اكثر مهام تدي عملات هانا

#الامام

مساء التوت شجعوني ولا باموت

رحت اليوم الجامعه بعد غياااب اشهر ،
المهم،
اجيت الا والدنيا زحمة والسياراااات ملان بكل ركن م تحصلش اين تركن ،بالعافية تدور مكان وعاده اخر الدنيا ،
المشكلة كل السيارات المركونة ضخمة اشكال والوان البرادو واللكزس والمرسيدس المهم تشبع قهر والله.

سهل،تدخل الجامعه مع تعرفهاش كل شيء تغير والكراسي والدلع والكفتيريا الحركات،
لنا ثلاث سنين بالجامعه م شفنا كافتريا كنا نحنب من فين نصطبح ،
نرجع نمكنها كيك وعصير لمن يجيلنا اسهال حاااد ولا لقد تطورنا شرينا فاصوليا من كافتريا تبعد خمسين كيلو متر مكعب،ويديك بواسير حقة الفاصوليا لاشكل ولا طعم بس الجوع ابصر،
الحمدلله ذكريات حلوة،

باقي الطلاب،امانه الطلاب الجدد كلهم مرز ناار ،على ايامنا صعب ومستحيل واتحداك تلاقي
كان في وحدة بالاسنان كانوا كلهم يتجمعوا حولها،
مع الجفاف وانعدام المزز.

ي خي حتى ملابسهم انييقة وشيك وحركات واخر دلع،ايامنا كااان ابو الكشخة اللي يلبس بدله والمشكلة تكون كبير وراح لونها ،ويقوم يتصور بها مع تفعيل وضعيه اسير الاحزان،

امااانه انه اكتبدت اليوم ،
فييين احنا من ذا مقهههور انه م عاد بداوم بالجامعه كل يوم ،
لمن اسيب الجمال ذا كله،
هي ارزاق مش بالبكاره.

محظوظين الطلاب اللي يداوموا كل يوم ويتأمل التحف الفنية ااااه بس.


#سايكو 🔪

دقيقه حِداد على المحاضرات يلي قلت شذاكرهم في الاجازة 😭💔.


#glow.

من أتم قراءة الصفحة،فليتفاعل بأحببته ❤️

#الورد_اليومي 🤍

لاتصدق احد لما يقلك شمسح فيك البلاط، محد يقدر يسويها الا الجامعة .

#المحمد (:

مهما إتسعت دائرة
الصعّاب أمامك ،
تذكّر أن قوة الله
تغلب كُل شيء🤍.


#Zoro

عزيزي المراقب: مهمتك ف القاعة انك تحسس الطالب انه في اختبار مش في برنامج اتحداك في نصف ساعه

#المحمد (:

كيف تعرفوا المستجدين:
- مداومين قبل المحاضرة
بنص ساعة.


#Zoro

‏للعبد بين يدَي الله موقفان :
_موقفٌ بين يديه فِي الصلاة
_وموقفٌ بين يديه يوم لقائه

فمن قام بحق الموقف الأول ، هوّن عليه الموقف الآخر ، ومن استهان بهذا الموقف ولم يوفّه حقّه، شدّد عليه ذلك الموقف 🤍.

‏_ابن القيّم .


#غيمة ☁️

طلاب الطب بكل مناسبة او تجمع عائلي:



#Zoro

غداً هو سبتمبر المجيد ، هو الإرث العظيم الذي تركه لنا الأحرار وشرفاء الوطن ، غداً هي ذكرى كسر القيود وإعلان الجمهورية .
عيد الأعياد اليمنية الخالده ، يوم ميلاد الامة اليمنية بعد موت سريري دام لقرون في حقب الموت والظلام وتقبيل العمائم والركب وتدنيس ثراء الوطن الطهور
سبتمبر المجيد لم يكن حدثاً عادياً ، ولا انتقالاً سياسياً تقليدياً، سبتمبر كان ولا يزال مشعل النور الذي ملء البلاد ، واغدق النفوس كرامة وحرية وامطرها بالوعي والفكر الإنساني العادل بعد الف عام من حُكم دعاة الحق الإلهي،

كل سبتمبر وأنتم بخير🇾🇪🇾🇪

#الامام

للتذكير فقط،
به مميز ي جماااعه،
المميز لواحد منكم،
الموضوع يحمس ويحفز يعني بالنهاية الفوز لكم انتم .

يلا انتم قدها ورونا حبكم للقناة ودعمكم.

مع تمنياتي بالتوفيق والنجاح.

صوتوا ي منعاه.

#سايكو 🔪

انا مش ضد تعليم المرأة اليمنية الا في حالة واحدة، يعني تجلسي تكرفي خمس ولا سبع سنين مذاكرة وتعب وصرفة وفالاخير تتخرجي وتتقدمي ع وظيفة ويقلش صاحب العمل:
دوامش ٢٧ ساعه فاليوم و٢٠ الف را...
=موااااااافقه
لمازا هكزا ي بنتي اقل شي احترمي السنين الي افنيتيها في الدراسة احترمي المراجع والملازم الي سهرتي فوقهن احترمي الخمسمية حق الصبوح احترمي اقلل شي الهالات السود الي طلعين لش وطلعتي ارواحنا معاهن، لمازا هكزا ي بنت اليمن اتقين الله بورتين بنا خليتونا نتخرج ونبكر ثاني يوم صلا المعارض حق الباصات والمكاتب حق الفيز عيب عيب حرام انو عيب

#المحمد (:

نصيحة لوجه الله لاحد يخلي الفلاشة حق تلفونه تشتغل مع أي رسالة sms 🌚💔

أنا مدري كيف لوما كيفت في يوم من المرات وقمت أفعل هذه الخاصية قلت على شان الذي يشوف تلفوني حين توصل الرسالة عيقول هذا من طبقة البرجوازيين والركب والمزلطين هههههه ...
المهم يا أعزائي بعدما فعلت السيلفي الشهير الذي نشرته قبل قليل ...
قمت خرجت من البيت وشاسير صلا حدة على شان أشل حقنا السيارة من هناك ...
طلعت فوق الباص ولطمت راسي عرض الفريم وجلست أتبسر لي السيارات طريق طريق ...
فجأة صاحب الباص قفز من فوق مطب وأنا طارح راسي عرض الفريم...
شقدفت لصاحب الباص داخليا وقد بين أحكحك راسي بقعة الكوكرة ...
قلت في نفسي أخرج التلفون وأجلس أفسبك لي أمد الطريق وأنسى وجع النطحة هههههه

طبعا كان به بنت جالسة قدامي يعني مواجهة لي وكان به واحد جالس جنبي
أنا بين افسبك وسكته وجالس مندمج مع تلفوني المشقشق المكسر وبين أتقفز من ذيه المنشور لا ذيه ....
أنترت لوما عضلين عيوني وقلت في نفسي شاطفي الثريجي وأدغز التلفون جيبي
المهم يا أخواني في الله طرحت التلفون وسط جيبي وهانا كانت المصيبة والكارثة ... يمن موبايل عيال ستين يهو.دي ندعوا لي رسالة بيحاكوني إن رصيدي أقل من 51 ميجا ..
الفلاش حق التلفون فعل غمزتين وكانهو ألتقط صورة هههههه عليه لعnة الله والموقف
أنا هذك الساع رجمت تلفوني لا حضن البنت وندعت يمين مغلظة وانا بين أقلب عيوني صلا السقف حق الباص إن ما صورتها ولا انا حولها هههههههههه 💔
ذيك الذي جنبي هزر التلفون وقال أسكه يا أخت ادي شبسر ..
لكن الحمدلله الحمدلله على نعمة الفقر المدقع الذي أنا فيه الحمدلله تسعمية ألف مرة 💙 .... ذكرت إن الكيمرة حق تلفوني الذي بين استخدمه حارقة ولا قد صلحتها ههههههههه 💙
الآدمي سار شل تلفوني ودخل الكيمرة وكان يظهر له شعار يقله "الكيمرة معضلة يا جاوع صلحها" ههههههههههه
لو تبسروا ما قال إبن الكلبتين يشتي يتجمل للبنت ههههههه .... قلها "هو أكيد إن الكيمرة حرقت بعدما صورش"
ما اوصف لكم مقدار الشرشحة الذي وقعت له من البنت هههههه "يا قليل الحياء قصدك إن أنا شوعة"
أنا شليت تلفوني ودغزته في جيبي بكل هدوء وجالس مستمتع وهي بتصبن المليح ههههه
ذيك الآدمي رجع نزل من فوق الباص
البنت أحترفت صليا وقالت
-شوف على قليل حياء بيستنقصني
= والله أنش ضخمة ولو كانت حقي الكيمرة سابرة لا اصورش
- ههههه شكرا الله يلعnك


#من_الإرشيف



#طارق_رسام

كل عام وأنا والوطن بخير❤️ عيد وطن❤️
شعلة سبتمبر الأبدية❤️

#سبتمبريون
#غراب 🐦‍⬛️

من أتم قراءة الصفحة،فليتفاعل بأحببته ❤️

#الورد_اليومي 🤍

.

يمكنونا وطني الغالي
سبتمبريون
بالروح بالدم نفديك ياوطن

وحقهم الحالات يوميا اللهم هجرة وبكل صلاة يدعوا ذا الدعاء، واول مايفتحوا التقديم في اللوتري الأمريكي ،كلهم يسجلوا يشتوا يهربوا يتخارجوا من أرض بلاد سعيد اليهودي ، قلك الأرض السعيدة.

#وطنيين_نص_خمده


#٢٦سبتمبر_ميلاد_الحرية🇾🇪🇾🇪

#Roka_🌻