجيب النصر
ننصر حسين ننصر حسين
____
شيخهم ودة رساله وبيها مضمون الكلام
نروح فدو يالعقيله تحت رجلين
الامام
انتو شمس الله المضيئه واليعاديكم ضلام
رحمة الله اتهل عليكم وعليكم السلام

بيكم الهم ينجلي
نادو احباب الولي
ننصر حسين ننصر حسين
____
تعنو الخيمة الحرة وبدو ساعات الوداع
تسابقو برض المناية ويمهم اشتد الفزاع
كالو حسين العداله وهوه امر الله المطاع
هوه جنه ومشترينه وجنة
الله لن تباع

نوكف بوجه الفتن
يشهد علينه الزمن
ننصرحسين ننصر حسين
____
سيدي العباس اامر نادة قائدهم حبيب
تحت امرك يابو فاضل النصر منك قريب
مانريد نشوف اخوك بمنظر الدم الخضيب
ارواحنه يمك اخذها كبل روحه يامجيب

ندعي بهذا الدعاء
الجفن لبسو رداء
ننصر حسين ننصرحسين
____
حاوطو جيش ال اميه والله رعبوهم رعب
واحد وسبعين لكن سدو اركان الدرب
حاربو دون ابو اليمه الكفر واهل الغرب
كبالهم سهله المعارك ابد مابيها صعب

بيهم الحق المبين
هلا بخدام الحسين
ننصر حسين ننصر حسين
____
الشاعر _ابو منتظر الموالي

رايحين. ننصرحسين الشهيد
كلمات ابومنتظرالموالي
أداء الرادودمحمدابوسجادالكعبي
ليلة٨من محرم٢٠٢٢هجري١٤٤٤ مجلس عزاء حصريا
7 / 8 / 2022
1444هجري الأحد جديد

نزله .مسلم ع
ترهب اجفوفه
ترعب الكوفه
جنه عباس جنه عباس
___
شال سيفه وصال صوله وخله الكوفه بخطر
كلها تسأل ياهو هذا جنه عباس الكمر
ماسلم كدامه واحد بعد ماينفع عذر
خله كل جيش الأعادي للمنية تنتظر

لمن ايقاتل
جنه بوفاضل
جنه عباس جنه عباس
___
سيفه مايثني ابضربته جنه
ذو الفقاره
غيرة من قصر الأمارة شعت ابأنوارة
مسلم ايشمر جثثهم هالعدة محتارة
من الوصي الكرار حيدر ماخذ ابأثارة

اسد بالحومه
هالأجه يومه
جنه عباس جنه عباس
___
جنه عباس ابوفاضل يوم طب المشرعه
شطر الجيش بيمنته ال امية امروعه
خله فرسان الاعادي تشتكي بالفاجعه
مسلم ابنفس الشجاعه ياهو
يكدر يمنعه

هيبة حيدر
هلا بهالمنضر
جنة عباس جنة عباس
___
رايتة رايت محمد بالكرم معروفه
حذرو اهل الكوفه منه يوم طب الكوفه
انه هاي الليله كاصد والنصر ماعوفه
الزمن لبن الرساله هد عليه بسيوفه

لمن ايجاهد
مسلم القائد
جنه عباس جنه عباس
___
فزع يم قصر الامارة مسلم ابكل همه
كال فدوة اتروح روحي كلها لأبو اليمه
ماخذ ابحب الصميدة منهجة وكل علمه
افدي كل شمعه حياتي فدوة دمي الدمه

انكظه عمرة
خادم العترة
جنة عباس جنه عباس
___
خادمكم ابو منتظر الموالي
.
.
.
مسلم يم طوعى وناداها
نار الحرة ما ننساها
___
ظلت مهضومه بيا حاله
من هجمت يمها الخياله
تنضر لحسين وجتاله
تبجي وتون وي عياله

لعنة الله اعله العاداها
نار الحرة ما انساها
÷÷÷÷÷÷÷÷÷÷÷÷÷÷÷÷÷÷
كلها يا طوعى بكل عبرة
شحجيلج عن ابن الزهرة
سيف الشمر يكطع نحرة
ما تبرد من كلبي الجمرة

وهذا المنضر حيل اذاها
نار الحره ما انساها
÷÷÷÷÷÷÷÷÷÷÷÷÷÷÷÷÷÷
ضل يذكر كل محنة وشده
لمن بقه حسين ابوحده
كل جيش ال اميه ضدة
باجر يوكف خصم وجدة

اشكبرة امصابي وبلواها
نار الحرة ما ننساها
÷÷÷÷÷÷÷÷÷÷÷÷÷÷÷÷÷÷
زينب شافت نحر الغالي
ضلت يا طوعى بلا والي
مات حسين وغير حالي
فدوه الدمك دم عيالي

الله ايساعدها ناداها
نار الحرة ما ننساها
÷÷÷÷÷÷÷÷÷÷÷÷÷÷÷÷÷÷
وابنيتي يكثل منضرها
يتلوع كلبي من اذكرهة
من رحت كسرو خاطرهة
متحضرة تمشي الأسرهة

ورقية تواسي مبجاها
نار الحرة ما ننساها
___/////////////////
خادمكم ..ابو منتظر الموالي

ليلة الوحشة 2022

ما نسيتك _ دوّريتك _ مگطع وتنزف لگيتك
......

بليلة الوحشه الرهيبه ليلة جروح وألم
لا ولي ظل عدنه خويه لا خدر لا من خيم
گلبي حن ليك واجيتك اعثر بخطو الجدم
جثث منثوره بطريقي وگاع تنزف كلها دم

من وصلتك _ دامي شفتك _ خويه يحسين وشبگتك
..............

حيّرتني جروح جسمك جرح مفتوح بجرح
ماكو موضع منه سالم إلا بي طعنة رمح
حرت ياجرح الأشده جرح ثاني ينفتح
صدرك المكسور خويه. بدم وريدك متّشح

آنه زينب _ يمك انحب _ خدري ياخويه تسلّب
...............

جيتك اشكيلك وضعنه لن شفت وضعك اشد
شفتك بلا راس خويه مگطع وعاري الجسد
حسين يبن امي وحبيبي بمصرعك گلبي انمرد
أنّشغل فكري بجروحك حرت شحچيلك بعد

سلّبتنه _ عذّبتنه _ آل امية من عفتنه
................

الليله وحشه وماكو يمنه والي بس ابنك عليل
جيت اگلّك ماكو حارس لا محامي لا كفيل
گمر هاشم عالشريعه. مگطع ودمّه يسيل
من عگبكم للحراسه زينب الصارت بديل

واليتامه _ بلا سلامه _ سهرت الليل بضلامه
............

الليله نمنه عله الترابه وخوف تارس كل مكان
والخيم حرگوها بعدك. صارت رماد ودُخان
مجرّحه طفالك يخويه. تبچي محتاجه الامان
تصيح وين حسين ابونه ليش ما رد من زمان

صَبّرتهم _ نيّمتهم _ عالترابه اللي چوتهم
..............

خويه مضطرّه اودعك ورجع احرس بالزغار
وعالهزل نطلع سبايا. من يطر صبح النهار
والشمر حادي الظعينه. بيده مو بيدي القرار
بالحبل يچتف ادينه. ونگطع دروب المرار

تدري بيه _ لو بديه_ ابقه يمك للمنيه

سيد زيد الفحام
________

نزله . لـ ( مسلم بن عقيل ع )

………………………………………… .

يطوعه •• اليوم ذكريني بهلي
يطوعه •• بزود من عمي علي

………………………………………………………

انا ابن هاشـم يطوعه الحـرب الهم عاده
جـعفر الطيار عـمي و حمزه فخر الساده
شيوخ عل وادم اصلنه واحنا دوم القاده
انا ذاكـه العـرب كلـها ترجف مـن اجداده

يطوعه •• ابو طالب جـد الي
يطوعه •• بزود من عمي علي

……………………………………………………………

بـسم الله و بـسم عـمي عـلـي قالـع خـيبر
طالع بموكب واصيحن صوت حيدر حيدر
الـيوم اخـلي السـيف بيهم يلـگط و يتخير
فوگ سطحج روس اطشها قاده وي العسكر
يطوعه •• بـسم حيدر هلهلي
يطوعه •• بزود من عمي علي

……………………………………………………

اليوم اعيد الحسن صيته واكرم بديوانه
حسـني و سيفي اليعزب مانشف فنجانه
جثث ارسلـهن هـديه لـقصر ابن مـرجانه
اليوم اخلي الكوفه تصبح بالدمه غركانه

يطوعه •• انا ابن عـم الـولي
يطوعه •• بزود من عمي علي

…………………………………………………… .

انا عاشگ للحسين و عـل فخر رباني
چي احب حسين انا الله هم حباني
گال من عندي سفير وثقتي من اخواني
هل ثقه انطيها رگبتي ودمه من شرياني

يطوعه •• اليوم دمي اليعتلي
يطوعه •• بزود من عمي علي

…………………………………………………… .

لو ضعف حيلي يطوعه بالگمر ذكريني
لو سمعت اسم يحره غيره تجدح عيني
مـاي مـنهم ما اريـده جـربته التـرويني
علگ من بيرغه الاخضر بيده شد ايميني

يطوعه •• بـ بو فاضـل زلزلي
يطوعه •• بزود من عمي علي

…………………………………………………………

راح اوصـيج بوصـيه طـوعه لا تنسيها
الكوفه لو طبت حميده عل الگبر دليها
مـثل ما شـربتي مـسلم بيدج تشـربيها
حـافيه و الگـاع جـمره تلـسع بـرجليها

يطوعه •• بنتي باچر تنـولي
يطوعه •• بزود من عمي علي
……………………………………………………………
✍️ ( سيد خضر الزاملي ) نزله

عيوني من الغياب      علكتها علباب

              ردلي يبني يحسين......
......................................................
مسافرين وداعت الله انشدت المحامل
ودمعي وي دمع العليله يسولفن رسايل
وداعهم   شبكاته  منجل  والعمر سنابل
المن ابجي عزاز كلها حسين لو ابوفاضل

والزمن مني خذاك    وينه وينه الموت اجاك
همه كلهم احباب            علكتها عالباب.....
..............................................................
يشرب الشباج  شوفي  مناطرتهم   بالدرب
اوادري من حمل ضعنهم جانت النيه حرب
روسهم كل راس عيسى عالرماح وينصلب
كلها  ويردون  اكولن  هاي  حسبات الكلب

لليكول حسين جاي        واهليه عيوني هاي
يرجع من الغياب             علكتها علباب......
................................................................
متانيه حسين بكلب مشتعله ناره
واكفه بدربة   انتظر وكفت مناره
ناذرتلة   اربع   زلم   كلهم  غياره
وناذره الزينب جفوف اتصب نادره

لواندلهم جانت اجيت    ويه زينب جا بجيت
وسدباب العتاب            علكتها عالباب........
..........................................................
الشاعر علي مالك الركابي
الناشرملامحمدابوسجادالكعبي
نسالكم الدعاء
الرادودالملامحمدابوسجادالكعبي
ألهم لا تحرمنا من خدمة الأمام الحسين عليه السلام
https://www.tg-me.com/mngfu

ليلة الوحشة 2022

ما نسيتك _ دوّريتك _ مگطع وتنزف لگيتك
......

بليلة الوحشه الرهيبه ليلة جروح وألم
لا ولي ظل عدنه خويه لا خدر لا من خيم
گلبي حن ليك واجيتك اعثر بخطو الجدم
جثث منثوره بطريقي وگاع تنزف كلها دم

من وصلتك _ دامي شفتك _ خويه يحسين وشبگتك
..............

حيّرتني جروح جسمك جرح مفتوح بجرح
ماكو موضع منه سالم إلا بي طعنة رمح
حرت ياجرح الأشده جرح ثاني ينفتح
صدرك المكسور خويه. بدم وريدك متّشح

آنه زينب _ يمك انحب _ خدري ياخويه تسلّب
...............

جيتك اشكيلك وضعنه لن شفت وضعك اشد
شفتك بلا راس خويه مگطع وعاري الجسد
حسين يبن امي وحبيبي بمصرعك گلبي انمرد
أنّشغل فكري بجروحك حرت شحچيلك بعد

سلّبتنه _ عذّبتنه _ آل امية من عفتنه
................

الليله وحشه وماكو يمنه والي بس ابنك عليل
جيت اگلّك ماكو حارس لا محامي لا كفيل
گمر هاشم عالشريعه. مگطع ودمّه يسيل
من عگبكم للحراسه زينب الصارت بديل

واليتامه _ بلا سلامه _ سهرت الليل بضلامه
............

الليله نمنه عله الترابه وخوف تارس كل مكان
والخيم حرگوها بعدك. صارت رماد ودُخان
مجرّحه طفالك يخويه. تبچي محتاجه الامان
تصيح وين حسين ابونه ليش ما رد من زمان

صَبّرتهم _ نيّمتهم _ عالترابه اللي چوتهم
..............

خويه مضطرّه اودعك ورجع احرس بالزغار
وعالهزل نطلع سبايا. من يطر صبح النهار
والشمر حادي الظعينه. بيده مو بيدي القرار
بالحبل يچتف ادينه. ونگطع دروب المرار

تدري بيه _ لو بديه_ ابقه يمك للمنيه

سيد زيد الفحام
____

مانسيتك دوريتك كلمات سيدزيدالفحام
الرادودمحمدابوسجادالكعبي ليلة الوحشة١١من محرم٢٠٢٢هجري١٤٤٤ جديدحصريا

٩/ ٨ / ٢٠٢٢الثلاثاء ليلة الوحشه