المشاركة:1️⃣1️⃣


والله من اول يوم دخلت الجامعة لحد الان قدحنا على وشك التخرج وصاحبتي تشتي تطلق🥲🥲
اول يوم فعلوا حفلة استقبال الطلاب الناس احتفلوا وقطعوا الجاتوا و وزعوا الضيافة واني جالسه استمع لقصه صاحبتي واحاول اساعدها تتطلق من زوجها


#فقرة_اليوم_الاول_في_الجامعة

المشاركة:2️⃣1️⃣


مشاركه عن أول يوم في الجامعه
كان هذاك اليوم متعب وكئيب واتمنى يخلص سريع أضمن نفسي اني خلاص طالبه جامعيه كنت ماقد خلصت التسجيل في الجامعه لانه راح عليا الإختبار وكان بدل ما اضيع سنه رجعت دخلت نفقه خاصه بعد التعليقات الي تحصل لي ان الحمير يدخلوا نفقه المهم من ارد عليهم مالكم دخل ما بتدفعوا من جيبكم ومن اهم السنه الجايه اقدم عام واعمل مقايضه خلصت بعدها التسجيل في الجامعه الجديده رحت كليه الطب وكنت مغشوشه لسى ما اعرف طرقات ولاشي دخلت الجامعه منبهره بها لاقي بنت جالسه في البوابه وسبحان الله طلعت نفس تخصصي تعرفنا على بعض دخلت الكليه ماخليت ولا مكان مارحت فيه وكنت ما اعرف وين ادخل ومن وين اخرج تضيع داخلها كانت اول محاضره لي فيزياء طبيه وشفت الدكتور قده اكبر من جدي يالله طوال المحاضره واحنا تعلقيات وحش في الدكتور والطالبات مافي بنت ما حشينا فيها
اليوم الثاني كان معنا معمل رحت الجامعه مش عارفه من وين ادخل ومن وين اخرج
جلسنا شهر وضعنا مزري كان نسئل تعرفوا وين قاعه تعرفوا وين المعمل ويضحوا علينا انتم طلاب سنه اولى عادكم أطفال وفي من كان يعمل معروف ويدلنا على الطريق


#فقرة_اليوم_الاول_في_الجامعة

المشاركة 3️⃣1️⃣

أول يوم دوام ماداومت مشيت على نظام المدرسه أول أسبوع أسحب عليه وليتني ماسحبت كان دوام مضغوط من أول يوم أخذنا أناتومي وهيستو وبايولوجي

شكلهم كانوا يشتوا يخوفونا
وجيت ثاني وقد في بنات بيراجعوا وبيذاكروا مع بعض كأنها ليلة الإمتحان🥲
وأنا مطننه حتى المواد الي معنا ماكنت داري ماهن

المهم إكتشفت إننا الدفعه الوحيده الي ماعملوا لها إستقبال وكل الدفع الذي قبلنا وبعدنا عملوا لهم حفل إستقبال من أول يوم

نحس من البدايه😭

وأول شخص تعرفت عليه كانت بنت درست معي بالمعهد



#فقرة_اليوم_الاول_في_الجامعة

المشاركة 4️⃣1️⃣


كأول يوم بالضبطط ما اذكرش ، من كثر ما كانوا يداعوا لنا تعالوا  معاكم محاضرة مع الدكتور الفلاني ونسير نجرررري مفرحين على مدري ايش 😂
ونجي نجلس مراعيين باب الجامعة بين الشمس سع الكلاب ، للساعة ١٢
وأخيراً يفكوا الإفراج عننا يدخلونا ، بس الدكتور اعتذر 🙂🔪
يقولوا بس لا تقلقوا بيجي لكم واحد من اللجنة العلمية يشرح لكم ، ويجي يرتزع يهدور والله ماهو داري ما يقول ولا احنا داريين مو يهدر

وهكذا مكنونا سرحة رجعة ، ونضيع وقت ونختمها بوجه الي يشرح لنا كل مرة 🙂🔪

وأول شخصة تعرفت عليها 😂

بنت دراااخة برو ماكس .
وبس 😁 .



#فقرة_اليوم_الاول_في_الجامعة

المشاركة 5️⃣1️⃣


مشاركتي من اول يوم في الجامعة ... انصدمت من كبر القاعة و عدد الطلاب 😂🥀 و الدكتور الجلف.. جلست في الاخير و كنت اقول لو اموت هانا محد عيدرى عليا شي .. و رجعت افكر ال ٤٠٠ هولا اين عيشتغلوا كلهم في الطوارئ مناوبات على الفين ريال وصحن طحينية و جبن .. و مابش اكسجين و الشمس بتضاوي لوسط عيني و زد باللاب كوت استويت حنيذ ههههه ... حينها أدركت اني تعجلت ... مش بالتخصص لكن بالجامعة خصوصا أن المسافة بعيدة من بيتي و بالرغم أن بعد اول يوم توالت الصدمات و كل يوم خبر يسد نفسي أكثر من الاول
إلا أنني اخترت هذا الطريق و الله الي جابني لهذا المكان و أن شاء الله تعدي السنين و يتحقق الحلم وبس والله


#فقرة_اليوم_الاول_في_الجامعة

المشاركة 6️⃣1️⃣


اول يوم رحت بالوقت وخبطت برقم القاعات دخلت قاعة مستوى ثاني
وواحدة من البنات تقول من انتي وهذي مش قاعة مستوى اول فكرتها مستجدة كمان وتشتي تضحك عليا 😂😂
صممت وجلست برغم حلفت لي لما شفت البنات بعدا مندمجات وبيدهم ملازم سحبت نفسي ورحت ادور على قاعة مستوى اول




#فقرة_اليوم_الاول_في_الجامعة

المشاركة 7️⃣1️⃣


في أول يوم لي في الجامعة، خرجت من البيت وأنا مجهزة قائمة بكل ما أحتاجه حتى لا أنسى شيئًا، كانت القائمة : 
- الكتب 
- صورة البطاقة الشخصية 
- صورة رقم الجلوس 
- ٤ صور شخصية وصورة على CD 
- نصف الرسوم الدراسية 
- رسوم التسجيل 
- صورة من نتيجة الثانوية العامة 
- الجدول الدراسي

حملت معي حقيبة كبيرة احسب بيسلموني الكتب🙂✨✨، وصلت إلى شؤون الطلاب، سجلت وانتهيت من كل الإجراءات، ثم سألتهم: "من بيسلمني الجدول ؟" وهنا بدأت رحلة التنقل بين الأقسام، كل شخص يقول لي: "اذهبي هناك"، والآخر يقول: "لا، اذهبي هنا"، وأنا أتبع التعليمات دون أن أفهم شيئًا🙂

أخيرًا، وصلت إلى موظفة قالت لي: "ادخلي News". فسألتها: "وين هذا؟" فأعطتني رابطًا.
دخلت الرابط لكني لم أتمكن من فهم الجدول، كان كل شيء عبارة عن قروبات، وكل ما كنت أعرفه أنني في الدفعة التاسعة فقط. سألتني الموظفة: "فهمتِ؟" فقلت: "لا". ثم سألتني: "أنتِ اي قروب ؟" فأجبتها: "ما أدري!"

ظللت أتنقل بين المباني محاولة معرفة أي قروب أنتمي إليه، وكل شخص يعطيني توجيهات مختلفة، أحدهم يقول: "اذهبي هنا"، وآخر يقول: "ليس هنا، اذهبي هناك!" استمر هذا الوضع حتى يأست وقررت أن أسأل الطالبات في لما اداوم اليوم الثاني
اظن روحت وانا ناقصه 5 كيلو من كثر ما طلعت ونزلت

في النهاية قررت ارجع إلى شؤون الطلاب وسألت: "من أين أستلم الكتب؟" 🙂🙂مصممه ان  فيه كتب
فقالوا: "من المكتبة". فسألتهم: "أي مكتبة؟" قالوا: "أي واحدة خارج". ذهبت للمكتبة وأعطوني ملازم، وكانت هذه صدمتي الثانية: "وين الكتب؟!"🙂جاب ملازم؟!
رجعت إلى البيت وأنا لا أعرف أين أنا أو ما الذي يحدث!

في أول يوم محاضرات، كنت متحمسة جدًا وحرصت على ترك انطباع جيد. قررت أن أذهب مبكرًا لأضمن الجلوس في الأمام. كانت المحاضرة في الساعة 8:00، ووصلت في الساعة 7:50 متوقعة أن القاعة ستكون فارغة. لكني صدمت عندما وجدت القاعة ممتلئة تمامًا، واضطررت للجلوس في الخلف، ولم أفهم شيئًا طوال المحاضرة، كنت أشعر وكأنني "مثل الأطرش في الزفة" لأنني سجلت متأخرة.

دخل الدكتور وليد، وكانت تصرفاته وكلامه غريبة بالنسبة لي وجلافته مع الطالبات ، مما زاد من توتري. أكملت المحاضرة الأولى، ثم دخل الدكتور ردفان بدون ما يسوي لنا أي استراحة (رست)، وهنا كانت صدمتي الثانية. دخل الدكتور وتحدث بأسلوب سريع، مما زاد من ارتباكي. وخلال المحاضرة حصلت مواقف غريبة جعلتني أتعجب، خاصة أن هذه كانت أول مرة لي أخرج من نطاق المدرسة أو البيت. كل شيء كان جديدًا بالنسبة لي: تصرفات الدكاترة وتهزيئهم للطلاب، والطابات وتصرفاتهن ، وحتى أسلوب التدريس.

روحت ذاك اليوم اسب للكل وافكر انقل من الجامعة

بعد ذلك، قررت ألا أكون اجتماعية كثيرًا لتجنب المشاكل. لكن في الأسبوع الاول وقع خلاف مع المندوبة، وفي الأسبوع الثاني كنت قد تعرفت على أغلب طالبات الدفعة، الاسبوع الثالث بدأت أعرف حتى طالبات من دفعات أخرى غير دفعتنا ، هذا وانا قررت اوقع مش اجتماعية✨✨

مع مرور الوقت، بدأت الأمور تصبح أسهل. أصبحت أعرف أماكن  القاعات، المكتبة، وأين أذهب للحصول على المعلومات.
الدكاتره الذين كانوا يبدون غريبي الأطوار في البداية(عارف و وليد) ، أصبحوا مألوفين، وصرت أفهم أساليبهم في الشرح و التهزيء .
المواد التي كانت تبدو معقدة في البداية أصبحت أكثر وضوحًا قليلا🙂✨

رغم أن البداية كانت مليئة بالتحديات والمواقف المضحكة، إلا أنني تعلمت الكثير من تلك التجربة، وأصبحت أكثر اعتمادًا على نفسي، وصار لدي قدرة أكبر على التعامل مع أي موقف غير متوقع في الجامعة.


#فقرة_اليوم_الاول_في_الجامعة

المشاركة: 8️⃣1️⃣

اول يوم وما ادراك ما اول يوم 
ماهو هذاك الحماس لاني
كنت تاعبه  مسافرة  من الليل
المهم وصلت صنعاء الصباح
رحت الجامعة مواصلة
كنت اشوف الواحد ثنين من اولها دعس وسهر على الله بس

اوصل الجامعة اتصل ب واحده كنت اعرفها  من قبل وين احنا باي قاعه باي دور قالت السابع اطلع درج سبعه أدوار...😢!! الركب تكسرين
سألت سلامات ليش احنا في السابع قالوا لأنكم ٧ سنوات😂💔  اقنعوني بعد ماتكسرت  لا رحمهم
المهم انتظرنا  لما المحاضره تبدأ نتعرف وكلام من فين انتوا تقريبا دفعتي جمعت كل المحافظات 😂❤️‍🔥
اول محاضرة فسيولوجي وكل دكتور او دكتورة  يقول هذي الماده اساس الطب😂❤️
كل اللي كنت اعرف cell في أثناء الشرح وهي الأساس   😎
وكنت اقول كيف بعض الطالبات بيشاركين ويجاوبين مع المحاضرة قلت لهن من فين عارفات قد ذاكرتوا قالين لا بس هو الكلمات اللي بالأحياء الانجليزي  الشبكه الاندوبلازميه (رف ، سموث ) ،والسيتوبلازم..إلخ  😂😂
انا كنت امر حتى ما اشوفهن عادنا اقراهن واحفظهن 😁💔.



#فقرة_اليوم_الاول_في_الجامعة

المشاركة 9️⃣1️⃣

انا من الناس اللي ماجلسوا سنة خدمه دخلت طب طوالي انا وصاحبتي  عشان ماندخل السنه الجيه مع زميلاتنا الباقيات بعدين كل زميلاتنا هذه السنه دخلوا طب زيما توقعنا المهم ان احنا هربنا منهن بعدين اول يوم لنا سنه ثانيه كان نفسه اول يوم لهم سنه اولى وكان دوامنا ٣ محاضرات نبيل شوتر الله يهديه وماجينا إلا الساعه ٨ ونص وقد تلفوني ملااان اتصلات من صاحباتي هيا وين انتين قد الساعه ٧ و٤٠ دقيقه وشويه يوووه قد الساعه ٨ هيا المهم وصلنا ٨ ونص وسرنا ل عندهن ونبسر الطلاب بالبدلات مع الشميز الداخلي اللي نفس لون الكوت انتم تعرفوهن ولاب كوتات مشتبحين بيتبسروا السبوره وكأن احد بيشرح لهم وهم مداومين على محاضرتين ثقافه وطنيه😂
وقالين ماله الدكتور ماقد جاء الدوام قالوا من ٨ قلنا لهن هذا الدكتور مايجي الا من الساعه ١٠ وممكن يعتذر وفعلا اعتذر وكسر نفوسهم وحماسهم😂
وبعدين بيسالننا على الدكاتره وعلى الإختبارات حقهم وعلى من هو الدكتور اللي بيحاسب على الحضور قدهن( ناويات لها 😂) وايحين عيسلموا الكتب😂😂
وسأليننا سؤال كان بالنسبه لي صدددمه قالين نلبس اي شنطه نشتي وإلا مابلا لون اسود وعادي نلبس شنطه جنب وإلا مابلا شنطة ظهر 😂😂😂😂انا ماقدرت امسك نفسي قلت لهن مابلا شنط سود وشويه ويأخذوا القياسات عشان يفصلوا لنا بالطو موحده للكل وهن صدقين قالين بكم قلنا لهن ب ٧ الف  قالين ويجمعوها اليوم قلنا ايوه ليش ماقالوا لكن 😂
المهم وكل واحده اتصلت لأبوها يدوا لهن ٧ الف قيمة الزي 😂😂
والبنات في البوفيه بيشوفينهن مالهن هولاء😂
والله كان موقف مضحك بس لما كتبته طلع اخبل
المهم بعدين اعترفنا انهُ كذب
#المهم_عارفه_ان_السالفه_بيض
بس حبيت اشاركها


#فقرة_اليوم_الاول_في_الجامعة

المشاركة 0️⃣2️⃣

اول يوم لي في الجامعه  كان يوم متناقض       بشعور   الحزن  والفرح

كان يسكنني الخوف والحزن والشغف والفرح بنفس الوقت





خرجت ادرس ع شان اشق طريق وابدا ابني مستقبلي لا عتمد ع احد

وخرجت ادرس بقلب محمل بحزن والخيبه والكسره



فشعور الفرحه بالجامعه الدراسه ماكانت موجوده ابدا  ليتني عشت حتى نصف الشعور


#فقرة_اليوم_الاول_في_الجامعة

المشاركة 1️⃣2️⃣


بالنسبه لي لا حسيت بحماس إن غدواه اول يوم ل  الجامعة ولا خوف اول يوم دوام ولاهم يحزنون😂
كنت بين اكلم  اهلي انه ب الاول ب ابدا ادرس دورات إنجليزي واخذ شهادة التوفل وبعدين ارجع جامعة ، وهو كان ب اول اسبوع ل الدوام الجامعي  كان معانا عرس المهم اهلي  اجتمعوا عصابه 🙂💔 خدعوني وكلفتوني ودبرو المخطط الجامعي  الشرير حقهم خلال أسبوع العرس ، سارو بكل شر سجلوني (طبعاً دخلت جامعة خاصه على طول بسبب معرفتهم بالجامعات الحكومي والمقوله الشهيره ان السنه بسنتين👩🏻‍🦯💔) وجهزو كل شي وبعدين خلص العرس وجاء ليلة  صباح الدوام🌚💔 قالو ع تبكري جامعة وانا قلت لهم ماشي مستحيل اشتي ب الأول انجليز قالو انتي شاطره به ومايحتاج تضيعي شهور بالدورات وانا ماشي  اصريييت على قراري لاكن طبعا حكم القوي على الضعيف 🙂  خلوني أسير مع واحده من اقاربنا عشان توريني الجامعة 😭😂 المهم كنت مصدومه ومش مستوعبه اننا بجامعة الان وإن قدامي دكتور جالس يبهرر ويتكلم طلاسم مش انا داريه ماهن وطول الوقت جالسه ابسر يمين وشمال ل الكائنات الغريبة اللي من حولي وتوقفت عند قريبتي جالسه جنبي ومركزه ل الشرح وكمان تجاوب وتشارك مع الدكتور كأنه هي اللي ع تدرس وانا جالسه بوضع الصدمه من كل شي 😂😭 مع العلم هي جامعية وانا كنت انصدم كيف تفهم مايقول الدكتور 😭🤣 ... وبعدين خلصت المحاضره ومدري منين جابت لي بنت توريني الجدول حق الأسبوع اللي الفات والاسبوع القادم وانا لفكر منين هو لها من جابه (ماكنت اعرف ان في مشرف يرسل جداول 😭🤣)ومدري كيف تم اليوم وانا جالسه مصدومه وبعدين لما استوعبت اننا في البيت رجعت لقراري ل اهلي وانا مستحيل اكمل وهم عند قرارهم ماينفع قد اتسجلتي و و و و و  وبعدين قلت لهم عليا الطلاق😂💔 مااتم الا مستوى اول فقققط وانتو أخبر قالو تم وياليتهم ماقالو تم لانه واصلت السنه واتعرفت على صديقات ومرت ايام وشهور وخلاص اتعلقت فيهن واتمرمطنا وادلعسنا  واتبهذلنا سواء ومعاد قدرت اغير تخصصي 💀✨ وطبعاً اغلب الأيام جالسه ألوم اهلي على النكبه العالميه 🦦✨️
وكمان اكتشفت ان دفعتي مميزه جدا جدا لأنها اكبر دفعه منحوسه  وبما اننني برضو اكبر منحوسه بمجرة درب التبن ف عجبني الوضع المدلسع من جهة ومن جهة الدعاس الجامعي  القسري خلوني سااااكته احسن  🦦💔

# وتمت النكبة التاريخيه لحياتي بجامعتي💀✨✨


#فقرة_اليوم_الاول_في_الجامعة

المشاركة 2️⃣2️⃣


احكي اول يوم لي في الجامعه
كنت اتخيل الحياة ورديه وجاية بعباية جديده وشنطه ودفاتر ورود واقلام ورديه وحركات وكذا
ادخل الجامعه احس اني دخلت متاهه  مش جامعه قالو القاعه الفلانيه ادورها مش عارفه وين اروح كأني جالسه ادخل كهف كذا ظلام وشكلها كئيب
المهم يوم بعد يوم اكتشفت انو حماس البدايات كان اكبر غلط 😂😂😂😭😭😭😭



#فقرة_اليوم_الاول_في_الجامعة

المشاركة 3️⃣2️⃣

فعلا انا اول يوم بالجامعه بكرت
ادور فصل التمريض😂
والكارثه بين أسأل طلاب وين هوه فصل التمريض


#فقرة_اليوم_الاول_في_الجامعة

المشاركة 4️⃣2️⃣

اذكر اول يوم دخلنا بالغلط حمام العيال 🤦‍♀️🥲


#فقرة_اليوم_الاول_في_الجامعة

المشاركة 5️⃣2️⃣

اول يوم جامعة 🥲🥲🥲🥲 يا ارض انشقي وابعلي الدبور اللي عشته هاذك اليوم


وصلت حقنا كليةة الاداب في جامعة اقليم خرأ ( سبأ ) جامعة المجاملة والخرط و المزناوة 😒😒😒


الكلية بمبنى و القاعة بمبنى  ثاني وصلت قريت الجدول وانهو في قاعة القردعي

بعدين وصلت دخلت اكبر قاعة في الجامعة باعتبار ان كليتنا داخلها اكبر قاعة في الجامعة

ودخلت جلست مريع ومطنن والناس تدخل تراني زاقم اخر كرسي في القاعة والقاعة كبيرة و فاضية وان قد جاء رجال شيبة يقولي يا ولدي ايش بتفعل هانا


قلت يا حج اجزع لك من دوار المشاكل عادو جايي يسال ما سالنيش ابي عادك عتجي تسالني انت الفضوولللل   وندعت له تهزيئتين جامدة 😆

ماهو قال لا لا تعال اشتيك بموضوع

قمت وراه سرت على مكتب وطلع العميد حقنا ومن اول يوم دبور🥲💔


قلة ادب☹️


#فقرة_اليوم_الاول_في_الجامعة

المشاركة 6️⃣2️⃣


اول يوم جبت معي دفتر مسخرة وقلم رصاص ☺️
درسنا ثلاث محاضرات للساعه ٢💔
كبدونااااا


#فقرة_اليوم_الاول_في_الجامعة

المشاركة 7️⃣2️⃣

حرفيا صدمه كلمه صغيره 💔
بعد ما اجربتهم يسجلوني طب بشري وانا مش عارفه بهذا التخصص شي ولا حتى ايش معني جامعه😨
كانت اول محاضره فسيو وانا ببالي بسير ادرس نفس المدرسه ثلاث ورق وبالعربي وكملنا 🫣

الدكتوره شرحت ماعد سكتت ملزمتين وكان همي كيف بترجمها افتجعت كيف بذاكر كيف اقول لي امي اننا ماعد اشتي ادرس وانا الي اجبرتهم يسجلوني روحت بكيت وقلت مابقدر ادرس هذا التخصص وبكاء مع خوف
قالت امي خلاص كملي حتى هذا السنه جربي
كنت اذكر انه انا سبب دخولي هذا التخصص ماعد نمت جلست اذاكر طووول الوقت وانا برعب ماعد انام ولا اقدر اكل اسير الجامعه وانا بخوف والدكتور عارف والدكتور وليد 💔ماكانوا يقصروا يكملوا الرعب
ذاكرت وذاكرت وذاكرت اكثر مما اكل وشرب ونجحت وبتقدير جيد جدا والحمدلله 😁



#فقرة_اليوم_الاول_في_الجامعة

المشاركة 8️⃣2️⃣

اول يوم في الجامعه سرت ومشني دارية بشي ايحين وقت محاضرتنا اين القاعه حقنا وبعدين سرت انا واخي وصلنا والحارس مارضيش يدخلنا يشتي بطايق 😒 قلنا له اول يوم نجي قال مابش دخلة الا ب البطايق وبعدين مشني دارية كيف خرج ذيك الصوت مني قمت صيحت انت بتفهم احنا عادو اول يوم لنا واحنا مشحنا داريين بشي هيا اخي ندخل قللك  وسحبت اخي ودخلت واخي قدو مبلد كيف لما اخته صيحت هكذا 😂 وبعدين جلسنا نددووور نددوور في كلية الطب بكبرها ونددور ونسال ويقلولنا هو معاهم نظري ولا عملي واحنا مشحنا داررين ايشو هذا نظري ولا عملي وبعدين بعد معاناه دامت ساعه لققيت دفعتي وكان معنا عملي كيمياء عضوية ودخلت اجلس وجاء الدكتور دخل حامي وهو يهددر انجليزي ويهددر وانا سع الاطرش في الزفة ومننصدمه بقوة مابيقل هذا 😭🙂 وخرجت وضعت ومعاد دريت منين اخرج واخي مدري وين سار قال عيورع لي ومدري اين اختفي جلست ادور عليه ادور ومابش معي رصيد اتصل له وبكيت وحسيت بطوني نزلت وانا لوحدي وبعدين رجع اتصل لي وقالي انا في البقعه الفلانيه وسرت قمت صيحت فوقه وبكيت عنده 😂 ولعانته ل سابع جد المهم ضوينا البيت رقت ا12ساعه من قوة التعب واليأس الذي جاء لي مش طبيعي خاصه بعد مااابسرت كيف الدكتور يرطن انجليزي وانا مشني دارية بشي
المهم كان يوم لاينتسي 🚶‍♀️🙃.


#فقرة_اليوم_الاول_في_الجامعة

المشاركة 9️⃣2️⃣

كما لي ٥ ساعات اكتب
جعله حشف الذي ما يقراء😁

🛑طبعا اول يوم اول اسبوع
مش بنساه نهائيا واصلو حتئ النهاية 😂👇
علمت ان الدراسه تبدا يوم السبت
بكرت السبت
اول ما دخلت باب العماده سالت شخص باب البوابه للعماده يا عمنا 😅وين قسم الميكرو
عصب جنن رفع صوته😡 ٥٠٠% انا وانت زملا انا العميد يا اهبل انت حيوان  ووو الخ
طبعن العميد( علي الحمادي) مشهور في جامعه  إب اعصابه فل عمره 100سنه 😭🤣
قال ادخل القاعه هاذي يا ربح 😏 دخلتو وقدنا ارتعش مو معنا عميد وليش كذا يصيح
وايش الغلط ههههه عادنا قروي جلستو ارتعش ل ما كملت المحاضره

دخلت جلست في اخر سطر من العيال  لما جا الدكتور بدا يعرف بنفسه 
انا تطمنت انه القسم بدون شك 🥰😁
طيب كملت المحاضره وانا قدنا بحاله لا احد يواسيني (بعد فجيعة العميد )
خرجت والطلاب بيتجابرو وانا قلت يمكن من حاره طبيعي 🤣
🛑اليوم الثاني
مش داري وينهم المهم حافظ  وجوه واشكال من اليوم الاول
لقيتهم بقاعه ثانيه دخلت معهم ونفس الخبر البدايه يعرف بنفسه ويرجع يبدا المحاضره وكذا اطمنت بنسبة 100%
🛑مفاجئة اليوم الثالث😁
دخلت معهم وقدحنا بنص المحاضره والدكتور يقول هاذا الفقره( درستكم السنه الماضيه) تتذكرو 😳 من يراجع لي الموضوع بشكل مختصر رفعو ايادهم كلهم😳😳  😟😭
قلبي دق 180بالدقيقه ايش عرفهم
انا طبعن انصدمت لي محاضرتين اكتب بعد الدكاتره الاولين واتروح اراجع ايش كتبتو
فكرت بالخباله وفكرت ليش ما كلمتو اي طالب انتم مستوا كم
🛑😳تفاجئت بعد ما كملو يشرحو خرجو انا سالت واحد من الطلاب مستوا كم انتم قال (2) 😳😭جني لي ٣ ايام ادرس معكم
هنا حسيت اني اغبي شخص داخل جامعة إب
رجعت ادور مستوا اول بعد ما قد حضرت ٣ محاضرات
بمستوا ٢  🤣
🛑والكارثه ايش اول محاضرات كانت الورقه حق الحضور تمشي وقت المحاضره ونا اسجل اسمي من جيزهم ما قد بش كشوفات بالبدايه  😂

#جامعة إب قسم الدبور 😊 😊


#فقرة_اليوم_الاول_في_الجامعة

المشاركة 0️⃣3️⃣


اول يوم ب  الجامعه حضرنا لكن ما درسنا اي محاضره روحنا البيت

يوم ثاني رحت وقد اللاب كوت معي و الشنطه والدفتر والاقلام اجتهاد من اول يوم
رحت ادخل القاعه وطبعاً كانو يدرسو  فيها تمريض وانا دخلت امشي بكل ثقه وطبعاً ماعرف احد انا كنت احسب ان انا وصلت القاعه حق الصيدله ف الصدمه
الدكتور بدا يعرف ع نفسه ويتكلم ع التخصص وليش دخلتم تخصص التمريض ف انا اتت لي لحظة صمت  ووقفت والكل شاف لعندي ليش وقفت قلت لهم انا مانا هنه انا صيدله ف الكل صار يضحك مع الدكتور
ف لما جيت اخرج قال الدكتور اخر مره تغلطي واخر مره تدخلي ذي القاعه😂😂😂😂😂😂💔

والشي الذي تطورت به لاعاد في لاشنطه ولا دفااتر ااخذ الملزمه وقدنا عامل نفسي ذكي
وكمان اللاب كوت من كثر ماكنت ااخذه معي وكان يعجبني قوي البسه في كل وقت محاضره اومافيش محاضره
الان  اروح اتسلف لاب كوت من اي دفعه  ادرس العملي ماعاد ااخذ حقي....

بعد المحبه كره😂😂😂😂😂😂💔

#صدمات_من_اول_يوم



#فقرة_اليوم_الاول_في_الجامعة