الروايات اتگول الأمام الحُسين مِن وصل للعباس حطه بِحضنه وبقى يمسح الدم مِن عَيونه
الأمام الحُسين سئله "ما يبكيك يا أبا الفضل "
قَال : أخي يا نور عَيني
وكيف لا أبكي ومِثلك الآن جئتني وأخذت راسي عَن التراب، فَ بعد ساعة مِن يرفع رأسك عَن التراب؟ ومِن يمسح التراب عَلى وجهَك 💔

لسان الحال
تدرون شِنو ﭼـانت آخر أمنية للأمام العَباس
انو يحضن الأمام الحُسين
يگله يااخي بقت بنفسي احضنك
ﭼـنت اشوف الحسن ومحمد ابن الحنفية يحضنوك
وأمي ما ﭼـانت ماتقبل تگلي انتَ خادم مو أخ
الحُسين يكلّه احضني هسّه
يگله مااكدر احضنك كطعوا كفيني 💔

مَن ذا رأى فِي الحَرب "عطشانًا"
يريد الماءُ للعطشى
وليس لنفسهِ ..
ويغَوص فِيهِ حَتّى ركبتيهِ
ويخَرج مِنهُ "عطشانًا"
وفوقِ كتافه الماءُ الزلالِ
ويظلّ "عطشانًا"
ويُقاتِل الأعداءُ "عطشانًا"
وقَد قَطعوا يديهِ ...
ويموت "عطشانًا"
مَن ذا رأى رجلًا كهذا فِي الوفاءِ؟
لا شي يشبهُ كربلاء

تعتني وتحمِل ايديني
وانتَ منهو اليعتنيك؟
يكطع الجمال ايدينك
وآنه مااكدر أجيك
بحضنك أرتاح بِمماتي
وألفظ أنفاسي بأيديك
وانتَ وين الراحة عَنك
والشمر جاثِم عَليك؟ 💔

ياريت لو بهيـﭻ يوم نروح للبقيع
ونعزي الأمام الحسن بالقَاسم 💔

الأمام بليلة عَاشوراء عرض لكُل شخِص منزلته ومكانه بالجنة وكيف يموت وشِنو ايصير بيوم العاشِر ألا القاسم الأمام الحُسين ينقهِر عليهِ يشوفه صغيّر وهم هوَ ودعية الأمام الحسن فَ يخاف عليهِ
قال القاسم : وأنا فَيمن أقتل؟
فأشفق عليهِ فقال لهُ : يابُني كيفَ ترى المَوت؟
قال : ياعَم أحلى مِن العَسل
فقال : اي والله فَداكَ عَنك إنك لأحد مَن يُقتل معَي بعَد أن تبلو بِبلاء عَظيم

كانت رِجلا القاسِم عليه السّلام
تخُطّان الأرض، لِماذا؟..
لأنّ ظهرَ الحُسَينِ(عَليه السَلام) كانَ مكسورًا💔

_

الخَايف والتعَبان ما يوكف اذا انكطعت وذره لحم مِنه مو يوكف علمود يعدل شسع نعله
فعلًا المَوت ﭼـان عَنده "أحلى مِن العَسل"
السَّلام عَلى عريس كربلاء
السَّلام عَلى مَن نصر عَمه بعَد وحدتهُ
السَّلام عَلى مَن قال عنهُ الحُسين
" يعِزُّ واللهِ على عمِّكَ أنْ تدعُوَهُ فلا يجيبُكَ، أو يجيبُكَ فلا يُعينُكَ، أو يعينُكَ فلا يُغني عنكَ، بُعْداً لقومٍ قتلوكَ، هذا يَومٌ كَثُرَ واتِرُهُ وقلَّ ناصِرُه "
لعَد شگد ﭼـان الأمام الحُسين يحِبّه ومدلله 💔.

السَّلام عليكُم
بِما انو أحنة محسوبين مِن شيعة آل البيت عليهُم السّلام
عَدنا أمام أسمة عَلي أبن أبي طالِب ايگول
لا خَير فِي عَبادة ليسَ فيها تفقه
ولا خَير فِي عَلم ليسَ فيهِ تفكِر
ولا خَير فِي عَبادة ليسَ فيها تدبُر
هالرواية توضع 3 شغَلات نتفقه نقوي
مُعتقداتنا نتدبر فِي قراءة القَرآن
الأمام زَين العَابدين شيگول
"لا عَبادة إلا بالتفقه "
الرسول صلى الله عليهِ وآل وسلم ايگول
قَليل الفقه خَير مِن كثير العَبادة
وحديث ثاني للرسول ايگول
ما عَبد الله بِشي أفضَل مِن الفُقه فَي الدين
وعَنده حديث بعَد أقوى مِن كُل الذكرته
أن لكُل شي دعامه، ودعامة هذا الدين الفقه
دتشوفون أهمية الفقه اللي الرسول تحِسّه ايگوم ويكعِد وهوَ ايگول تفقهوا بالدين ياناس ياعَالم روح العبادة التفقه بالدين
الأمام الصادق عليهِ السَّلام عَنده رواية مُخيفة ايگول " ليتَ السياط تُضرب عَلى رؤؤس اصحابي حَتّى يتفقهوا فِي الدين "
لعَد شگد مُهم انو ايكِون الأنسان مُتفقه بدينه
لازم ايكِون حريص عَلى دينه
مِن يجي أحد يشكك بمذهبه هوَ يوكف مِثل المصد
عَندك جواب عَلى ليش انتَ تعَبد الله؟
او تعرّف تجاوب مِن يجي أحد يسئلك مِن غَير دين انتَ ليش تتبع النبي مُحمد شِنو هو دليلك؟ منو يگلك دينك هوَ الصح؟ أنطيني آيه مِن القرآن؟
لو مِن يجي أحد يسئلك فسرلي هالآيه شِنو يُقصد بيها هنا؟
لو يسئلك أنطيني مِن القرآن آيه تدل عَلى عصمة أهل البيت؟
لو يجي يسئلك سؤال فقهي
تحتار شتجاوب لأن معلوماتنا ضئيلة جدًا
لذلك احنة محتاجين 3 دورات
دورة فقهيه
دورة عقائدية
دورة تفسير وتدبير للقرآن
واتكِون دورات تأسيسة تنطينا معلومات أولية وكافية بحيث نكدر نجاوب عَلى اي سؤال ينسئل ٳلنا عَن دينا ومذهبنا وعقيدتنا
وما نخلي للشيطان انو يلگه ثغرة ويبعدنا عَن طريق الحق نحتاج نتسلح بالعِلم مِن أجل دولة الأمام المهدي عجل الله فرجهُ الشريف
لذلك هذي القناة ويوميًا بِ12 بالليل احنة ننزل 3 دروس باليوتيوب للاشخاص مُتخصصين
السيد صباح شبر للدورة الفقهيه
السيد مرتضى الشيرازي للدروس التفسير والتدبر
الشيخ عَلي عيديبي للدورة العقائدية
احنة ما نريد انگون طلاب حوزة مُتخصصين
يكفينا المعلومات التأسيسة لا اكثِر
ونبدأ مِن اليوم بِبركة عَلي الأكبر عليهِ السَّلام وهذي ليلته وهوَ ايضًا كان فقهيه
خَلونا ايكِون إلنا قَدوة
وننصر إمام زماننا كما نصر الأكبر إمام زمانه
عَلى بركة الله ♥️.

أخوان اللي يريد يجي ويانة
المستعِد هلا بيه
اللي فعلًا ناوي ينصر إمام زمانه
ويريد يكون مِن أنصاره
الباب مفَتوح لتضيعون الفُرصة
تعَالوا وكُلنه نلتزم سوية ونمشي بالطريق سوه 🤝.