التسليم لله جميل ومُدهِش والله!

لأول مرة بتكون بين طريقين:

طريق إن ناقصك شيء وبتتمنى وتدعي ربنا يحصل،
وطريق يقينك إن كل شيء هيحصل في وقته،
لا هيتأخر ولا هيتقدم..

طريقين ضد بعض تمامًا
لكن المدهش إنك في نفس الوقت مرتاح وهادي!

﴿وَمَن يَتَوَكَّلْ عَلَى اللَّهِ فَهُوَ حَسْبُهُ ۚ﴾
﴿إِنَّ اللَّهَ بَالِغُ أَمْرِهِ ۚ﴾💜

مفيش حاجه إسمها "خيراً تعمل شراً تلقى" خليك مقتنع إنها خيراً تعمل .. ستراً تلقى ..أجراً تلقى .. ربنا مبينساش حتى لو الناس نسيت ❤️

💭 لما نموت، مش هيبقى لينا غير آثار أعمالنا سواء كانت حسنات أو سيئات مستمرة مش بتقف..
ربنا بيقول "إِنَّا نَحْنُ نُحْيِي الْمَوْتَىٰ وَنَكْتُبُ مَا قَدَّمُوا وَآثَارَهُمْ ۚ وَكُلَّ شَيْءٍ أَحْصَيْنَاهُ فِي إِمَامٍ مُّبِينٍ"..

💭 فخلينا نتفق إن احنا لازم نكون من الصنف اللي هيموت وحسناته هتكون إن شاء الله مستمرة وهو في قبره، وده الوقت اللي هنكون فيه في أشد الحاجة للحسنات، وهنحصل عليها على أد ما نكون مخلصين لله، ومجتهدين في أعمالنا الصالحة في الدنيا.. فسيدنا النبي ﷺ بيقولنا "إذا مات ابن آدم انقطع عمله إلا من ثلاث: صدقة جارية، أو علم ينتفع به، أو ولد صالح يدعو له".

💭 وخدوا بالكم فيه مننا اللي هيموت وسيئاته هتكون مستمرة، مش بتقف ورصيدها عمال يزيد يوم بعد يوم؛ على الرغم من أنه ممكن ميكنش عملها بنفسه أو بإيده لكنه دل عليها، وبتفضل تتسجل وتتضاعف مع الأيام، لغاية يوم القيامة هيلاقيها جبال من السيئات مكنش عامل حسابها..
وده هيكون من اللي ركبوا الزحليقة، قال الله عز وجل "وَلَيَحْمِلُنَّ أَثْقَالَهُمْ وَأَثْقَالًا مَّعَ أَثْقَالِهِمْ ۖ وَلَيُسْأَلُنَّ يَوْمَ الْقِيَامَةِ عَمَّا كَانُوا يَفْتَرُونَ"..

💭 فاوعوا تركبوا زحليقة السيئات الجارية..
وبما إننا عايشين في عصر كل حاجة فيه بقت متاحة بسرعة وسهولة بشكل مش متوقع، فلازم تاخدوا بالكم من كل حاجة بتعملوها حتى اللي بتنشروه وبتعلقوا عليه بالإعجاب في مواقع التواصل الاجتماعي..
تاخدوا بالكم من أوقاتكم وفلوسكم بتنفقوها في إيه..
تاخدوا بالكم من كل حاجة وتكونوا دايما حريصين تستخدموها في الخير والطاعة عشان تكون ليكم سلم توصلوا بيه لرضا الله عز وجل.

ربنا مش هيبارك ابدا .. للنفوس الخبيثه ؟
حتى لو شوفت الدنيا ماشية معاهم وتمام ، ف انت ما تعرفش الحقيقة كاملة ، ربنا مش هيبارك في الحرام ، ولا هيبارك لحد بيوقع بين الناس ، ولا هيبارك لحد منافق وبمليون وش ، ولا هيبارك لحد مؤذي ، ربنا بيأخر لكن ما بيسيبش ، ربنا بيأخر لكن ما بينساش ، وهيحاسب كل انسان مؤذي وكل شيء بميعاد..

اللهم أكفينا شر لطفاء المظهر خبثاء النوايا ، اللهم إنك ترى ما لا نرى ، وتعلم ما لا نعلم ، فاكفنا شر ما في الغيب .."

اب بيأكل بنته برجر وبيحطلها عليه كاتشب
وكل شوية تيجي تفتحله بوقها وتبكي
يقوم يزعقلها ويقولها البرجر بارد بطلي تمثيل هتاكلي يعني هتاكلي .....
والبنت تبكي والأب يزعق وفِي الآخر تبلعه
فضل القهر ده لحد ماالبنت خلصت الاكل
امها جت خدت البنّت من ابوها وراحت البنّت نامت في حضن امها وبدأ الأب يشيل الاكل
وفتح التلاجة علشان يحط ازازة الكاتشب ،
لكن كانت المفاجأة
انه سحب الازازة المشطشطة بدل العادية ساعتها أتصدم وقلبه اتقبض وأفتكر انه أكلها من الازازة الغلط والبنت كانت بتعيط وهو مفكرها بتتكلم عن سخونة البرجر أتاريها بتتكلم عن شطشطت الكاتشب 💔
جري يطبطب عليها وهي نايمة ويبوسها ويقولها انا آسف محستش بوجعك علشان مدوقتوش.
كام مرة بتلهبوا غيركم بأفعالكم وبتوجعوهم وبتتلذذوا بدموعهم وتقولولهم بطلوا تمثيل...
كام مرة بتنيموا غيركم مكسور خاطره بسببكم ...
كام مرة جرحتوا غيركم من غير ماتحسوا ومن غير ماتاخدوا بالكم...
كام مرة فكرتوا ان كلامكم بلسم وهو في الحقيقة ماية نار في قلوب اللي قدامكم...😓
لو كل واحد داق اللي هيقدمه لغيره من كلمة او فعل قبل مايقدمه كانت الغابة البشرية اتحولت لجنة أرضية لكن للاسف ،كسبنا كل الصفات السيئة وفقدنا نعمة الاحساس بالاخرين 👌

محتاجه 2000جنيه للكليه ياريت نحاول نجمعلها المبلغ ف ققرب وقت ♥️ والحالة موثوق منها ياجماعه
@Habiba22244

السلام عليكم ورحمة الله وبركاته

لما قناه تعمل القرآن أغانى تبقى مصيبه.
لما عدد المشتركين يوصل ٣١ ألف مشترك فى خلال ١١ فيديو بس تبقى مصيبه.
جماعه محتاجين نتعلم الدين من أول أشهد أن لا إله إلا الله واشهد أن محمدا رسول الله تانى، كبار وصغار، الأمه كلها محتاجه تفوق والله، كلنا محتاجين نرجع كل حاجه بمقياس الحلال والحرام تانى، كلنا محتاجين ندخل الإسلام تانى، كلنا عبئ ع الأمه - إلا من رحم ربي- فمحتاجين نفوق بجد، محتاجين نراجع نفسنا ونقف كده ونشوف عملنا اى للأمه من يوم ما جينا ع الدنيا، يوم القيامه لما ربنا يسأل كل واحد فينا كنت خليفتى فى أرضى فكيف عمرتها هنقوله اى؟!!!
احفظوا القرآن وافهموه تانى
تعلموا السنه وطبقوها تانى
ادرسوا الفقه والعلوم الشرعية تانى
رجعوا الدين تانى عشان الدين بيضيع والله، بدأ الإسلام غريبا وسيعود غريبا بس دورنا اننا نحافظ ع الإسلام مش نضيعه أكتر بإيدينا، لو اللى بيأمر بالمعروف وينهى عن المنكر يبقى شيخ ف كلنا محتاجين نبقى شيوخ، لو الجيل اللى طالع يقال عنه جيل النت وجيل فاسد ف أباء وأمهات الجيل دا مسؤولين عنه وكلكم راعٍ وكلكم مسؤول عن رعيته والكل هيتحاسب، كفاية نتجادل فى مين صح ومين غلط، كلنا بلا استثناء لولا ستر الله لفُضحنا والله، ف الله يديم علينا ستره يارب وكل واحد يراجع نفسه بجد شوف انت فين من الإسلام، حافظ كام جزء من القرآن، حافظ كام حديث، محافظ على كام نافله وسنه، بتصلح نفسك ومن اللى حواليك ولا لأ ، راجعوا نفسكم.
والسلام.💔

سؤال بجد لكل واحد بيشرب سجاير أو فايب

ليه بتعمل في نفسك كده ...!؟
ليه بجد تخلي حتة سيجارة تتحكم فيك ...!؟
ليه مش بتاخد القرار وتسيب الحاجة اللي بتأذيك وتضيع صحتك وفلوسك ...!؟

خد بالك ..
هتشرب سجاير ، فايب ، شيشة = هتدمر صحتك وهتضيع فلوسك وهتغضب ربك لإن كلهم حراااام

ماتخليش حد يضحك عليك ويفهمك ان حاجه ضررها أقل فاشربها عادي ... كلهم دماااار والله

من النهارده خد قرارك ووفر صحتك وفلوسك
ومش معنى كده إني بقولك سهل تبطل أي حاجة منهم
لا مش سهلة ...
بس مع الاستعانة بالله والدعاء والصدق هتقدر تبطل وربنا هيعينك
صحيح هتتعب شوية في الأول أسبوع أو اتنين أوحتى شهر بس هتحرر نفسك

وأوعى حد يقنعك إن السجاير والفايب والذي منه رجولة وإنك ماينفعش تبطلهم أصلك رااااجل ...
أبدا والله بيخدعك عشان تكمل زيه في سكة الغلط

الرجولة إنك تبقى قوي قادر تاخد قرارك مش حتة سيجارة تتحكم فيك 👍

يلا خد قرارك حالا ماتتأخرش .

•♡
"ولا شيء يُطمئن القلوب ويُريح النّفوس

إلّا الرّجوع إلى الله🤍."

- الموس قطع صوباعي.
= لعله خير

- خدوا المُتخلف ده للسجن ده بيقولي خير على المصيبة دي!
= إيه ده ياسيادة الملك أنت هتدخلني السجن؟

- أيوه عشان تبقى تقولي لعله خير كويس.
= طب لعله خير 😂

كـان فيه أمير بيحب بيحب هواية الصيد جدًا فكان كل يوم يسيب الـقصر بتاعه ويـاخد الوزير الخاص بيه ويـروح يصيد بط بري وحيوانات برية؛ وكـل ما يـحصل حاجة عكس إرادة الأمير الوزير يقوله بكل هدوء ورزانة " لعله خير؟ "

فكان الأمير بيتفهم الـكلمة ويهدأ تلقائي والوزير كـان متعود يقولها يعني مثلاً السهم خاب والأمير معرفش يصيد الفريسة يرد يقوله " لعله خير " وهكذا..

وفـي مـرة الأمير كان قاعد في القصر المنيف بتاعه ومـاسك مـوس وبيحاول يسنن الأسهم ويخليها حامية عـشان يصيد بيها الفريسة بسهولة وفجأة الموس نزل على إيده قطعه!
فصوباعه وقـع على الأرض والدم غرَّق هدومه وفـجأة الوزير دخل لقى الملك بيصرخ وبيتنطط فالوزير قعد يقوله:
" متزعلش نفسك ولعله خير "
فالملك سمع الكلمة من هنا واتجنن وقال للجنود " خدوه من هنا واسجنوه "
يعني إزاي صوباعي يتقطع ويقولي " خير " هو فرحان فيا ولا إيه؟

فـالجنود شايلة الوزير عشان يـاخدوه للسجن وفجأة الوزير ضحك وقال " لعله خير "
بعد فترة الأمير راح للصيد بس لوحده عشان محدش يوجع دماغه وفجأة وهو ماشي في الصحراء لقى مجموعة ماشية
ولسوء حظه المجموعة دي بتعبد الأصنام وزي ما كلنا عارفين إنهم بيدبحوا قرابين ويقدموها للآلهة عشان ترضى عليهم!
بس دول بقى متخلفين بيدبحوا البشر ويقدموها للآلهة بدل القرابين وبيشوفوا إن ده أعظم وأحسن ولـما شافوا الأمير زاغ في عنيهم شياكته وريحته وجماله فقالوا لبعضهم:
" ده قربان جميل وفرصة عظيمة "
وربطوه وجابوا السيف والجندي راح يقطع رقبته رد واحد على آخر لحظة وقالهم " لا بلاش القربان ده معيوب "

قالوله " عيبه إيه؟ "
قالهم " ده ناقص صوباع أنتوا عاوزين الآلهة تغضب علينا؟ "
فسابوه وأطلقوه فلك أن تتخيل فرحة الأمير؟
طلع يـجري على القصر وهـو طاير من السعادة وراح للوزير السجن عشان يطلعه بنفسه لإنه خلاص فهم الحكمة من ورا كل بلاء ولولا إن صوباعه اتقطع كان زمان رقبته طارت.

فبيقول للوزير " طيب أنا دلوقتي عرفت حكمة ربنا من بلائي أنت بقى لما كـنت داخل السجن قـعدت تقول لعله خير إزاي وإيه حكمة بلائك؟ "
رد الوزير وقاله " ما هو أنا لو مكنتش إتسجنت كان زماني أنا اللي مدبوح لأني كنت بخرج معاك لأي مكان "

ومن بعدها مهما يحصل كان الأمير دايمًا يقول " لعله خير "

مجاش في بالي غير الآية دي " وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ ۖ وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ ۗ وَاللَّهُ يَعْلَمُ وَأَنتُمْ لَا تَعْلَمُونَ "

ركزوا كدا " والله يعلم وأنتم لا تعلمون "
ربنا ختم الآية بقول عظيم ومناسب جدًا ♥

لإن فعلاً ورا كل بلاء حكمة ربنا وحده هو اللي يعلمها وبتبقى خير لينا وإحنا بغبائنا ومحدودية تفكيرنا بنظن شر في رحمته بينا وبقلوبنا ♥

والله يعلم وأنتم لا تعلمون ♥.

رضينا يارب ♥

بتحكي وبتقول:

شافني صدفة وبعدها حصل إعجاب بينا فقرر يدخل البيت من بابه وخد ميعاد من بابا وجه قعد معاه ساعة كاملة.

ايوه ساعة كاملة بيقنع فيه وانتهت المقابلة بالرفض الشديد من والدي، وده لإني من النوبة وعندنا عادات وتقاليد إننا لما نتجوز لازم نتجوز من نفس العيلة ومفيش بنات تتجوز حد مش من لحمها ودمها.

هو في الحقيقة كان متمسك بيا بشكل مش طبيعي لدرجة إن أنا نفسي كنت مستغرباه جدًا، وبعد فترة جه لبابا لتاني مرة والمرة دي كان ردة فعل بابا قاسي جدًا وطرده وقاله:
" معنديش بنات للجواز "

فلاقيته بيكلمني وبيقولي " أبوكي رفض تاني! "
معرفش إيه خلاني رديت وقولتله متسبنيش أنا مرتاحة معاك ولما صليت حسيت إن حياتي معاك خير فرد عليا بكل سعادة وقالي " خلاص هجيله تاني "

قولتله " لا "
ولما قالي ليه؟
قولتله " عشان بابا طالع عمرة في السعودية الفترة الجاية "
فكر شوية في الموضوع وجهز ورق للعمرة 😳♥.

وفجأة بابا لقاه واقف قدام الكعبة وبيقوله " أنا جيتلك مرتين ورفضتني بسبب عادات وتقاليد رجعيَّة، ودي تالت مرة أجي أطلب إيد فريدة منك، ولو تقدر ترفض، ارفع راسك للسماء وقول لربنا مش موافق على أحمد "

فبابا بصله وردة فعله المرة دي كانت عجيبة جدًا.
شده لحضنه وعيط بصوت عالي وقاله:
" أنا مش هلاقي حد أمين زيك يحب بنتي، والمرة دي مش هيبقى ليا عين أرفضك، وهنيئًا لبنتي بزوج زيك "

وقروا الفاتحة قدام الكعبة وفي بلد الرسول ♥.

ودلوقتي إحنا متجوزين ومعانا " مكة "

عاوزة أقول إن مفيش حاجة مستحيلة، ربنا بيرزق كل واحد على قد يقينه ودعائه وصبره ومناجاته، ربنا رحيم وعلى قد نقاء قلبك بيعوضك، ومفيش حاجة اسمها أنا عملت اللي عليا أو ظروفي صعبة.

من الأخر " الغاوي بيوصل " ♥.

" بس قبل ما تلبسي الدبلة انتي عندك كام سنة؟ "

بصيت للمعازيم حواليا بخذلان وحزن وهما بيتغامزوا عليا وبيكتموا ضحكة السخرية بتاعتهم بالعافية!

طيب هي ليه سألتني السؤال ده دلوقتي؟ ما كانت سألتني قبل الخطوبة وكنت هجاوب عادي!
بصيتلها وقولت بصوت خفيض: " عندي ٣٨ سنة يا أُمي "
بصت لإبنها وقالتله بعصبية وصوت عالي:
" أنت مش قولتلي فاضلها ست سنين وتكمل الأربعين! "
رد بتردد وقال بخوف منها " عشان توافقي عليها وبعدين ياماما هي شكلها أصغر من سنها عادي! "

ردت وقالتله بضحكة مليانة حقد وغِل: " مش على الشكل ياحبيبي، دي واحدة كلها سنتين ومش هتخلف عشان هتبقى عجزت خلاص، شكل إيه اللي بتتكلم عليه! "
وشدت علبة الدهب من قدامي وقالت لإبنها: " يلا قُدامي "

بعيدًا عن إن ربنا رحمني لما بعدني عن إنسان معندهوش شخصية بس نفسيتي اتكسرت، وحسيت بالقلة قدام كل الناس، ويمكن ده كان أصعب موقف وصلني شعور إني مليش لازمة في الحياه وإني خلاص مينفعش أبقى أُم لمجرد إن جوازي اتأخر بسبب إني كنت وحيدة أُمي وكنت برفض كل العرسان عشان أخدمها في مرضها لحد ما ماتت وسابتني!
خدمتها عشر سنين بكل حب، مكنتش حاسة أبدًا إني ضحيت قصاد إنها مطمنة إني معاها .. مكنش ينفع أسيب الإحسان ده كله عشان أشوف مصلحتي، ياريتها كانت عاشت وكنت فضلت أخدمها عمري الجاي والحاضر والله!
كفاية إني كنت شبعانة بالرضا ومُتشرِّبَة الصبر في كوؤس.
لا عمري حقدت على بنت لبست فستان أبيض قبلي، ولا حزنت من كلامهم المؤذي إني هتجوز عجوز يا إما مُطلق كام مرة..
كنت ببعد عن شرهم بجملة: " إن الله مع اللذين أتقوا "

بعد أيام صاحبة عمري رنت عليا عشان أقابلها وأخدها من المطار لإنها كانت مسافرة السعودية بقالها سنين وقررت ترجع تزور أهلها وناسها، كانت حابة جدًا إنها تشوفني أول حد..
قومت صليت ركعتين وتوكلت على الله، ببص لاقيت راجل غريب واقف جنب جوزها .. رجعت لورا وحطيت راسي في الأرض إحترامًا لنفسي وحدودي، لاقيتها جرت عليا وقعدت تحضن فيا بشوق ولهفة، وتطبطب على كتفي وتسألني عن أحوالي، دموعي نزلت مني غصب عني، مسحتها بسرعة وقولت: "ياستي روِّحي بس كدا شوفي ناسك ونرغي بعدين"

مشينا مع بعض، شيلت بنتها ومسكت ابنها في إيدي وقعدت أشتريلهم ألعاب وحلويات، خدتها لحد بيتها وجيت أمشي مامتها صممت أقعد معاها شوية، دخلت الصالون وزوجها كان قاعد في الصالة مع صاحبه.
وبعد نص ساعة لاقيت أمها داخلة بخطوات سريعة وشدت صاحبتي من جنبي وقعدت هي وقالت: " بصي بقى ياسِت البنات أكيد انتي عارفة إن محدش مننا مرتب حاجة والله، واللي هقوله ليكي ده ترتيب من ربنا لقلبك، اللي بره ده مدير جوز بنتي في الشغل، من ساعة ما شافك في المطار وهو مبيتكلمش غير عليكي معانا .. هو طالب الحلال يابنتي واظن إنتي عارفة إن بناتي وأزواجهم مبيقربوش منهم حد وحش ها إيه رأيك! "

سكت شوية ولسه بقولها بس أنا سنِّي...
قاطعتني في الكلام وقالت: " هو قابل بكل ظروفك "
ولإن صاحبتي سوية وبتحبني شوفت عيونها بتملع من الفرحة، طلبت منهم مُهلة أصلي إستخارة وأفكر والحمد لله حسيت براحة وطمأنينة غير عادية، خطبني شهرين واتجوزنا وسافرنا كلنا.

ومر سنة وبقيت ٤٠ سنة!
وكنت كل ما أعيط على الخِلفة كان يحضني ويقول:
" إن الله شاء أعطى وإن أعطى أبهرك بعطائه "

وفي يوم جه من شغله لقاني مغرقة المخدة دموع فدخل غسل وأتوضى وشدني من إيدي وصلى بيا ركعتين قيام!
وبعدين حضرتله العشا ونام، ولما نام قومت مسكت المصحف وفضلت طول الليل اقرأ سورة البقرة وأدعي ربنا دعاء المُضطر واعيط بحُرقة وتعب مُمتلئ باليقين.
وفضلت أردد « اللهم لا تذرني فردا وأنت خير الوارثين »
وبعدها قررت أكشف بدون علم زوجي، وكلمت صاحبتي نزلت معايا لدكتورة مشهورة جدًا في السعودية، وأول ما خلصت كشف بقولها: " قوليلي أعمل إيه يادكتورة أنا نفسي أخلف، حتى لو هعمل عملية بس المهم أشوف لنفسي ولاد؟ "
ضحكت بصوت عالي وقالت: " كل اللي هتعمليه إنك هتاخدي بالك من نفسك لإنك مش بس بقيتي حامل ده انتي في بطنك ٣ تؤام كمان "

من فرحة قلبي بقيت أقعد وأقوم، وأضحك وأعيط وأقف وأمشي، وأستغفر وأسبح.

معقولة ربنا رحيم بينا للحد ده؟
عيطت ليلة واحدة بدعاء المضطر وسورة البقرة بس!

حقيقي ربنا أقرب لينا بشكل يخليك تفكر إنه بيسمعلك أنت بس وإن مفيش غيرك بيتكلم معاه ويدعيله!

فحقيقي ربنا:

يرزُق بالأسباب ، وبدون الأسباب ، وبضد الأسباب ، وباستحالة الأسباب ، وعلى أهون الأسباب ♥.

نِعمَ الرَّبُّ رَبُّنَا ♥🌻

|💕🌱"".

لــو حفظــت جـــزء مــــن القـــرآن أو جــزئيــن أو 3 أو 6 أو 10  أو أكثـــر....

إيـــاك ثــم إيـــاك تنســاهـــم..

هـــذه الأجـــزاء ستقــابــل بهــم ربـــك تمســـك بهـــم مهمـــا كانـــت الظـــروف

هـــذه الأجــزاء لحمـــك دمـــك

هــــذه الاجـــزاء بـــدون مبالغــــة : أغلـــى مـــن مـــالك وأهــــلك

هــــذه الأجـــزاء راجعهًـــم دائمـــا.. لا تنساهــــم أبــــدا.💕💕💕💕💕💕💕💕💕💕💕💕💕💕💕💕"

إنت تفضل تفكر،وتحسبها، وتجيبها يمين وشمال..

وربك كريم قادر ييسرلك ويرزقك من حيث لا تعلم!

قال الله تعالى: {وَیَرۡزُقۡهُ مِنۡ حَیۡثُ لَا یَحۡتَسِبُ...}

فاسعى، وتوكل، وأبشر خيرا.

السلام عليكم ورحمة الله وبركاته.

هقول بعض النصائح للمقبلين على الجامعة من واقع التجربة وحقيقي كنت اتمنى حد يقولّي النصائح دي قبل دخولي الجامعة: 

- خلي يومكم يبدأ من الفجر، قوموا صلوا واقرأوا الأذكار وحددوا المهام اليوميَّة بتاعتكم.

- طريق المواصلات كنز والله، نزلوا دروس ومحاضرات واسمعوها، أو اقرأوا ورد القرآن بتاعكم، أو اسمعوا بودكاست، أو حط عدد معين لذكر معين واستغل طريق الجامعة في إنك تخلص عدد الذكر ده، أفكار كتير حقيقي ممكن تعملوها في مواصلات الجامعة وهتفرق جدًا جدًا معاكم.

- سنة أولى ما هي إلّا مجرد سنة هتتعرف فيها على شوية ناس ومن هنا هتقرر مين هما صحابك اللي بجد، واختاروا ناس شبهكم في طباعكم وتفكيركم عشان متتغيروش.

- أنتِ كبنت نصيحة منّي متغيريش من طريقة لبسك (المحتشم) أو طريقة كلامك عشان تتماشي مع جو الجامعة أو تكوني شبه صاحبتك فلانة.

- بلاش ميكب يا كتكوتة وبلاش هيلز إحنا مش نازلين فرح والله، إحنا رايحين نتعلم.

- الإختلاط أسوء شيء هيمُر عليكم، ولازم تعرفوا تتعاملوا مع ده كويس، بلاش تتعاملي مع ولاد هناك نهائي، ولو أُجبرتي إنك تتعاملي مع ولاد فكله لازم يكون بحدود عشان هما ميتخطوش حدودهم معاكِ.

- بلاش تأجلوا الصلوات يا جماعة، أي كلية فيها مُصلى، والموضوع مش هياخد 10 دقايق.

- خدوا أكل من البيت في اللانش بوكس عادي مش لازم تشتروا من هناك والله، أكل البيت أنضف وأحسن وأوفر.

- اللي بيذاكر أول بأول ورا الدكاتر بيرتب على الدفعة، واللي بيذاكر آخر شهرين بذكاء بيجيب امتياز.  (مش قاعدة ثابتة لكن لازم نرضى بقضاء الله)

- صاحبوا حد أكبر منكم في نفس الكلية عشان تعرفوا دماغ كل دكتور ماشية إزاي، على سبيل المثال هتعرفوا هل الدكتور ده الحضور مهم بالنسباله ولا لا، طب نظام امتحاناته هتكون إزاي، وغيره كتير...


- ساعدوا بعض، ومتبخلوش بعلومة عن حد، محدش هياخد رزقك ولا نصيبك، ولا أنتِ هتاخدي رزق ونصيب حد.

- أخيرًا، الرحلة مُتعبة، مُتعبة جدًا لكن حلوة وتفاصيلها حلوة وتعبها حلو فعيشوا التجربة واستغلوها صح.

دمتم بخير يا ربّ. 🤎

متنسوش تصلوا على النبى 🤎

*قال رسول اللهﷺ: «مَن كان في حاجة أخيه كان الله في حاجته، ومَن فرَّج عن مسلمٍ كربةً من كرب الدنيا نفَّس الله عنه كربةً من كرب يوم القيامة»*

شخص لا يعمل وليس له مصدر دخل
مديون بمبلغ قدره 700ج
والله عز وجل فى عون العبد ما دام العبد فى عون أخيه

متاح التبرع بأى مبلغ مهمًا كان
والصدقة ليست بـ كِبَر ما تتبرع به ،بل بصدق النية والإخلاص فيها لله عز وجل
اللي حابب يتبرع يبعتلي وجزاكم الجنه🧡
@Habiba22244

مراتك لو ولدت هتموت هي والجنين مع بعض.
ومستحيل أي دكتور غيري هيولدها عشان كدا يبقى بيدخل نفسه في مسألة قانونيَّة ولو في مستشفى قبلت تولدها أكيد حضرتك هتمضي على إقرار عشان نخلي مسئوليتنا.

والدي كان حيران وخايف، ده مش بس هيخسر الجنين ده هيخسر زوجته كمان، بصراحة أمي كانت بتلخبط في الأكل كتير بدون علم ومكنتش بتحب تتابع عند دكاترة وماشية بمبدأ إن الطفل بيتولد زي عادات وتقاليد زمان!
وللأسف دا عمل مشاكل كتير لدرجة إن الضغط ارتفع جدًا وحصل زلال في الحمل وأخر شهر في الحمل جسمها اتورم بطريقة غير عادية والضغط زاد أكتر ودخلت في تسمم حمل شديد جدًا جدًا وأخيرًا قررت تكشف بعد معاناه مع التعب وبعد ما كشفت الدكتور اكتشف إن التسمم ده شديد وإنه لو ولدها ممكن تموت ودا طبعًا هيبقى على مسئوليته.

وكل ما تروح لدكتور بحالتها الخطر دي يرفض يولدها.
لأن الحالة وصلت لمشاكل ميؤس منها ومحدش عاوز يلبس مشكلة زي دي ويتعاقب عليها، فبابا خدها وراح المستشفى اللي جنب بيتنا وبعد مماطلة قالهم:
" لازم جوزك وأهلك يمضوا على إقرار إن الجنين ده إحتمال بنسبه ٩٠ ٪ يموت لإن التسمم شديد وهنحاول بكل جهدنا إننا نحافظ على حياتك "
ومضى والدي وجدي على القرار طبعًا لأن احتمال محدش يطلع عايش أصلاً وبعد ٤ ساعات من دخولها العمليات وكان معاه طقم تمريض كامل واتنين دكاترة نسا فجأة:
" أنا جيت للحياه " 😂
آه والله أنا بشحمي ولحمي، وأمي طلعت سليمة الحمد لله.
" فُسبحان من يُحيي العظام وهي رميم " ♥.

نزلت ٢ كيلو والطفل الطبيعي بينزل ٣.٥ كيلو فكنت زي بتوع أفريقيا عظام فقط محاوط بشوية لحم، وبرغم إن عمي كان متجوز قبل أبويا إلا أنه مكنش خلف وكان في الكويت في الوقت ده فكان بيبعتلي هدوم وحاطط صورتي في كل مكان حواليه، عيلتي بدأت من تحت الصفر فساعتها والدي قرر يسافر لعمي ولكن يشاء القدر إنهم يعملوا تحليل في المطار ويطلع عنده فيرس سي فيُمنع من سفره.
وكان ممنوع والدتي ترضعني لإن التورم لسه معاها وكمان مينفعش أرضع لبن صناعي فكان بابا كل شوية يدوَّر على مرضعة، ولما بقى عمري ٥ سنين قرر والدي يوهبني للقرآن كي أكن من حاملين القرآن والعاملين به، وأنا صممت أطلع دكتور جراحة لإني حسيت إن ربنا جايبني بس عشان أكون طبيب بنقذ حياة الناس زي ما الدكتور أنقذ حياتي أنا وأمي ♥.

كنت بدخل مسابقات قرآن من صغري، بتوفيق ربنا وعطائه بطلع من الأوائل في نفس الوقت اللي كل اللي حواليا كانوا مفكرين إني انطوائي وفاشل، كتمت كل شعور وحش حسيته جوايا وحطيت " كلية الطب " هدف قدام عيني.

دخلت ٣ ثانوي وكنت ملتزم بدعاء واحد مبيفارقش لساني وأنا قاعد وأنا ماشي وأنا بسجد وأنا بذاكر وهو:
" اللهم إني اسألك بأنك أنت الله لا إله إلاّ أنت الواحد الأحد الفرد الصمد الذي لم يلد ولم يولد ولم يكن له كفوا أحد اللهم اكرمني بكليه الطب "

كنت بدعي دعاء المتيقن من الإجابة لإني لو مدخلتش الكلية دي كنت ادمرت نفسيًا.

العيلة كلها كانت بتحبطني، وتقولي مستحيل توصل ده كل اللي في عيلتنا دخل أدبي والعلمي صعب، بس نفضت أي شئ يحسسني باحباط واستمريت على نفس الدعاء لحد ما تقريبًا وصلت لمرحله اليقين التام في رب العزة والمعجزات ♥.

كل حاجة بتقولي مستحيل وأنا بقول واثق فيك يارب إني هوصل سهرت كتير لحد ما ضهري انحنى، وفي يوم وأنا رايح أصلي الفجر قابلت عم جدي وشه كان بيشع نور من نصاعته، وكانوا بيقولوا لي دايمًا إنه مستجاب الدعاء فقولتله:
" بالله عليك تدعيلي أدخل طب "
وبالفعل دعوته طلعت في وقت أبواب السماء السبعة كانت مفتوحة على اشراقة دعائه، وبعد فيض من الدعوات المكثَّفة دخلت الإمتحانات وكان على أيامنا خاصية إنك لو حابب تأجل الإمتحان بعد ما تشوف ورقه الأسئلة عادي، وفعلاً أول ما بصيت للفقه حسيت إني هنقص درجتين فقطعت الورقة ومشيت 😂💔
دخلت الجبر لاقيت إني هنقص أربعة قطعت الورقة ومشيت برضو سبحان الله 😂♥

وكنت بشوف الفرحة بتنط من عيون جيراني والله، لكن بابا كان يقولي " ولا يهمك بكره تتعوض " ♥.

والنتيجة طلعت وروحت دخلت المواد اللي أجلتها فـ سوهاج
وجبت مجموع:

" كُلـــية الطـــب " ♥♥♥.

ومن ساعتها وأنا محشور فيها ومش عارف أطلع 😂♥.

وجودي في الحياة كان مستحيل ووصولي لحلمي كان فوق المستحيل بمراحل لكن رب المستحيل هو نفسه " القادر "♥.

إياك أن تُعجزك أسباب الدنيا عن إستجابة رب الدنيا " ♥.

هو اللي حكاها والله ياجماعة وأنا سردتها بطريقتي فقط.

ف بنوته زميلتنا غير مقتدره علي دفع مصاريف الكليه ف ياريت نساعدها ونلم من بعض وجزانا عند الله
اللي حابب يساعد يبعتلي🥰🧡
@Habiba22244