من أتم قراءة الصفحة،فليتفاعل بأحببته ❤️

#الورد_اليومي 🤍

🔰 جدول المراجعة

[ الحفظ متوقف لهذا اليوم ]

1⃣ مراجعة سورة من جزء تبارك : المرسلات ( ١ _ ٢٤)

⏰ الوقت المُقتَرح : 8:15 ليلًا بعد صلاة العشاء

2⃣ مراجعة سورة من جزء عم : البروج

⏰ الوقت المُقتَرح: 3:30 بعد صلاة العصر

📌 وهذا اقتراح السورة ( و كلٌ يراجع السور التي يشعر بأنه يحتاج لمراجعتها ؛ و بالتالي هذا الاختيار شخصي )



📍الجدول يتم فيه مراجعة سورتين كل يوم، سورة من جزء تبارك ،
و سورة أخرى من جزء عم .


#غيمة ☁️

- شنعوض بالفاينل ؟
= ش نبكي ، ش نبكي بالفاينل .

#تم_تفعيل_وضع_زنقه_الكلاب 😭😭💔.



#glow.

المندوب بعد ما تطرده العمادة قبل ما يدخل من الباب

#أحزنني


#سهيم_الطب

طلاب سنة ثانية اول ما يبسروا مستجد


#انفذ_بجلدك_يا_فتى

#سهيم_الطب

يقولوا ابعد عن اهلك يحبوك
انا بعدت عن اهلي نسووني


مسرع نسيكموني💔💔💔💔

لو سمحتم فقشوا قلوب كثير لحد يضحك لأن الموضوع يحزن والله.



#Angel.

- وضعي ب كل إختبار : 😃💔.

#glow.

يعني هو انت وحدك اللي حظك وحش جدا و معاك إختبار💔🥲

#ذاكروا

#سهيم_الطب

اقولكم مره خالي احتاج من البقاله مساحه ومبرشه"برايه"لأن كان معه رسم هندسه ومدري ماهو
المهم
كان ابن جارنا عنده جاب له زلط فليسات
40ريال ابو 20
قال له هذي عشرين مساحه
وهذي العشرين الثانيه مبرشه


هو فعل عشرين بيد والعشرين الثانيه باليد الثانيه
المهم شويه ورجع من البقاله فاضي
قال له خالي أينهن للمو ما اشتريت!!

رجع قال له ذحين اينه العشرين حق المساحه
واينه العشرين حق المبرشه ارتبشت..!


وهذا سمي إنه حصل هههههههههههه هههههههههههه هههههههههههه

رجع قال له شل لك الأربعين لك معاد اشتيش شي
وخرج بنفسه يشتري

سيد الناس من خدم نفسه🤣🤣🤣🤣🤣🤣


#Angel.

انا ممكن افهم كل حاجة في الجامعه الا دكاترة العملي ذولا

محد يقدر يفهمهم الا اللي خلقهم (والله صدق صدقوني انا)

يعني يكون عاده خريج طري بسم الله وجاء يدرس طلاب سبحان الله فجأة يقتلب من طالب خريج قبل امس حتى الامتياز م كملوش الى عالم من علماء الطب

وهاتك ي فلفسفه وهاتك ي معلومات ي دكتور دلا دلا عادك كنت طالب عاد نتيجة الاطفال والباطنة والجراحة م طلعتش

عاد اثار مذاكرة مادة العيون في وجهك (صراحة كانت في الجبهه بس لازم الدراما ولا كيف)

حرام عليك مش هكذا حرام م تفهم منه حرم وزد اللي يقهرك
يدي معلومات خاطئة وواثق واتحداك تكارحه ابن امك تكارحه
مله ي دكتور صح انه الطب يطور كل يوم بس مش للدرجة ذي ههههههههههههههه احزنني ههههههههههههههههههههههههههههههههههههههههههههههههههههههههههههههههههههههههههههههههههههههههههههههه


ولا لمن يندع لك سبعين ملزمة وثلاث مراجع ويقولك احنا كنا من سنة اولى مراجع (اخرط لك)

ي ابني سنة اولى م تعرفش تفرق بين الفسيو والاناتومي قلك مراجع ي ابو مراجع ي اخر حبه ي صاحب العلم الكامل ي اينشتاين معلش فحرني
ولا يجلس يهزأكم انتم مستواكم غبي انتم كيف دخلتم طب سنه اولى يعرفوا كل هاذي المعلومات

طيب ي اخي روح درس سنه اولى اش لك مننا

ولا قبل الاختبار لمن تدخل تراسله يدعمم
ي ابني دلا دلا ارحمنا ي اخر حبه ولا لو تواضع وجاوب يجي يقولك ذاكروا كل شيء هههههههههههههههههههههههههههه اضحكني جدًا
ههههههههههههههههههههههههههههههههههههههههههههههههههههههههههههههههههههه

اسألك بالله لو اذاكر كل شيء ليش عاد سألتك كان ذاكرت وانا ساكت الله المستعان بس

عاد يوم يطلع النتائج يرسب اغلب الدفعه مزاج كذا عشان يبين انه قوي طيب فين القوة انا لا اراها (ي قوي برو ماكس قوة)
ولا ي زعم بيرحمك ويفعل نشاط يزيدك درجات يقولك اشرح لي كذا ولا زم شرح حلا ومن مراجع ي ابني هزلت خليني راسب احسن لي واش كمان
يوم النشاط يغيب ههههههههههههههههههههههههه فحرني من الضحك هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

طبعًا مش كلهم في نااااس عسل وتعاملهم راقي جدًا لكن بالاختبار راقي جاركم اللي تحت البيت مله كيف م ينفعش تكون حالي دائمًا لكن حسبنا الله ونعم الوكيل

📍ملاحظة مهمة جدًا
ي جمااااعه تفاعلوا اسألكم بالله حتى لو هو بيض قد الخبرة تضحك عليا
م ينفعش انصفوني منهم

انا في وجهك افعل اضحكني (هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه)

#سائدونا_بلييييييييز

#MeMe

تأتي الإختبارات بما لا تحتويه الكتب 💔




_ اتفاعلوا بهذا 💔



#مـيـجـالـووو 😼

الي يضحك دراخ الدفعة

اعدموووه قبل أن يتكاثر



#مـيـجـالـووو 😼

نداء استغاثة الى زوجات دكاترة الجامعة:

ي زوجة الدكتور الموقر المحترم، ي امة الغفور وامة الرحيم، بجاه الله وجاه النبي لاتغثي او تزعلي او تنكدي ع زوجش، اسمعي كلامه ونفذي طلباته واوامره افعلي له الي يشتي والي في نفسه، عتقولي لي ليش قدكم بتحبوا دكاتركم هكذا؟ لا لا والله ان بيننا وبينهم مسافة مئة قدم ساع قاطرة البترول بس انتي بتغثيه العشي وهو يبكر الصبح يخرج ضبحه ويستقضي فوق الطباين حقش الي هم احنا، فلذلك رفقًا بالبروفات ي نساء المؤمنين .

#المحمد

تعالوا احكي لكم موقف حصل لي نفس الدكاترة هههههههه

بمستوى ثالث ضبطت المنبه وصحاني بس طفيته وكملت نومه وصحاني ثاني وقمت ومالحقت اصطبح ولاشي وقدنا فوق الباص مطننه من الطاقه حق الباص ومابي طافه اتهادر انا وارجلي والاخلاق زفت وقافله معي حتى لما اوقف الباص كأنه أكل الورث عليا هههههه
بعدها بوسط الطنانه اقصد نص الطريق والهدوء يعم الباص هههه منبه يرن وكنا بالباص انا وولد وبنت والسواق اول ما رن انا مطننه على الطنانه مشوو جوالي انا طفيته شكله جوالهم هم هههه
الولد بعد لحظات شك بنفسه وطلع جواله من جيبه وشاف انه مش جواله ورجعه الجيب و المنبه مازال صوته يصدح بالارجاء هههه البنت اللي جنبي شكت بنفسها وطلعت شنطتها الكبيرة سع حقي الشنطة مرتين هههه ونبشت داخلها لحظات وطلعت جوالها وتطمنت انه مش جوالها والمنبه عاده يرن
انا على الطنانه طبعاً ولابحسي بعدها جت فكرة لرأسي انه هذا المنبه حق السواق نسي مايطفيه هههه وابصرت لعند المسجلة حق الباص منتظرة متى يمد يده ويطلع جواله ويطفيه ههههه
ولا طلع جواله ولا وقعت اي حركة وبدأت الشكوك تتجه نحوي هههه
ذيك اللحظة بدأت اشك بنفسي اكيد جوالي طفيته ومتأكدة ومحد يتهمني غلط ويتهم جوالي هههه قلت ببصر واتاكد واثبت لهم انه مش جوالي يمكن الباص معه منبه من نفسه يرن او الجني اللي راكب معنا نسي يطفي المنبه حقه هههه
فتحت شنطتي وتضاربت معها شوية ونبشت الملازم والابكوت وبعد وقت لقيته مدفووس آخر الشنطة تحت الابكوت ويرن هههههه
البنت اللي جنبي شافت لي بطرف عينها وباقي شوية وتصرعني ملطام هههه لانه خليتهم يشكوا ب ارواحهم اقصد جوالاتهم هههه😂
ومن بعدها كنت احرص على وجبة الصبوح اهم من تجهيز الابكوت من اليوم اللي قبل هههه



الحكمة من القصة لما تبكروا تداوموا اصطبحوا حتى لقمتين والا بتطننوا مثلي هههههههه



#سحابة_خير.

امس خزنت بقات من حق الحداء...!
قات شمهن بترول يصرع
لإن المقوت على ما اعتقد طرحهن فوق خزان البترول حق المتر اثناء مجيئه من الحداء الى صنعاء...!
المهم اول ماوصلت البيت فتحتهن وان شمهن بترول!!
قلت سهل مش مشكلة..
شاغسلهن جيداً والشم عيروح...!
غسلتهن..غسلتهن..غسلتهن..لكن بلا فايدة...!

كان شم البترول لازال ظاهر بشكل خفيف..
قلت والله ما ارجم بهن لو وقع ماوقع..وقمت صلحت المدكى وخزنت..
وكنت في البداية اطعم شوية بترول وأدعمم..قلت والله ما يدين خطوة من يدي..مانش مستعد انذقهن اصلاً..

المهم جاء بعد العصر والطعم سابر ..وماعد حسيت بطعم بترول ولاشي...!
لابعد المغرب والقلق نزل..وجاني ضبح ياساتر ..فقمت دفلت القات..
واتمددت فوق الفراش وجلست افكر...!

تصدقوا ايش الاحساس الذي جاني؟..مدري كيف حسيت ان قدنا شاموت!!..هكذا مدري كيف اقنعت نفسي ..يعني جالي احساس يشبه الواقع..فقمت من بقعتي وقدنا بين ارتعد من الخوف وسنبت في وسط الغرفة...!
وكنت ادعي بالصوت : يااارب ادلي مهلة للصبح ازيد اوالف اموري ساع الناس!! ياااارب طول عمري شوية اصفي الذنوب الذي فوقي..
وارجع اسير اتمدد فوق السرير وادور  ساع عقارب الساعه لاما اواجه القبلة !! وقد قلبي بيدق بسرعه والعرق بيتصبب من كل شعرة ههههههههههههه ميت يعني ميت.. الله يقلعه وسواس.

المهم جلست متدفي بالبطانية وقد حالتي حالة بين اظن ان قدنا شاموت!! هكذا مانش داري ليش!!
قمت شليت المصحف وفتحته وكنت اقرا بالصوت وانا بين اختضل "ارتعش" وجالس ابسر للطاقة مريع لعزرائيل يوصل...!
وبين اتخيل انهم قد بيعلنوا بي في المسجد..
وبينما انا جالس اقرأ في المصحف افتتح الباب حق الغرفة فجأة!!
وانا نبعت لاعند الباب وكنت ادهفه واصيح انا لي منع ابووووك مش ذلحين..لاتقبض رووحي انا فدا لامك..وهو كان يدهف ويقل افتح مال ابوووك ؟!
وانا جالس ادهف..وهو يدهف..
لاما غلقت فوق رجلة وسمعته صااح رجلي ياكللللب..
فتحت الباب وجيت ابسر وانوه ابي ههههههههههههه

قال مالك ماتصلي ع النبي؟! ايش فيك؟! ومسكني برقبتي وقال ليش غلقت فوق رجلي؟
قلت ولاشيء ياباه..بس ظنيته علي اخي جاء يسافط.. ههههههههههههه

قال مابلا شكل القات حق اليوم لمخك!!
وانا ذكرت القات..وقلت في نفسي ربما ان البترول هو الذي طلع لي هذا الشعور و الخوف..
حكيت راسي وكنت اضحك ههههههههههههه
وخرجت ندعت واحد حليب بقري كبير لاما طلعين لي ابزاز! ومابعدها افتسخ القات ورجعت طبيعي وكنت اذكر واضحك على نفسي ههههههههههههه



#طارق_رسام

fact :


#ريكو_التغذية

والله صدق ي جماعه صح كلهم نفس المجال ،
بس الصدق الدكتور يختلف عن المعيد ، والمعيد يختلف عن الطالب ، كل واحد له مقامه وإحترامه ..

الدكتور الذي درس وتخصص وأشتغل على نفسه ،
يكون غير المعيد  الذي عاده تخرج ودخل يدرس الطلاب ،
بعض المعيدين  يرجعوا يشوفوا انفسهم ويفشخروا
تحت مسمى دكتور  ..

لقب دكتور مش للكل ،
هو جد وإجتهاد وتعب سنين ،
ومش كل واحد يستحق لقب دكتور ..
جد واجتهد إتعب وإشتغل على نفسك ،
 بعدين حتى الاسم يكون له طعم والله.

وقولوا ما قلنا ..

#سايكو🔪

هيااا شوفوا هذي نهاية التطبيل،!
اخرها الفلبينين يحتلوا الطب،

مله وكيف!،
هذا غلطكم م قمعتمش حركة انتشارهم من البداية.

هيا استحملوا،،

اخرنا نذاكر تشريح من بي طي اص….

شوفوا لنا حل!!!.

#سايكو🔪