امانة اتفرجوا لوجهه كيفه ضابح
نشتيه يقع ادمن بالقناة ويفعله هشتاق #طائر_ضابح.

شكله محيرف.


#طالب_ضابح 🐸💔

الله الله يا زمن لوين قد وصلنا

قد الواحد يمرض ويتباخر

من دون ما يأكل اناناس (عنانيص)

سنخبر الله بكل شيء

#مؤقت

#its_dollar

سلامات ؟!!!!

#ادمن_برهوم

لا تُـفكر ؛ لها مُـدبر 💙.


#غيمة ☁️

لما تحس نفسك طبينة سايرة بيت طبينتها مش طالب ساير الجامعة
هانا تأكد ان عندك حب الأستمرارية وانك عايش عناد ههههههههههههه

يعني اليوم داريين ان احنا عنسير نرسب بدون أدنى شك ...!
حتى الدوافير والطحاطيح وهولك ابو نظارات وفنايل ابو رقبة لأنو ما يلبسوا فنايل ابو رقبة الا كمن راس ينجخ المراجع وهو بيتملخخ ههههههههههههه
حتى هم هذه المرة ما بيدوروش امتياز ولا جيد جداً ....!
يعني لكم التخيل على كمية رعب انا عايش لها .... دام وهولا الدوافير بيدوروا جيد .....
انا ايش بين ادور ؟!
حتى حق الصبوح والله ما عاد ادورها ههههههههههههه
قد بين أكل وجبة واحدة لليوم كامل عشان لو رسبت ما يمنوا عليا في البيت انهم بيأكلوني خيرات وبين اخسرهم ههههههههههههه

المهم يا اعزائي سرنا اليوم كـالعادة بعدما قد ذاكرنا من زغن الكون ...!
واحنا داريين انو الدكتور عيدي الأختبار من الزغن الثاني ....

اكلت اثنين سندوتشات بطاط من عند حبيب الشعب "أبا عُدي بن أبي بلتعة اليسلمي" .... قلت ما يسبرش ادخل وانا جاوع بطنياً ودماغياً قدو نص البلاء ولا كله ههههههههههههه
اشبع بطنك يا طارق ودلع كرشك وخلي دماغك فاضية الدنيا ما تستاهلش 💙

دخلت القاعة والطلاب قدهم وسطها ...!
شنو هيدا يا جماعة ؟!
محد ماسك ولا ملزمة ولا مرجع ...!
كلهم ماسكين المصاحف وأحد الصالحين طارح السجادة فوق كتفة ساع البلكة ...!
رجعت ورى خطوتين اقرى اسم القاعة ....
شكلي دخلت دار تحفيظ بالغلط

فتذكرت انو مع أختبار الباثو مش هتقدر تغمض عينيك ...!
الطلاب يائسين من مذاكرة المراجع
رجعوا يتضرعوا إلى الله بأن ينصرنا على عباده الظالمين ...!
دخلت القاعة بالرجل اليمين ههههههههههههه

جلست شوية اطنن للسقف وجالس اسالي نفسي انو عيقع اختبار على مافي النفس...!
هو اطفال وباثو والباري عيسهل لي 💙

بدأوا يوزعوا لنا الورق ....!
كان على جانبي أحد الصالحين من خبرتي
طرحوا له ورقته قبلي ...!
انا هذك الساع خرجت الحاسة السادسة وعلم الفراسة الذي داخلي
وقلت اشوف ملامحه وعلى ذلك سأقيس كيف الأختبار ....!
عاد انا بدأت اهندل الحاسة السادسة ساع الطاحون
ما دريت الا حين سنبين شعر شنبه ههههههههههههه
اشهد لله ان شنبه سنب وعيونه توسعين ساع ظهر القلص 🤣💔

طفيت الفراسة والفرس ورجعت اقرى سورة الحمد والإخلاص ...!
وصلت ورقتي وأخيراً 💙

نبعت لا عند الأسئلة الكتابي ههههههههههههه
حاجة من عالم آخر .... قريت كل الأسئلة حق الباثو لوما وقع فيني هبوط ومن قوة الميكانزم وال stress على امغالي الداخلية
امانة ان انا عرقت بطاط ...! ههههههههههههه
عرقت البطاط الذي اكلتهن قبل الأختبار ....
تبادر في ذهني كلمة WTF ما هذا الأختبار ما هذا الإنتحار

خرج عمو بهجت صابر الذي داخلي...!
طبعاً الذي ما يعرفش بهجت ... هو المومري بس شركة ثانية ههههههههههههه

حتى مادة الأطفال الذي قلت عد احلها وانا مغمض خخخخخخخ
الأطفال طلعوا قدهم حق زواجة ههههههههههههه
مسترت لهم .... أقل طفل منهم عضو في المافيا الروسية وانا الصدق ابي قال لا اضارب احد ههههههههه

غلقت الورقة وفعلت لي نعسة نص ساعة
رقدت وما قومتني الا المراقبة بتدغوزني اقوم اوقع قدام اسمي ...!

قمت وقعت ورجع حاكيت نفسي ...!
الدكتور خمَّنا بالأختبار ؟!
وانت ما رأيك تخمّه بالإجابة ؟!
ههههههههههههه

خرجت نزار بس مش نزار قباني طبعاً وإنما نزار خولاني ..!
وهات لك يا مشع وفلسفة وأسامي علاجات وأسامي امراض وبعض أحيان والله كنت أستعين بأسامي أنكاس ماركة ههههههههههههه

وذكرت حالات سريرية ضخمة ....!
السؤال عن الكبد
وانا جاوبته عن اللوزتين حق ولد عمي حين مرة صيح قوووي وتقارحين عليه ساع الإرباجات حق السيارة ههههههههههههه

والأطفال كان MCQ ترازعت انا وهو وجلست اتذكر كل اطفال العالم والحالات والحمدلله حليته حل ضخم وصحيح

وكملت وكتبت آخر الورقة " كلماتي وألحاني" ههههههههههههه هههههههههههههههههههههههههههههه

خرجت اشوف الصالحين جميعاً وأحسن واحد فينا حل ٣ أسئلة

روحت البيت وصلت لا قدام ابي وسألني كيف الأختبار ؟!
قلت شفعل ساع الناس الهاي كلاس برو ماكس اكس يح ....
عادو سألني وأنا زعم دوخت ههههههههههههه

وقدو بيصيح لأمي تدي البندق ...؟!
البندق يا ابتاه ؟!
لماذا العنف ؟!
انا بين امزح ما دوخت ولاشي ههههههههههههه
وبعدى الناس إذا حد دوخ يسعفوه بعصير مش برصاص 💙

المهم بهرر وقال بنقلك كيف الأختبار ؟!
قلت له لا داعي للأمور انا والسيطرة والأختبار تحت القلق .... وحليته كامل

لا وقت التخزينة قلت اجابره انو ما عيفرقش بيننا أختبار ومستحيل انو شوية اوراق تفكك الأسرة ....!

قال فعلاً يا ولدي لكن الموت حق ...!

المهم قد انا غدوة عد ادخل السعودية تهريب ...!
اي عجوز تشتي ترسل معي لولدها المغترب سمن ولبن تراسلني ههههههههههههه هههههههههههههههههههههههههههههه


#الى_السعودية_والحافظ_الله



#طارق_رسام

من أتم قراءة الصفحة،فليتفاعل بأحببته ❤️

#الورد_اليومي 🤍

وكما قال الحكماء

اشرب مرق على الريق عشان تستضي الطريق


#Angel.

رحمتك يا الله

#ادمن_برهوم

تلاوة المحفوظ غيبًا لها لذة ومتعة وانشراح وسعادةٌ لا توصف 🤍!!



#غيمة ☁️

عنتكلم اليوم عن متلازمة الآيفون او بالأسم الذي لابس كرفتة " I phone syndrome" ههههههههههههه

اتكلم عن الأغلب هااه مش الكل
اغلب الذي معاهم آيفونات ....!
عايشين في عالم لحالهم مليء بالإثارة والغموض ههههههههههههه....!

الأغلب يكونوا ناس غلبانين ووقع لهم قرشين او باعوا من اعضاءهم عشان يشتروه ....!

تشوف صاحب الآيفون بأي شلة ضروري انو يحشر روحه بأي طلعه ...!
ليش؟!
عشان في عقله الباطن وفي قرارة نفسه انو المسيطر وملك التصوير الفوتوغرافي ههههههههههههه

تشوف اصحاب الآيفون يحبوا عبدالحليم حافظ وعبدالمجيد عبدالله وهولك المغنيين حق الأرامل ...!

حين تجي تتجابر انت وياه بالتخزينة ضروري يطرح الآيفون في بقعة ظاهرة عشان تجلس تبسره...!

اذا زعل احد من خبرته ويشتي يحكمه ويراضيه يحكمه تحكيم إلكتروني بالآيفون حتى ولو كان لابس جنبية ههههههههههههه

ايضاً يفتقروا الى حس الفكاهة ودمهم أثقل من زيوت الشيولات وكل حياتهم استوريات بايخة بالأنستا ...!

تقول له امه سير انفعني للبقالة
يقول لها عاد التلفون بيشتحن ؟!
اشدخل ؟!
لأنو ما يقدرش يخرج خارج البيت الا والتلفون بيده ههههههههههههه

وتعرف حتى البنت الذي معاها آيفون وهي ماشية بالطريق .... يعني فوقها شنطة يد وشنطة ظهر وتبسرها ماسكه التلفون بيدها ههههههههههههه ؟!
اختااااه ....!
النصراني ما فعلش الشنطة للفاين ..!
وترجع تصادف صاحب متر طايع والديه ينتف التلفون من يدها ويدخلها بحالة توحد وأنفصام شخصية ههههههههههههه

تلقى اصحاب الآيفون فيهم خرمة تصوير حتى لا درجة انو حين يدخل الحمام يفعل صورتين للحنفي ونزلها ستوري " مع احلا حنفي والله"

تشوف خلفياتهم او اي صورة يتصوروا فيها حتى ولو كان في عزاء ضروري يكون الآيفون موجود بالصورة ولا يحرمها ساع اللعبة ههههههههههههه

اذا لبس ثوب وعسيب ... يطرح الآيفون عرض العسيب ساع المسدس الكلوك ويمشي وهو مميل ساع السيارة المقلوبة ....!
كل هذا عشان يظهر الآيفون للملأ ههههههههههههه

سرعة البديهة عندهم صفر على الشمال وغالباً يجوا خجف ههههههههههههه
سنة الله بالكون اي اخجف يمتلك أشياء باهظة الثمن ....!

التكملة من عندكم كملوا ايش باقي صفات ما ذكرناها ههههههههههههه هههههههههههههههههههههههههههههه


#طارق_رسام

جوا نتجابر على موضوع أهم من الآيفون وأصحابه لأنه موضوع ينرفز أكثر ، ومنتشر سع الجراد

وهو موضوع " صاحبك اليهودي "

هذا الكائن ، الكلمات تعجز عن وصفه ...
والعلماء ما اكتشفوا حل لعلاج هذي الآفة

ووكالة ناسا فلتت الكواكب والفضاء ، وخطفت " كائن من هولا " وجالسة تفعل عليه أبحاث
لأنه مش من البشر 😂😂😂

بالله عليكم لموه الكذب والخرط ، أنا مو شفعل بمذاكرتك ولا تقدمك وامتيازك

يا ابني ويا بنتي ، مذاكرتك لك وحدك
ومش شرط تسير تخابر هذا وهذا كم قد ذاكرت

بس أقل شي ما تكذب وتمكنها بكبكة وشكشكة وتندعها أيمان الله المغلظة إنك ما قريت حرف

وأنت قد اصطبحت واتغديت واتعشيت بالملازم 🤣
وقدك بتحلي بالمراجع 😂

وعاد في نوعية يدخلوا لك من كل زغط بلا ما تسألهم
إنه ما مسك ملزمة ولا قد قرأ المادة

يعني تحاول تهرب منهم ، والهرم يجي لاا عندك

بيحسسوك إنك إلا فاضي تلاحق هذا كم قرأ وهذا كم ذاكر ومش هم داريين إنك حانب بنفسك مش ناقص شكاوي كذب 🤥 يا ليت وهي صدق


آخر شي أحب أقوله

_أمانة عليكم انقرضوا ، عشان ترتاحوا و نرتاح 🤣 .



#مـيـجـالـووو 😼

من أتم قراءة الصفحة،فليتفاعل بأحببته ❤️

#الورد_اليومي 🤍

كوني مثل مريم .




#مـيـجـالـووو 😼

وأما الآن ومع فقرة اكتئاب الامتحانات ✋

#ادمن_برهوم