جا وحيلي..الراح وايامي المظن
جا  والمعاتب..والدموع الخلصن 
جا شمالك..جا شبيك تغيرت
جا سنيني وياك هلبت غزرن .

كطير انصاب بالمطيار...ينحاب
بسهم گلبي ولحد الان...ينحاب
هوة المثل وجهي شلون...ينحاب
الحمد الله وهلي راضين بيه

اعاشر غيرك واطلع واطب واشتاك
ماكلك وفه بس روحي محرومه
شفت الاحلى منك والاحب والزين
واهتمو بروحي و بقت محرومه
ثاري العشك موش تگلب وتختار
مثل الموت هم كل واحد بيومه

اول مرة احس بكلبي يوجعني
واول مره انام وروحي مهضومه
اصيحح ومالكيت انسان يسمعني
وعلي صارت ثكيله الكعده والنومه

يالتقره هذا البيت رد بأمانه
شنهو الدوه الموصوف للولفه خانه