https://www.tg-me.com/int_dr

كل ما يخص أطباء الإمتياز بقسم طب الأسرة والمجتمع⬇️

يوم الأحد لما بدو ورشات العمل بالكلية أعطونا اطفال
الدكتورة كانت بتعرض فيديوهات ماقدرتش بسبب ضعف النت زي مافهمت
ف في زميلة معانا بارك الله فيها تواصلت مع الدكتورة وحصلت الفيديوهات وقالتلا خلي ينزلوهم بقروبهم باش يفيد الي بيبدوا بروتا الأطفال توا
اهما فيديوهات 👇🏻

واعلم أن فرارك مِن قلّة الحيلة
إلى رحاب الدعاء .. هو كُل الحلول وأقواها وأقومها سبيلا  ❤

يارب نسألك من فضلك العظيم ❤

الدعاء إذا كان في وقت إجابة كآخر ساعة من يوم الجمعة،ثم صادف خشوعا واستقبل القبلة على طهارة،ورفع يديه، وبدأ بحمدالله والثناء عليه، وصلى على رسولهﷺ ،وقدم بين يديه الاستغفار، وألح على الله في المسألة،وتوسل إليه بأسمائه وصفاته، وقدم بين يديه صدقة فإن هذا الدعاء لا يكاد يرد أبدا.

ساعة إستجابة ألحوا بالدعاء ♥️

السلام عليكم ورحمه الله وبركاته
خير دفعتي كيف حالكم؟ ✨
هذا بوست لي زميلتنا د. إسراء من دفعة مقلوبة 1 باش نستفيدوا منه توا في الإمتياز ربي يبارك فيها ياارب ❤🥰 وهي حتابع تعليقاتكم لأي إستفسار حتجاوبكم عليه بعون الله..

ويارب بداية خير وتوفيق لينا جميعاً. 🌺
.........................
"بنحكيلكم على الأشياء المهمة في الامتياز من توقيعات وتسجيل وبعض النصائح باش ماتحوسوش والكل يستفيد (البوست طويل 😁 اقروا الكلام الخاص بالروتا اللي عندك ماتقروش كل شي + الكلام في بداية البوست)".
اول شي الكتيب
عندك الصفحة الاولى فيها اللي حضرته سواء duty (day or night) , OPD , major round
كل يوم تكتب اللي حضرته وتخلي اي GP او اي حد اكبر منه يوقعلك ( في منهم مش مخول انه يوقع )
عن نفسي مرات نوقع زوز في نفس اليوم متلا نكون حضرت ال round فالقسم وننزل نحضر opd او نكمل duty
وبعدين صفحة ال activities تكتب فيها شن درت( P) او شن شفت (A) متلا فتحت ملف file Clark ، bp measure, IV canula,
لو فالاطفال LP ، SPA
لو فالقايني PV (pervaginal ex) , Episiotomy, CS , ( normal vaginal delivery )NVD , abdominal US , transvaginal US واغلبه حتكتبوا جنبهم A مش P لان انتم شفتوهم بس مش مشاركين فيهم
الختمات the impossible mission 😂
وهي هده مشكلة الامتياز انك حتقعد تجري عالختمات وتدور في رئيس القسم وتجي يوم وتنين وتلاتة باش تلقاه 🥲
في توقيعة داخل الكتيب تديرهم من head of unit اللي انت فيه
وختمة وتوقيعة في نهاية الكتيب (اهم شي فالكتيب كله وهما اللي حتاخد بيهم الافادة ) من رئيس القسم التعليمي زي متلا د. هاشم نصير فالباطنة والسيكاتري ، ود. عبد الرحمن فالجراحة والتخدير، كل وحدة حنقلكم عند من لما نتكلم عليها

الاطفال (8 اسابيع)
اجمل روتا درتها لتو ❤️
التسجيل عند ليبرتي في مبنى صغير بعد مستشفى الجلاء اطفال ، لما تخش بركيدجوا الاطفال تلقاه يسارك مقابل المبنى اللي يبنوا فيه
وتختار عندها المستشفى وال unit اللي تبيها ، متلا انا خديت مستشفى الجلاء يونت A ، الحق ما شاء الله علموني كويس وخلوني ندير هلبه حاجات + المستشفى جميل وفيه امكانيات نوعا ما
الختمة والتوقيعة النهائية بعد ماتكملوا عند ليبرتي من د. نزيهه رحومه

القايني (8 اسابيع)
التسجيل فالطبي الدور الثاني
لو فالجلاء بعد ماتسجل فالطبي تجي لسكرتيرته الجلاء في مبنى يمين المستشفى (اعتقد كنا نسجلوا فيه الحضور زمان )انا خديتها فالجلاء يونت C صراحة ماحبيتهاش بكل ونصدمت فيها لان كنت كيف كملت روتة الاطفال وكان الفرق كبيييير من ناحية المكان والامكانيات والمعاملة والتعليم ووووو
الختمة داخل الكتيب عند السكرتيره اللي سجلت عندها فالاول
الختمة النهائية فالطبي عند الدكتور ايمن ( كان زمان معيد اكيد تعرفوه) الدور الثاني

النفسية psychiatry والاختياري elective (4 اسابيع)
مع بعض شهر ،اول اسبوعين نفسية في مستشفى الرازي ، واخر اسبوعين اختياري انت تختار تخصص بين الجلدية والتخدير والاشعة و عيون
التسجيل
تاخد ورقة من منسق الامتياز الاستاد طارق ( حاولوا تأخدوها قبل بأسبوع او اقل باش التواريخ تبدا بالضبط عالوقت ) وبعدين تختمها من مسجل الكلية ( في اللي ماختموهاش ومشت الامور ماحد يركز ) وتدير منها نسختين نسخة تمشي بيها لمستشفى الرازي ونسخة للمكان اللي اخترته فالاختياري
بالنسبة لرازي الحضور بسيط بالذات لو مش انترست ، واغلب الدكاترة لما تخش عليهم يسألك تبي تحضر ولا تبي توقع بس 😅 ، كملت توقيعاتي في يومين واليوم الاخير خلوه الخميس لان اللي بيوقعلك التوقيعة الاخيرة داخل الكتيب (د. اكرم ) والختمة يتواجد الخميس فقط اعتقد
الاختياري خديته راديو فالطبي مش هديكا الاستفادة ، كان قبل مافيش حضور ولكن غيروه وبدا الحضور بالتاريخ 😔 ، لمدة اربعة ايام مختلفة ، زوز CT و زوز U/S
التسجيل فالطبي الدور الثاني البرج التاني عند الاستاد ناصر
وبعدين تحضر فال U/S اخر حجرة فالعيادات على ايدك اليمين ، وال CT البرج الاول الدور الاول
والتوقيعة الاخيرة عند د عصام تحط الكتيب عند نفس اللي سجلتوا عنده
والتوقيعة والختمة الاخيرة فالكلية عند د نوري الميلادي

الكومينتي ( 4 اسابيع)
اكبر كمين 😅 عندكم اسبوع محاضرات بعد كل محاضرة الدكتور يوقعلكم ( اول كمين ان في روتات خدو 4 ايام محاضرات وفي روتات زيي جانا يومين بس ) وفالاخير ماحد يعدل على عدد التوقيعات متاع المحاضرات في اللي عنده 9 وفي اللي عنده 7(زيي)
وبعدين تاخدوا مانول manual من المعتمد تمشوا بيه لمجمع البدري (يوم)و مركز الدرن (يومين) ( شحطونا اسبوعين(حضرنا فيهم 3 ايام زي ماكاتبه) باش نعبوه بالتوقيعات و لما جينا نوقعوا التوقيعة الاخيرة عند د علي رئيس القسم صاحبتي وقعت معاي وهي ناسية المانول وقلها عادي ماتدوريش 🙂)

وفي صفحة صحة مدرسية برا لاي مدرسة قريبة عليك او قريت فيها او عندك فيها حد وخليه يختملك وانت عبيها (انا عبيتها فالحوش وخليت حد نعرفه يختمهالي)
وصفحة المستوصف زمان اي مستوصف تو اجباري مجمع البدري
وبتديروا بحث وانت وحظك من يجي معاك في اللي يخدم معاك وفي اللي ولا كأنه موجود 🙃
الختمة والتوقيعة الاخيرة عند د علي رئيس القسم يوقع ايام الاحد والاربعاء ( لكن هو موجود في أيام تانية)

هدا رابط قناة التلي متاع قسم الكومينتي ينزلوا فيها مواعيد المحاضرات وقوائم الحضور والبحث https://www.tg-me.com/int_dr

العناية surgical and medical ICU (4 اسابيع)
التسجيل تاخد ورقة من الاستاذ طارق مكتب الامتياز وتوقعها من المسجل وتمشي بيها لمستشفى بو سليم عند د اسعد من جهة العلاج الطبيعي يوقعلك عليها (في مستشفى الخضراء في طلبة ماداروش هده الخطوة وماحد كلمهم ) وبعدين تدير منها نسختين وتمشي بيها للمستشفى اللي تبيه
بالنسبة لعناية الباطنة والجراحة درتهم الزوز في الخضراء تحصل التوقيعات حتى في نفس اليوم 😅
اغلب الطلبة خدوا عناية الباطنة في شارع الزاوية (ماعندهمش عناية جراحة) ، وخدوا عناية الجراحة في بوسليم ( ماعندهمش عناية باطنة) وقالوا ان بوسليم كويسين ويخلوك حتى تخيط
الختمة والتوقيعة الاخيرة عند اسعد في بوسليم

الباطنة(12 اسبوع يعني 3 شهور)
التسجيل تمشي لشارع الزاوية الدور الثاني او الثالث
يعطوك ورقة+ قسيمة صغيرة تمشي بيهم للمكان اللي اخترته
اقل اقسام تبي حضور هي الكارديو والقاستروا فالطبي اللي مايبيش يحضر يلحق عليهم لانهم يتعبوا بسرعة 😂 ، الخضراء حضور كل يوم
اكتر اماكن يشكروا فيهم فالاستفادة هما معيتيقة وشارع الزاوية
الختمة والتوقيعة الاخيرة عند د هاشم نصير فالكلية اخر دور في مبنى الكومينتي

الجراحة(12 اسبوع)
التسجيل عند استاد ونيس فالكلية اخر دور في مبنى الكومينتي
التوقيعة والختمة الاخيرة عند د عبد الرحمن فالكلية اخر دور في مبنى الكومينتي

ان شاء الله يكون بوست مفيد للجميع ❤️ ولا تنسوا والدي من صالح دعائكم 🤲

‏-عن أنس بن مالك أنه كان مع رسول الله ﷺ جالساً ورجل يصلي ثم دعا :-

” اللهمَّ إني أسألُك بأن لك الحمدَ لا إله إلا أنتَ الحنانُ المنانُ بديعُ السماواتِ والأرضِ يا ذا الجلالِ والإكرامِ يا حيُّ يا قيومٌ“.❤

‏-فقالَ النَّبيُّ ﷺ لقد دعا اللَّهَ باسمِهِ العظيمِ الَّذي إذا دعيَ بِهِ أجابَ وإذا سئلَ بِهِ أعطى.

السلام عليكم
الرجاء من الأطباء الذين سيلتحقون بقسم الأطفال التوجه وإحضار كتيب الامتياز للقسم التعليمي في مستشفى الجلاء ليتم توجيه الطبيب إلى المستشفى المطلوب بعد ذلك التوجه إلى مشرف الامتياز
اذا كان في الطبي
ستكون د.ماجدة موجودة يوم الاحد والثلاثاء في البرج التالت الدور الرابع
ود.سهيله في مستشفى الجلاء
شكرا بالتوفيق

وفجأة تلاقيها إنحلت من عند ربنا وإنت كل اللي عملته إنك سبتها عليه.

"وَمَن يَتَوَكَّلْ عَلَى اللَّهِ فَهُوَ حَسْبُهُ ۚ إِنَّ اللَّهَ بَالِغُ أَمْرِهِ ۚ قَدْ جَعَلَ اللَّهُ لِكُلِّ شَيْءٍ قَدْرًا."❤

Commonly used drugs in emergency & ICU
الله يسهل علينا وعليكم 🌸

Learn-ECG-in+-a-Day.

handbook for ECG & Common drug 💉 ⬆️

"الفرَج إذا أرادهُ الله؛ أتاك في أعماق كُربتك، في أعظم لحظات ضعفك وأشدّ حالات كسرك، مع انقطاع أسبابك وقِلَّة حيلتك، فرحمة الله لا يحجزها باب موصد، ولا يحول دونها سبب مُستحيل"

﴿ما يَفتَحِ اللَّهُ لِلنّاسِ مِن رَحمَةٍ فَلا مُمسِكَ لَها﴾