Мен Аллоҳнинг фазли (фазл - инсон лойиқ бўлмаса-да Аллоҳнинг унга неъмат бериши) ичида яшаётган одамман. Менга Унинг фазли ва инъомлари жуда улкан. Ана шундай буюк инъомларидан бири Истанбулдаги "Mezana xalqaro ilmlar akademiyasi" ҳисобланади.

Чунки оддий ният ва озгина ҳаракат билан Аллоҳ таоло менга жуда катта илмий салоҳиятли, чуқур руҳий тарбияли ва катта тажрибага эга жамоани тақдим этди. "Mezana"да йиғилган устозларни танлаб ва мақсад қилиб ҳам бир жойга тўплаб бўлмайди. Лекин Аллоҳнинг фазл, раҳмат ва тавфиқи билан шундай буюк олимлар бир йилдан бери ўзбек талабаларига таълим бермоқдалар.

Куни кеча akademiya устозларидан, "Mezana"нинг илмий мудири, муфтий Абдулмажид Жузжонийнинг никоҳ тўйлари бўлиб ўтди. Аллоҳ таоло устозга бу муносабатни баракотли ва саодатли қилсин!
Ёш бўлишига қарамай (26 ёш) Абдулмажид қатор илмий китоблар муаллифидир. Мана улардан айримларининг номлари:

"Алқавоидул-фиқҳийяту алмустахражату мин китабил Ҳидая" ("Ҳидоя" китобидан чиқарилган фиқҳий қоидалар) "Қавоиду фи улумил ҳадис ала манҳажи содатил ҳанафийя" (Ҳанафий улуғлар манҳажига кўра ҳадис илмлари қоидалари) ва "Ал-важиз фи усулил ҳадис индал фуқаҳоил усулиййийн вал муҳаддисийн". (Усулий фақиҳлар ва муҳаддислар наздидаги ҳадис усули ҳақида мўъжаз китоб).

У китоблар дунёнинг бир қатор тилларига таржима қилинган, жумладан ўзбек тилига ҳам ва айрим ўқув даргоҳларида дарслик ўлароқ жорий қилинган. Ҳиндистоннинг машҳур

Девбанд илм даргоҳининг битирувчиси ҳадис, фатво ва фиқҳ илмларининг етук мутахассиси ҳисобланадилар. Дунёга машҳур аллома Баҳрул-улум Неъматуллоҳ Аъзамийнинг хос шогирдларидан бўладилар.

Устоз Абдулмажид "Mezana" талабаларига фиқҳ ва ҳадис фанларидан дарслар бермоқдалар. Дарслари ўзбек ва араб тилида ўтилмоқда.

Суратда ёш аллома Абдулмажид Жузжоний, академиянинг яна бир муҳтарам устози, доктор Айман Жаммол ва мен.

"Mezana"нинг бошқа устозлари ҳақида кейинги постларимизда маълумот берамиз.

24.06.2022

@MubashshirAhmad