بت قطار الشوق♥️

قطار الشوق متين ترحل تودينا
نشوف بلدًا حنان أهلها
ترسى هناك ترسينا

من أول مرة سمعت الأغنية، وطوالي بقت معلقة فيها، بتدندنها صباح ومساء، وكل الناس بقت بتقول ليها يا بت قطار الشوق♥️

عشان ما نلقى سيد الناس
ونطفي البينا من النار
نشوف عينيه نعسانة
ولونه زاهي كله نضار

بس في المرة دي حست إنو احساس الأغنية متوغل فيها شديد، بقت زي العصفورة اللي نفسها تفرد جناحها وتطير، وكأنو الأغنية بترسم ليها مشهد اللقاء بعد البعد
العيون النعسانة واللون الزاهي
ونار الشوق لما تتطفي♥️

قطار الشوق ده ليل الغربه فيه ودار
متين تسرع متين بتكمل المشوار

اللهفة كانت ظاهرة جدًا في ملامحها، نفسها تسابق الزمن وتصل غربته، تشاركه ودار الليل، وتحكي تفاصيل شوقها ورحلتها الطويلة♥️

قطار الشوق حبيبنا هناك يحسب في مسافاتك
ولو تعرف غلاوة الريدة كنت نسيت محطاتك

احتارت إنو كيف ممكن تشرح للزمن لهفتو ليها، وإنو هناك بعاني وبحسب ساعات وصولها ليه، ولا كيف تقنع الزمن بغلاوة الريدة عشان يسرع أكتر وأكتر♥️

وكان بدرت في الميعاد
وكان قللت ساعاتك
وكان حنيت علي مرة
وكان حركت عجلاتك

اتمنت لو الزمن قدر يبدر شوية ويقلل ساعات لقاهم، أو عالأقل يحن عليها شوية بس ويزيد سرعة عجلاته♥️

ورجعت تاني تدندن بصوت واطي وحزين:
قطار الشوق متين ترحل تودينا
نشوف بلدًا حنان أهلها
ترسى هناك ترسينا
عشان ما نلقى سيد الناس
ونطفي البينا من النار
نشوف عينيه نعسانة
ولونه زاهي كله نضار

#سهير_إسماعيل

‏مُر حُبًا أو كرهًا أترك لي شيء من طرف قلبك.. ‏"رسالة صريحة، كلمة، قصة، دعوة، أو صورة أو أي شيء" ♥️♥️♥️

http://httpswwwsarhnecomsuhaiiir.sarhne.com

-
"أن يُكرم الإنسان نفسه يعني أن يختار لها ما يليقُ بها من كل شيء، من الرّفقة أطيبها، ومن الحُبّ أرقاه، ومن المجالسِ أرحبها."

هذه القناة مخصصة للإعلانات بمختلف أنواعها:
ورش، دورات، كورسات، ندوات، مؤتمرات وغيرها

_رابط القناة على التلجرام:
https://www.tg-me.com/ads21platform
_رابط القروب على الواتساب:
https://chat.whatsapp.com/LaoXLQGzdY8AhtZlNY1FgX

ADS PLATFORM

🔰من أهم وسائل الترويج للمنتجات والخدمات هي الدعاية والإعلان، حيث تهدف إلى نشر المعلومات والأخبار حول منتج أو خدمة معينة وزيادة الوعي.

🔰تساعد الإعلانات في الوصول إلى نطاق واسع من الجمهور وتحقيق نتائج جيدة ودقيقة.

🔰تختلف مواقع النشر بإختلاف الجمهور المستهدف ونوع المنتج أو الخدمة، كما تتعدد المواقع بتعدد الجمهور المستهدف.

▶️ ADS PLATFORM

قناة مخصصة للإعلانات بمختلف أنواعها:
ورش، دورات، كورسات، ندوات، مؤتمرات وغيرها، سواء على منصة الواتساب أو التلغرام.
🔥🔥🔥🔥🔥🔥🔥

◀️تهدف القناة إلى نشر المعلومات والأخبار بصورة سلسة و محكمة، لخلق جمهور وتحقيق نتائج جيدة.🫰🏻🔥

📍لنشر الإعلانات الرجاء التواصل مع:
@Alsuhair
@Eslah3

🕛 متواجدين 24 ساعة.....🔥

_رابط القروب على الواتساب:
https://chat.whatsapp.com/LaoXLQGzdY8AhtZlNY1FgX
_رابط القناة على التلجرام:
https://www.tg-me.com/ads21platform

حتى هذه اللحظة لم أتعرض لأي إغراء، ليس أمامي ما يُسرق، وأنا لا أملك الحكم على حراس المرمى الَّذين لم يتعرضوا لكرة واحدة طيلة المبارة. لقد تعلمت أن كل إنسان يقضي حياته في الفخر بإنه لم يقترف ذنباً، فالحقيقة أن نطاق حياته بعيد عن أية فرصة لاقتراف الذنوب، فإذا أتحيت له الفرصة.... حسنٌ.. من أين يأتي اللصوص والمختلسون والقتلة! إنهم من بيننا.. إنهم نحن! هؤلاء أشخاص وجدوا الفرصة كاملة فأدركوا أنهم أضعف مما تصوروا.. أدركوا أنهم لم يكونوا قط شامخي الأخلاق كما حسبوا..
   
- د/ أحمد خالد توفيق.

وكان يعود وحيداً كالعادة ..
يلتحف نفسه وفي أذنية صوتٌ يقول مُحاسباً " لا حق لك .. كنت تعلم منذ البداية" ..
قرأتُ عن ضعف الإنسان أمام شعورٍ ما أياً يكن،
ولكنني لم أعرف يوماً عن خيبة الإنسان من نفسه كالآن ..
العيون ليست مرآة الروح وأعلم أنني قلت نقيض ذلك ذات يوم ..
قفزة الإنتحار التي فعلتها وأنت تبتسم ربما كانت تعباً، ربما إستغاثة وربما كانت هرب!
ربما كانت حاجةً للشعور بأي شيء كنوعٍ من كسر روتين الروبوت في داخلك!
وفي كل الأحوال كانت عينيك جميلة .. 🤎🕯️

بضع أعوام
حياة بلا معنى
يلتهمني القاع أكثر فأكثر
تتشتت الأفكار
تختفي بين ظلام الجب
ولا أعثر عليها
وهكذا....
تتوالد الأفكار والأشياء ثم تندثر...
فلا أعرف من أنا أو من أين ابدأ
ولأن الأشياء كلها أعدت حقائبها وبارحتني
صرت أجول بين ثنايا العمق
أبحث عن اللاشيء الذي يعني لي شيئًا
وأيضًا لا أعثر عليه
فقط فتاة مزجاة على جب معتم
مصابة بالدوار
متهالكة
تبحث عن ضماد لروحها

#سهير_إسماعيل

الشوارع التي كانت تضج احتفالًا
الآن تبكي حزينة
تسائل قريناتها باحثةً عنا
لكن باءت مساعيهم جميعًا بالفشل

أصابهم سهم الفقد
لعنوا الحرب والعسكر
وتغطوا بالأبيض
معلنين نهايتهم

وهل يمكن أن يعيشوا خاويين
خاليين من آثار أقدام فلذاتهم
ليس هناك حياة بالخواء
لذلك غادروا

غادرونا نحن
حين نعود لن نجدهم
نسائل أين الطرقات التي نحبها؟
أين الشوارع التي كانت تروقنا؟
سترد الأرض قائلة
ماتوا بحثًا عنكم!

#سهير_اسماعيل

قالت وهي تحكي:
(حين قالها للمرة الأولى
تفتحت جميع الأزهار
اكتست الأماكن الأبيض الوضاح
نبتت لدي أجنحة
حلقت الفراشات بكثرة
اكتمل القمر بدرًا
عكست الشمس أشعة حب دافئة
تمايلت الأغصان فرحة
هب النسيم بكل الاتجاهات
الغيوم هدهدت قلبي
النهار تحول إلى شتاء
الأشجار تراقصت طربة
الشموع أضاءت الأماكن
الورد احتل قلبي
عيناي توجهت دهشةً
ووُكِّل الليل بمهمة أخذ أحزاني خارجًا)

حين قالها:
لم تدري ماذا حدث، ولكنها غرقت!

#سهير_إسماعيل

أن نعود
وتعود أيام الجامعة
جامعة السودان "الغربي"

أن نتذمر من محاضرات السادسة صباحًا
نجلس مجددًا عند جدو لتناول الإفطار
نعبث بالمواد داخل معامل الكيمياء
نتجاذب أطراف الحديث تحت أشجار ربيت
نبكي خوفًا من الإمتحانات
نمشي على ممر هاشم عبيد وسط الكثير من تعليقات الجالسين
نجعل من النجيلة خلف الإدارة مكاننا المفضل
نلتقط الصور في رأس كل ثانية
ألتقي صديقتي ملاذ لتسمع شكواي المعتادة
تمطر بغزارة ونلهوا تحتها كالأطفال
أن تعود الأيام الثقافية والتقليدية
نرتدي الزي التقليدي داخل حرم الجامعة

أن نعود
وتعود أيام الجامعة
سنُحبها ما استطعنا
لن نتذمر أو نشكوا مجددًا
وإن كانت المحاضرات الرابعة صباحًا أيضًا لا بأس
فقط أن نعود وتعود أيام الجامعة

#سهير_إسماعيل

إلى الحبيبة نيالا بعد عام من الحرب
وبعد مرور سبعة أشهر على مغادرتك

"نيالا أم عيالا العيشة فيك هنية
يا خضرا أم رمالًا سمحة زي بنية"

ليس هناك ما يمكنني كتابته
وليس هناك ما يمكن أن يصف شعوري
صارت كل الكلمات لا تجدي نفعًا!

في الزمان..
كنت أتعجب من المغتربين الذين يتمنون العودة إلى السودان
وكنت أبصم بأصابعي العشرة أنني إن خرجت من هذه البلاد فلن أعود إليها أبدًا
ولكنني الآن أشعر بالغربة وأنا بداخلها
أعترف أن الإبتعاد عن العزيزة نيالا هو أقسى من الإغتراب عن البلاد كلها

نيالا عالم كامل لوحده
ولا يعرف ذلك إلا من ترعرع في ربوعها
مدينة لها سحرها الخاص
تجعلك تشعر بالحُب، الراحة، الإمتنان
الامتنان لكل الأسباب التي جعلتك تعيش فيها

لك أن تتخيل...
رغم ضغوط الحرب
هناك الكثيرين قد عادوا إليها غير مكترثين لما يحدث أو سيحدث
ويسعى شبابها جاهدين لترميمها
فنيالا لا يمكن أن تترك أبدًا
أنا آسفة... ولكن ليس هناك مدينة تشبهها
لا في الشكل ولا في المجتمع ولا في أي شيء

أن تكون من مدينة نيالا هذا في حد زاته سمة
يجب أن تدرج في السيرة الذاتية كأحد المميزات
ولكنها وضعت بطريقة غير مباشرة
ففي الكثير من الأماكن التي أذهب إليها
وما إن أقول أنني من أبناء نيالا حتى يُقال لي: أجمل ناس والله
فكل من يأتي من نيالا يحمل صفات نادرة جدًا

"نيالا"
سنلتقي.. إن طال أو قصر الزمن
سنعود.. رغم سوء الظروف والمحن

#سهير_إسماعيل

نحن كشباب نيالا عندنا محبة وولاء خاص جدًا للمدينة دي♥️

كزولة من قمت في نيالا، قريت كل المراحل فيها ما عدا الجامعة، فكان لما تجي أي إجازة بكون مبسوطة جدًا لأني أكيد ح اسافر، سافرت أماكن كتيرة منها الفاشر، مليط، الخرطوم، النهود، الفولة، الأبيض....إلخ، وكنت بكون متحمسة شديد وبقول: الحمدلله وأخيرًا ح نسافر ونطلع من نيالا🥳🔥

فلما امتحنت الشهادة السودانية والنتيجة طلعت، قدمت للجامعة واتقبلت في جامعة السودان للعلوم والتكنولوجيا وطبعًا هي في الخرطوم، كنت فرحانة لأني داخلة الجامعة وهكذا، فقلت لنفسي وأخيرًا ح أطلع من نيالا لفترة طويلة وامشي لمكان جديد ومجتمع جديد، بعدها خلصنا الإجراءات والحمدلله وصلت الجامعة، وبدينا دراسة💃🔥

مرَّ الشهر الأول وأنا لسه برلومة ما فاهمة حاجة
الشهر التاني بديت أحس إنو أنا عايزة أرجع
الشهر التالت بقيت ببكي عديل وكل الناس الكانت قريبة مني عرفت إنو أنا خلاص عايزة أرجع نيالا😂

فجأة حصل انقلاب شهر عشرة والجامعات قفلت، وجات فرصة عشان أرجع نيالا، في البداية كانوا بقولوا لي كلها أسبوع وتفتح، ولكنها ما فتحت، طوالي رجعت نيالا، تميت فيها تلاتة أسابيع، لكن في التلاتة أسابيع دي كنت مبسوطة جدًا، وكل يوم طالعة مشوار لمكان مختلف💃
كانت صاحبتي إصلاح رفيقة الفترة ديك، مشينا كل الأماكن وحضرنا كل الفعاليات، كنت زي الزولة الليها سنين تايهة ولقت البتفتش عليه أخيرًا، بس كان لازم إعلان فتح الجامعة ينزل ويفسد لي اللحظات المقضياها في نيالا🤦🏽‍♀️

طبعًا ما كان في طريقة إلا احجز وارجع للجامعة، كمان دي القراية عاد ما بتتخلى، سافرت ورجعت للجرسة والبكي وعايزة بيتنا وعايزة نيالا، وصلت بي لمرحلة إنو في مرة اتصلت على أمي الساعة 12ظ في يوم ساخن جدًا، وطبعًا ما احكي ليكم عن سخانة العربي، كنت بقول ليها إنو عايزة أحول جامعة نيالا، احتارت وقالت لي يا بت مالك جنيتي ولا شنو😂😂
وصحباتي وأي زول بعرف إني عايزة أحول، بقول لي هبلة وعويرة بس ما أكتر، في زول بخلي جامعة السودان المكنة دي ويمشي يقرا في غيرها🤭

المهم كان كل إجازة تجي بكون أنا أول زول سافر من الدفعة، وهكذا كنت مواصلة الجامعة بين البكي والجرسة في رأس كل ثانية، وواي عايزة أرجع نيالا وبتاع، حتى في ناس كانت وما زالت مسمياني: سهير صياح😂

فترة السنتين القضيتهم في الخرطوم، عرفت قدر شنو أنا متعلقة بنيالا، وفهمت ليه كان الشباب برجعوا نيالا في أول فرصة تتاح ليهم، وعرفت ليه الناس الساكنة في نيالا متمسكة بيها بأسنانها♡♡

فالمسافة هي أصدق حاجة ممكن توضح ليك شعورك الحقيقي تجاه مكان معين♥️

وحاليًا أنا في كوستي لي سبعة شهور، كل الفترة دي وأنا بعيدة عن نيالا، وما معروف ح ارجع ليها متين💔

كوستي مدينة جميلة، وفيها بديت خطوات تعتبر أساس لحياتي♡
لكن يا ريت لو كانت الخطوات دي في نيالا، لكن لله رأي آخر♥️

#سهير_إسماعيل

نحن لما كنا في نيالا؛ كان الجو لو سخن شديد شديد كده درجة الحرارة بتكون ما بين 35 ل 40 وده نادر الحدوث طبعًا، وبرضه الجو بكون معتدل والشجر يمين وشمال والهواء بارد، والحياة جميلة وزاهية😌♥️

حصل وظروف الحرب جابتنا كوستي شهر 9، بتذكر اليوم الجينا فيه صبت مطرة تقيلة شديد وكأنها كانت بترحب بينا، وأنا خلاص قلت أوروبا جاك زول، وافتكرت إنو كوستي ذات طقس رائع جدًا🤩

ولك أن تتخيل يا إنسان
من بعد المطرة ديك وحتى الآن كوستي كل مرة بتسخن أكتر، صباح على نهار على ليل الجو زي النار، إلا مرات مرات بس الجو بكون معتدل بالليل، أما النهار درجة الحرارة ما بتنزل من 40 نهائي💔

أما فصل الشتاء في نيالا ده موضوع براه، الجو طبيعي بارد، بدفى نص النهار ودرجة الحرارة بتصل بالكتير 28 وسريع بتنخفض، والطبيعي إنها باقي اليوم بتكون ما بين 13 لي 20، وقتها بحس إنو مفروض نيالا تنتمي للقطب الشمالي وهكذا😂♥️

ولك أن تتخيل أيضًا يا إنسان
إنو كوستي ما فيها شتاء، الشتاء عبارة عن 9 ساعات ليلية، وفي الصباح بنلقى الشمس مبتسمة لينا عادي جدًا، وبتفضل تبتسم لينا، وفي النهار بتضحك لينا عديل💔

لكن عمومًا شكرًا كوستي لأنك أويتينا من حر الحرب، ونرجوا جدًا جدا أن تأوينا من حر الشمس يا مدهشة🙂♥️

مرفق صور نيالا ذات الأجواء الجميلة ♥️

#سهير_اسماعيل