*هوسات للامام علي عليه السلام*
#من_ديوان_عبرات_وأنين_ج7
❥━──➸➽❥❂❥━──➸➽❥❂
صابو حيدر الكرار ياويلي على الهامة
وظل من الالم نحلان ولحظة الليل مانامة
الحرة ابحسرة تنظرلة چنهن گربن ايامة
*(يفگدونة //والدهم راح)*
❥━──➸➽❥❂❥━──➸➽❥❂
عمت عيني عليه اترادت احوالة
ومنة ايس الدكتور ياهالناس من جالة
طبرت حيدر امچيدة يزينب حيل چتالة
*(والسيف مسمم //من صابة)*
❥━──➸➽❥❂❥━──➸➽❥❂
ماينفع دوة للوالي حتى انطيه
تغير لونة ياوسفة وتفجع حالتة اتشوفيه
يزينب ودعي الغالي ونوحي ووني اعليه
*(وايعينچ الله//اعلى اوداعة)*
❥━──➸➽❥❂❥━──➸➽❥❂
گعدت يم ابوها تنوح بالحسرات وتشمة
تگلة اشلون تتركني وانة اعليك متعلمة
يابوية انفجع گلبي وعليك الروح منلچمة
*(وماحملة افراگك//تدريني)*
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
https://www.tg-me.com/mariamalnoor1988

#من_ديوان_فاتح_خيبر_ج٢
قصيدة للإمام علي(جروح البگلب)
❥━──➸➽❥❂❥━──➸➽❥❂
يا والدي جرحك كلف واشلون اضمده
يشبه جروح البلگلب محد يشده
صوابك يأذيني/يا نور البعيني
        علي بويه ... علي بويه
❥━──➸➽❥❂❥━──➸➽❥❂
بويه ياحامي الحمه/جرحك بگد السمه
ما گطع يالوالي لحظه ينزف دموم
وانه عيني تصب دمع/اعليك دلالي انفجع
التمت بطبرة جبينك كل الهموم
انظر لجرحك يالابو ما فاده اضماد
لونك تغير والألم كل ساعة يزداد
ودمعي اليواسيني/يا نور البعيني
    علي بويه ... علي بويه
❥━──➸➽❥❂❥━──➸➽❥❂
الجرح ما فاده دوه/يلچمه لو مر الهوه
وانه اشوفنك تلوج ودمعي سچاب
ما اظن يشفه بعد/روحي ممروده مرد
يالاعز من روحي انته واغله الأحباب
يا جرح البل راسك يبويه ريته بيه
ولا اشوفك امدد عله افراش المنيه
افديلك اسنيني/يا نور البعيني
    علي بويه ... علي بويه
❥━──➸➽❥❂❥━──➸➽❥❂
من شفت جرحك يصب/نار وبگلبي تشب
وجرحي ظل وياك ينزف يا ضوه العين
انظر اخواني بحزن/كلها ملتمه وتون
شلون تقبلهه يعيش بحسره الحسين
يالوالي تاذينه تراها كلمة ايتام
لا ترحل اترجاك جفني مارضه ينام
والسهر گاضيني/يا نور البعيني
    علي بويه ... علي بويه
❥━──➸➽❥❂❥━──➸➽❥❂
كون سالم تبقه الي/خيمة وتفيي علي
يا عمود البيت يا شمعة نزلنه
بين اعليه الكسر/روحي ما تحمل هجر
مگابلتك بس اجر ونه اعله ونه
شلي بدنيتي لو تسافر عني انته
ابچي واون اعليك ليل أنهار سكته
فرگاك يچويني/يا نور البعيني
    علي بويه ... علي بويه
❥━──➸➽❥❂❥━──➸➽❥❂
شلون يابويه انام/وانته وضعك موتمام
نظرة اوداع بعيونك مالت افراگ
تگول ودعوني بعجل/ماكو يحبابي امل
دنه هذا الموت مني والنفس ضاگ
أبحسرتي احضنتك واصيحن بويه لتروح
تدريني مابيه لغيابك يمرد الروح
لا لاتخليني /يانور البعيني
عليه بويه ... علي بويه
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*

https://www.tg-me.com/mariamalnoor1988

تهدّمت والله أركان الهدى..

وانطمست أعلام التقى..

وقتل ابن عمّ المُصطفى ..

قتل الوصيّ المرتضى

عظم الله اجرك يابقية الله

*قصيدة للإمام علي (ع)*
*من ديوان📚 دموع وعبرة في رثاء العترة الجزء الاول*
❥━──➸➽❥❂❥━──➸➽❥❂
ياعلي وحشه وخليه اديارك
شلون لو گصدت واجت خطارك
❥━──➸➽❥❂❥━──➸➽❥❂
ياعلي هاليوم دارك مظلمه
وزينب تنادي يحماي الحمه
بويه بالمحراب هل سال الدمه
الف وسفه صار مظلم دارك ❥━──➸➽❥❂❥━──➸➽❥❂
مظلمه دارك يحماي الدخيل
يا وليد الكعبه يالمالك مثيل
عگبك الأيتام ظلت بالعويل
تنادي يالوالي وتنوح گبالك ❥━──➸➽❥❂❥━──➸➽❥❂
تنتحب زينب وظلت بالهظم
بعدما تحمل قهرحزن ويتم
من مرار البين للجور وظلم
يالولي ضاعت علينه اخبارك ❥━──➸➽❥❂❥━──➸➽❥❂
يالولي ردناك خيمه للابد
غبت عنه وين نتلاگه بعد
انت للايتام والشيعة ضمد
جانت الدنيا زهيه بجالك ❥━──➸➽❥❂❥━──➸➽❥❂
جانت الدنيا بجالك مزهره
وظلت اخلافك حزينه مكدره
اظلمت الدنيا  علينه ومغبره
وظلت بنص الگلوب احزانك
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور*
*نسألكم الدعاء الفاتحه الى روح اختي ولأمواتكم:*

https://www.tg-me.com/mariamalnoor1988

#يا علي وحشه وخليه ديارك.
#بصوت المنشد يونس الخيكاني.
#كلمات الشاعرة العلوية مريم النور.
#من ديوان دموع وعبرة في رثاء العترة الجزء الأول.
#رابط اليوتيوب للتحميل والمشاهدة 👇
https://youtu.be/nSzeUq98alk

*القصيدة من ديوان 📚عبرات وأنين في رثاء الطاهرين  الجزء السابع*
*قصيده للامام علي (ع) لحن قصيدة الرادود حمزه الزغير(يبن امي عالتربان عفتك رميه)*
❥━──➸➽❥❂❥━──➸➽❥❂
*شايل يبويه وين هاي المسيه*
*عايفني وحدي ليش ياهو الاليه*
❥━──➸➽❥❂❥━──➸➽❥❂
عايفني وحدي ليش يابويه وتروح
والله عگب عيناك تاذيني الجروح
يابويه ريت وياك راحت تره الروح
*اتمنى كون وياك جتني المنيه*
❥━──➸➽❥❂❥━──➸➽❥❂
اتمني كون وياك ياخذني الموت
انحب واون عليك ماتسمع الصوت
يالغالي تدري عليك ظل گلبي مفتوت
*ظليت اون بسكوت واصفگ بديه*
❥━──➸➽❥❂❥━──➸➽❥❂
ظليت اون اعليك ليلي ونهاري
بويه عگب عيناك ظل دمعي جاري
ظلمه ومحزنه عليك يالغالي داري
*داري حزينه عليك ظلت خليه*
❥━──➸➽❥❂❥━──➸➽❥❂
داري خليه اليوم منك يغالي
وحال الهظم ظليت يابويه حالي
والله عگب عيناك مدري شجرالي
*ماتدري بويه اشصار بعدك عليه*
❥━──➸➽❥❂❥━──➸➽❥❂
بعدك يبويه ابگيت دم تهمل العين
عنك تره يسألون يابويه الحسين
يگلهم مشه لبعيد فرگنه البين
*نبچي ونون عليك ونه خفيه*
❥━──➸➽❥❂❥━──➸➽❥❂
*بقلم✍🏻شاعرة اهل البيت*
*العلوية مريم النور*
*ونسألكم الدعاء الفاتحة إلى روح اختي ولأمواتكم:🍃*
https://www.tg-me.com/mariamalnoor1988

#شايل يبويه.
#بصوت الرادود محمد الدفاعي.
#كلمات الشاعرة العلوية مريم النور.
#من ديوان عبرات وأنين ج 7
#رابط القصيدة للمشاهدة والتحميل 👇
https://youtu.be/m1ojh9i4G48

#من_ديوان_فاتح_خيبر_ج٢
قصيدة للإمام علي(مو سهل موتك)
❥━──➸➽❥❂❥━──➸➽❥❂
بويه بويه مو سهل موتك عليه
بويه بويه رايح وعايف بنيه
فراگك اعليه صعب ... من رحت شاب الگلب
        بويه بويه ... بويه بويه
❥━──➸➽❥❂❥━──➸➽❥
مو سهل موتك تراه يعذب الروح
والله دلالي بغيابك ينزف جروح
اگضي كل ليلي بمناحه وآه وبنوح
واشم عطرك بالنزل ياوالدي يفوح
روحي تعبهه القهر ... راح اموت من الهجر
        بويه بويه ... بويه بويه
❥━──➸➽❥❂❥━──➸➽❥
من متت يابوي دفنو ضحكتي اوياك
قاسي ويسل العضم يكتلني فرگاك
روحي كل ليلة تحن وتريد ملگاك
لحد اخر نفس بيه ابچي وانعاك
انته يا اغله البشر ... الك افديه العمر
        بويه بويه ... بويه بويه
❥━──➸➽❥❂❥━──➸➽❥
من رحت ما مرت بشفتي ضحكتي
انته شمعة بيتي وذابت شمعتي
تبچي حته الصخر ياونتي وعبرتي
ومن يگولون اليتيمه اتهل دمعتي
تذبح الكلمة ذبح ... منهه دلالي انجرح
        بويه بويه ... بويه بويه
❥━──➸➽❥❂❥━──➸➽❥
آه يا البنيه تبقه بعوز والي
يعينهه ويحميهه من ضيم الليالي
عايشه انه بنوح بس الهم صفالي
اوياك ضايع يالابو عزي ودلالي
خيم اعليه الحزن ... ليلي وانهاري اون
        بويه بويه ... بويه بويه
❥━──➸➽❥❂❥━──➸➽❥
من بعد عينك احس الدنيه خنگه
وآ ينار الشوگ دلالي تحرگه
بعد بالدنيه بحنانك وين الگه
لو يشيب الگلب گبل الراس حگه
رحت مني يالسند ... نوحي ما ابطله ابد
        بويه بويه ... بويه بويه
❥━──➸➽❥❂❥━──➸➽❥
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*
https://www.tg-me.com/mariamalnoor1988

*قصيدة للامام علي(كافل الايتام)*
*من📚ديوان فاتح خيبر ج١*
❥━──➸➽❥❂❥━──➸➽❥❂
كافل الايتام        شال الليله
عدلي ميدان الولي وهوسيله
❥━──➸➽❥❂❥━──➸➽❥❂
كافل الايتام شال ومايرد
نام جوه الگاع بتراب اللحد
گلبي نار اليوم يسعر مابرد
ضلت تنوح وتون العيله
❥━──➸➽❥❂❥━──➸➽❥❂
ضلت تنوح وتدك اعله الصدر
رحل عنهم والگلب يلهب جمر
رايح وللدار ما اظنه يمر
وزينب الحره دمعهه تسيله
❥━──➸➽❥❂❥━──➸➽❥❂
تسيل دمعتهه وتون وتنتحب
فراگ ابوها صاب من عدهه الگلب
احاه يفراگ الولي يكتل صعب
راح واليهه الگبل تشكيله
❥━──➸➽❥❂❥━──➸➽❥❂
راح واليهه علي حامي الحمه
وزينب الحره عليه معلمه
وبگت دمعتهه تصب ومألمه
بگت تلطم عالابو وتبچيله
❥━──➸➽❥❂❥━──➸➽❥❂
تبچي زينب والدموع بعينهه
وما بطل من يوم شال ونينهه
وگعد وياها يون حسينهه
والحسن حاير تهدم حيله
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
https://www.tg-me.com/mariamalnoor1988

#من_ديوان_فاتح_خيبر_ج١
قصيدة للامام علي (صگار اليعيلون)
❥━──➸➽❥❂❥━──➸➽❥❂
مات اليوم           صگار اليعيلون
عليه زينب حزينه واظلم الكون
❥━──➸➽❥❂❥━──➸➽❥❂
مات اليوم يا كهف المساكين
شايل يا علي يمشيد الدين
حزين عليه واسود لابس الدين
((ارتج الكون اعله مصابه))
❥━──➸➽❥❂❥━──➸➽❥❂
ارتج الكون لمن حمل الحيد
مشه عنه الولي حيدر الصنديد
ويامن نعيد من يجي العيد
((والوالي بلحده مخلينه))
❥━──➸➽❥❂❥━──➸➽❥❂
ويامن نعيد راح ابونه
بشهر الخير يا ناس افجعونه
دگن حيل للنامت عيونه
((وعياله تنوح مخليها))
❥━──➸➽❥❂❥━──➸➽❥❂
راح بعيد واعياله يتامه
ما يرجع عليهم بالسلامه
رحل عنه بعد خلصت ايامه
((ما يرجع هيهات الوالي))
❥━──➸➽❥❂❥━──➸➽❥❂
ما يرجع عليهم داحي الباب
يحله النوح للطايح بمحراب
عازوهه العقيلة بهذا المصاب
((نعازيها زينب هاليوم))
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*
https://www.tg-me.com/mariamalnoor1988

فزاعية بهوسات للإمام علي(باچر العيد)
❥━──➸➽❥❂❥━──➸➽❥❂
ويامن نعيد            باچر العيد
وانته امحمل ضعونك يصنديد
❥━──➸➽❥❂❥━──➸➽❥❂
انته امحمل اضعونك للگبور
عليك اگلوبنه مابردت اتفور
يشيال الحمل يمعدل الشور
((وبعازت والي امخلينه))
❥━──➸➽❥❂❥━──➸➽❥❂
محمل بالضعون اوين مسراك
للوادي رحت وبعيد ممشاك
بعد گلي يبويه وين نلگاك
((وين الگاه الغرب عنه))
❥━──➸➽❥❂❥━──➸➽❥❂
وين الگه الحنين الحمل وشال
ردته يضل سگف ويلم الاعيال
يبز عيني بعد لو هل الاهلال
((يبز عيني واهلال العيد))
❥━──➸➽❥❂❥━──➸➽❥❂
يبز عيني يبويه العيد لوهل
يايومك صعب شل الگلب شل
حالي من عگب عينك تبدل
(( يابويه اگعد وانضر حالي))
❥━──➸➽❥❂❥━──➸➽❥❂
يبويه اگعد وشوف الصار بيه
عگب عيناك بالهم والاذيه
كل يوم الحزن ويرد عليه
((يكتل فرگاك وبچاني))
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*
https://www.tg-me.com/mariamalnoor1988

#من_ديوان_فاتح_خيبر_ج٢
قصيدة للإمام علي(لوعة ومصيبة)
❥━──➸➽❥❂❥━──➸➽❥❂
اليوم زينب شاهدت لوعة ومصيبه
مات حيدر من بعد فگد الحبيبه
شايلين امهه وابوهه ... ومن زغرهه يتموهه
           آ يزينب ... آ يزينب
❥━──➸➽❥❂❥━──➸➽❥❂
من بعد فگد الزچيه وعصرة الباب
صبحت محزونه والفاجعهه محراب
بعده ياجرح ام احسن ليهسه ما طاب
فارگت حيدرهه عاشت حسره ومصاب
زينب الحره افجعوهه ... ومن زغرهه يتموهه
           آ يزينب ... آ يزينب
❥━──➸➽❥❂❥━──➸➽❥❂
تصيح هذا الدهر صوبني بسهامه
اخذ امي اوالدي وصرنه يتامه
الليل بالحسرات اخلصه وما انامه
روحي مكسورة مثل جنح الحمامه
يهل روحي ما تجوهه ... ومن زغرهه يتموهه
           آ يزينب ... آ يزينب
❥━──➸➽❥❂❥━──➸➽❥❂
اهل گلبي حيف ناموا بالوطيه
حايره ظليت ودموعي جريه
يجي الليل اصرخ يحماي الحميه
بويه بويه اگعد دخيلك رد عليه
بحسره زينب تخلوهه ... ومن زغرهه يتموهه
           آ يزينب ... آ يزينب
❥━──➸➽❥❂❥━──➸➽❥❂
يمي ردتك تظل يا هيبة زماني
من متت يابوي متغيره الواني
الزمن قاسي عليه ومرمراني
بفرگة امي وفرگتك ظليت اعاني
بعد بتكم ما تجوهه ... ومن زغرهه يتموهه
           آ يزينب ... آ يزينب
❥━──➸➽❥❂❥━──➸➽❥❂
البنيه بلايه ابو دنياهه ظلمه
اصد للمحراب دلالي يلچمه
وداري صارت خاليه اوحشه اومظلمه
بكل ركن بالدار عطرك انه اشمه
داركم ما تمروهه ... ومن زغرهه يتموهه
           آ يزينب ... آ يزينب
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*
https://www.tg-me.com/mariamalnoor1988

#من_ديوان_فاتح_خيبر_ج١
*مجلس نعي للإمام علي عليه السلام*
❥━──➸➽❥❂❥━──➸➽❥❂
صلى الله عليك يا سيدي ومولاي يا رسول الله وعلى آل بيتك المظلومين صلى الله عليك يا سيدي ويا مولاي يا امير المؤمنين...ما خاب من تمسك بكم وأمن من لجأ اليكم يا ليتنا كنا معكم سادتي فنفوز والله فوزاً عظيما.

*القريض:*
❥━──➸➽❥❂❥━──➸➽❥❂
يا ليالٍ أنـــــــــزل الله بهـا
سورَ الذكرِ على أكـــرمِ هـادِ

مُحيتْ فيكَ على رغـمِ الهدى 
 آيةٌ في فضِلها الذكـرُ ينادي

قتلوهُ وهو فــي محــرابـــهِ
طاويَ الأحشـاءِ من ماءٍ وزاد

سلْ بعينيه الدّجى هـل جفّــتا
عن بكاءٍ أو ذاقتا طـعمَ الرقـاد
❥━──➸➽❥❂❥━──➸➽❥❂
كأني بلسان حال مولاتي زينب عندما ساروا بنعش ابيها امير المؤمنين:
نعي مجرد
يشيال نعش الوالي رده
تانيني خلني شويه عده
يالماخذه توسده بلحده
❥━──➸➽❥❂❥━──➸➽❥❂
ياريتني انخمدت انفاسي
ولا اشوف كل هاي المأسي
ضيعت ابوي واعز ناسي
❥━──➸➽❥❂❥━──➸➽❥❂
وضيعت كل عزي ودلالي
فكده ولا مر اعله بالي
يا لوعتي ويا هظم حالي
❥━──➸➽❥❂❥━──➸➽❥❂
الأيتام اجت كلها  اعله بابك
تذرف دمه بويه لمصابك
برجاك تنتظرك احبابك
❥━──➸➽❥❂❥━──➸➽❥❂
يالغربت لا تظن ننساك
كلنه نروح يالوالي فداياك
وجبريل صاح بصوت وانعاك
❥━──➸➽❥❂❥━──➸➽❥❂
يا رحمة الله وداحي الباب
عندك يتامه وعندك احباب
جرحك لجمنه يبو الاطياب
❥━──➸➽❥❂❥━──➸➽❥❂
انا لله وانا اليه راجعون لاحول ولا قوة الا بالله العلي العظيم وسيعلم الذين ظلموا آل بيت محمد اي منقلب ينقلبون والعاقبة للمتقين اجركم الله يا شيعة بمصاب سيدنا ومولانا امير المؤمنين عليه السلام.
قال الراوي: عندما رجع الحسن والحسين عليهم السلام من دفن امير المؤمنين ومن معهما من خواصهما وأهل بيتهما ، فمرّوا على خربة من الكوفة، فسمعوا أنيناً، ثم: فقفوا اثره، فإذا به رجل قد توسد لبنة وهو يحن حنين الثكلى الوالهه.
فوقف عنده الحسن والحسين وسألاه عن حاله:
فقال إني رجل غريب لا أهل لي وقد أعوزتني المعيشة، وأتيت إلى هذه البلدة منذ سنة، وكل ليلة يأتيني شخص إذا هدأت العيون بما أقتات من طعام وشراب، ويجلس معي يؤنسني ويسليني عمّا أنا فيه من الهم والحزن، وقد فقدته منذ ثلاثة ايام.
فقالا عليهم السلام له وهما يبكيان: صِفْه لنا .
فقال: إني مكفوف البصر ولا أبصر.
فقالا: ما اسمه ؟.
قال: كنت اسأله عن اسمه فيقول: إنما أبتغي بذلك وجه الله والدار الآخرة.
فقالا له: أسمعنا من حديثه.
قال: دأبة التسبيح والتقديس والتكبير والتهليل، وإن الأحجار والحيطان تسبّح تسبيحه، وتكبر بتكبيره، وتهلل بتهليله، و تقدّس بتقديسه.
فقالا له: هذه صفات أبينا أمير المؤمنين (عليه السلام).
وقد أفجعنا فيه أشقى الأشقياء ابن ملجم المرادي، وها نحن راجعون من دفنه ... ساعد الله قلبهم كأني بلسان حالهم:
نعي مجرد:
❥━──➸➽❥❂❥━──➸➽❥❂
ردينه من دفنت ابونه
بيه الكفر وسفه فجعونه
زغار كلنه ويتمونه
❥━──➸➽❥❂❥━──➸➽❥❂
يتامه صبحنه عگب عيناه
ابونه النوده ضيعيناه
بعيد حمل وين نلگاه
❥━──➸➽❥❂❥━──➸➽❥❂
يا دارنه وحشه وخليه
من بعد سيف الله ونبيه
ما ترد لمتنه سويه
❥━──➸➽❥❂❥━──➸➽❥❂
منك بعد ما نستمع صوت
منك خذاك بسرعه الموت
صاباك وسفه سيف طاغوت
❥━──➸➽❥❂❥━──➸➽❥❂
ما اظن يبويه تعود الايام
جرحنه جبير وصعب يلتام
وكفت ابابك تبجي الأيتام
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
https://www.tg-me.com/mariamalnoor1988

*قصيدة للإمام علي(شنسوي بالعيد)*
من ديوان 📚فاتح خيبر الجزء الأول خاص بالإمام علي (ع)
❥━──➸➽❥❂❥━──➸➽❥❂
شنسوي بالعيد    حيدر مشه بعيد
بالعيد عدنه احنه مصاب/حدر التراب الاحباب
والگلب شيهيد        شنسوي بالعيد
❥━──➸➽❥❂❥━──➸➽❥❂
شنسوي بالعيد وفگدنه الوالي
وضيعنه حيدرنه الحنين الغالي
المن يجي العيد ومكانه خالي
المحراب موحش شفته عذب حالي

وينك يبو حسين           يا گرة العين
ضلينه عگبك ايتام/كسر الگلب ما يلتام
عنه مشه الحيد         شنسوي بالعيد
❥━──➸➽❥❂❥━──➸➽❥❂
عنه مشيت وبگه بيتك مظلم
عگبك تره يابوي حيلي تهدم
وحدي عفتني للمناحه والهم
تبچي عليك العين ضلت من دم

دم تجري العيون   يا حيدر شلون
گلبي يبويه محتار/وابوسطه تشب النار
يريدك يصنديد        شنسوي بالعيد
❥━──➸➽❥❂❥━──➸➽❥❂
عفت الجرح بگلوبنه وبكل روح
گلب اليحبك يا علي ضل مجروح
والدمع لأجلك يالولي ضل مسفوح
من بعدك الايتام چا وين تروح

ايتامك اليوم          صاحو يمظلوم
ونو لاجل مصابك/نفجعت گلوب احبابك
وجروحنه تزيد       شنسوي بالعيد
❥━──➸➽❥❂❥━──➸➽❥❂
كل يوم يزداد الجرح والكسره
وما ننسه ياوالينه يوم الطبره
بالباب ضلو‌ واگفين الفقره
يتمنه هالظالم يويلي بغدره

وتيتمينه          بطيحة ولينه
چان الابو اليكفلنه/ وبفگده نجهر ونه
والنوح شيفيد        شنسوي بالعيد
❥━──➸➽❥❂❥━──➸➽❥❂
لا ما يفيد النوح لا فاد ونين
كون البچي يرجعك انه اعمي العين
لكن خذاك بساع يا بويه البين
هالمره يم گبرك يوالي معيدين

يم گبرك انوح        والدمع مسفوح
دمعي يهل بويه عليك/والزمن فاجعني بيك
والزمن شيريد        شنسوي بالعيد
❥━──➸➽❥❂❥━──➸➽❥❂
*بقلم✍🏻 خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*
https://www.tg-me.com/mariamalnoor1988

💎تأملات في أدعية أيام شهر رمضان المبارك💎

🥀دعاء اليوم الرابع والعشرين🥀

((اللهم إني أسألك فيه ما يرضيك، وأعوذ بك مما يؤذيك، وأسألك التوفيق فيه لأن أطيعك ولا أعصيك، يا جواد السائلين)).

✨في هذه الفقرات الثلاث المباركة للدعاء تأملات فيما يأتي:

1- طلب الصائم من الله تعالى أن يوفق فيه إلى ما فيه رضا الله تعالى، وهذا من أهم الأعمال التي يجب على الإنسان المؤمن أن يبحث عنه...
فمن يستطيع أن يصل إلى رضوان الله تعالى ومرضاته...
فقد آرتقی منزلة عظيمة💎
وقد تحدثنا عنها في أيام سابقة.

۲- طلب الصائم من الله تعالى أن يجنبه ما فيه من عمل يؤدي إلى ما يؤذي الله عز وجل من ارتکاب للمعاصي والآثام ❌
والابتعاد عن رضاه، وهذا يحتاج كما تقدم من مراقبة شديدة للنفس ومحاسبتها، واليقظة والحذر من الغفلة والشهوات.

٣- في الفقرة الثالثة يدعو الصائم الله تعالى الأخذ بيده واللطف به للطاعات والابتعاد عن المعاصي ...وهذا لا يكون إلا بالالتزام بما تقدم من موجبات اللطف الإلهي بعبده.

💚إن هذه الدعوات المباركة يمكن أن تتحقق للعبد إذا أخلص النية والمعرفة، فالله تعالی أعظم المسؤولين.. وخير المجيبين..
نسأله تعالى التوفيق لذلك بحق محمد و آله الطاهرين💚

#من_ديوان_فاتح_خيبر_ج٢
قصيدة لسان حال مولاتنا زينب(اجاني العيد)
❥━──➸➽❥❂❥━──➸➽❥❂
اجاني العيد بس ماعندي احباب
امي اوالدي ناموا بالتراب
بعد ماكو طعم عيد ... الاحبهم شالوا ابعيد
امي اوالدي ناموا بالتراب
❥━──➸➽❥❂❥━──➸➽❥❂
عگب امي وابوي المن اعايد
تهد الحيل يا حسرة الفاگد
شيصبره الفگد والده اوالد
بوكت العيد يم الگبر گاعد
شيصبر گلبي ويهيد ... الاحبهم شالوا ابعيد
امي اوالدي ناموا بالتراب
❥━──➸➽❥❂❥━──➸➽❥❂
لا ام لا ابو ولوحدي ظليت
عليه صار مظلم موحش البيت
اموتن من بعدهم انه ياريت
يرجعولي ردت وشگد تمنيت
عليه اهمومي تزيد ... الأحبهم شالوا ابعيد
امي اوالدي ناموا بالتراب
❥━──➸➽❥❂❥━──➸➽❥❂
ريت الموت اخذ روحي وياهم
ولا ابقه بحزن وابچي وراهم
يشهد ربي گلبي ما نساهم
اعزاز وهدم كل حيلي جفاهم
مني الوكت شيريد ... الأحبهم شالوا ابعيد
امي اوالدي ناموا بالتراب
❥━──➸➽❥❂❥━──➸➽❥❂
زماني امن الزغر خلاني اعاني
اخذ امي وطفت زهرة زماني
وبعدهه الحيد حيدر فارگاني
زغيره وحزن گلبي تعباني
ردتهم كلشي ما اريد ... الأحبهم شالوا ابعيد
امي اوالدي ناموا بالتراب
❥━──➸➽❥❂❥━──➸➽❥❂
راحت ذيچ گعدتنه حرامات
يلتم الشمل وايام حلوات
وهسه العيد اگضي اجر حسرات
راحوا واتركوا بالگلب جمرات
ابوسن بعد يا ايد ... الأحبهم شالوا ابعيد
امي اوالدي ناموا بالتراب
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*
https://www.tg-me.com/mariamalnoor1988

أقامت مدرسة أم البنين (ع) النسوية للعلوم الدينية مجلس عزاء بمناسبة ذكرى استشهاد أمير المؤمنين الإمام علي (ع)، والتي توافق الحادي والعشرون من شهر رمضان المبارك، وذلك في حسينية أصحاب الكساء بمنطقة حي الغدير (ياسين خريبط).

افتُتح المجلس بتلاوة آيات مباركة من القرآن الكريم، مما أضفى أجواءً إيمانية مليئة بالتدبر والخشوع.

ثم ارتقت المنبر الدكتورة زينب القريني، مديرة المدرسة، ألقت محاضرة قيمة تناولت فيها محطات من سيرة الإمام علي (ع)، مسلطة الضوء على مواقفه المشرقة وفضائله العظيمة.

كما تخلل المجلس قراءة قصائد رثائية ومراثي معبرة عن عظمة الإمام علي (ع) ومظلوميته، وسط أجواء تغمرها مشاعر الحزن والتأثر.

وشهد المجلس حضورًا كبيرًا من الكادر التدريسي، والطالبات، وجمع من المؤمنات، اللاتي عبرن عن حبهن وولائهن لأمير المؤمنين (ع).

واختُتم المجلس برفع الأيدي بالدعاء لتعجيل فرج الإمام المهدي (عج)، وسؤال الله القبول في هذا الشهر الفضيل، مع التأكيد على ضرورة الاقتداء بسيرة الإمام علي (عليه السلام)، والسير على نهجه في التضحية والإيثار ونشر قيم العدالة والحق.

https://www.tg-me.com/umalbanein313

سيدي يا أبا صالح
إنتهى الشهر الكريم....
ولم تنتهي غيبتك💔

اللهم بحق محمد وال محمد...
... إجعل شهر رمضان
هذا....
آخر شهر رمضان يمر علينا بدون ظهور إمامنا
الحجة إبن الحسن💚
اللهم عجل لوليك الفرج والعافية والنصر.. واجعلنا من أنصاره وأعوانه والمستشهدين بين يديه ياكريم🤲🏻

ختم الله شهركم بالرحمة والغفران... والعتق من النيران..

وتقبل الله صيامكم وقيامكم وصالح أعمالكم 🤲🏻...

💝كل عام وأنتم إلى الله أقرب وعلى طاعته أدوم... ولفعل الخيرات أسبق

كل عام وانتم اقرب إلى قلب صاحب الزمان
كل عام وانتم تحت ظل صاحب الزمان
كل عام وانتم بخيمة صاحب الزمان
كل عام وانتم احباب صاحب الزمان
كل عام وانتم الدواء لجراح صاحب الزمان
كل عام وانتم رفاقي الى صاحب الزمان
كل عام ونحن يجمعنا لهفة لقاء صاحب الزمان
كل عام وانتو بألف خير وصحة وسعادة

#عيد_فطر_سعيد

اهلا وسهلا بكل خدام الحسين
بقناة الشاعرة ام حوراء الاسدي
لاتحتارين بعد القناة يمج وبحثي واخذي اليعجبج

ماعليج بس تشتركين من هنا


👇🏻👇🏻👇🏻👇🏻👇🏻

https://www.tg-me.com/omhaoraai2017

https://www.tg-me.com/omhaoraai2017