العيد حلاوتهُ كالسكر كَطعم اللحمةِ بل أكثر.


#زعكمه.

حجاج بيت الله الحرام يتوافدون إلى مشعر منى لرمي «إبليس» بالجمرات

#ادمن_برهوم

اصحاب إب لاتزيدوش المرق كما الوضع لحد الان سابر ولافي حالات طوارىء ولا مشاكل صحيه.

#زعكمه.

.






#طالب_ضابح 🐸💔

https://youtu.be/l4VXcTvPsYk?si=lBFIrIMzXOcunIHq






#طالب_ضابح 🐸💔

واشربوا فلازول وفوار فورت وغسلوا اياديكم سع الناس بعد اللحمة.






#طالب_ضابح 🐸💔

لكل مضحي محترم
انك ترمي مخلفات الأضحيه بعيداً عن الطرقات يدل على وعيك🤍🤍
#Angel.

اليوم بعد الغدى وانا ممدد في الديوان وفاتح أغنية أبو بكر وجالس اتقرمم وقد انا ضااابح
دخل ولد عمي والإبتسامة مرسومة على وجهه المتصحر
قال هيا عتجي معانا قلت له فين عتسيروا
قال عنسير إب ......
أنا قمت بسرعة البرق وبين أصيح ... وأخيراً شخرج وأحس بالعيد
وداعاً للديوان ... وداعاً لنتف الشنب بعد القات .... وداعاً للضيق
أهلاً بإب ... أهلاً بالمرق
سرت طيران صلا غرفتي هزرت العسب حق علي أخي ومشو داري
ورجعت صلا ولد عمي
خرجنا من البيت وانطلقنا إلى السوق
دخلنا سوق بيت بوس والدنيا بووورة طاحنة والمقاوتة بيهازروا عليا الكوت ويحلفوا أيمان إني شاخزن من عندهم ههههههههههههه
كان أحس نفسي شخصية مرموقة في المجتمع .... وقد أنا فارح شاخزن بألف ريال لوما أقتلب مطب ههههههههههههه
رجع ناصر قال "هذا القات ما يخارج الصدق ... أحنا عنسير إب ضروري تخزينة جهنمية" .....
فكرت وقلت الولد شكله رُكبة ومزلط .... شلينا باص وركبنا لا شميلة
وصلنا هناك ودخلنا سوق شميلة وكان أبسر الآدمي يسير صلا المقاوتة الضخمين الذي حقهم القات بالسعودي وبالدولار
أمانة كان أبسره لوما يسنبين شعر راسي ههههههههههههه
ولدي فين عتسير خاف الله ... ما معي إلا ألفين ريال رسوم الرحلة مع القات والماء والدخان والمشروبات
أنا الصدق عاد انا بحاجة كليتي ... ما عد أبيعهاش عشان أخزن نص تخزينة من عند هولا المقاوتة .... جي نسير ندخل عالم الخضروات الذي في سوق شميلة ونشتري لنا جرجير ههههههههههههه
الولد كان يخفع صدره ويقول ما عليك ألحق بعدي وبس لا تقلق 🙂💔
مدري ليش ما أطمئن قلبي لكن قلت يالله بعدك ....
ووصلنا لا عند مقوت تربيع ههههههههههههه يعني مقوت أثنين في واحد .... شنبه ساع البردات حق الأولين ومغطي على لقفه كامل .... وكان حين يأكل القات يمسك شنبه على جنب ويأكل هههههههههههههههههههههههههههههه ساع المزز المبرقعات حين يأكلين سندوتش
المهم خرج لنا حبة قات من وسط الثلاجة .... أمانة لوما فعلين عيوني قلوب قلوب 😍😍
وبين أبسر صلا ناصر وكلي ثقة إنهو شا يخرج مية دولار ويخفعها في حضن المقوت 🌚💔
قام خرج من جيبه ٣ ألف ريال ههههههههههههه 🙂💔
والله ما فرع علينا إلا صاحب الليم الذي وسط السوق .... حرام ان المقوت فعل لي ثنتين دبج في ظهري لوما حسيت عيوني عيتناكعين للقاع
رجعنا سرنا لا عند المقاوته الذي جالسين في القاع وأشترينا شوية قات مدعسات ملان سليط وخلب "طين" أقسم بالله إنك تحسهن بطاط مش قات
خرجنا من السوق وبين أبسر صلا ناصر وقد أنا أشتي آكله 🙂💔
غر كنت أقول سهل عاد شا ينزلني إب
شوية وقدهو بيتصل لصاحبه الذي معه باص ....
جلسنا خمس دقايق فوق الرصيف جنب صاحب الشبس وقد كنت ناوي أشتري لي بمية شبس أعوض الدبج الذي وقعين عرضي .... غر أبسرت صاحب الشبس بيحك صدره فوق الدست حق الشبس ههههههههههههه رجعت كنسلت الخورة
فجأة بين أسمع صوت شيول من هولك العائلي الكبااااار .... وبين أقل في نفسي ما عيجي يفعل الشيول وسط شميلة
جيت أحترف يمين وأبسر باص حالة أمه في كيس والدبة البترول ملصقة في السقف حق الباص وفاعل لها ساع المغذية لا وسط المكينية ههههههههههههه
ما سار حسي إنو هو هذا نفسه صاحب الباص الذي عينزلنا إب 🙂💔
لوما أبسرت ناصر بيشوف صلا الباص ويبتسم 🙂💔
هذك الساع زقمت الشال حقي وبدأت أخنـ.ـق نفسي وقلت "من قال لأمي أصدق هذا البلسة" ...
صرعت ناصر ورى رقبته وقلت له ما بتتخيبل ذلحين ... عنسير رحلة ولا عنسير نستشهد 🙂💔
قال ما عليك والله انو باص لوزة وصاحبي سواق داهية 💙 لا تهم
وصل الباص لا قدامنا وندع بوري أبو أسد ههههههههههههه
أنا الصدق أبسرت السواق وفتحت تلفوني أبحث في النت عن دعاء السفر 💙
طلعنا والباص قدو ملان من خبرة ولد عمي .... طبعاً طلعنا في القدام جنب السواق
وبين أبسر الفريم مشقشق وملصق عرضه عبارات عميقة "عطر قلبك بالصلوات" وزد كاتب رقمه عرض المراية الذي في الوسط وتحت الرقم مكتوب أبو نورة هههههههههههههههههههههههههههههه

أنا الصدق ما أرتحت لهذا أبو نورة ولا نزل لي من حلق .... مادريت إلا حين خرج من الفريم حق الباب ونزل الدبة البترول من السقف وطرحها في حضني .... قال لوما تكون تبسر الباص قدو بيرتعش سوي ضغطة بسيطة على الدبة عشان يوصل البترول 🙂💔
أبسرت صلا ناصر وهو شافني ودعمم وفعل نفسه ميت
مشينا وكان كل خمس ثواني يرتعش الباص وأنا احضن الدبة وأضغط عليها ههههههههههههه
المهم ما وصلنا طرف شميلة إلا وما عاد باقي إلا نص الدبة البترول ههههههههههههه
وأنا في عز الشقدفة الداخلية وفي ذروة التوعد لولد عمي بالدبج المؤذي والزبط المفيد ....

#التكملة_بأول_تعليق

#طارق_رسام

العيد عيد من جمع العسب واصبح مبلغ لابأس به🙂💔.

#زعكمه.

ألف ألف ألف ألف ترررليوووووون مبرووووووك. التخرج للأدمن #غراب والدفعة 35🤩🤩🤩🤩🤩🤩🎊🎊🎊🎊🎊🎊🎊🎊🎊🎉🎉🎉🎉🎉🎉🎉
ونسأل الله لكم التوفيق في حياتكم العلمية والعملية.. ومنها للأعلى إن شاء الله ، وعقبى للبقية 🎉🎉🎊🎊🎊🎊🎊🎊🎊



#أقرب_من_الطب_وغنيلة

ألف ألف ألف ألف تررررليووووووون مبرووووووك الخطوبه. وعقبى للفرحه الكبرى يااااارب. 💥💥💥🎊🎊🎊🎊🎉🎉🎉🎉🎉🎉🎉🎉🎉🎉




#أقرب_من_الطب_وغنيلة

كل عام وأنتم بخير وصحة وسلامة
حجاج وحراوا ومتخرجين وكل شي.🔥



#Roka_🌻

من أتم قراءة الصفحة،فليتفاعل بأحببته ❤️

#الورد_اليومي 🤍