قال صاحبي اي دراسة تتخرج منها وماتخليكش تقدر تشتري بسكت وحليب تاكلهن قبل ماترقد ماهيش دراسة وقال الدراسة الي ماتخليكش بعد ماتتخرج لما تدخل اي مجلس يقوموا كلهم ويبعدولك المداكي ماهيش دراسة
#الكادح

الدكتور عادي قال انتم اخس دفعة شفتها زميلك الذي من بني حشيش اليوم الثاني
#الكادح

لوما تكون خريج وتحضر عرس سنة اولى
#الكادح

لما تتقدملها وانتم سنة اولى وتقلك اسفة اشتي ابني مستقبلي وضعك وقدك خريج وهي عادها راسبة في اولى
#الكادح

ولا شي بس طالب بيطري بيسحب صاحبه عشان يطبق عليه
#الكادح

طالب اسنان لما يوقفه المريض بنص الجلسة يقله ريع افعل حبة سجارة قد الخرمة فل
#الكادح

معانا زميل في الدفعة دمه ثقيل ياساتر وعنده تقلبات مزاجية وعاطفية بشكل رهيب وسع الي بينه حالة المهم كلنا بنحاول نتجنبه من كثر مزاحه الثقيل المهم الولد وقعتله سع المعجزة جت يوم طالبة مانعرفهاش صورتها من جامعة ثانية بنت سبحان الله والجمال والاناقة حاجة فوق الخيال بتقطر جمال وجلست شوية في ساحة الكلية وابسرت زميلنا ذاك وقامت لاعنده طارت له طيران وكلمته شوية وضحكوا وشلت رقمه ومشت لوما جننا كلنا في الكلية ايش اعجبها فيه لا وسامة ولا حبوب ولا اريحي وقعتلنا صدمة حضارية ومش هكذا وبس جلست اسبوع وهي كل يوم تجيله وزميلنا مهنجم هنجمة داخل الكلية ويجلس يقلنا قدها ذايبة فيني ومن بعد ذاك الاسبوع ولاعاد جت يوم وهو كان يبكر صورته حزين مقلوب ضابح المهم رحتله يوم قلت شاشوف ايش الخبر وجلست معاه لما اعترفلي تخيلوا ايش طلعت القصة
طلع ان البنت ضحكت عليه ورقمته ومكنته يافارس احلامي وبعد اسبوع اعترفتله انها طالبة علم نفس وانه كان مشروع التخرج حقها
#الكادح

اختاااااااااه
قالوا التعليم حق من حقوق الفتيات قلنا على راسنا
قالوا العمل حق من حقوق الفتيات وقلنا على راسنا
لكن انك تتخرجي وتشتغلي براتب ٣٠ ولا ٤٠ الف لعمل اقل شي معاشه المفروض يكون ١٠٠ الف هنا ماعنسكتش.

اختاااااااااه انتي كنتي تذاكري على قلص شاهي وعادك تصوريه وتذليه وتفعليه حالات لمدة شهر هو والملازم المشخبطات ازرق واحمر واحنا كنا نذاكر على تخزينة محترمة وقوة جبل وباكت كمران وماء شملان ندلع الكلاوي يعني المادة الواحدة براس مالها تخرج علينا بقيمة صرفتك حق شهر لذلك نشتي نتخرج نطلب الله نسدد ديون.

اختاااااااااااه احنا نتخرج ونوقع منبوذين محد يعبرنا حتى بألف مرة قال صاحبي بعد ماتخرجت لو ادولي الف في البيت يدوروا كيف يحللوها يخلوني اصلح حتى الحنفيات الصالحة.

اختاااااااااه احنا نتخرج وتوقع علينا مسؤوليات وضغوطات نشتي نفتح بيوت ونشتي سواج ونشتي مستقبل وعلينا قضاء ديون وانتي كل همك تجمعي كما وقع عشان تشتري ايفون تهنجمي به على سارة بنت خالتك الكريهة.

اختااااااااه انتي تقبلي الشغل ب ٤٠ الف عشان تعاندي مرت اخوكي التعزية وتخليها هي الي تغسول صحون الغداء وعشان تكوني تاكلي شبس وانتي مروحة من العمل ولا واحد شوارما بقيمة شغل يومين من راتبك.

اختاااااااه اتخرجي واشتغلي بمعاش محترم ولا اجلسي في البيت ابسري فيديوهات كيف تصنع ايفون من معجون الاسنان وخلينا نطلب الله ونعيش.
#الكادح

طقوس المذاكرة عند شلة الكادح

١- معانا زميل يجلس يخزن لاقده مكيف وقام يشغل فيصل علوي بالmb3 وقام يرقص لحجي على اسيل الخدود لوما يطفح ويرجع يخزن شوية وهات يامذاكرة مشنا داري كيف عايش هذا الادمي انا اخر مرة سمعت فيصل علوي ما وقفت إلا في عدن من الحماس.

٢- معانا زميل قبل المذاكرة يخزن ويدخل الفيسبوك ويجلس يبسر فيديوهات من حق المصريين ابو ساعتين يشرحوا فيها فيلم مدته ساعة يعني لو يبسرله الفيلم انه اخرجله (بص ياباشا البطل في الفيلم كان عيان وكانوا زمايله في المدرسة بيضريوه وبعدين اكل باذنجان وبقا بطل خارق وبقا يضريهم)

٣- معانا زميل له ٤ سنين وهو يقلنا عرسه نهاية الشهر هذا ومن سنة اولى وهو يجهز للعرس كل ما نجي عنذاكر يقوم يحكيلنا انتم دارين ان غرفة النوم التركي اغلى من المصري ويجي فيها هدروليك طيب ايش رأيكم اشل صحون زجاج ولا بلستيك وعلى نهاية التخزينة يقول ياخبرة صورته ابي يكذب عليا وعيجلس يعرقلني ويديلنا كل نظريات المؤامرة.

٤- معانا زميل فيه حالة تركضه ركض تخيلوا يجي يجلس معانا يخزن للمغرب ويقوم يرقد ويقول صحوني الساعة ١١ ونصحيه ويقوم يتعشي ويخزن ويذاكر شوية ويرجع يخرج ياكل خمير وقت الفجر ويرقد ساعتين وقام يخزن ويذاكر امانة يديلنا الجنان.

٥- معانا زميل كل ما نجي نبدأ نذاكر يضاربوا اصحاب البلاد حقهم وهات يا اتصالات اصحاب المديرية كامل يتصلوله تخيلوا يوم جلسوا للفجر يشغلوه على المشكلة حق تقية زوجة علي محمد صاحب الطاحون اتضاربت هي ومحصنة اخت زكية زوجة احمد طلحة.
#الكادح

في دفعة الكادح معانا زميل ارسله الباري لنا كجبر خاطر
دائماً يبث الطاقة الايجابية في الدفعة وحاجة فخمة قوي وانتم تعرفوني ما احبش الدراما ولا ابالغ لكن من لايشكر الناس لايشكر الله قولوا كانت دفعتنا دفعة عادية كل واحد حاله حال نفسه او يتجمعوا شلل منغلقة لوما جاء هو وبدأ بنظام توحيد الدفعة وتعزيز انتمائها وبدأ بنظام انه اي حد من الزملاء إذا قدر الله وتوفى عليه حد من اهله او عيتزوج اول مايدري يبلغ الدفعة كامل ويجمعهم على واحد ويحدد نقطة لقاء والذي معاهم سيارات يشلوا الي مابش معاهم على الطريق ويجمعهم امام صالة او مكان المناسبة ويقلهم ندخل كلنا مرة واحدة عشان نرفع معنويات زميلنا ونرفع راسه قدام اهله وجيرانه ولما ندخل كلنا والناس يقولوا من هولا ويقولوا هولاء زملاء فلان ومانسمع إلا والله ونعم بهم خلى دفعتنا اسرة واحدة وكان يواجه صعوبات في البداية بسبب عدم استجابة معظم الطلاب لدرجة انه كان يسجل اسماء الي يحضروا المناسابات ويقول للبقية في الجروب الي مايجيش مناسباتنا والله مانعزيه حتى في اهله والذي مايجيش اعراسنا والله مانجي عرسه وكافح لوما ثبت النظام على الكل وإذا في حد من الزملاء تعب يبلغ الكل يدعوله ويرتب للدفعة تزوره وإذا حد من الزملاء انتكب وقدر الله عليه بشي يبلغ الزملاء بسرية وهدوء يقلهم معانا زميل منكوب الله الله بالفزعة وكل من بقدرته ونعاون زميلنا بسرية تامة وزميلنا هذا معه شبكة علاقات واسعة مع طلاب الكلية كامل وياكم بتوصله اخبار سيئة عن فلان او فلانة ولاحظنا انه حريص جداً انه يخمد اي اخبار سيئة او اشاعات تطلع على اي زميل او زميلة يقل للي وصله الخبر ياخي لاتصدقش هذا كذب واوبه تزيد تتحاكى او دعمم شوعة واستر ماستر الله الباري عيخارجك ويسترك ودفن وبيدفن ياكم من اسرار الناس اي خبر يوصله ينتهي عنده وشخص مابيغثيش احد المهم انا اعتبره كومة من الايجابية والقلب النابض للدفعة وجبر خاطر من الباري لنا فألف تحية وشكراً لك يازميلنا الفخم.
#الكادح

لوما اسئل المندوب اين وديت الزلط حق النشاط حق الطلاب وانا قد ركزت ان المندوبة قدها تبكر تداوم بعباية وشنطة جديدة هو
#الكادح

نـعم يغريك الشيطان ...


لكنهُ لا يجبرك !!


#غيمة ☁️

حتى الإدانات ماعاد تنفع


"كفو الإدانات قد ملتها مسامعنا ".




#طالب_ضابح 🐸💔

السلام عليكم

امس حصل لي موقف واشترغت بالقات وسط الخط وانا اسوق ومابش معي ماء

وكذا محد كان معي وقفت واخذت ماء من واحد يبيع في الخط

واخذنا الكلام معه وتفاجأت ان عنده صرع ويستعمل علاجات واصل ومعه عيال ويشتغل وسط الخط ومعرض للنوبه بأي وقت

المهم كتب الله اجركم اللي قادر يساعده ياخذ له علاجات من صيدلية الفرح في جولة شميله ويحطهن له بها لان معه حساب في الصيدليه وعليه دين وما عد رضي يجيب له علاج بسبب اللي عنده ..

يكلمني عبر البوت @Itsdollar24bot عشان اجيب له رقمه واسمه

كتب الله اجر الجميع

ولا تنسو الدال ع الخير كفاعله

شكراً

#مؤقت

#its_dollar

مهما كانت فرحتك في حفل تخرجك تأكد انها ماعتكنش حتى بربع فرحة أهلك فيك لذلك مهما كان السبب لاتحرموش اهلكم من مثل هذي الفرحة لأني لاحظت البعض يقلك مشتيش حفل تخرج هولا الحفلات حق جهال أو خبالة المهم حاولوا بكل قوتكم انك تفرحوا أنتم وأهلكم وبطلوا دراما وبث طاقة سلبية واسأل من الله ان لا يحرم أي واحد منكم او من أهلكم مثل هذي الفرحة طبعاً الصورة من حفل جابر اخي
#الكادح

اليوم من قوة الضبح سرت شليت ورقة فاضية وبدأت أشخبط فيها
وسرت صلا الصيدلية مكنته الورقة وقلت أدي لي هذا العلاج
قال الصيدلي مافيش معانا هذا العلاج ...... شدي لك واحد نفسه بس شركة ثانية ....!
قام ادى لي بندول إكسترى
😂😂😂😂😂😂😂😂😂😂😂😂😂😂😂😂😂😂😂😂😂💔

#شاهد_قبل_الحذف
#منشور_قصير


#طارق_رسام

انا والله يا خبرة استغرب من الناس الذي عندهم قدرة التحدث والكلام وفتح المواضيع ههههههههههههه .....
عمي له مغترب ٢٠ سنة في أمريكا وعادهو جاء اليوم تخيلوا جابرته ربع ساعة فقط ....!
ومن بعد المغرب إلى الآن وأنا وهو ساكتين وكل خمس دقايق ابتسم واقله حيا الله من جاء هههههه ....!

لا قام يرقد ولا خلاني اخزن واسمع روحي



#طارق_رسام

من أتم قراءة الصفحة،فليتفاعل بأحببته ❤️

#الورد_اليومي 🤍

(إِنَّ ٱللَّهَ وَمَلائكَتَهُۥ یُصَلُّونَ عَلَى ٱلنَّبِیِّۚ یَـٰۤأَیُّهَا ٱلَّذِینَ ءَامَنُوا۟ صَلُّوا۟ عَلَیۡهِ وَسَلِّمُوا۟ تَسۡلِیمًا)

جمعتكم طيبه يا رفاق🤍:)

#Angel.