نظفوا أسنانكم يا جماعة ‌❤️⁩
نصيحة مني والله
لأن أنا في يوم من المرات وقع لي موقف لوما تمنيت إن أنا أفرم "بدون أسنان" وأقول ثمث وبثالة وبثباث ولا تقع لي هذك الصرعة ههههههههههههه

وصلت ذاك اليوم المعهد بدري وطلعت الجُباء قلت أفعل لي حبة دخان وأراجع الفوكابلري حقنا.....!
المهم كان قدامي ثلاث بنات وواحدة منهن أعرفها في الحارة وأبوها بيضرب القملة بصميل على شان يوفر لهم عيشة ضخمة....!
المهم بنات اللذين كل واحدة قدامها وليمة حق ثلاثين نفر وجالسات يضحكين وأنا كنت أضبح مسترت أذاكر
وبعدى قامين من فوق هذك الماسة وتيه البنت تشتي توري صاحباتها إنهي كيوتة جداً ههههههههههههه

غلقت ذيك الكرتون الأبيض حق الشبس وعادو ملان
وندعته مع القلص العصير لا وسط القمامة...!
أنا الصدق أستغربت قوي وقلت يمكن ماشي هذك البنت الذي في حارتنا لأنو شكلها مسكينة قوي وما عتفعلش هكذا....!
رجعت ذاكرت وهولك الثلاث البنات نزلين ...!
جلست شوية وفجأة أبسر تيه البنت طلعت وجالسة تلوي حول تيك الماسة ههههههههههههه
قلت لها عادي عادي يا بنت صالح شليهن حرام ما أحاكي صاحباتش....!
البنت شافت لا عندي وقالت لي "إنت أهبل ووقح ع أساس با آخذهن من وسط القمامة" ......!
أنا سكت شوية وقمت سعيت سعية لا عند سلة القمامة أشتي أبسر ردة فعلها ههههههههههههه
أقسم بالله إن البنت سعيت مثل البرق وهزرت ذيك القفص حق الشبس ودغزته عند زغنها
وشافت لا عندي
وقالت "أصلاً هو نظيف ما قد توسخش" وقلبت عيونها ساع الشربات 😂😂💔 .....
حرام إن أنا فحرت ضحكة ورجعت بقعتي وكنت أبسرها بتدخل ذيك القفص حق الشبس وسط الشنطة وبتشوف الشنطة منفوخة ولا ماشي ههههههههههههه
صيحت لها وقلت "سعليش ما يبان والله أنزلي وعلى ضمانتي" وأنا بين أضحك بطول صوتي ههههههههههههه
المهم البنت نزلت وانا جلست شوية ورن الجرس ونزلت الكلاس....!
درسنا ساعة وبعدين رن جرس البريك "الراحة" طبعاً معهدنا في هذك الشهر فعل دورات صيفية للجهال....!
المهم طلعنا الجُبى أنا وصاحبي جالسين نتجابر وكل ما شفت لهذك البنت تبسرني وتقلب عيونها الله يقلعها ههههههههههههه

وأحنا في عز المجبر جات لا قدامي بنت صغيرة وشكلها حالي قوي....!
وهي ماسكة يد أخوها الصغير....!
قالت البنت يا عمو لو سمحت أضحك 😊 ...
أنا طوالي ضحكت لا إرادياً لأنو البنت شكلها لطيف جداً...!
البنت قلبت الوجه الضابح وأبسرت لا عند أخوها وقالت "شوف كيف با تكون رمة زيه إذا ما سوكت أسنانك"
والله حسيت جبهتي حمرت....!
وزد أخوها قال "أنت في أسنانك بنة" قلت ايوه ايوه اسناني بُنيات من الذحل يا حبيبي..!
قال لا لا "أسنانك بينهن بنة" .....!
بين أبسر صاحبي جنبي قدو مقهلل من قوة الضحكة وبيقلي معنى "البنة" عندنا في إب هي "الخرية"
أحيييييه والفعلة ههههههههههههه
وبعدى تيه البنت الأمورة صيحت للخرفان حقها الذي في عمرها وبتقلهم شوفوا شوفوا أسنانه بينهن بنة...!
شولحوا بأفكاري عند المدرسين والطلاب والطالبات ههههههههههههه
نزلت وأنا بين أبكي والجهال بيلاحقوني ويصيحوا "يا بنة يا بنة"
نظفوا أسنانكم قبل أن يبنبنوكم الجهال..!

مع السلامة



#طارق_رسام

ايوة ايوة وبعدين الى متى.

#سايكو🔪

.
.
.



#سايكو🔪

طبعًا المقصود الادمن القديمين وخاصة #غراب ابو الفيس بوك.

اما انتم فوق العين والراس،احلا ناس والله.

#سايكو🔪

من أتم قراءة الصفحة،فليتفاعل بأحببته ❤️

#الورد_اليومي 🤍

عندما يختار الإنسان العزلة والإبتعاد عن الناس ،
فذلك لا يعني أن العزلة بالأمر السهل ،
فهي تخلي ، وغربة ، وضجيج ،
أشد من ضجيج البشر ،
وما يدفع الإنسان إلى العزلة ،
هو ضياع كل مقومات التعايش ،
من أخلاق ، وصدق ، وثقة الخ...
ومع مرور الوقت تصبح إدمان ،
لما فيها من راحة البال والسلام ،
وأجمل مافي العزلة  ،
هو إكتفاء الإنسان بنفسه ،
وتكون راحته وسعادته ،
غير مرتبطة بأحد ،
وأكبر مشكلة يواجهها مدمن العزلة  ،
هي عندما يقتحم أحد عزلتة ،
ويظل فترة كبيره  يقنع أصدقاؤه ومجتمعه ،
إنه لم يعد إنسان صالح للإختلاط ..



#بكيليآنو✍🍁

#ابن_الحسام

يتميز بالسرية والكتمان.

#سايكو🔪.

عندما تستفحل ضغوط الحياة وتستفرد بنا الهموم ،
هنا يجب ان نعيش الجزء المجنون من شخصيتنا مؤقتاً ،
لأن الجنون يعمل على إسقاط الهموم ،
من خلال التخلي التام عن الواجبات..
وهذا الجنون يكون جنون هادئ مدروس ومنضبط
وخالي من العنف والشراسة ،
يكون عبارة عن هدوء وصمت ،
وتخلي عن الالتزامات وما صفت صفت ..


#بكيليآنو✍🍁

صباح الخير يا كتاكيت ☺️☺️

#سهيم_الطب

حاول مره واثنين وثلاثة، وادعي ربنا في كل مره، ماتيأس من أول مره مافي نجاح يجي بسهولة لازم تقع وتقوم مره واثنين وعشره والمطلوب منك انك تكمل سعي وتستمر لحد ماتوصل،
التعب والمجهود اللي بتبذله ربنا شايفه وصدقني إن الله لا يضيع أجر من أحسن عملا🤍.


#Zoro

صباح اول يوم بسنة ثالثة ههههههههههههه

مدري ليش مش انا متطمن لهذه السنة لكن على الله .... ندخلها بالرجل اليمين
ونقول الو

والله ان العطلة الذي فعلوا لنا تعتبر اقصر قصة سعيدة في حياتي ههههههههههههه
عاد انا اذكر قبل شوية ان انا عطست وانا بين اختبر
مسرع قدو دوامات
دوامات دوامات العشرة جت سلامات

انا ما عاد دريت هذه السنة ناوية لنا نية بنت كلب
من الساعة ١٢ والنامس عند اذني ساع الذي بيقول دوام ههههههههههههه

قلت سهل شاغيب هذا الأسبوع
جيت ابسر وانو الدوام إلزامي والذي عيغيب عيستدعوا ولي امره خخخخخخخ
امزح
عيحرموه من الأختبار ...!
جيت افكر
انا كدا كدا راسب راسب ...!
ليش ما اغيب ؟!

وانا في وسط هذه المهاترات كلها جاء ابي نتعني بالبطانية حقي ورجمني لا وسط الصالة ساع كيس القمامة ههههههههههههه
قال قم داوم يا ولدي العزيز 💙
والله يا ابي انك بتحسسني ان انا حب العزيز "الفول السوداني"
مش ولدك العزيز
جالس تراجمني هكذا وتحسسني ان انا تلفون خارب ههههههههههههه

المهم حالياً بين اكتب المنشور وانا بين اصطبح فول من هذك الذي يحنب شمه في سقف الجمجمة ويقع شم الكور حقك ساع شم حريق التواير ههههههههههههه

عزيزتي سنة ثالثة الله يلعنه ذي عيسافط


#دوامات
#طارق_رسام

fact :

#ريكو_التغذية

برامج تفيد كل طالب طب.




#Zoro

دخلت لليوتيوب عشان أسمع فيديو شرح وتلخيص جاء لي إعلان لعبه رحت حملتها وجلست العب.

#نيتي_كانت_غير_والله_😃💔💔.


#glow.

31 علاج تعتبر احزان تدّعي البكاء!!!!،

مله الله يرزقنا الاحزان ذي نشتي منها.

#سايكو🔪

يا جماعه الخير الدوافير بقاعه الإختبار مسببين لنا أزمه




يعني تدخل قاعه الإختبار آخر واحد وتأخذ الورقه وتبدأ تجاوب وامورك تمام
والاختبار حلو وخفيف لطيف وتكمل تجاوب كل الاسئله ب 10دقائق وتكمل الحمدلله

تجي تتلفت تشوف الباقي والأمور كيف تشوف الدافور هذاك مقشنن فوق الورقه ويكتب يكتب يكتب يكتب ما يوقفش والعرق قاهو مطر من وجهه
يا ابن الحلال اتقي الله بنفسك وروحك

الاختبار كله صح وغلط واختيارات
موووووتكتب..!!!!!

هنا يخليك تشك بنفسك قلدني الله
وتكون تقلب الورقه تدور لوو به سؤال ما شفته والا شي
مابوش..!
طيب موتكتب امانه عليك!

وعاده يطلب ورقه إضافية! 💔💔💔
هنا يخليك تفكر ترجع تبيع بطاط بالجوله

قلدني الله إن مره ب اختبار الثقافه الاسلاميه صح الاختبار كان كتابي وكثير وجابوا لنا قوائم لكن مش لدرجه تزيد تطلب مره ثانيه
أمانه انني كملت اختبر وجالسه اراقب الدافور هذاك القصير النحيف ابو نظارة كم يكتب
فجأه اشوفه طلع مسطره!
يحسسك أن احنا ب اختبار هندسه
هه مو شترسم ياغالي ب اختبار الثقافه الاسلاميه
جبل أحد....!
رجعت قلت يمكن يرتب الورقه وكذا
فجأه اشوفه يرسم دوائر بالدوائر حق المسطره شكله شيرسم قبه الصخره....!
هنا يحسسك انك يهودي ومش مسلم خالص


المهم نطلب بفصل الدوافير بقاعات الإختبار لقاعه لحالهم
لأنهم والله ما منهم إلا القلق ويخلوك تشك انك راسب راسب

#Angel.

لما امسك الكتاب ٣ دقائق من غير ما أفتح الجوال :



#مـيـجـالـووو 😼