بالنسبة ليهو هو بس طبعا

من وقتها وقف..

وقف عديل..قال ما بمشي..!!

بالنسبة لفاطمة..بقت تمشي المدرسة..تخش الحمام..وتقعد تبكي بس..تبكي تبكي لحدي ما يجوها صحباتها يسوقوها

أمهم قدر ما تحصنهم..تشغل ليهم قرآن في البيت..مافي فايدة..

عادل ضرب لشيخ يجيهم يتابع معاهم..قال يعني ماف حل غير ده..!

البت مقضياها بكى والولد خلى المدرسة كلو كلو!!!

٤ أيام ورا بعض..شيخ حسين ده بجي..بيرقيهم..بيقرأ عليهم..
طبعا بيتشنجوا..بيخبطوا الواطة وبيكوركوا
بس هو بيواصل جلسته ما بيشتغل بيهم.

بس
في اليوم الخامس تحديدا..

شيخ حسين..كان بيقرأ عليهم..اتكلموا معاهو أخيرا..

بصوت محمد..السافل قال الشيخ..داير شنو؟
شيخ حسين قال ليهو اطلع..اطلع..اطلع من أصبع رجله الصغير هسسيي!!!!

قال ليهو ما بطلع!
قال ليهو رسلك منو؟ داير من الود شنو؟؟؟؟
قال ليهو رسلني واحد من أصحابه
قال ليهو منو اتكلم سريع
"وطبعا الشيخ بيضرب في محمد عشان الجن يطلع.."
قال ليهو رسلني..

وائل!!!!!

وائل صاحب محمد القريب ليهو..تاني المدرسة..
كان غيران منو الوقت ده كلو..طلع إنو مشى لزول يسلط عليهو الجن ده يعطلو عن القراية، في الحقيقة عطلو عن حياتو كلها!!!!!!

أمو اتصدمت..الود القاعد معاهم في بيتهم طوالي..عمل كده في ولدها..

الشيخ بيضرب في محمد وبيقول للجن اطلع اطلع اطلع

بيقول ليهو بطلع من عيونو بيقول ليهو لا
أصبعو الصغير بس!

في النهاية وبعد تعب..قال ليهو شرطي واحد..عندي شرط واحد بس..

قبل أقول ليكم شرطو..
أحكي ليكم عن فاطمة..المرت بنفس سيناريو محمد..ولكن
ماف زول سلط عليها أي شيء..
فيما بعد لما التفاصيل اتعرفت..اتضح إنو هي كانت في نص الليل..واقفة قصاد المراية وعاجباها روحها في لحظة كده ومبحلقة شديد..
والجاها ده..كان جن عاشق..!

قال أنا بحبها..بحبها ما بمرق منها..أبدا

بعد تحانيس وتعب مع الشيخ..وبعد ضرب ومناكفات وقراية..وافق..