Qiz bola boʻlib tugʻilish, yashash, ba’zan koʻnikish, ba’zan moslashib, keyin qachon chidab yashashga oʻrganib qolganingizni bilmay qolib hayron qolib yashash — bilaman oson emas. Lekin, qalbingizni ehtiyot qiling. Oʻzingizdan boshqa hech kim va hech narsa qalbingizni nurga toʻldirolmaydi. Kimdir nurga toʻldirayotgan boʻlsa siz oʻzingiz shu odamga yoʻl berganingiz uchun, siz Xudoga borgan boʻlsangiz Xudoni qalbingiz xohlab sogʻinganingiz uchun, qalbingizni unga ochishni xohlaganingiz uchun. Qalbingizni ehtiyot qiling. Siz oʻzingiz javobgarsiz.

Balkim men sening boshing uzra uchib oʻtayotgan qushdirman.

Hayot

Hayot – to‘lqin, bir qirg‘oqdan
O‘tar seni otib-sochib,
Hayot – xayol, sen tasavvur
Etsa bo‘lgan har bir lahza.

Hayot – yo‘lki, bosib o‘tar
Shunday izsiz, shunday sokin,
Hayot – so‘zdir, so‘zga aylab
Senga qoldir bunda borin.

Hayot – daryo, yurak bo‘lsa,
Unda suzgan qayiqdir sen.
Hayot – borliq, sening o‘zing,
Undan boshqa nima bor, de!

Usmon Azim

Hamma ham birovning dardi bilan yashay olmaydi.

Yaxshi boʻladi. Iziga tushadi. Nasib.

Xudoga shukur.

Oʻziga shukur.

Ming shukur.

Bahorni sogʻindim.

Qachonlardir oshni oyda bir yeydigan odam edim. Osh qilishni eng oxirida oʻrgandim. Yillar oʻtib har ikki haftada osh qiladigan odamga aylandim. Oxir-oqibat esa, shunchaki oʻzim qilgan oshni rasmini koʻrib qolib, yarim kechasi mana osh buyurtma qiladigan darajaga kelibman. Yillar ilgari «shunday boʻlib qolasan» desa kimdir mabodo ishonmas edim. Yillar odamni oʻzgartiradi. Yoshlik qilib «men ana shunaqa boʻlmayman, bunaqa qilmayman» degan gaplarni ishlatmaganim uchun oʻzimdan minnatdorman. Kechasi osh yegingiz kelib qolsa, uzr. Xayrli tun. #mood 🦦

AK45. #mood 🫡

Yam-yashil, iliq aprelni naqadar sogʻinganman.

Kulgularingizdan olam yorishsin, bayramingiz bilan! #mood 🌷

Bogʻchaga borgan vaqtlarim esimga tushib qoladi oʻzidan oʻzi. Umuman xohlamas edim. Lekin hech qachon uydagilarga bogʻchaga borgim kelmasligi haqida ayta olmaganman. Meni bogʻchaga mahallamizdagi qoʻshni akalar olib ketishardi. Ikkita qoʻlimdan ushlab, yetaklab ikki yonimda ular. Rosa xohlaganman dadam meni bogʻchaga olib borib qoʻyishini, lekin unaqa boʻlmagan. Haligi ikkita aka meni juda yaxshi koʻrishgan. Bogʻchaga kirib ketishimdan oldin shundekkina burchakda shirinlik sotib oʻtiradigan buvi boʻlardi. Qoʻlimga nimadir olib berishardi. Haqiqat shuki, shu ikkita akalar ikkalasining ham uyida qiz farzand yoʻq boʻlgan va ikkalasi ham oilada 2 oʻgʻil boʻlsa shuning kichigi boʻlgan. Ular maktabni yuqori sinflarida oʻqishar edi. Meni yetaklab olib aytishardi, rosa singlisi boʻlishini xohlashgan (maktab paytlarimni eslayman, boshlangʻich sinfda shu akalarni uyiga tashab ketishardi uydagilar qayergadir ketishsa, zoʻr oʻyinchoqlari bor edi yoqardi menga).

Yoʻlak toʻla eman daraxti boʻlardi. Qayerlardandir qattiq shovqin bilan qargʻalarni shovqini shunaqanggi eshitilardiki, juda yoqimsiz edi. Menga qargʻaning ovozi yoqmagan avvaldan qoʻrqitardi. Menga tundlik yoqmasdi. Qargʻaning ovozi esa — tund.

Hozir koʻchada sayr qilib yuribman erta sahardan. Harorat biroz sovuq. Bahor hali yangi haftadan keladi. Lekin mana bu qargʻalarning ovozi hozir ham menga yoqmayapti.

Yozayotib shu tobda xoʻrozqand va olmaqandlar esimga tushib qoldi. Endi ularni qayerdan topsam? Iftorlikka oʻzimni siylasammikan? Barchamizga xayrli tong. Bugun dam olish kuni, dam olinglar! #mood 🍭

Odam oʻzidan qochib qutila olmas ekan.

Derazamning oldida bir tup oʻrik oppoq boʻlib gulladi. #mood 🫠

Shunday goʻzal ob-havoli bahorni uvol qilmanglar: sevinglar, sevilinglar. Birga koʻproq vaqt oʻtkazib mehr ulashinglar…

Tabiat oʻz ishini bilib bajaryapti shukur.

Kimda-kim «Mutolaa» premiumdan foydalanmoqchi boʻlsa, yillik toʻlov qilishi kerak. Shu paytda: mendan foydali taklif!

Demak #96jkctl promokodini kiritgan holda Mutolaa Premiumga obuna boʻling va 10% chegirmani qoʻlga kiriting.

Mutolaa Premium — 50 dan ortiq bestsellerlar hamda kitobxonlar uchun qoʻshimcha imkoniyatlar.

Mutolaa ilovasini quyidagi havola orqali yuklab olishingiz mumkin:

https://qr.me-qr.com/AOXhXupG

10% chegirmadan foydalaning va mening doʻstlarim qatoriga qoʻshiling. PS: bu reklama emas. Postni saqlab qoʻyinglar xohlasangiz, lekin birinchi 10 ta odamgina foydalanishi mumkin ekan bu promokoddan (10 tadan keyin promokod limit tugaydi).

Hayit muborak! #mood 📚

Quyoshli Toshkent. Oʻt-oʻlanlar barra boʻlib, ranglari koʻzni qamashtiryapti. Yashil aprel.