للتذكير فقط،
به مميز ي جماااعه،
المميز لواحد منكم،
الموضوع يحمس ويحفز يعني بالنهاية الفوز لكم انتم .

يلا انتم قدها ورونا حبكم للقناة ودعمكم.

مع تمنياتي بالتوفيق والنجاح.

صوتوا ي منعاه.

#سايكو 🔪

انا مش ضد تعليم المرأة اليمنية الا في حالة واحدة، يعني تجلسي تكرفي خمس ولا سبع سنين مذاكرة وتعب وصرفة وفالاخير تتخرجي وتتقدمي ع وظيفة ويقلش صاحب العمل:
دوامش ٢٧ ساعه فاليوم و٢٠ الف را...
=موااااااافقه
لمازا هكزا ي بنتي اقل شي احترمي السنين الي افنيتيها في الدراسة احترمي المراجع والملازم الي سهرتي فوقهن احترمي الخمسمية حق الصبوح احترمي اقلل شي الهالات السود الي طلعين لش وطلعتي ارواحنا معاهن، لمازا هكزا ي بنت اليمن اتقين الله بورتين بنا خليتونا نتخرج ونبكر ثاني يوم صلا المعارض حق الباصات والمكاتب حق الفيز عيب عيب حرام انو عيب

#المحمد (:

نصيحة لوجه الله لاحد يخلي الفلاشة حق تلفونه تشتغل مع أي رسالة sms 🌚💔

أنا مدري كيف لوما كيفت في يوم من المرات وقمت أفعل هذه الخاصية قلت على شان الذي يشوف تلفوني حين توصل الرسالة عيقول هذا من طبقة البرجوازيين والركب والمزلطين هههههه ...
المهم يا أعزائي بعدما فعلت السيلفي الشهير الذي نشرته قبل قليل ...
قمت خرجت من البيت وشاسير صلا حدة على شان أشل حقنا السيارة من هناك ...
طلعت فوق الباص ولطمت راسي عرض الفريم وجلست أتبسر لي السيارات طريق طريق ...
فجأة صاحب الباص قفز من فوق مطب وأنا طارح راسي عرض الفريم...
شقدفت لصاحب الباص داخليا وقد بين أحكحك راسي بقعة الكوكرة ...
قلت في نفسي أخرج التلفون وأجلس أفسبك لي أمد الطريق وأنسى وجع النطحة هههههه

طبعا كان به بنت جالسة قدامي يعني مواجهة لي وكان به واحد جالس جنبي
أنا بين افسبك وسكته وجالس مندمج مع تلفوني المشقشق المكسر وبين أتقفز من ذيه المنشور لا ذيه ....
أنترت لوما عضلين عيوني وقلت في نفسي شاطفي الثريجي وأدغز التلفون جيبي
المهم يا أخواني في الله طرحت التلفون وسط جيبي وهانا كانت المصيبة والكارثة ... يمن موبايل عيال ستين يهو.دي ندعوا لي رسالة بيحاكوني إن رصيدي أقل من 51 ميجا ..
الفلاش حق التلفون فعل غمزتين وكانهو ألتقط صورة هههههه عليه لعnة الله والموقف
أنا هذك الساع رجمت تلفوني لا حضن البنت وندعت يمين مغلظة وانا بين أقلب عيوني صلا السقف حق الباص إن ما صورتها ولا انا حولها هههههههههه 💔
ذيك الذي جنبي هزر التلفون وقال أسكه يا أخت ادي شبسر ..
لكن الحمدلله الحمدلله على نعمة الفقر المدقع الذي أنا فيه الحمدلله تسعمية ألف مرة 💙 .... ذكرت إن الكيمرة حق تلفوني الذي بين استخدمه حارقة ولا قد صلحتها ههههههههه 💙
الآدمي سار شل تلفوني ودخل الكيمرة وكان يظهر له شعار يقله "الكيمرة معضلة يا جاوع صلحها" ههههههههههه
لو تبسروا ما قال إبن الكلبتين يشتي يتجمل للبنت ههههههه .... قلها "هو أكيد إن الكيمرة حرقت بعدما صورش"
ما اوصف لكم مقدار الشرشحة الذي وقعت له من البنت هههههه "يا قليل الحياء قصدك إن أنا شوعة"
أنا شليت تلفوني ودغزته في جيبي بكل هدوء وجالس مستمتع وهي بتصبن المليح ههههه
ذيك الآدمي رجع نزل من فوق الباص
البنت أحترفت صليا وقالت
-شوف على قليل حياء بيستنقصني
= والله أنش ضخمة ولو كانت حقي الكيمرة سابرة لا اصورش
- ههههه شكرا الله يلعnك


#من_الإرشيف



#طارق_رسام

كل عام وأنا والوطن بخير❤️ عيد وطن❤️
شعلة سبتمبر الأبدية❤️

#سبتمبريون
#غراب 🐦‍⬛️

من أتم قراءة الصفحة،فليتفاعل بأحببته ❤️

#الورد_اليومي 🤍

.

يمكنونا وطني الغالي
سبتمبريون
بالروح بالدم نفديك ياوطن

وحقهم الحالات يوميا اللهم هجرة وبكل صلاة يدعوا ذا الدعاء، واول مايفتحوا التقديم في اللوتري الأمريكي ،كلهم يسجلوا يشتوا يهربوا يتخارجوا من أرض بلاد سعيد اليهودي ، قلك الأرض السعيدة.

#وطنيين_نص_خمده


#٢٦سبتمبر_ميلاد_الحرية🇾🇪🇾🇪

#Roka_🌻

عيد سبتمبر مجيد للجميع. 🇾🇪💙




#طالب_ضابح 🐸💔

https://www.tg-me.com/MbnHuda27/5608

لا تنسوا تصوتوا لكم يا خبرة ستركم 🔥.



#مـيـجـالـووو 😼

اقرب من الطب وغنيله🔰

صووووتوا صوتوا نشتي قناتنا تضل الأولى بكل شي ايوه أنت اللي تقرأ المنشور هي ضغطتين 🥳🥳 ايوه باااااشت وانا فدا ..


#غراب 🐦‍⬛️

النية : بان كيك
النتيجة : إعلان لتفتيح البشرة ✨



خزيكين بنا يا قوارير ، يا دباب 💔💔💔

#مـيـجـالـووو 😼

انا صرت اوقت المنبه ومابش معي دوام عشان اقوم الصبح واطفيه وانبسط وارجع انام واحس بالانتصار (:

#المحمد

لم اقع
بالحب
بل ابدلت
الحاء
بالطاء.


#Zoro

يستطيع الإنسان أن يقول جمعة مباركة ،
عندما يكون القات حالي ومضمون ،
والغداء على مرق ولحمة كثييير وتحليه ،
وأنت راقد لظهر وكل شيء يجي لعندك ..

أما جمعة القات دين  والغداء سلته وكدم قد لهن يومين ،
وارجلك مقارع طاسه من فجر ،
تدور قات ومصروف الغداء ،
فهذه جمعة الجن ..



#بكيليآنو✍🍁

جمعة مباركة لأنها تأتي ببركتها ،،،،

مش ضروري قات من مدري وين و غداء مدري كيف على ايش علميد تعجبكم.

هي إسمها جمعة تقوم من فجر، تقرأ سورة الكهف، و تصلي على النبي، و تزور أرحامك....

و مالهن السلتة و الكدم؟؟
قصرين معاك في شي؟؟

ما جمعة جن إلا كما نويت قل الحمد لله على العافية




#سهيم_الطب

هدي هدي يا آية الله في الأرض .

منشور إيماني قصير لا تحت الركبة ساع الأثواب حق المطاوعة هههههههههههههه هههههههههههههه
بسألك سؤال ..
كم عدد ركعات الفجر يا أخا العرب ؟!

يعني والقات وراحة النفس والغداء الدسم مشو من الحاجات المباركة ؟!
يا اخي انت فاهم الموضوع غلط ،
مابلا شكلك عادك اشتريت تواير جداد وجايي تفحط عندي وتشقح ههههههههههههه ههههههههههههه ..

جمعة مباركة بالنسبة لطالب غلبان عايش في سكن ،
قات رخيص وضخم ،
غداء ضخم ،
راحة بال ،

أما أنت جالس في بيتكم أكيد إن الجمعة المباركة عندك تسير تزور أرحامك ووو...إلخ

We are not the same .

أنا حالياً في هذه الفترة أشتي من يزورني ،
ويطبطب عليا ويدخل السعادة إلى قلبي المبنشر ..
لذلك لا تتفلسفش على البركات وأنت أكبر همومك
انو بابي با يأخذ عليك السيارة ويروح مشوار صغير ويرجعها لك ..

عيش عيشتي وتعال أكتب منشور مربي دقنة ههههههههههههههههههههههههههههههههههههااي ..

#الفلسفة_مش_مليح



#بكيليآنو✍🍁

قلنا خير الكلام ما قل و دل لكن صورتك من الذي ما يفهموا إلا بالرفاس....

و الله شكل السكن مأثر عليك قوي لدرجة أن قدك ناسي كم عدد ركعات الفجر...

القات هذا من المفسدات الكبرى حاشا و كلا يكون من المباركات...

لكن قد قلنا خزن و لا تربطهش بالجمعة و تذكر أن الفجر ركعتين مش تخزن و تخدر و تقوم ظهر بحجة انك في سكن إنك في سكن ما يعنيش أن قدك ابو لهب....

و ي مسكين ي غلبان ياللي في سكن اتصل لأهلك و سمعهم صوتك الجياش اللي قد لهم منه سنين بدل ما انت جالس تدور من يعزمك هانا...

اقول لك شي كلنا حرااااااف و جيوبنا عطللل.
لكن ما ندور من يطبطب علينا

معاك ارحم الراحمين و هي جمعة صلي على النبي و بتسبر أمورك

#فذكر_إن_الذكرى_تنفع_المؤمنين


#سهيم_الطب

قلت لك أنك جيت تبرز ما صدقتنيش .
سلامات يا داعية الإسلام ،
سلامات يا آخر مسلم بريطاني خرج من عدن ههههههههههههه ..

ومنو قلك انو ما بنصليش ؟!
لمازا الشقحات why ؟!

ما بنرقد الا بعد الفجر ،
لذلك بنقول نرقد لا ظهر ..

يا أخي أنا والله مالي علم ليش جالس أجادلك وأنت باين وردي وشوقر دادي لا بعد تسعمية وخمسين الف كيلو ..

وبعدى القات البركة فيه يا بابه ،
ما بينجحنا بعد الإستعانة بالله إلا هو ،
ولا لوشي ان احنا فارغين ساعك وجالسين نشقح في المنشورات ومالناش دخل ههههههههههههه ،
فرغة ..

وبعدى مش أنا داري ما بيغثيك حين بين أتكلم عن الحاجات الضخمة بالنسبة لي ،
يعني مثلاً تشتي أقول يارب بكرة اصحى على قلص كبتشينو استاربكس يا حياتشي ؟!

خف علينا يا يوسف العتيبي يا مقدم برنامج خاطرك مجبور يا واثق ،
يا أخي والله أنك بتذكرني بإعلانات المطاوعة زمان ..

مع إحترامي لك بس أي واحد يتشدد بالدين هذا أنا ما ارتاح له لأنه في النهاية يطلع مقص ولا سارق ولاعات ههههههههههههههههههههههههههههههههههههااي

جبرك ما عتجيش تعلمني الدين وعادو وصلك امس ،
كلنا مسلمين وعارفين الصح والغلط وبنصلي ونصوم ونفعل كل شيء ..

بس الأمنيات والطموحات تختلف على حسب البيئة المحيطة يا دادي  ههههههههههههههههههههههههههههههههههههااي ..

وقوم أرقد ذلحين شرق عليك عتقوم فجر تقرى سورة الكهف ،
ولا مابلا بتجابرنا هانا عشان يقع لك لايكات وتظهر مظهر المؤمن التقي الوااو ..

اصلحك الله لا تراجم وبيتك زجاج ههههههههههههه

#آخر_مؤمن_في_الكرتون



#بكيليآنو✍🍁