عيوني من الغياب علكتها علباب

ردلي يبني يحسين......
......................................................
مسافرين وداعت الله انشدت المحامل
ودمعي وي دمع العليله يسولفن رسايل
وداعهم شبكاته منجل والعمر سنابل
المن ابجي عزاز كلها حسين لو ابوفاضل

والزمن مني خذاك وينه وينه الموت اجاك
همه كلهم احباب علكتها عالباب.....
..............................................................
يشرب الشباج شوفي مناطرتهم بالدرب
اوادري من حمل ضعنهم جانت النيه حرب
روسهم كل راس عيسى عالرماح وينصلب
كلها ويردون اكولن هاي حسبات الكلب

لليكول حسين جاي واهليه عيوني هاي
يرجع من الغياب علكتها علباب......
................................................................
متانيه حسين بكلب مشتعله ناره
واكفه بدربة انتظر وكفت مناره
ناذرتلة اربع زلم كلهم غياره
وناذره الزينب جفوف اتصب نادره

لواندلهم جانت اجيت ويه زينب جا بجيت
وسدباب العتاب علكتها عالباب........
..........................................................
الشاعر علي مالك الركابي
الناشرملامحمدابوسجادالكعبي
نسالكم الدعاء

على محبة الحسين اشتركوا 👇🙏👇


👈قناة قصائد والحان رواديد


👈قناة نعي لكل الشعراء الحسينيون


👈قناة مخزن قصائد لكل الشعراء


👈قناة الهوسات الحسينيه فقط


👈قناة اقوال وحكم آل البيت ع

👈بأدارة ملأ علي الواسطي ☝️

اللهم صل على محمد وآل محمد على محبة آل البيت عليهم السلام ارجوا الدخول 👆👆👆

❣❣❣❣❣❣❣❣🌹💟

لأستشهاد السيد محمد محمد صادق الصدر رضوان الله عليه

ياصدر لا لا تروح / بعدك تزيد الجروح
شوفتك تسوى العمر/ياصدرنه ياصدر
★★★★★★★★★★★★★
يالرحت من بين أدينه وظلت أحبابك تنوح
بعازتك أحنه ترانه هذا وكتك لا تروح
أنته أبونه وغالي عدنه وأنته مرجعنه السموح
موتتك والله خسارة ورثت بينه جروح

وأعتله من عدنه صوت/ريتنه بدالك نموت
وفدوه دمنه ينهدر / ياصدرنه ياصدر
♢♢♢♢
ياصدر لفنه بعباتك حتى نشعر بالأمان
بلا أمان الدنيا صارت وينك الهذا الزمان
قال أبو الزهره محمد وقوله واضح بالبيان
نظرة العالم عبادة وشوفتك هيه الجنان

شوفتك تمحي الذنوب/وذكرك يطيب الگلوب
يالي وجهك چل البدر / ياصدرنه ياصدر
♢♢♢♢
كل محب هالليلة يصرخ ريتني بدالك متت
ولا أشوفك ياصدرنه بالرصاص أتصوبت
مصطفى وأبنك مؤمل فوگ صدرك من شفت
حاضنيك بلهفه ويلي بآخر أنفاسك صحت

دمنه هذا إلي أنفدى/فدوه لابني مقتدى
هوه بعدي ينتصر / ياصدرنه ياصدر
♢♢♢♢
أنته ماميت يسيد حين صوتك أسمعه
بخطبة الجمعة گلتها والأجل متوقعه
يالتحبوني أذكروني إن ذكري منفعه
وأحنه ماناسيك والله ودوم دربك نتبعه

مرجعي أنته الاولي/أي وحگ حيدر علي
بيك نتحده الخطر / ياصدرنه ياصدر
♢♢♢♢
نهجك الطاهر يسيد مانعوفه للأبد
أنته عنوان الشجاعه وأنته للموطن سند
والسرايا العل سواتر قوة منك تستند
ومقتدى قائد علينه شبل من ذاك الأسد

واليحبه ويتبعه / خلي راسه يرفعه
وبيك خلي يفتخر/ياصدرنه ياصدر
♢♢♢♢
والله تستاهل يسيد نعتنيلك سائرين
مثل مانتعنه نمشي الكربله بالأربعين
ثورة المظلوم تبقى تنتصر عالظالمين
واليعاداي الثورة هذي نسحگه بالقدمين

نعلن الأجلك حداد/ونلبس ثياب السواد
ونعتنيلك للگبر / ياصدرنه ياصدر
★★★★★★★★★★★
الشاعر (أسعد قاسم الگريعاوي)



الناشر عباس التميمي:
قصائد حسينيه مكتوبه لمجموعة من الشعراء اضغط هنا 👇👇👇👇👇
https://www.tg-me.com/aabas78
تريد كروب للقصائد الحسينيه وألحان منبريه مختلط اضغط هنا 👇👇👇
https://www.tg-me.com/joinchat-AAAAAD7f0FNmkN2JjlNIBw
__
للاستفسار على المعرف 👇👇👇👇
@Abas747

لأستشهاد السيد محمد محمد صادق الصدر رضوان الله عليه

ياصدر لالا تروح/ بعدك إيزيد الجروح
شوفتك تسوى العمر/ياصدرنه ياصدر
★★★★★★★★★★★★★★★★
يالرحت من بين أدينه وظلت أحبابك تنوح
بعازتك أحنه ترانه هذا وكتك لا تروح
أنته أبونه وغالي عدنه وأنته مرجعنه السموح
موتتك والله خسارة ورثّت بينه جروح

وأعتله من عدنه صوت/ريتنه بدالك نموت
وفدوه دمنه ينهدُر / ياصدرنه ياصدر
♢♢♢♢
ياصدر لفنه بعباتك حتى نشعر بالأمان
بلا أمان الدنيا صارت وينك الهذا الزمان
قال أبو الزهره محمد قوله واضح بالبيان
نظرة العالم عباده وشوفتك هيه الجنان

شوفتك تمحي الذنوب/وذكرك يطيب الگلوب
يلي وجهك چل بدر / ياصدرنه ياصدر
♢♢♢♢
كل محب هالليله ناده ريتني بدالك متت
ولا أشوفك ياصدرنه بالرصاص أتصوبت
مصطفى وأبنك مؤمل فوگ صدرك من شفت
حاضنيك بلهفه چانوا وبآخر أنفاسك صحت

دمنه هذا إلي أنفدى/فدوه لابني مقتدى
هوه بعدي ينتصر / ياصدرنه ياصدر
♢♢♢♢
أنته ماميت يسيد حين صوتك نسمعه
بخطبة الجمعة گلتها والأجل متوقعه
يالتحبوني أذكروني إن ذكري منفعه
وأحنه ماناسيك والله ودوم دربك نتبعه

مرجعي أنته الاولي/أي وحگ حيدر علي
بيك نتحده الخطر / ياصدرنه ياصدر
♢♢♢♢
نهجك الطاهر يسيد مانعوفه للأبد
أنته عنوان الشجاعه وأنته للموطن سند
والسرايا العل سواتر قوة منك تستند
ومقتدى قائد علينه شبل من ذاك الأسد

واليحبه ويتبعه / خلي راسه يرفعه
وبيك خله يفتخر/ياصدرنه ياصدر
♢♢♢♢
والله تستاهل يسيد نعتنيلك سائرين
مثل مانتعنه نمشي الكربله بالأربعين
ثورة المظلوم تبقى تنتصر عالظالمين
واليعادي الثورة هذي نسحگه بالقدمين

نعلن الأجلك حداد/ونلبس ثياب السواد
ونعتنيلك للگبر / ياصدرنه ياصدر
★★★★★★★★★★★★★★
الشاعر (أسعد قاسم الگريعاوي) ثكيله

فاطمه الزهره .. كل عزه تحضره
تمسح عيون البجت .. عدهه دفتر سجلت
كل عزه تحضره .. كل عزه تحضره
..........................
فاطمه الزهره الشريفه سيدة كل البشر
فاطمه الجنّه باسمهه باب وعيون ونهر
خادم وراح ابقه خادم هذا عنوان الفخر
خاف قصرت بخدمتج لساني خجلان اعتذر
.........
فاطمه الآيه .. للبشر رايه
ربي احفظهم دعت .. عدهه دفتر سجلت
كل عزه تحضره .. كل عزه تحضره
********
عندي اسم الزهره يسوه روحي واهلي ودنيتي
حيره شخدمهه بحياتي ما اوفّي بخدمتي
لو بجيت العمر كلّه هم قليله دمعتي
بلكي ارضيهه بابنهه امشي واطبر هامتي
.........
بينج وبيني .. خدمة حسيني
روسنه الهه دنكت .. عدهه دفتر سجلت
كل عزه تحضره .. كل عزه تحضره
*********
باجر بيوم القيامه توكف الزهره الي
تشفع لشيعة محمد آني واحبابي وهلي
هواي عندي ذنوب وادري هناك حتماً ابتلي
مره اندب يالزجيه ومره اصيحن ياعلي
.........
ترضه خادمهه .. يبتلي يمهه
بينه كلنه اتكفلت .. عدهه دفتر سجلت
كل عزه تحضره .. كل عزه تحضره
**********
الزهره تحضر بالمجالس والحضرهه تشوفه
 واللطم لحسين صدره تمسح عله جفوفه
وعد انطت هالشريفه وبالوعد معروفه
كلمن يعزيني بابني بالحشر ماعوفه
.........
واللطم صدره .. تحضر لكبره
الملك الهه انحنت .. عدهه دفتر سجلت
كل عزه تحضره .. كل عزه تحضره
********
باجر المهدي بطلعته ياخذ بثار الضلع
الزجيه تذب طفلهه هذا صار بيا شرع
يكصد المهدي السقيفه راية الحك تنرفع
يالثارات الحسين الصوت لازم ينسمع
.........
ياخذ بثار السبي .. الضلع بنت النبي
والبشر كلهه اعتنت ** عدهه دفتر سجلت
كل عزه تحضره .. كل عزه تحضره

سيد علي المدني

السلام عليكم طلب اخواني هذا جدول شهر محرم

1محرم - هلال محرم
2 محرم - مسيرة كربلاء
3 محرم - العليلة
4 محرم - لأم البنين
5 محرم - لمسلم ابن عقيل
6 محرم - لأنصار الحسين
7 محرم - ابا الفضل الامام العباس
8 محرم - القاسم ابن الامام الحسن
9 محرم - علي الاكبر
10 محرم - الوداع و الرضيع
11 محرم - ليلة الوحشه
13 محرم - دفن الاجساد
25 محرم - استشهاد الامام السجاد

كل الخدم تنهان شفناها بالعين بس كرامه تعيش خدام الحسين

فركتك مثل الملح بجروحي
ابدال روحك كون اشيع روحي
بويه موتني العذاب // يالنمت حدر التراب
**************
يالمشيت وفاركتني ارحم بحالي
تاكل وتشرب يبويه اصورك ابالي
امكابله الباب ودمعتي عالخد اتلالي
وهوه مو كل غالي يحمل فركة الغالي

عيوني اول ما رحت بجيتها
وكعدت الباب اشكثر مليتها
صعبه لحضات الغياب // يالنمت حدر التراب
*************
طبع اليفارك حبيبه ايذكره يوميه
وانته ليليه يسير طيفك اعليه
سافرت ودموعي جانت كلها حنيه
وانه بس كلمة احبك خضرت بيه

جانت اشكد السوالف دافيه
ومن رحت وياك اخذت العافيه
اسأل وماكو جواب // يالنمت حدر التراب
***************





مني كام ايطيح كلبي وبيدي الزمنه
والهوه الما دخل ريتك ما اشمنه
امنين اجيب الراحه كلي وراحتي الونه
عمري بوداعك حبيبي ما اريدنه

الفاتحه الروحك اريد اقراها
اجنازتك شيعو روحي وياها
كلبي من الفركه ذاب // يالنمت حدر التراب
************
عادت اليفكد عزيزه يسكن امجانه
وانه كل لحضه اعتنيلك وانه مو انه
صورة الكوثر شفتها الليله حزنانه
والورد من فاركيته ذبلت اغصانه

يا محمد بيش اقنع اعيوني
بويه ليش وياك ما دفنوني
انهدم حيلي وراسي شاب // يالنمت حدر التراب
***************









فاركتني ونار هجرك بيش اطفيها
وجلمة البويه بغيابك كمت اغص بيها
فاطمه تكسر كلبها من تجافيها
الدار المضيعه حبايب ضلمه تلكيها

اليصفن ويصفك بديه مو خالي
وانه رايح مني راحت بالي
صارت احلامي سراب // يالنمت حدر التراب
******************
راح اشكك ذكرياتي وادفن اسنيني
هاي اخر لحضه يمكن بينك وبيني
روحي عطشانه الحنانك يمته ترويني
انه عالعشره يبويه اشكد بجت عيني

من كثر وني تره الونيته
طير العويدي صفن خليته
كَلي ونج بي عتاب // يالنمت حدر التراب
**************
تمت
تحسين الخفاجي

سمعته آنه يون وتگربت ليه
لگيت الف وتسع مية جرح بيه
شلونك گلتله وگال تعبان
زينب يخويه هواي عطشان
سمعته آنه يون وتگربت ليه
ــــــــــــــــــــــــــــــــــــــ
طاح گالولي اعلى وجهه ودمه يازينب يخر
تحيرت ياصوب اروحن من رجع خالي المهر
اركض ودليني اصيحن طحت خويه بياكتر
عميه عيني الرمل يچوي وحارة الدنيا الظهر

بالشمس نايم مامش فياي
ومن الصبح ماضايگ الماي
ولگيته اعلى الرمل متوسد ايديه
ــــــــــــــــــــــــــــــــــــــ
طاگينه بكل مجان وماخذ ابن امـي النـزف
مامبين وجهه ذاكه وعلى رسومه الدم نشف
موش ذاك حسين اخيي من الطعن ماينعرف
حيرة من ياجرح يشكي العبرن جروحه الالف

جروح الولي كلهن غميجات
بس من كثرهن ما مبينات
وهنه مو جرح واحد واداويه
ــــــــــــــــــــــــــــــــــــــ
تگربت يمه ونشدته تريد اشدن ياجرح
جم سهم صابك يخويه وبيك جم طعنة رمح
يعينك الله شخله بيك الطعن من ذاك الصبح
ساحگاتك بالحوافر خيلهم گبل الذبح ة

خويه ارد اضمدك حايرة منين
من كل مجان النزف يحسين
حرت ياجرح اشده وياهو اخليه
ــــــــــــــــــــــــــــــــــــــ
لن اسمعه يگلي زينب عوفي كل هاي الجروح
بس جــرح گلبـــي يزينب منه ماضلتلـــي روح
عاينت لن چبــده طالــع بالسهـم والـدم يفــوح
صحت ياتالي العشيرة خلاف عينك وين اروح

يابت ابوي جروحي هينات
لاتظمدين هــواي طعنات
بس جرح البگلبي عينج عليه
ــــــــــــــــــــــــــــــــــــــ
الشمس مردت گلبي يختي هلبت تسويلي في
عطش وجروح وحوافــر كلهــن التمــن علــي
غير السهام التجينــي وگمت اشاگفهن بــــدي
خويه زينب هذا حاله الينولي وماعنده اخي
ميت عطش ماضايگ الماي
بس الضهدني السهم بحشاي
وبمعصبج يختي زين شديه
ــــــــــــــــــــــــــــــــــــــ
جنت عـــود اتنـــوع الچن والمخيـــم شفتــه طــاح
ومدري ياهو بسيفه طگني على عيوني وشوفي راح
كلهــــم التمــــوا عليــــه بالسيـــوف وبالرمـــاح
منين ما التفت طعنــه ومــايخلونــــي استـــراح

شدي الجرح يازينب بساع
هلبت شويه يطول الوداع
وعلى كيفج يزينب لا تلچميه
ــــــــــــــــــــــــــــــــــــــ
من الخدر ملهوفة اجيتك خايفه وكلي ارتعد
گلت اتچيلك بديـــه وللخيــم تگـــدر تــرد
مادري بسهم المثلث مـــــارد گليبك مـــرد
من عساني وياك ميته حسين يابعد الولد

حسبالي تگدر ترجع وياي
للخيم وانسويلك فياي
واضمدنك واشوفن جرحك شبيه


رائد الناشي

الرادودمحمدابوسجادالكعبي||ادموع عيني يبويه سايله||كلمات ابو سجاد الذهبي||الروايه من استشهادفاطمة الزهراء عليها السلام٢٠٢٢ المجلس الاول

يازهرةالروح||كلمات سيد زيد الفحام ||أداء الرادودمحمدابوسجادالكعبي مجلس عزاء٢٠٢٢جديدالمجلس الثاني

الرادودمحمدابوسجادالكعبي يبني يالاكبر كلمات ابوسجادالذهبي ٢٠٢٢مجلس عزاء في دار الرادود ابومحمدالكعبي

الرادودمحمدابوسجادالكعبي وينك يغايب كلمات ابوسجادالذهبي حصريا٢٠٢٢

وينك يغايب شفنه المصايب
تبچي بدمع سچاب عالعصروها بالباب
وينك يغايب
@@@@@@@@@@@@
يجري دمعي كل صباح وكل مسيه
وأدعي ربي يعجل الطلعه البهيه
أبد مايبرد غليلي والنار بيه
أله أخذ ثارهه الزهرة الزچيه
وآخذ يمه الثار من ذوله اللأشرار
وثار الأطايب
@@@@@@@@@@@@
يمه دمعي يالزچيه الهسه يجري
ونار بابچ ويه نار الخيم تسري
جمرة تسعر بدليلي ونار صدري
يمته رب السمه يعجل بأمري
عيوني مليانه غضب عالشعلو ابابچ حطب
وشفنه المصايب
@@@@@@@@@@@@
تنظر انته اعله البقيع ودوم حاير
وتراب سووهه يمهدينه المناير
ادري انته بطلعتك تحيي الضماير
بيا كتر گبر الزچيه وين صاير
مولاي ماعدنه صبر والزهره مخفيت گبر
وتزيد النوايب
@@@@@@@@@@@
جرح الاول عالزچيه اللي أعصروها
وجرح ثاني اعله الهامه اللي اطبروها
وجرح ثالث الخيمة الحره احرگوها
وجرح رابع چفوف عمي الگطعوها
أصعب وأعظم جرح نحر جدي ينذبج
فوگ الترايب
@@@@@@@@@@@@
ظهرت اشكال الفتن كل يوم بدعه
الربي أدعي وچفي كل ليله ارفعه
الشيعه تترقب ظهور بيوم جمعه
إله چف الباطل بسيفي أگطعه
شلون أنسه اليجره والي ظلعچ كسره
والگلب ذايب

خادم الزهراء عليها السلام
ابو سجاد الذهبي ثكيلة

نوح خلص ليلك. الغربه هدت حيلك
واماماه واماماه

سيدي يالقـــــاسم الله يعين صبرك
الغربه مره والنوايب حنت ظـــــهرك
جبرتك دنيـــــاك والـهم تخفي سرك
وعشت تسكي الماي وانت العالي قدرك


صعبه اگـــــول شلونك. وحزن تجري عيونك
واماماه واماماه

حجايه ودي اسئلها الك ودريهه صعبه
شعـــــــــندك اويه الماي واختاريت دربه
ليش عينك عالـــــــــــنهر والجربه تربه
وليش تجري ادموع من مايك تصبه

عندك أطفال والخيم. ضعن من ماي انحرم
واماماه واماماه


حجيلي يامولاي اسالك عن حياتك
ويــاهي أصعب نـــايبه من نايباتك
ليش احسن بالحزن عاش ويه ذاتك
وسبي عماتك هوه العجل وفــــاتك

متت وتهيل الدمع. يعني گلبك منفجع
واماماه واماماه

كل غريب المـــــغرب يحن الـعياله
وكــــل عزيز مفــارگه يمر اعله باله
يگعد ويرسم صور اهــــــــله بخيـاله
وتلگه حتى الصخر يتباچه اعله حاله

المغرب الله يعينك. لو ذكرت احسينك
واماماه واماماه

خل نسولف عن حياتك وحده وحده
اعذرني كلبك عن جروحه اليوم انشده
بياحزن مولاي يومك چـــــــــان يبده
تبدي عالمذبوح لو عــــــــالفگد زنده


شنهو اشد اجروحك الغربه لو مذبوحك
واماماه واماماه

خادم الزهراء ع ابو احمد الطائي

الليله ابچي والدمع بعيوني
عله مصاب العسكري واسوني
آنه المهدي أنه المهدي
@@@@@@@@@@@
بيوم مات العسكري وحدي اضل
اسهر الليل بشجوني بلا أهل
فارگوني احبابي وحملي ثگل
وحشه صارت دنيتي وضاع الأمل
على مصيبة والدي عينوني
على امصاب العسكري واسوني
أنه المهدي أنه المهدي
@@@@@@@@@@@@
آني آخر حجه باقي عليكم
ومن مصايب هالزمن أحميكم
شيعه انتم وانه افخر بيكم
خدام ماتنسوني أنا أدريكم
وفرح بسامره من تلفوني
على امصاب العسكري واسوني
أنه المهدي أنه المهدي
@@@@@@@@@@@
گضه عمره والدي ابلوعه وألم
من وگع عباس شيال العلم
وجو العدوان بنار الخيم
وراحت اعله النوگ مسبيه الحرم
الليله بدموع وحزن عينوني
عله مصاب العسكري واسني
أنه المهدي أنه المهدي
@@@@@@@@@@@
ابد ماراعو مقامه ذوله الأشرار
ضيعو نور ابسجن ابن الأطهار
ساجد بمحراب يدعي ابگلبه نار
تاليه سمو بغدر كنز الأسرار
ابوالدي هاي العده يفجعوني
على مصاب العسكري واسوني
أنه المهدي أنه المهدي
@@@@@@@@@@
زيل هالغمه يلآهي وهل البلاء
بجاه مگطوع النحرفي كربلاء
وبالإمام العسكري رمز الاباء
وبختهم عنه ترفع هل وباء
وبلمجالس أبد لا تنسوني
على امصاب العسكري واسوني
أنه المهدي أنه المهدي


خادم الأمام الحسن العسكري عليه السلام
ابو سجاد الذهبي كتبته